Saturday, December 30, 2006

هدية العم سام في عيد الاضحى


إعدام صدام
سجل رأيك
موقفك
إحساسك
و لو على الورق
!!!
تحديث
مؤلم

51 comments:

كلبوزة لكن سمباتيك said...

أنا شخصيا حزينة

ليس لأنه لا يستحق
و لكني احسست ان نصرا امريكيا قد تحقق من دماء عربية

و موعد التنفيذ جاء معكرا لصفو العيد

الله يحرق امريكا و سنينها

ام العيال said...

شفتي المصيبه احنا صاحيين بنضحي في خرفان
و هم صاحيين بيضحو في واحد عربي
مهما كان و ايش عمل صدام
التوقيت زفت
ليه استنو لحد النهارده
الله يحرق امريكا
على ايدينا
قولو ان شاء اله

Me2nour said...

أنا مقهورة
مقدرش أقول اكتر من كده
من زمان بابا كان بيقولي أهل العراق خونة لأنه جرب عيشتهم في يوم من الأيام
بس مكنتش متخيلة ياكلوا في بعض بالشكل ده والشماتة توصل لكده
حسبي الله و نعم الوكيل فيهم

karakib said...

عزيزتي أسمحي لي أن أعرض وجهه نظري هنا ... أعلم أنها لن تعجب الكثيرين بالطبع لكن هذا هو رأيي
صدام حسين كان طاغيه و ديكتاتور و أحد عملاء هذا النظام الأمريكي في يوم من الأيام و كان يخطب ودهم ... و أخر خدمة الغز علقه ... و هنا أخر خدمه الغز شنقه
من يأخذ بالسيف ... بالسيف يؤخذ
الشيء التاني اللي عايز أقوله و ده موقف شخصي أنا ضد عقوبه الأعدام من اساسه أظن من حقي أني يكون ليا موقف رافض للأعدام
المحامي يلبس اللون الأسود أو البالطو الأسود لسبب ما
كان في قاضي من القضاه الفرنسيين شاف واحد بيقتل التاني بعينيه و لما جه قدامه فالمحكمه بالصدفه ما سمعش الدفاع عنه لأنه فاكر شكله و أصدر الحكم بالأعدام ... و بعد فتره ظهر شبيهه اللي قتل فعلا و كان الحكم لا سبيل للرجوع فيه طبعا ... (مش باقول أن صدام بريء طبعا ) و من ساعتها لبسوا زي خيال مأته بالطو أسود و حاطوه قدام كل قاضي علشان يفتكر أنه لازم يتأني في الحكم ... و لما استحدثت وظيفة المحامي لبسوه الروب الأسود ده علشان يفكر القاضي أنه ممكن يظلم حد و بعقوبه لا تراجع فيها
أنا شايف أنه ميعاد تنفيذ الحكم مستفز و كمان أنا ضد حكم الأعدام من أساسه .. كمان صدام حسين هو طاغيه و لكن لا يمنع أن أتعاطف مع رجل تم شنقه علي شاشات التليفزيونات كلها .. ليس لأنه كان رجلا صاحب أفضال علي الناس لأ ده كان قتل ناس كتير أوي لكن لأن الأحساس اللي ربنا خلقه فينا يحتم علينا نتضايق من منظر زي ده
عذرا للأطاله
-------------
-------------
كل سنه و أنت طيبه

كلبوزة لكن سمباتيك said...

ام العيال
مي2
انتوك
---
اعتقد يا اصدقائي ان امريكا تخرج لسانها لكل العرب و تقول اللي مش حيسمع الكلام حيكون مصيره كده يا كلاب

---
شعور مخزي مش كده
ربنا ينكد عليهم زي ما نكدوا علينا في الايام المفترجة دي

بعدك على بالى said...

ل سنة وانتى طيبة وعائلتك بخير وصحة وسلام، اعاد الله عليك الايام بكل الخير

Adem Salhi said...

يبدو اننا تعودنا على الهزائم و اصبحت لدينا حصانة لكثرة ما تعودنا؛ و كما قال عادل امام متعوداه ديما

ساعة عصارى said...

