Saturday, March 10, 2007

تحريض على التخن




مش ملاحظين ان كل حاجة حولينا بتحرضنا على التخن
!




الاعلانات في التليفزيون







اللافتات في الشوارع







حتى الايميلات و بعض المواقع







انا محاصرة بأشخاص وهميين كلهم بيحرضوني







اني أجوع و اكل و اتخن



و مع الاكل ده لا تنفع رياضة و لا مشي و لا نط حبل و لا حتى ايروبك



اهئ اهئ












كل ما افتح موقع الاقي باب لطبق اليوم اقفله الاقي اعلان جانبي عن فطاير بمربة الفراولة و القشطة






أقفل الموقع كله و افتح الايميل الاقي وصفات اشي محشي و اشي مخلي








و اشي محمر و اشي مشمر






طيب انا حقفل الكمبيوتر كله و افتح التليفزيون و اتفرج على فيلم بوليسي




الاقي الفقرة الاعلانية عن نوع شوكولاته يجري الريق و يخلي الدمعة تفر من عيني





أو اعلان بيتزا لسة طالعة من الفرن و الريحة مفحفحة و طالعة من شاشة التليفزيون





طيب اية العمل؟! اروح اسكن في جزيرة؟ مفيش فايدة اكيد برضه حتطلعلي نخلة بلح رطب تطلعلي لسانها

أو كوكونت تنزل على دماغي تجوعني اكتر









مفيش فايدة



يظهر حفضل كلبوزة لكــــــــــــــــــــــــــــن سمباتيك طول عمري



بالعافية سمباتيك

121 comments:

قاسم أفندي said...

تصدقي مشكلة فعلا بتمثل نسبة كبيرة جدا من الخناقات الزوجية
شوفي اهم حاجه الحركة الكتير
متهيألي القعدة قدام التلفزيون هي اكثر سبب للتخن
فكري تعتزلي التلفزيون كده شهر مثلا وشوفي النتيجة
قاسم أفندي من أمام حلة المحشي
تحياتشي

Lion king™ said...

جوعتيني :)

3lool said...

تفضلي كلبوزه تفضلي سمباتيك برده دمك زي السكر وانا بحب كتاباتك جدا
:)

حاول تفتكرنى said...

تصدقى
البوست ده فى مكانه الطبيعي جداً بعد البوست اللى فات

شوية تغيير
سمباتيك سمباتيك

تحياتي

مبرمج حر said...


أو اعلان بيتزا لسة طالعة من الفرن و الريحة مفحفحة و طالعة من شاشة التليفزيون

والله أنا شميت ريحة البيتزا المفحفحة بعد الجملة اللذيذة دى

تحياتى
:)

thanks God ....the life is not infinitive although it`s -in few times- very wonderful said...

على فكرة أنا مش معاكي في الكلام اللي انتي بتقوليه , لأن كل حاجةدلوقتي بتشجعنا على الرفع , كل محلات الملابس عندهم مقاسات تجيب احباط , معظم البنات بقوا رفيعين , البنات الرشيقة شكلهم حلو و حركاتهم زي الفراشة , بس للأسف الجسم (أو الوعاء زي ما قلتي قبل كدة ) نصيب زي أي حاجة تانية و أنتي عندك طريقين :
1- ترضي بالامر الواقع _بس اعتقد أن نفسيتك هتفضل مش مرتاحة لأن الموضوع دة واضح أنه مأثر عليكي جدا _
2- تكون عندك الارادة في أنك فعلا متفضليش سجينة الجسد اللي مش بيعبر عن روحك السمباتيك
تحياتي
مدونة جديدة :The night`s ghost

thanks God ....the life is not infinitive although it`s -in few times- very wonderful said...

على فكرة أنا مش معاكي خالص في اللي انت قلتيه لأن بالعكس ..كل حاجة حوالينا بتشجع على الرفع : مقاسات اللبس اللي في المحلات , البنات الرشيقة شكلها أرستقراطي , لما بتكوني رشيقة بيبقى عندك ثقة في نفسك و أحساس أنك بنوتة بجد , علشان كدة متحاوليش تاخدي اعلانات الاكل عذر علشان تتخني لأن في أعلانات بردو بتشجع الدايت و الرشاقة ,علشان كدة قدامك طريق ن اتنين :
1- تفضلي حبيسة جسدك طول عمرك و تبرري لنفسك و للناس أن الذنب مش ذنبك
2- تتحرري من الجسد اللي مخليكي على طول في صراع و تختاري الجسد المناسب لروحك السمباتيك .
آسفة على كلامي لو كان جارح بس صدقيني و الله أنا عاوزة مصلحتك لأن الموضوع دة واضح أنه مأثر على حالتك النفسية مع أنك بتحاولي تاخديه بشكل ساخر .
تحياتي : صديقة جديدة : The night`s ghost

tota said...

كلبوظتى
انا بصراحة عايزة افكر معاكى فى المشكلة دى بس انتى كده فعلا متحاصرة بس واضح انك ذويقة وبتستمتعى بالاكل
لا ومش ساكتة محظوظة بيطلعلك من كل حتة وشكلك كمان طباخة ماهرة
كل دى عناصر التغلب عليها عايز مجهود
اعرف واحدة بتطبخ وحش قوى اسلفاهلك كام يوم هتعلمكم الصيام للابد تعففا وتقرفا
ده اللى اقدر اساعدك بيه
تحياتى

MAKSOFA said...

كلبوزة بلاش تعملي نفسك مظلومه انتي بتحبي الأكل
بدل ما تتفرجي علي الحاجات الحلوة اللي خلتني اقوم عايزة اكل اتفرجي علي المذيعات اللبنانيات اللي مابيكلوش الا تبوله
واتفرجي علي البنات اللي بيرقصوا في الفيديو كليب كتهم الغم
واتفرجي علي الافلام الاجنبيه وشوفي الستات اللي كلها عضم علشان تتعكنني
وتبطلي اكل
بصي بقي انا طول عمري عامله ريجيم لما زهقت خلاص وبعدين قلت اكل بقي
بلا هم بس بيني وبينك
بازعل لما الاقي نفسي بازيد
ومعدتش بالبس اللي كنت باقدر البسه زمان
يلا معلش نحاول نخسس تاني

شيماء الجيزى said...