كنت اتمنى ان يكون هذا العيد ملىء بالفرحه ولكن اتفجأت النهارده الصبح بخبرأعدام صدام واللى مش عارفه ليه بس فعلا كأبنى جدا



ابقى بضحك على نفسى لو قلت ان صدام برىء أو انه لا يستحق الاعدام لكن اعدامه بالصوره دى فى الوقت ده وفى أول ايام عيد الاضحى بدون مراعاة لمشاعر المسلمين جعله بكل المقاييس شهيدا




انا مش هقول صدام عمل ايه كلنا عارفين ولكن انا مستغربه من تصميم هيئة المحكمه على اعدامه بالرغم من أن الدنيا كلها قالت ان اعدامه ممكن يتسبب فى حرب اهليه فى العراق اللى اصلا مش ناقص,لكن مش ممكن لازم اللى فى دماغهم يمشى مفيش فايده دى اومر عليا.




ماشى اعدامه كان ضرورى لراحة العم سام. بس ليه يكون بالصوره دى عمرنا ما شوفنا تنفيذ حكم بالاعدام يبقى لايف كده صوت وصوره . ويقولوا ان امريكا ملهاش كلمه فى المحاكمه اذا كان تنفيذ الحكم تم اخراجه بنفس صورة القبض عليه وهو متخفى تحت الارض ساعتها بوش كان عايز يذله ويكسر كبرياءه امام العراق وباقى العالم وبنفس الطريقه ونفس الاسلوب تم الحكم بأعدامه.التلفزيون بيصور فى مشهد يستفز مشاعر المواليين لصدام وحتى غير المواليين له ولا كأنه فيلم عربى قديم.




كان من مصلحة العراق ان يسجن صدام مدى الحياه بدون الدخول فى مخاطر الانجراف لأزمه داخليه والعراق لوحده على شفا حفرة من نار.




ولو كان اعدامه خطوه هامه فى تاريخ العراقيين على رأى بوش فلابد ان اعدام اكبر مجرم حرب فى التاريخ العربى اللى هو بوش هيكون خطوه هامه فى تاريخ العالم كله




مش قادره افهم بجد ايه اللى عمله صدام معملوش بوش علشان ده يتعدم والتانى يكون بطل. صدام احتل الكويت زى بوش ماحتل العراق وافغانستان.صدام اقام ابداه جماعيه طيب مهو اللى بيعملوا بوش فى العراق اصعب من اى اباده جامعيه لأن كل يوم عشرات بل ومئات العراقيين احيانا بيسقطوا شهداء يوميا وده اصعب من اي اباده

للأسف اصبح اى حد يغلط من العرب بيضرب بالنار واى حد من الغرب يغلط فبرضه العرب بيضربوا بالنار

واحد من الناس said...

صدام قاتل
صدام اعدامه واحب
ولكن
لا يعدم من الأمريكان
ان ما حدث صباح اول ايام عيد الأضحى هو اعدام لمشاعر المسلمين والعرب وايضا رسالة تهديد لكل حاكم عربي او اسلامي بأن من يخالف الأراده الأمريكيه سوف يعدم ويزبح ويضحى به كما تزبحون بهائمكم
فليرحمنا الله
وكل عام وانت بخير واتمنى ان يأتي العيد القادم بدون ان تزبح امريكا حاكم اخر من حظيرة الحكام العرب

smraa alnil said...

كتير بابا كان بيقولي ان العراقين يستحقوا ما يفعله صدام فيهم
لاني طول عمري بسمع عنهم خونة خصوصا بعد مشكلة الاكراد اللي كانوا عايزين تقسيم العراق وطبعا فضلت مصدقة ان صدام هو الوحيد اللي ينفع مع الشعب العراقي
لكن لما كبرت فهمت الحياة ماشية ازاي
اي كان اللي يستحقه صدام
فهو انا اعتبرها اهانة للمسلمين
لانهم قدموه علي اساس ان هو ضحية
يجب ان نقدمها بدل من الخرفان

يعني انتو بتضحوا بخروف واحنا بنضحي بصدام

عقبال الداهية اللي عندنا كدة اشوفه مولع بجاز وسخ ومش لاقي مايا تطفيه
حسبي الله ونعم الوكيل
لعلنا نسمع ونري ونتعظ
كل سنة وانتي طيبة بقي
نكدي عليا وفي الاخر تقولوا جايبة النكد دة منين :)

أمل أسكاف said...

مش هدية من أمريكا ولا أسرائيل ..ولا حتى من أيران
ده تاريخ طويــــل من القمع والأضهاد خلق كراهية وعنف ..
ربنا يستر على مصر

كلبوزة لكن سمباتيك said...

الشئ الوحيد الايجابي فيما حدث هو تفاعل اناس مثقفون مثلكم

كنت اظن انني الوحيدة الحزينة و اكتشفت ان قلوب كثيرة اضاء فيها الحزن انوارا لن تمكنهم من النوم

و ليس كما قالت سومة سهران لوحدك
فانتم
سهرانين معايا!

shabfa2re said...

عقبال مبارك
كل الناس سجلت احتجاجها وقالت رأيها
الا هو
بيتفرج على مسرحيات العيد

شيمـــــاء said...

حزينة جدا ان اخرته على ايد الامريكان حتى فى الفيلم .. تحسى انه بيعافر انه يبقى بطل

سبحان الله ... فكرت كده شوية وقلت يمكن ربنا كتبهاله على ايد الامريكان علشان يغفر له

بجد انا متضايقة اوى

النهاردة وانا وقرايبى وكلنا بندبح وكان فيه منظر عجول متعلقة و عجول مرمية بعد الدبح
حسيت ان دى العراق
بيدبحوا فيهم

حسبى الله ونعم الوكيل فيهم يا رب

hebaz said...

فعلا نجح الأمريكان فى نشر النكد و تعكير صفو عيد المسلمين أجمعين
صحيح عمرى ما تعاطفت مع صدام بس فى أتنكدت جدا و حسيت بالإهانة لأعدامه بهذة الطريقة التى أعلنت فيها أمريكا أهنانتها للعرب و المسلمين و أنها بتضحى برئيس سابق و أسير حرب زى ما المسلمين بيضحوا بالخرفان!
و الى حرق دمى أكتر أنى سمعت بعض العراقيين الىفى السلطة أن التوقيت ممتاز أل أية علشان يبقى العيد عيديين للعراقيين
و المصيبة الأكبر أن الدول العربية و الإسلامية و ممثليها و رؤسائها لم ينطقوا ببنت شفة و لا كأن فى حاجة و لا كأن فى أشهر حرم و لا عيد و لا شعوب مسلمة عمالة تتهان و تتهزأ
ما عدا ليبيا التى أعلنت الحداد لثلاثة أيام
و أخيرا أحب أسأل المسلمين و الأخوة بتوع حقوق الانسان....هل من الانسانية أعدام انسان على مرأى و مسمع من العالم كلة ...؟؟؟؟الموت له حمة برضة مهما كان هذا المخلوقّّ!!!!
اسفة للإطالة بس بجد النكد كان جامد اناهاردة و أخيرا ربنا يهد أمريا و الظلمة و الطغاة و أتباعهم

Utopian said...

انا اتصدمت فعلا لما عرفت انه اتعدم النهارده
والنهارده بالذات

احنا بنضحي بالخرفان
و الامريكان ضحوا بصدام
اكنهم بيقولولنا انتو خرفان

احنا امتي بقي هنعمل اي حاجه تخسسنا اننا لسه بني ادمين؟!؟!؟

el2ahwagi said...

ana raghm enni la ashfaq 3ala Saddam bas bardo mosh fe makan enni a7kom 3aleeh le2anni ma3rafsh kteer 3an el3eraaq... ya3ni el3eraa2 di makanetsh mashya lwa7daha keda ya3ni w momken yekoon 3mal 7agat nafe3a walawenno la yaghfer laho thalek syaset el qam3 welbatr weldoos 3ala karamet w ro2oos sha3bo...!

bas ana men ra2yee en i3daam saddam da awalan w akheeran tasfeyet 7esabaat shakhseya menel nezaam el amreeki elli fedee7to begalagel odam sha3bo delwa2ti..!
w inzaar lebaqi el3omalaa2 men el3arab law fakar 7ad yetsaraf men gheer mayakhod elezn men mama amrika..! elli lessa me2amenna fe aradeeha akbar gozoor el fekr elirhaabi elli beyada3o ennohom bey7arbooh...
bardo bey7arbooh ba3d ma kabarooh we3alafooh lelqada2 3ala elroos welamma battalo yebooso elayadi ba2om 7eget amrika leltawagod w nahb elli ye2darod 3aleeh fel middle east...wa7da wa7da...!

aasef enni tawelt.. bas ana bardo mosh men ansaar 7okm eli3dam 3ala ai 7ad w a3taqed en elnezam el3eraqi elli asdar 7okm eli3daam kan 7azo wafeer men qosr elnazar...!

ma 3aleena tagheya w ra7..w kol sana wenti tayeba...!

Egyptians in the UK said...