اةةةةةة يا سمباتيك فكرتينى بوجعتى

الكلبظه شيمه فيا بحاول انى اتخلصض منها :( لكن للاسف صعب الرجيم صعب
مع كل الاسلحه الى انتى عرضتيها دى

انا تعبت :(

توتة توتة said...

اهي كل حاجة تشجعك تبقي تخينة و في الاخر تيجي تفتحي الدولاب متعرفيش تلبسي حاجة تتسد نففسك و ترجعي سمباتيك بالعافية

Amr Ahmed said...

المهم ان انتي عسل وخلاص

وبعدين او مبقيتيش كلبوزة

البلوج هايبقي اسمه ايه بقي

تحياتي

مش فاهم حاجة said...

هو اية الحوار
اية التناقض بين المواضيع دة
ناس مش لاقية تاكل
وناس نفسها تبطل اكل
مقدرش اقول غير سبحان اللة
انصحك لما تيجى تاكلى
افتكرى الناس اللى مش لاقية اكل

Sampateek said...

قاسم افندي
و النت لا و المذاكرة لا و العيشة و اللي عايشينها لا
المحيط كله تحريض يا عزيزي

----
لوين كينج
اي خدمة
----
علول
ربنا يكرمك ده بس من زوقك
----
تحياتي و ودي للجميع

Sampateek said...

حاول تفتكرني
خمسة فرفشة نعمل اية علشان اعرف اكد كويس البوست الجاي
:))
---
مبرمج حر
انا بموت في البيتزا و انت شكلك بتحبها كمان
صح:))
---
thanks God
يا عطارين دلوني
الارادة فين الاقيها و لو لو طلبتم عيوني
خدوها بس الاقيها
---
تحياتي و حبي للجميع

Sampateek said...

سانكس جود
انت كده داخلة الجمعية بنفرين
حتقبضي الاول
:))
---
توتا
فكرة براند نيو بس وحياتك ما حغلب التيك اواي مبيقولش لا
هههههههه
---
مكسوفة
اسكتشي لحسن انا بحقد على الست اللي اسمها نانسي عجرم دي البت يا اختشي من المرئ لتحت على طول مفيش الدوشة اللي عندنا جوة دي لا معده و لا امعاء و لا خمسة و عشرين و لا امعاء
سلت
جاتنا نيلة في حظنا الهباب

---
تحياتي و حبي للجميع

Sampateek said...

شيماء الجيزى
يا عزيزتي لو لم اكن كلبوزة لوددت ان اكون كلبوزة الكلبزة نص الجمال
:))
---
توتة توتة
اخدتي بالك من الصورة الاخيرة الست بدل ما تقف على الميزان بتحط الميزان على رجليها
بتحارب الجاذبية الارضية
---
ههههههههههه
بحبكم

Sampateek said...

Amr Ahmed
يحميك لشبابك يا رافع معنوياتي
مش كده برضه
---
مش فاهم حاجة
طبيعي
زي ما في ليل و نهار و في فقير و غني
في كلبوزة و في سمباتيك
---
ميرسي للجميع

hassan said...

شوفى ياستى
اذا حاطه فى دماغك حاجه ومصرة عليها
هاتعمليها مهما كانت المغريات

لا تتركوا مستحيلا في استحالته
حتى يميط لكم عن وجهه إمكـان

يعنى ماتخليش حاجه مستحيلة الا لما تقولك هى كانت مستحيلة ليه

بس على كل حال ياستى الوراثة والجينات بتلعب دور كبير قوى
دى بقى مافيهاش حل
ودى مشكلتى انا بقى
مش عايز اقولك على وزنى علشان ماتتخضيش انما هو قليل قوى
والمفروض أزيد 15 كيلو علشان أوصل للوزن المثالى الطبيعى
بس انا باكل كل حاجه ومافيش فايده ولما رحت لدكتور قالى انت مشكلتك وراثية مهما أكلت مش هاتطخن
وبعدين قعد يقولى ياعم الناس بتدفع فلوس علشان تخس وانت عايز تطخن
على كل حال انا مش زعلان انى رفيع
على الاقل أعرف اجرى كويس وقت الزنقة

بس انا لاحظت كل اللى عايزين يطخنوا مش راضيين عن حالهم وكذلك كل اللى عايزين يخسوا

ياستى تأقلمى مع حالك أيا كان
ولازلت مصر ان انتى اذا أصرتى على حاجه هاتعمليها مهما كانت الحاجه
الا اذا كان المانع جينى أو طبى
خلاص
ولكل حاجه جمالها الطخن والرفع
سلام

حسن محمود

ياستى الاعتدال هو الحل
لا تاكلى بشراهه ولا تجوعى بشراهه
العادى يعنى

hebaz said...

كلبوزة بجد جوعتينى و قبل ما أعلق جريت على علبة الشوكلاتة الموجودة فى البيت و أدينى مياها أهو
بس فكرتينى بالمثل ألى بيقول ألى يخاف من العفريت يطلعلوا :)
و بعدين هاتى محطات الفيديو كليب أو أنزلى أعملى شوبنج حتجيلك عقدة و أكتئاب و حتبطلى تاكلى
تحياتشىى

Human said...

انت بتجوعينا والا ايه ...على العموم ولا يهمك كلي براحتك ..وبعدين كل الحاجات دي بيني وبينك بتكون القيمه الغذائية منعدمة ..وبتزود الوزن

ody911 said...

ههههههههههههه

واللهى يا شيخة جوعتينا

ههههههههههههه

ياستى ولا يهمك


آسف على عدم الرد فى الفترة الماضية لظروف النت

وعادى بقة
أودى

مجهول said...

مش قلتلك خليكي نباتيه يا بنتي
يالهووي علي الضعف
اعملي كنترول
مش كنترول امتحانات
كنترول علي الاكل

koukawy said...

لأ يا كلبوزه لازم الاراده القويه قدام المغريات

سمسم said...