هو كان فعلا طاغيه و ديكتاتور و كلنا متفقين...و لكن انا رأى ان المحاكمه كانت غير عادله لانى المفروض كانت تطلع اسرار و مستخبيه عن تورط امريكا و الغرب فى معظم ما كان يرتكبه...لكن طبعا ما سمعناش حاجه من هذا القبل...و توقيت تنفيذ الاعدام كان اهنانه لكل العرب ...و طريقة العرض لصور اعدامه على محطات التلفزيون العالميه برضه مهينه و فى النهايه محاكمته و اعدامه ما هياش باراده عراقيه بل باوامر امريكيه

Amr Ahmed said...

كل سنة والعرب طيبين

دي عيدية امريكا للعرب

يا تري السنة الجاية هيبقي التضحية بمين

حسبنا الله ونعم الوكيل

رحمك الله يا صدام

كلبوزة لكن سمباتيك said...

انا بتعجب من رباطة جأش الراجل ده و هو بيعدم و لا كأنه حيموت


لا توسل و لا بكا و لا صراخ



نجح ابن الليه انه يذلنا و يسيب لنا احنا الصويت و العار


عاجبني تفاعلكم
انتم ناس جميلة قوي

asadma7bos said...

حصرياً وعلى موقعنا حزب الاة فيديو مصور بكاميرا محمول يبين اللحظات الاخيرة لحياة البطل حال
اعدامة ونطقة بالشهادتين ثم فركش
والرابط هو http://www.2shared.com/file/1679023/3fd1772c/__online.html
حمل وستشاهد مالن تشاهدة سوى فى حزب الاة
اة اة اة اة عليك يا صدام والدور على مييـــيين؟؟؟؟؟؟؟

^ H@fSS@^ said...

كلبوزتي اولا الرابط مش بيشتغل
ثانيا شكلك امبارح كنتي عندي وانا يدوبك بنشر بوستي عن الموضوع نفسه ياريت لو تشرفيني و تاخدي فكرة و بعدين ابقى اشتري بكرة ماشي يا جميل!!
سلام بقى
امووووواه

frozen love said...

مسخرة تاريخية...كل اللي اقدر اقوله..وتعليقي حيال كل ما اشعر به هيكون قريب على المدونة بتاعتي...ان شاء الله ابقي شوفيه

Unknown said...

من جميع الجهات الكل لازم يحزن
مع العلم بأنه - كلام ناس - ديكتاتور
هوة في نظري ليس ديكتاتورا
قال الرسول عليه أفضل الصلاوات والسلام- فيما معناه - "العراق في عراك ليوم الدين " وعلى هذا وفي رأيي هو أفضل من حكم العراق في العصر الحديث أوقف العراك الدائم والصراعات الهمجية بين طبقات العراق و وكأي من رؤساء العالم يجب أن يعاقب من يخطئ في شأن العراقيين
في رأيي - قراراته كانت الأفضل على مر فترة حكمه ..ولكن طبعا جل من لا يسهو في بعض الأخطاء
كان يحاول أن يجعل من العراق بلدا آمنا وكان ناجحا في ذلك
ألا يختشي العرب أن سجن جوانتانامو مفتوح لهم
ألا يختشي المالكي من أن يعدم صدام - أسير حرب - في شهر الحرام إرضاءا لأمريكا وإغضابا وأستهزاءا بشريعة الله والمسلمين
إرتاح والله صدام من العرب والخائنين من العراق وليرحمنا الله
أخيرا رحمة الله على رئيسا قضى حياته في دفاع
ظلمته الدنيا بما فعلت ولايوجد من سماع
عاهد العرب أن يدفع عن العراق كل صراع
فما أجابوه إلا بالظلم وإلحاق المداعي

sherif gharib said...

و الله الواحد مش عارف يقول ايه قمه الذل و الاهانه لكل عربى لما يشوف المنظر ده بيحصل فى واحد كان رئيس دوله
و كأنها رساله موجهه الى كل اخوانا الحكام اللى هيفتح بقه هيحصله زى عمه
يمكن كمان يندبح فى العيد
اصبحنا الغنم و امريكا العصا

ذو النون المصري said...

انا حزنت جدا و شعرت بان كرامتي اعدمت مره اخري في هذه الساعه
حتي متي يكون هذا هو الشعور الغالب علينا شعور الاسف و الحزن علي المصائب ؟
متي يكون لنا ردة فعل مخيفه قويه ترهب من يفكر في تعدي حدوده معنا؟
يوم العيد و قبل ان نذبح اضاحينا ذبحوا لنا هم رئيس دوله كاضحيه
اليس هذا هو المعني الذي ارادوا وصوله لنا ؟
خلاص يا مستر بوش الرساله وصلت و كل مره و انت طيب

الأميره أوسه said...

عزيزتى كلبوزه
عشان أسجل أحساسى وقت سماعى للخبر الأليم متهيألى صعب
لكن أحساس بالمزله والمهانه وألأنكسار والهوان
أنت عارفه حاله زى الأحساس باليتم وفقدان السند
مش عشان صدام فى حد ذاته
لكن حست أننا شعب من غير كبير
من حكام و جيوش
المحاكمه كانت عباره عن تمثيليه حقيره
و صدام اللى الأجيال الجديده متعرفوش عنه أنه فى عصره الذهبى كان بيشجع أن المصريين هم اللى يشتغلوا فى العراق
فى ناس عملت مشاريع فى مصر وبنت عمارات من شغلها فى العراق
مره ضابط عراقى ضرب مصرى بالقلم على وشه فى المطار فصدام عاقب الضابط بأنه ضربه رصاصه وده ممكن يكون جنون
بس كفايه أحترامه للشعب المصرى
حتى اللى بيكرهوه فى العراق عشان مش من عشيرته
وفرضآ أنه مفترى وما أكتر المفتريين
هل يجوز أعدامه فجر العيد و بأوامر أمريكيه ولم نرى ردود فعل عربيه
الراجل طلب أنه يعدم بالرصاص رفضوا
منتهى الأذلال
هل العراقيين سيتحسن وضعهم الأن
هل أعدامه هو الحل لمشاكل امريكا فى الشرق الأوسط التعيس
أعتقد أنها ستعمق المشاعر كراهيه
أكثر تجاه أمريكا
وأنا هنا فى منبرك هذا أسجل
كراهيتى الشديده لأمريكا
وأسرائيل والحكام العرب
وأرفع يدى بالتحيه لحسن نصرالله
وأحمدى نجاد كأخر الرجال أحترامآ لأنفسهم
وأن لله وأن اليه لراجعون
ماتت كرامة العرب وقتلت بدون حرب

مـحـمـد مـفـيـد said...

السلام عليكم
اولا كل عام وانتي بخير
والله لن نتطرق لكونه يستحق او لا يستحق لان التاريخ هو الفيصل ولكن المأساه الكبيره التي افجعتني انا شخصيا هو تنفيذ الحكم بيدي امريكيه ليست خفيه والتوقيت نفسه صفعه علي وجه المجتمع العربي كله

admelmasry said...

كلبوزة
مش عارف اقولك ايه بصراحه


خليني المرة ما اتكلمش

^ H@fSS@^ said...

واعروبتاه

Mohamed Al-Ashry said...

..
لا تعليق
..

بعيداً عن التدوينة
كل سنة وأنت طيبة
..

zordeak said...

حسبنا الله ونعم الوكيل
انا مغموم والله من ساعة مشفت الاعدام عالجزيرة
بجد حاجة تسد النفس
وفى اول يوم العيد يا ولاد الجزم
بجد حسيت ان بوش طرطر على كل العرب
سورى عالاسلوب بس ده اللى حسيته بجد
دعيت ان كل الحكام العرب يحصل كده فيهم .., بس من ايد شعبهم
مش الامريكان الواطيين

محمد البرلسى said...

شىء مخزى
مفجع
مقزز



مقرف

انحلت سيور العربه وسقط المهر من الاعياء said...

مش عا رف

انا فعلا زعلان على صدام

لانى با لفعل مكنتش اتمنى انه يموت على ايد الامريكا ن والشيعه
اتمنى ان اى حد عربى شعبه هو اللى يحسبه مش العملا ء والصليبن
سلام

أحمــــــــدبــــــــــلال said...