وحياة ربنا العظيم زي العسل

ربنا يكرمك ويكرم بيك

والله العظيم بجد جعت بسببك

الصور بتاعتك تحفة بجد

خصوصاً الصورة بتاع8ة الكلبوزة اللي

بتنط فوق الشبكة وبتؤع بيها

والأخيرة بتاعتك وانت شاغيلة بلاطة من

بتوع الصالة...فوق رجليك

أنا عندي سيادتك نظرية إن كل تخين طيب

القلب ودمه خفيف...من غير زعل هل انت

كذلك...الإجابة إختيارية...ومن غير زعل

asadma7bos said...

نحن قوم اذا شربنا الماء نتخن واذا افرطنا فى الطعام نتخن زاذا عملنا دايت بنتخن واذا ازلنا الدهون بالعمليات المسماة شفط نموت مثل سعاد نصر
فماذا نفعل ؟؟؟؟؟؟؟؟؟؟؟

el2ahwagi said...

ya sampateeka ..

da enti 3amla modawena makhsoos lelakl .. ha..? ..lool

ya setti kolli elli t7ebeeh .. aslik zawaqa... bas egri .. 3aleeki welgari aw elmashi w kollo yeb2a samapateeka khales ..!

ya3ni pizza w tamsheyaya w sampateek .. :)

elmohem lazeeza ... 2asdi el ladeeda ..lol

طهقان said...

فكرتيني
بقصة قرئتها في مجلة ميكي
عن بطوط لما حب يعمل هو وزيزي
رجيم
ولاقا كل الدنيا ضده
واي لمسة واي همسة
بتفكره بالاكل


انا انصحك
بالزوااااج



هو ما يسم البدن
ويسد النفس

فلة said...

ومالو يا بنتي
ده حتى التخن احلى

Mohamed A. Ghaffar said...

هو ايه حكايتك انت وفريدة مع التخن

هو انت وهى وزنكم كام

شخبطة ملوكى said...

ماهو طول ماحنا قاعدين نشوف اعلانات الاكل اللى ماليه الشوارع و العمارات اللى حوالينا و بنشوف فى التليفزيون اعلانات ما بين المسلسلات عن البيبسى و الوجبات السريعة اكيد لازم يجيلنا تخمة و سمنة و كسل فظيع
معلش عموما طالما سمبتيك يبقى مافيش مشكله و ربنا يجعله عامر و مطرح مايسرى يمرى

تمر حنه said...

و نسيتى تتكلمى عن المدونين السخفاء اللى أول ماتروحيلهم تلاقيهم حاطين صور محمر و مشمر .. منهم لله ..صورة البتاعه اللى بالكريز دى مجرمة يا كلبوزة
بقولك ايه .. انتى حلوه كده .. و اللى عايزه أفهمه للبشر اللى هنا انى فحياتى ماشفت واحده أنشط منك .. ماشاء الله عليكى .. مستنية الأيميل عشان أعرف اللى حصل فى الليلة الموعوده اياها
بوسى المزاغيد الصغيرين و المزغود الأكبر

Sampateek said...

hassan
انا معنديش مانع اعملك نقل كلبزة من كيلو لخمستاشر
صحيح يا ولاد اللي يشوف رفع غيره يهون عليه تخنه
:))
---
hebaz
ازيك يا بيبو
انا بتيجي معايا بالعكس نفسي بتتفتح يعني يبقى قلة مقاس و قلة لبس
و بعدين انا بلاقي مقاسي في محلات
ميسيز بيج عادي يعني
:)
---
تحياتي و حبي

Sampateek said...

Human
لا انا عاملة دايت في ماعدا الشوكولاتة و المحشي و الفتة
تاخد حتة؟
----
ody911
طيب في فاصوليا باللحمة
اغرفلك؟
:))
و لا يهمك
---
تحياتي

Sampateek said...

مجهول
نباتية ليه هو انا خروفة؟؟
الخواريف بس هم اللي نباتيين انما انا زي القطط لازم بروتين
و انا اعمل بالحكمة القائلة
كل بروتين و العب في الطين
:))
---
koukawy
سمعت ان في اوكازيون على مبيعات الارادة حروح اشتري صندوقين
سيبك انا عندي بسبوسة سوري
هاتي شاي و تعالى نمز
:))
----
تحياتي

Sampateek said...

سمسم
ربنا يكرمك
بس يا سمسم دي مش بلاطة
يا حوستي
ده ميزان بتوزن بالمقلوب علشان يطلع الوزن بسيط
انا زايدة خمسة كيلو بس


مش كتير صح؟
----

asadma7bos

الحل الوحيد نكبر دماغنا و ناكل عادي هي موته و لا اكتر؟
-----
تحياتي للجميع

Sampateek said...

el2ahwagi
طيب اية رايك البيتزا احلى حاجة بعدها الترييح

قال امشي قال
انا وش ذلك

الحقني بقى بالقهوة احبس
:))
----
طهقان
انت كمان بتحب ميكي
انا مدمنة ميكي

لا الجواز بيطخن يا عم اصل فيه سمنة كتير
:)
----
تحياتي للجميع

Sampateek said...

فلة
انا بقول كده برضه
:))
---
Mohamed A. Ghaffar
سؤال كويس ممكن نعمل عليه سحب و اللي يجاوب صح نبعتله سندوتش مفتقة على الايميل
نبتدي بيك
تقول كام؟
---
تحياتشي

Sampateek said...

شخبطة ملوكى
يسعدك ربنا
شايفين الناس اللي بتقدر
:)
---
تمر حنة
اختشي و حبيبتشي
قهلا قهلا
كيفيك؟؟؟ منيحة؟
فكي كدة الطرحة و رحرحي انت في بيت اختشك
الايميل في الفرن و اول ما احمر وشه حسنده على طول
المزاغيد بيبوسوا ايديكي و بيسلموا على المقاريد بتوعك نفر نفر
انتختي الراجل و لا لسة؟
سلمي عليه و على خالتي وطنية و متنسيش تقولي لفتحية صنادل ان البوستيج طلع ضيق
قطيعة تقطع البساتيج كلها
اموه اموه
--
مع الاعتذار للسادة المدونين عن هذا الفاصل الاسري بيني و بين اختشي تمرمر
---
تحياتي و حبي للجميع

mesh2dra said...

السلام عليكم

سمباتيك حبيبتي
ولا تزعلي نفسك أبدا
لما كنت رفيعة وأنا في ثالثة ثانوي كان وزني 41 كيلوبس

أخويا كان بيقولي
أنا لايمكن ..لا يمكن
أتجوز واحدة مسلوعة زيك

وبعدين التخن دليل العز
ونقدر نقول للي بيتريقوا
دي فلوس بابا يا جعانين:p

يعنى لا شوال بطاطس نافع ولا عود قصب عاجب:s

تحياتي

Sampateek said...

mesh2dra
شوال بطاطس
هي حصلت
هههههههه
مشكرين يا ستي ربنا يحفظك

طارق مكى said...

اول حجاة
مفيش احلة ولا اخف من الكلابيظ
ويا كلبوظة طول مانتى بتفكرى فى الاكل هتلاقى كل الاعلانات فى الاكل
ودا علم نفس ان المخ عامل زى المغنطيس يجبلك الحاجة الشبيها بلى بتفكرى فى
زى واحد عوز يبطل يدخن يلقى انو متحاصر فى اعلانات عن التبغ والسجاير الجديدة وحتا لو نزل البحر هيلقى السمك التعبين بتفكرو فى السجاير
والبست دا زى العسل
وانتى سكر ودمك شربات وكفاية كدة لحسن اتخن انا كمان من كتر السكر الى قولتو يا سكر
هههههههههههههههه

طارق مكى said...

البوست جميل
وانتى زى العسل علبوظة سنبتيك بردو زى العسل
ودمك شربات
وكفاية كدة سكر لحسن اتخن يا عسل
هههههههههههههههههههههههه

شادي فايد said...

لالالا

مش سمبتيك


دا انا مش انت

وسمعني سعاد حسني

يا تجبلي الشاكالايتة يا بلاش يا ولا

MoHaMeD HoSSaM said...

بصراحة هى مؤامرة عاملنا ضدك انتى لازم تبلغى عنهم بس حتبلغى مين يا عينى ما كله مع بعضه عجبنى البوست على فكرة اوى بس كان فى سوال بيحيرنى انتى كنتى بتقولى المحمر والمشمر (معلش يعنى اى مشمر عشان انا حتجنن من وانا صغير ومش عارف

سمسم said...

أجريت عملية جراحية لتصغير حجم معدة امرأة يعتقد بأنها الأضخم وزناً في العالم.

وقالت ريني وليامس، التي يبلغ وزنها حوالي 367 كيلوغراماً وعمرها 29 عاماً بعد العملية “أشعر وكأن شاحنة مرت فوقي!”.

وأضافت “إن الامر يستحق كل هذا العناء إذا استطعت استرجاع استقلاليتك وكان بمقدروك اصطحاب أطفالك إلى الحدائق العامة والتحرك بمفردك من دون مساعدة”.

وقال الطبيب الذي أجرى العملية لوليامس في مستشفى رينايسانس يونان نوزارادان إنه يتوقع أن تفقد مريضته ما بين 60 و90 رطلاً خلال 3 أشهر، متوقعاً أن يصل وزنها إلى حوالي 90 كيلوجراماً خلال سنتين(سنتين يا كلبوزة).

وأشارت وليامس الى أنها تعاني البدانة منذ الطفولة، مشيرة إلى أن سائقاً ثملاً صدمها منذ عامين(كان عاوز يرفع المعاناه عنها)ما فاقم في حالتها بعد تسببه في تهشيم ساقها،

واتبعت ذلك بقولها: “ذهلت عندما ذهبت إلى المستشفى وأبلغوني بأنني بتلك البدانة.

mesh2dra said...

السلام عليكم

سمباتيك

ده هما اللي بيقولوا مش أنا

بيسوو said...

ااااااااااه ياسمباتيك..جيتي على الوجيعة حرام عليكي
والله بعاني من نفس المشكلة بس انا خلاص قررت مقاطعة الاكل وبدأت طريقي نحو الرشاقة..ابدأي معايا لو عايزة واهو تشجيع
يلا بقى متكسليش

Sampateek said...

طارق مكى
ميرسي ربنا يخليك
---
شادي فايد
معنديش مانع بس تكون بالبندق او بالويفر
بموووووووووت فيها
---
MoHaMeD HoSSaM
المحمر هي الفراخ المحمرة و المشمر هو الفراخ المشمرة
سهلة
:))
---
تحياتي للجميع

Sampateek said...

سمسم
لا يا سمسم مش للدرجة دي
شوية ريجيم حيظبط الموضوع عمليات اية و بتاع اية يا عم و بعدين لما اخس 90 كيلو
مش حيبقى في كلبوزة خالص
:)
----
mesh2dra
و عليكم السلام
طبعا يا جميلة انا عارفة
ميرسي انك شرفتيني تاني
:)

Sampateek said...

بيسوو
بصي في ريون في كل هايبر ماركت للماكولات الدايت
عيشي حياتك و لا يهمك
تحياتييييييييي

كراكيب عادل said...

انا فاتح الصفحة دي ولاول مرة اكون خايف من انزلاق الماوس لتحت اكيد عرفتي السبب يعني انا وصلت للتعليقات بالعافية خايف من الصور الي تحت دي بتاعة النكد

الحمد لله مشوفتهاش والله ما تحطي بوفيهات الدنيا المفتوحة كلها في مدونتك مش هنسي الصورة دي

عموما انا بنصحك بحاجة وحدة بس

عدم العشا وعدم شرب المياة الغازية

وقليل من التمارين وخدي كمان امش علي اطراف صوابعك لمدة عشر دقايق مرتين في اليوم واوقفي وظهرك للحائط لازقة فية وفاردة ظهرك لمدة ربع ساعة وانتي محفظة عضلاتك وشوفي ايه الي هيحصلك

تحياتي

Sharm said...