مش عارف
ليه حاسس أن فى خدعة مش علشان بموت فى صدام و لاعاجبنى و لا حاجة
بس لأنى ماشفتش أعدامه مباشر
قصدى لما أتعلق فى الحبل و مات
كل اللى شفته الحبل حول رقبته و بعد كده جسته
أظن أمريكا لن تفوت مشهد مثل هذا حتى مع حفاظها علو مشاعر ذوى الحس المرهف
فقط لتعطى الامريكان أحساس التشفى فى هذا الرجل
بل أرى أن أعدامه فى هذا الوقت لعبة أعلامية قاتلة
فكرى معى بهذه الفكرة
أحصاءات العام قد وضعت
و أنتهى وضع أهم أحداث العام
ليسقط خبر أعدامه بسهولة عن طاولة الاعلام
أضافة لثلاث مناسبات قلما تتجمع معاً
عيد الاضحى لمسلمى العالم
عيد الميلاد المجيد لمسيحيى العالم
عيد رأس السنة العبرية سابات الهانوخا ليهود العالم

الجميع يحتفلون بأعيادهم و لا أحد يهتم بشكل خاص
أعتقد أنه لو حدث من عدة أشهر لقامت الدنيا و لم تقعد
حتى الوثنين الذين هم على غير الاديان السماوية الثلاث لم و لن يهتموا لهذا الامر

لا تنسى أن أمريكا سيدة الخدع السينمائية ربما ما رأيناه لم يكن ألا لقطات سجلت له على المنصة و لكن دون أعدام من السهل عليهم عمل نسخة منه على تمثال ليرونا الجثة بعد الممات

ربما هى فكرة من أمريكا خاصة مع عدم الاهتمام الاعلامى القوى فى العالم الان
لتأخذه بعيداً عن البيروقراطية فى المحكمة و الرأى العام العالمى
و ثورات العرب
فقط ليستنطقوه بطرقهم الخاصة بعيداً عن الاعلام

ربما أبدو مؤمن جداً بنظرية المؤامرة الشهيرة
و لكنه تصور ما عن الموقف
أليس كذلك؟

على العموم حزنت لوفاته على أيدى أمريكية
لو ثار شعبه و أعدمه فى ميدان عام
لكان ذلك أكثر شرفاً لى كعربى من موته على أيدى الامريكان بهذا الشكل المهين
و تمثيلية المحاكمة المزعومة

مراقب مصري said...

صدقيني اللي حصل ده كارثة بكل المقاييس
ليس لأن الراحل كان بريئا
فكل حكام العرب طغاة ومجرمون
ولكن هذا المجرم كان يستحق محاكمة جادة وعادلة
ما حدث مع صدام حسين كان مهزلة حقيقية بكل المقاييس على مستوى ليس العروبة وحدها بل على مستوى الإنسانية جمعاء

أشعر أن البشرية كلها تعرت في هذا اليوم الأليم وصرنا أحط من الحيوانات

العدالة ديست بالنعال اليوم
وتم شنق الحق والعدل مع الفقيد المجرم

صار بطلا وشهيدا على الرغم من كونه بالحقيقة مجرما
والبركة في غباء بوش وغباء عملاء أمريكا الجدد في العراق

أفلا يفهمون أن هذا هو مصير عملائهم بعد استنفاذ أغراضهم؟

حقا آخرة خدمة الغز... الموت شهيدا!!

allfollowsome said...

امريكا بتخوف بقيت الخرفان

اهانة جامدة لينا كمسلمين

كلبوزة لكن سمباتيك said...

استجمعت كل قواي و انكمشت في الكرسي و وضعت يداي على وجهي استعدادا لوضعها على عيني اذا لزم الامر
و جلست اشاهد ملف الفيديو المصور من جوال احدهم اثناء تنفيذ الحكم
يااااااااااه
مؤلم
ان تسلب روح احدهم و انت تنظر

اعتقد ان جيلنا قد فقد شيئا عزيزا عليه لانه شاهد الحروب على الهواء
و شاهد قتل الابراء على الهواء
و شاهد الإعدام على الهواء

شاهدنا جميع انواع الهوان
و تلوثنا بدماء من رأينا

لا شك اننا مشتركين بالجريمة
و لو كشهود

---
خالص احترامي و تقديري لارائكم الغنية

البقاء لله فيما بقى من مشاعر لدينا

safa said...

مش معقول يا كلبوزة أنا جتلك عشان أعيد عليك, ايه لازمة صدام, على العموم اعدامه كان اهانة بالغة للعرب حتى لو كان صدام مجرم.كل سنة و أنت طيبة و عيد سعيد عليك و على أولادك الحلوين

Ayyam said...