نفسي اتخن

عبدالله said...

جوعتيني ليه كده بس يابنتي
انا بقالي كده بتاع ست شهور مش دوقت اكل بيت تجيب سيرة الحاجات دي قدامي في اللحظه دي
:)
علي العموم بوست جميل و رشيق و كله حركات سمباتيك وربنا يعافي عنا و يرزقنا جسم سمباتيك ينفعنا لما نعجز

تحياتي

أميرة البلطجية said...

سمباتيك حبيبي
القاعدة المثالية
ناكل منحرمش نفسنا
بس مش نظيت
من غير ظيه يعني
هههههه
والمشكلة بتبقي اننا بنظيط
والبيتزا بتبقي ميديم سايز يتبعها بيبسي يتبعها نوم الخ
وهنا بقي قضية الارادة تبقي ع المحك
في ناس بتتخن بسبب
el compulsive eating disorder
والعلاج هنا نفسي بحت
الريجيمات ملهاش لزمة صدقيني
الواحد لو وزن الدنيا حيبقي كده عامل ريجيم
يعني
موال كبير قربت اخد فيه دكتوراه
على فكرة
انا مرة فكرت اعمل حاجة زي رابطة للبنات اللي بتعاني من قصص الدايت دي..تبقي نفسية وصحية الخ
صحيح انا خسه دلوقتي
لكن صراحة عمرى ما كنت رفيعة
وطبعا الواحد بعد الريجيمات بيرجع يرد تاني
تحسي ان الموضوع عايز وفقة وتشجيع
متيجي نعمل حاجة؟
قلبيها كده في دماغك وبعدين نشوف ممكن نعمل ايه
سلام يا كبلوزتي العسولة خالص غصب عن الرفيع اللي فيهم
هههههه

بين الأمل و اليأس said...

حرام عليكي انا هنا اللي بعمل الاكل
انتي عارفه انا نفسي ابقى كلبوز ومش مهم التخن ولا اي حاجه دنا لما كنت في مصر طول منا قاعد بقي ده مش بيبطل اكل طول النهار رايح جاي بيلعب
ومفيش امل نفسي اشوف شكل التخن عامل ازاي
ناس بتتمنى ترفع وناس بتتمنى تخن
انا معاكي على فكرة في حاجتين انا كل حاجه بتدعو للاكل
اولا اعلانات الشكولاته
بس انا هنا مابستناش لما ريقي يجري بروح اجري وراه واجيب الشكولاته
بالذات اسنكرز وبونتري وماكس وكتكات والشكلاه السويسري
يالهوي عيشه
والحاجه التانيه
مدونة التاء المربوطه السما فيها بتنزل تفاح يعني الاكل من كل نحيه يعني هاتاكل ياعواس يعني هاتاكل
ربنا يسترها

بين الأمل و اليأس said...

هو ايه الحكايه انا مش فاهم انتي يعني مش عايزه اي حد يعلق عمما المفروض اننا بين الامل والياس ايه اللي خلاني مجهول معرفش
يمكن من كتر الاكل
وربنا يسترها

el_assel said...

هاي يا ســمبتيك
انتي حلك حاجة واحدة
انتي ممكن تاكلي كتير بس ما تتخنيش
وده عن طريق ان انتي تاكلي حاجات كتير سعراتها الحرارية قليلة
خضروات فواكة مثلا
وربنا يقويكي
وزي ما قولتي في اخر مدونتك
انتي حتفضلي علي طول ســـمبتيك

Shower-Mirror said...

اوعى تعمليها يا كلبظ و تخسى ... لاحسن تتغرى و مانقدرش نكلمك ... واحشانى مووت انتى و كلامك المشبع :) ...انا رجعت اكتب تانى ابقى زورينى ...

Sampateek said...

كراكيب عادل
تراتيف صوابعي ليه يا عادولة حرقص بالية؟
طيب اية رايك لو بعد ما اتعشى و اشرب بيبسي اقول
استغفر الله العظيم
مش برضه ينفع؟
:))))
----
شرم
عايز تفرسني يعني؟
انا حموت و اخس و انت بتقولي نفسي اتحن
امتى بقى يعملوا عمليات تبرع بالتخن و انا اتبرعلك من جنيه لالف اقصد من كيلو لعشرة
كبه كده
---
تحياتي
:)

Sampateek said...

عبدالله
الدمعة فرت من عيني يا عوبد
بص روح كل عند مطعم الفيروز اللي في الستين بيعمل اكل بيتي تركي انما تحفة
ربنا يكرمك
---
أميرة البلطجية
اوك يا اميرة انا موافقة بشرط ميكونش الهدف التخسيس و لكن التعايش مع الكلبزة و تحريض المسلوعين على الكلبزة
و نسميها
كلبز تعيش تاكل قراقيش
ابعتيلي ايميل ننسق سوا
sarah4eg@yahoo.com

تحياتي

Sampateek said...

بين الأمل و اليأس
اهلا اهلا
بقى سيادتك من المسلوعين في الارض
بحقد عليك
:))
كل ما تاكل شوكولاتة افتكرني
و قول يمسيكي بالخير يا سمبا
---
el_assel
خس و خضار و فاكهة؟!!مينفعش جاتوه و تورتة و بيتزا؟
شرفتنا يا فندم
---
تحياتي للجميع

Sampateek said...

Shower-Mirror
اهلاااااااا اهلااااا
ايه لنور ده كله
عودا حميدا ان شاء الله
انا جااااي كلابيزوووووو
:))

ahmEd_H said...

3arfa anty lw betshta3'ly we betnzly mn al beat kol yom betshofy kam e3laan

more than 4000 !!!! we akeed mo3zmhooom beytklmo 3an al akl

takhily kol al 3add daa we 3ayznaa netkhn

da ana 3la keda batl :) eny mesh batkhn

david santos said...

Hello!
Very, very nice, Sampatek!Thank you
have nice week

The Groom said...