كلبوزه: فعلاً خبر مش كويس أحزننى كثيراً لعده أسباب:
1. محاكمه صدام لم تكن عادله ومافعلوه كان خطأ فى حق التاريخ أولاً. نعم أعرف أن التاريخ يكتب بيد المنتصر حتى ولو كان حمار ولكن أشك فى أن يكون هذا هو الحال بالنسبه لمحاكمه صدام.
2. عداله أم أخذ بالثأر؟ القائمون على تنفيذ حكم الأعدام كانوا من المليشيات الشيعيه المنتميه للأمام مقتدى الصدر وبعضهم كان يردد عبارات مهينه لصدام مما يؤكد أن ماحدث هو عباره عن مسرحيه مقدمه من شويه عربجيه درجه ثالثه وليس موظفيين محترفيين يعملون فى دوله.
وهنا لى تساؤل كبير لماذا سلمت أمريكا صدام لميلشيات المفروض أنها ضد مصلحتها، على الاقل فهى مواليه لعدوها مقتدى الصدر؟ ربما تريد أمريكا أعطاء سبباً واضحاً لأشعال نار الحرب الأهليه.
3. أصبحت الامور مهيأه للمزيد من أراقه الدماء بسبب أعدام صدام على بد أمريكيه شيعيه وبهذه الطريقه القذره التى تخلو من كل آدميه. أعتقد أن الحرب الاهليه بين الشيعه والسنه والأكراد سوف تستمر لسنين قادمه.

4. أنا أيضا أضم صوتى لأنتوك فلا أحب جزاء الاعدام لما له من ملابسات تكون غير عادله فى حالات كثيره. أرى أيضاً أن الاعدام هو جزاء سهل لشخص عذب وقتل الكثيرن من الابرياء، وبسبب أمريكا أهدرت حقوق الكثيرين منهم، كان لابد وأن يحاكم خارج العراق مثل سلوبودان ميلوسوفتش رئيس يوحوسلافيا السابق. 
5. هناك أسباب عديده أخرى تجعلنى مهموماً وهذا على غير عادتى فأنا أكره الهموم إلى أبعد الحدود ولذا أركن إلى الأمبالاه أو الامل فى أن ينصلح حالنا يوما ما.

Unknown said...

فعلا
صدمت
منذ فترة وانا غائب عن العالم
رأييى سأسجله ع المدونة
كل سنة وانت طيبة يا كلبوزة

basma saghir said...

بصراحة هو عمل كتير بس مش عارفة اذا كان الناس معترضين على الحكم نفسه ولا على توقيت الحكم
وكتير بيقولوا ان التوقيت بتاع تنفيذ الحكم اثر على فرحة العيد ماهو العالم العربي مليان مذابح مجتش يعني على واحد عربي زيادة بيتقتل على ايد امريكا
وسلامتكم وكل سنة وانتم طيبين

كلبوزة لكن سمباتيك said...

أصدقائي
اتابع ارائكم في اهتمام
و اتمنى لكم مزيد من المنطقية و الحرية و السعادة

خالص احترامي و مودتي

بيجاسوس المصرى said...

ماذا اقول الا
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

ففكل مدونة ازورها ما اجد الاان اقول هذه الكلمات و التى قولتها لحظة مشاهدتى لعدام صدام على شاشة التلفاز

اين هم حكام العرب

spellz said...

لكن التوقيت غلط و الكلام الى اتقال غلط... دول ذى مايكون مصورين الإعدام عشان يعملوا فتنة اكبر بين السنة و الشيعة... واحنا وقعنا فيها ذى الجرادل(سورى)...

صدام طول عمره كان علمانى و مكانش بيفرق غلا ما اعتقد فى الظلم و العدل...

أصلا انا مش مشكلتى صدام مشكلتى انهم دبحوه يوم العيد و موتوه بسرعة قبل ما نعرف كل الحقيقة فين محاسبته على بقيت الجرائم و فين شهادته فى اتفاقه مع الأمريكان فى حربه مع إيران... فين حلابشا؟؟ فين كل حاجة؟

صدام مات و ماتت معاه شهادات كتيرة كان من حق التاريخ يعرفها...
كدة صوروا لكل العرب انه مقتلش غير 138 اللى اتحاسب عليهم و بس!!

+ إنشالله لو كان مجرم و قتال قتله و ما تابش و لا حتة قال الشهادتين و فيه العبر و أزيد شوية ... القانون بيقول يتحاسب و يتاخد رأيه و شهادته فى كل حاجة حصلت فى عهده!!! ....
"ذى ما بنشوف فى الأفلام 3 إعدام 5 اشغال شاقة... مسائلة الى اشتركوا معاه... وهكذا.."

اللى حصل ده كان سلق بيض مش محاكمة...

tota said...