اه يا عبدالله والله انا كمان مكلتش أكل بيتي بقالي فترة طويلة (باستثناء الاسبوع اللي قضيته في مصر قريب) غير كده انا بتعذب و ارجوك يا سمبتيك و انت يا عوباد متجيبوش سيرة البتاعة دي هنا لاني تعبان منها اوي
انا اشتغلت بيتزا ديليفري فترة طويلة و مش طايق سيرتها

الله يرحم ايامك يا ماما و يجيبني ليكي بالسلامة يا رب

وحدو الله ياخواننا مش كده مش حنقلبها محزنة

طابخة ايه النهاردة يا مرات خالي؟ فول تاني؟ خالي يللا على ماكدونالدز

سلااااام

~ Bato0ot ~ said...

gaw3teny bgd :D enzly hatelna 2 pizza w ta3aly

islam yousef said...

يوووووووووووووووه ياشيخه
انا ماشى
أنا لسه مادغدتش
جوعتينى
باى
أما أروح آكل بأه
اتفضلى معايا تلاقيكى يا عينى على لحم بطنك

FrEe.PhArAoH said...

يا ريتنى مكلبظ ومش سمباتيك حتى :) .. دى نعمة لا يراها الا المعصعص :)

تحياتى

أحمــــــــدبــــــــــلال said...

أنا جعت من الكلام بس

براحة علينا


طيب أنا عندى مشكلة
نفسى جسمى يمتلأ قليلاً

أيه اللى ممكن أكله بصفة مستمرة لمدة معينة يطخنى الشوية اللى عاوزهم

قوليلى يا كلبوزتى

سكينة said...

أنت عارفة المشكلة مش بس في حصار المشهيات لكن برضو في المطالب
إيشي اتعلموا اتنيلنا على عينا
ايشي تأدبوا والتزموا حصل
ايشي اهتموا بالسياسة والثقافة اتحوسنا وما ارتحنا
طلبات لا تنتهي والخطأ الوحيد فينا
المفروض نرفع شعار
ولا بيهمني أبدا منهم ايه يعني أكون وحشة في عينهم
طب منين نجيب طاقة لكل هذه المطالب مش لازم بالذمة ناكل هم هم

35L said...

أدعوكم جميعا للمشاركة فى البلوج بتاعى...موضوع مهم بدأت فيه....و أحتاجكم معى

حــلم said...

مرة واحدة قريبتى قالت لى عن أمنيتها فى الحياة
انها تروح لجزار
وتنام قدامه على القرمة
ويقعد يشفى لغاية لما يوصل للعضم

اهون عليها تعمل كدة من مصير سعاد نصر

بصى
انا ايقنت ان مفيش حل غير انك تاكلى كل حاجة
بس تنتوفة صغيرة
هتتخنى.. بس على خفيف

هتفشكلى .. بس على المدى البعيد

هتكلبزى.. بس اضحكى على نفسك وقولى التخن عز

هنعمل ايه يعنى ننتحر
؟؟؟؟

حــلم said...

انا كتبت تعليق
هو راح فين

اوعى تكونى اكلتيه
:)

safa said...

أكبر مشكلة بتواجه معشر الحريم و هو التخن و التضخم , ربنا يعنا جميعاً على الريجيم يا أختى لأن محدش بيرحم اليومين دول و كل المعروض فى الفترينات ملائم فقط لقوام نانسى عجرم

شــــمـس الديـن said...

السلام عليكم و رحمة الله و بركاتة

اعتذر عن قطع الموضوع و الخروج عنه ... و لكن ارجو انت تزوروني علي المدونة

خالص تحياتي للجميع

mohamed gouda said...

سعيد جدا بالزيارة الأولى لمدونتك الجميلة أوى ده
جيتى على الجرح فى التدوينة دى
فعلا كل حاجة اتفقت علينا علشان نتخن
بس نتفق فى الاخر ان كل التخان طيبين و دمهم خفيف :)
كلبوز بس مش اوى يعنى

ام العيال said...

moshkela
tab ne3mel eh
when u find a solve for this
problem till me
hate 7eta men el pizza ba2a

:)

ام العيال said...

ana 3amat deal ma3a man beta3 shwerma yeshel kol 7aga

بعدك على بالى said...

انت فظيعة.. خليكى مكلبظة مادام دمك خفيف كده...

انا هلكت على روحى من الضحك وريقى جرى حرام عليكى على الصور المرعبة اللى انت حاطهها بالزات فطيرة الفراوله ... مرعبة


تحياتى ياقمر يا احلى كلبوزة سمباتيك غصب عن التخين

Ma-3lina said...

جوعتينى حرام عليكى انا قاعدة فى الشغل و نفسى فى حتة بيتزا مكرونة بالبشاميل

فعلا اعلانات الاكل منتشرة و بصورة رهيبة و خصوصا اعلان الشيكولاتة دا باه مش بستحمله
بس زى ما فيه اعلانات اكل فيه اتجاه لى اعلانات ادوية التخسيس و اجهزة رياضية يعنى بيحاولوا يوازنوا شوية

Sampateek said...

ahmEd_H
بشتغل و بنزل كل يوم و في حتة اعلان عن فرخة محمرة كبيرة قد نص عمارة كدة متعلق فوق عمارة كبيرة
اطلع على الشغل و لا اطلع على الريستوران
ازيك؟
----
david santos
شايفين يا اخواني البلوجرية كلبوزة لكن سمباتيك بقت مشهورة و وصلت للعالمية و عم الحاج الخواجة ده عجبته مدونتي و جه يدحرج التماسي
ثانك يو فيري ماتش يا خواجة و دونت كوم تو يو ان اني باد ثينج
---
تحياتشي

Sampateek said...

The Groom
هو في احلى من البيتزا
انا بمووت فيها
ماكدونالد اية بس روح عند عم عبده بتاع السودؤ احسن
:))
---
~ Bato0ot ~
اتنين بيتزل لية انت مش حتاكل؟
:)))))))

Sampateek said...

islam yousef
و ماله انا جاي فرافيرووو
----
FrEe.PhArAoH
ههههههه حنقر بقى
---
أحمــــــــدبــــــــــلال
حقر انا عليك المرة دي
تعالى عندنا اسبوع تجد ما يسرك
---
تحياتشيييي

Sampateek said...

سكينة
ايوة يا سكيننة انت مية مية
و نشغلهم
انا متنسيش
و كمان
اللي مش عاجبه يروح

تعجبيني
:)
---
35L
ده انت رخم غلاسة يا اخي
---
تحياتشي

Sampateek said...

حــلم
لا مقدرش اسلم نفسي لجزار يا اختشي
الكلبزة احلى من الساطور
:))
---
حــلم
في الحفظ و الصون بس اصلي عملت ابروفل علشان البرد
ابروفر صوف علشان الكحة
نياهاهاهاي
---
تحياتشي

Sampateek said...

safa
من ناحية المقاسات عرفتلك سلسلة محلات بتبيع مقاسات كبيرة
و لا بيهمني
:)
---
شــــمـس الديـن
نلتقي بعد الفاصل
---
تحياتي

Sampateek said...

mohamed gouda
تشرفنا يا فندم
:)
---
ام العيال
انت ليكي 3 حتت لانك داخلة الجمعية بتلت انفار
و هدية واحد كلوسلو مجانا
رجيم اية بس صلي على النبي

قولي لبتاع الشاورمة يبقى يعملي 5 سندوتشات تصبيرة لحد الغدا

---
تحياتشييي

Sampateek said...

بعدك على بالى
حبيبتشي حبيبتشي
مش كده و النبي الكلبزة نص الجدعنة
وحشاني عاملة اية؟
---

Ma-3lina
اطلعي من الشغل على عندي عدل ملوخية و فراخ و رز و سلطة
مش تاكلي تتفرجي بس
:))
---
تحياتشي

يا مراكبي said...

شوفي بقى .. دي كلها حجج علشان تبرري لينا الموضوع .. وإنتي عارفة كده كويس

كل اللي قلتي عليه ده تحريض على الأكل .. مش تحريض على التخن

الحاجة إلى الأكل ده شيء .. وإننا نزود الموضوع لحد التخن ده شيء تاني

فكرتيني بواحد صاحبي كان دايما يقول لي: الأكل قيمة كبيرة جدا .. وهو شايف إن دي أحلى متعة في الدنيا

بالهناء والشفاء

قاسم أفندي said...

سمباتشيك
ها نزلتي كم كيلو بعد البوست ؟
يعني غيرت الاعلان عشان خاطر سعادتك وبعدين آدى وش الضيف
الشاي ع النار

Dr. Tantawy said...

جيتي عالوجيعه حرام عليكي :) بدل ما تقولي انه في حل و ممكن نخس ههههه

soosa el-mafroosa said...

اتخني يا كلبوزتي و لايهمك
ما ليلى علوي قعدت 20 سنة تخينة و الكل بيموت فيها

على رأي جدتي الله يرحمها

كل و ادفس لجوة ..اذا ماداكش عافية يديك قوة

ماتسألينيش يعني ايه عشان معرفش

ابقي تعالي

جبهة التهييس الشعبية said...

القصاص لأسرانا الشهداء رجاء التوقيع وارسال الرسائل

Nouran said...

عندك حق لانا اصلا بقيت اكل اكل سندويتشات قبل المحاضرة الاولى و بعدين بسكوت قبل التانية وبعدين سندويتشات بعد التانية بعد المحاضرة التالتة اكل فطير وبعد كده اروح بتنا طبيعي اتغذى ومنطقي اتسلى وانام اصحى اتسلى ع الاكل اللي ف البيت وبعد كده اتعشى وانام يعني بختصار باكل بس

إنـســانة said...

يعنى افتكرتى كل ده ونسيتى برنامج من كل بلد أكلة بتاع شريف مدكور؟

يابنتى ده كل يوم الساعة 7 على قناة الاسرة والطفل ويتعاد تانى يوم الساعة 2 .. حاجة تغييييييييييييييييظ

محض روح said...

بصى
حولى تبعدى عينك عن الحجات ديه افتحى التليفزيون اتفرجى على
فتيات الفيدو كلاب
بجد ياختشى حاجه تعقد يمكن لما تشوفى المنظر يحصل عنك نوع من انواع الزهد فى الاكل
وبجد مش هزار عندى وحده صدكتى بتشرب على طول شوربه كرنب
اقولك ليه بتسد نفس وهتخليكى تزهدى فى الاكل لوحده
وسمعت اوشاعه عن بروكلى وجزر وبقدونس فى الخلاط
ياعنى لوحبه اجربى على مسئوليتك
وابقى قولى ايه الى حصل
وتحياتى يافندم

Sampateek said...

يا مراكبي
اصل في ناس تاكل و يبان عليها و ناس زي العرسة تاكل و تنكر
سم كده
---
قاسم أفندي
شاي بس؟ اورديحي يعني
لو في جاتوه اوكي
تحياتشي

Sampateek said...

Dr. Tantawy
في حل طبعا نفضل ناكل لحد ما نكلبز خالص مالص و الميزان يتكسر و نبطل نوزن او يدينا قراءة غلط
نياهاهاهاهاي
----
soosa el-mafroosa

هههههه
اول مرة اسمعه و انا اللي فاكرة روحي موسوعة في الامثال
بس فكرة كويسة
انا جاي كلابيزووو
---
تحياتشييي

Sampateek said...

جبهة التهييس الشعبية
حاضر حالا
---
Nouran
حنعمل جروب للكلابيز لازم تشتركي معانا
:)
---
تحياتي

Sampateek said...

إنـســانة
كنت متبعاه و بعدين لقيت ان كل حلقة بتزود 300 جرام فبطلت
:))
----
محض روح
تعرفي انا جربت الشوربة دي عملتها و فعلا منرهابيسد النفس اصلي مقدرتش اشربها اتفرجت عليا بس نفسي اتسدت
:))
--
تحياتشي

خمسة فضفضة said...

جيتي علي الجرح يا كلبوزه

والله يااختي الواحد مش عارف يلاقيها منين ولا منين

ويجعله عامر

قلم جاف said...

طالما أنِك سمباتيك .. فأنتِ على الطريق الصحيح.. :)

Anima said...