كلبوظتى

الحق ان مفهومى للعدالة تغير تماما خلال متابعتى لمحاكمة صدام العلنية على شاشات التليفزيون
الاغرب ان امتهان العدالة بهذه الصورة ومهزلة المحاكمة لم تصيب القضاه باى نوع من الحياء
عقبها تنفيذ حكم الاعدام فى هذا التوقيت المهين للعالم الاسلامى واخرهم هو نشر الاعدام على الملأ ليكون عبرة لكل حاكم دولة عربية يظن ان من يحالف او يعادى امريكا ناجٍ من الهلاك

كانت مهزلة قضت على الاحساس بنهاية طاغى ابقى العراق كقوة لا يستهان بها فى المنطقة لمدة اربعة وعشرون عام لكن على جثة مليون عراقى
لتكون نهايته مصحوبة
بموت العراق كبلد وانهيار حصن عربى و مقتل 650 الف عراقى

واسفى

Yasmine Adel Fouad said...

أنا شخصيا حزينة

ليس لأنه لا يستحق
و لكني احسست ان نصرا امريكيا قد تحقق من دماء عربية

و موعد التنفيذ جاء معكرا لصفو العيد

الله يحرق امريكا و سنينها

____________________

بالظبط كده
الاحساس مرتبك و معقد
ولا يوصف بكلمات

واحـــد مـــــن الـنـــاس said...

والله انامش عارف اقول ايه

لكن
كلنا لا نملك الان سوى الدعاء ليه بان ربنا يرحمه ويغفر ليه ذنوبه يارب

ana ga3an said...

تعليقي في تدونتي الاخيرة
صدام و القصاص بيد الاصدقاء

رفقة عمر said...

انا كنت معتقدة اننى انا فقط الحزينه على موت صدام بهذه الطريقه بس استفتائك اثبت انى مش لوحدى الحزينه وياريت تقراوا موقع مفكرة الاسلام وشهادة الحق التى قالتها فى حق صدام حسين الذى لا يعرفه احد الا عن طريق الاعداء فقطhttp://www.islammemo.cc/article1.aspx?id=2306

daktara said...

سنه 2006 دي سنه كئيبه من اول يوم لأخر يوم
وطبعا مجاراة لحالة الكأبه التي بتمر بيها السنه كان لازم اخر بوست ليا يكون مهين مذل زيها
فبالأمس واثناء نحر جميع المسلمين لأضحيتهم افقنا بأهانه اخري لنا كلنا كمسلمين فهاهو سيد الارض بوش يصفع جميع المسلمين بالقلم علي وجهوهم ويقول لهم ايها المسلمون ايها العرب المتوحشون الهمجيون الارهابيون فكما تقومون بكل الوحشيه بذبح اضحيتكم فانا سبقتكم بدقائق قليله بنحر رئيس منكم ولكم واعدمت صدام حسين وقطعت رقبته كما تفعلون بالضحيه وهذه هي النهايه التي سيلقاها كل من يقول منكم لا
لتكون هذه هي الاهانه الثالثه والصفعة الثالثه علي وجهونا بعد الرساله التي كتبها اطفال اسرائيل علي صواريخهم قبل ان تدك رؤؤس اطفال لبنان وبعد الاهانه السابقة في بدايه الغزو الامريكي للعراق عندما كتب جندي امريكي علي صاروخ لهم هذه هديه رمضانم لكم
اي ان الاهانه الاولي كانت في رمضان والثالثة في عيد الاضحي المبارك
بمنتهي الاستفزاز والاهانه للمسلمين وبشعائرهم ودينهم
فبعد اعدام صدام حسين وما قبلها من اهانات هل نفيق مره واحده هل نقاوم مره واحده هل نقول لا مره واحده
ام اننا سنظل ننتقد حسن نصرالله وننتقد ايران واحمدي نجاد وننتقد حماس
فهل نخلي عند اهلنا شويه دم مره وعلي الاقل مننتقدهمش بس مننتقدهمش مش هاقول نشجعهم ولا حتي ندعمهم
في ظل احوالنا وحكامنا وافكارنا والسوس اللي بينخر فينا حاليا .....اشك

قبل ماانسي ..... اخبار طلاب الازهر المحبوسين ايه ..... متهألي دلوقتي المفروض نفرج عنهم وندربهم اكتر ونزود عددهم علشان نلاقي حد مستعد للمقاومه .... قبل ما نصحي في يوم ونلاقي ريسنا يذبح كما تذبح الخراف وكما ذبح من قبله ..... فهل نتعلم الدرس