طريقك مسدود مسدود يا والدي

يا بنتي لو جيتي عيشتي معايا خاتخسي

لأني ما بكلش غير مرتين في اليوم و ما باكلش غير في بيتنا

ربنا يعينك، على فكرة أنا كما كنت كلبوزة بس مع المشي و قلة الأكل بقيت ...لووووووووول

shaimaa said...

الله يسامحك جوعععععععععععت
انا اصلى كمان كلبوزة

alwanayoya said...

اقولك ايه واعيدلك ايه

انا بقى غير اى حد

انا نفسى اصحى من النوم اتفجع

اكل زى بقيت الخلق

نفسى مصدوده على طول

وبزيد كيلو كل سنه

انا ممكن اعد 18 ساعه من غير اكل

ولو عايزه اكل بعيش على الحاجه حلوه

بس الاغراءات اللى بتقوليها دى

مش بتأثر فيا خالص

لا حلويات ولا محشيات ولا حتى مخليات

نادره لما الاقى اكله حباها ونفسى اكولها
اقولك حاجه علمينى ازاى ابقى مفجوعه

وانا اعلمك ازاى تبقى سمبتيك على حق

بس اكيد هتعذرينى

يلا سلاام

نبض اسكندرية said...

سمباتيك

شرفتنى زيارتك يا جميل جدا

وعلى فكرة

انتى اللى لافتى نظرى لموضوع الاكل دة لانى مش كنت باخد بالى خالص منة

على فكرة

مش احنا اللى خلقنا نفسينا عشان تزعلى

والتخن لية حلول

وبجد انا نفسى اطخن
لانى كل الناس مسينى مسلوعة هانم

من كتر منا رفيعة

تحياتى ليك يا جميل

Sampateek said...

خمسة فضفضة
اجيب صبغة اليود و اجي نشرب لنا كوبيتين
؟
---
قلم جاف
ايون طبعا و كمان معايا الخريطة
---
Anima
فكرة كويسة ممكن العنوان؟
--
تحياتشي

Sampateek said...

shaimaa
و انا كمان احنا اصلا بنتلكك :))
---
alwanayoya
حدعيلك ربنا يفتح نفسك
و انت ادعيلي يسد نفسي
عن الاكل بس
اه
:)
---
تحياتشي

الدرويش المرووش said...

و مين قال دى مشكله؟

أنا مقتنع إن الناس بتوع زمان اللى زيى هما اللى بيفهموا

جيل المفتأة و مربة خرز البقر
الحاجات اللى متأسسه

مش السايحيين النايحيين بتوع اليومين دول
اللى الواحد بيخاف يعطس قدامهم لا يتكسروا

جدك درويش

emos said...

الكلبوظة ارحم من المسلوعة اللى مش عارفة تتخن على الاقل الكلبوظة بتخس و تتخن انما المسلوعة هتفضل طول عملاها مسلوعة اعطينى مما اعطاكى الله

أُكتب بالرصاص said...

انا من رأيي انه افضل حل لهذه المشكلة
هو غض البصر

يعني الواحد مش لازم يبحلق في الصينية اللي رايحة واللي جاية
ويقفل ودانه عن أي غيبة على طاجن بامية
او سيرة مكارونة في الفرن

ولا يخوض في اي حديث عن اي ارت او جاتوه في غيابو

ولو نفسه سولت له اي مخالفة من هذه
ما عليه إلا ان يقول
اللهم إني تخين

shermen said...

هموووووووووووت وأخس 10 كيلو تعرفي انا متوسطة لكن سناني باظت من أكل الشوكلاتات عشان كده بقيت أكل على أد سناني
أدعي بقى ان سنانك تبوظ هيه دي الطريقة المضمونة
سلام يا قمر

shayma said...

,nice blog, nice posts سمباتييييك,انت بتكلمى بلسانى المعاناة للجميع :) اصل التخن ده لعنه من السماء :),ولا انت ايه رايك ,
:D ودمك زى السكر

شريف said...

الله الله اية الجمال دة
بس انتى كدة مش هتجوعنى انتى هتموتنى علاشان ان زيك تمام بحب الاكل موووووت

انا شريف والحب يارت تشرفينى فى مودنتى
http://sheref-love.blogspot.com/

شريف said...

الله الله ياست كلبوزوة اية دة اية الجمال دة
بجد تحفة
بس انتى كدة هتموتى كل اللى فى المدونة مش هتجوعيهم

لجد جميل

انا شريف والحب يارت تشرفينى فى مونتى
http://sheref-love.blogspot.com/

واحدة بتحب البلد دي said...

علي فكرة بقي ..محدش عاجبه حاله

نعمل ايه في الرفيعيين اللي نفسهم يتخنوا ومش عارفين

ولا حاجة من الحاجات اللي قلتيها بتحوق وتخليني اكل واتخن

اقولك انا لو عليا ..مستعدة لاستقبال اي فائض كلبزة

دي اول زيارة ليا هنا بصراحة مدونتك زي العثل يا كلبوزة ولو عالاكل والكلبزة ولا يهمك اهم حاجة انك تكوني حابة نفسك كده وبعد كده كله مش مهم

monmon5 said...

تتصورى بقى يا سمباتيك انا باكل كل الحاجات اللى قلتى عليها دى علشان اتخن وبرضة مفيش فايدة تجيش نبدل

MiMi said...

لتكن ارادتك انت ..
كلمة لقيتها مكتوبة علي عربية ميكروباظ في الشارع ... اعجبت بيها جدا ،، ارادتنا هية اللي بتمشينا واللي عاوز حاجة بيعملها ، انا كنت 77 كيلو وبالدايت والمشي كل يوم ساعة وصلت لحد 63 كيلو ماحرمتش نفسي من حاجة... بس بالنظام ،، حقيقي الانسان اراده...
وبقيت سمبتيك يا سمبتيك ومش كل حاجة نشوفها نشبط فيها...
ياااااااه نا نسيت الرز بلبن اللي بالقشطة في التلاجة ... زمانه سقع سلاااام بقي

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر