Saturday, April 07, 2007

بمبي....بمبي.......بمبــــــــــي



طول عمري بحب شم النسيم بحس الجو في اليوم ده كله فرح و سعادة و بتكون في نسمة حلوة في الهوا بالذات الصبح بدري
و كنت و انا صغيرة اضرب الفستان أبو كرانيش و اطلع على النادي و نقابل هناك العيلة و الأصحاب و هاتك يا لعب و شقاوة و مراجيح ومسابقات و جوايز للمغرب

و طبعا سعاد و فريد و حليم كانوا بيمتحنونا في أغانيهم
و
و
كل الأيام الجميلة دي افتكرتها و حبيت ارش عليكم شوية تفاؤل
كل شم النسيم و انتم في عيد الفطر طيبين و متنسوناش من اضاحيكم و متكلوش كحك كتير

89 comments:

أبو الليل said...

لقيت مكان فاضي قلت أركن الفولكس عندك لحد الصبح
:)
Happy new year!

Sampateek said...

ابو الليل
ده اية الهنا اللي انا فيه ده ابو الليل عندي يا فرحتي يا فرحتي
يا رب يجعل ايامك كلها شم







النسيم
;)

bentfalestine said...

انشالله فصل خير و سعاده الك و لحبيايبك و يجعل ايامك كلها ربيع و فل و ياسمين
مودتي دوما

خمسة فضفضة said...

السلام عليكم ورحمة الله وبركاته

الدنيا ربيع والجو بديع يالا بقي قفلي علي كل المواضيع
وربنا يجعل ايامك كلها ربيع في ربيع وبمبي بمبي بمبي

yasmina said...

هو فصل الربيع بشكل عام ينقي النفوس ويبعث على الامل
فربنا يسعدك ويجغل ايامك جميلة
لكن انت ازاي لقيتي مدونتي
اشكرك على الرد فيها

الوردة السوداء said...

كل سنة وانتى طيبة ياقمر

وتفضلى كدة متواصلة
ومعنا

daktara said...

طيب يا سيتي
كل عيد ربيع وانت بخير
د. خالد عزب

daktara said...

Your comment has been saved and will be visible after blog owner approval.
ليه انا باتضايق من كده
عايز اشوف تعليقي لمل يتنشر
ارجوكي الغيها
وكان ليا بوست عن الموضوع ده ارجو مراجعته

ody911 said...

وإنتى طيبة يا سارة


بجد أغنية بمبى دى كلها تفائل وأنا بحبها أوى


وعادى بقة
أودى

hebaz said...

هابى شم النسيم
كل سنة و أنت طيبة يا كلبوزة
التفاؤل حلو برضة :)

ألطيبُ said...

سلام عليكم
كلما احببت ان اقرا ما يبهجني امر هنا واليوم قررت لاول مرة ان اعلق بهذا المعنى
تحياتي اليك وتمنياتي لك بأن تظلي دوما مبهجة مبتهجة تملأ البهجة مدونتك
ودمت
الطيب

شجره الدر said...

الدنيا ربيع والجو بديع
هيه بكره اجازه
وربيع ورنجه وفسيخ وملوحه
كل سنه وانتى طيبه ياسمباتيك
و بمبى بمبى بمبىىىىىىىىىى

A.SAMIR said...

مدونة طبعا اكتر من روعة وكلها مرح وتفاؤل كدة
ربنا يسعدك كمان وكمان
جميل فعلا شم النسيم بس السنة دي ساقعة شوية....تحس كدة انه جاي قبل وقته...بس هيُقضى ان شاء الله
على فكرة انا في المدونة عندي عامل استطلاع رأي عن شم النسيم
ياريت تشاركينا برأيك وكمان ماتحرمناش من زيارتك للمدونة عندنا والتعليق عليها
تحياتي

REEMOO said...

كل سنه وانتى طيبه يا قمر
شم نسيم وعيد ربيع سعيد عليكى :)

مـحـمـد مـفـيـد said...

ساره
كل سنه وانتي طيبه

albida said...

مبروك أولا على النيولوك الجديد بتاع البلوج مع ان شكلها جاية متأخرة 11 سنة كده
ههههههههههه

وأنت طيبة يا أجمل كلبوزة فى الدنيا


manal

•«ρяoιd»•™ said...

كل سنه و انتي طيبه يا سمباتيك

عقبال ما نرش اي حجه تضيع ريحة ابصل اللي هيملي البلد

و كل سنه و كلنا ديماً كده متجمعين عندك

حضري الغدا بقي

ههههههههههههههههههه

تحياتي

أُكتب بالرصاص said...

طول عمري ما كرهت قد يوم شم النسيم

الزحمة
وعربيات الكارو اللي شايلة عيال لابسين الوان غبية

والعيال اللي ماليين الحديقة باملانة والبيض

والشباب الاهبل الاكبر مننا شوية ...
يعني دلوقت هما رجالة محترمين في سن الاربيعين
تلاقيهم ماشيين لابسين حاجات معفنة من الوكالة وعاملين نفسهم جون ترافولتا في زمانه
غير برامج التليفيزيون الغبية

والبرامج الحمارية

والناموس اللي مالين الحدائق

هييييه

شم يا حاج

Sampateek said...

bentfalestine
و انت طيبة يا جميلة

Sampateek said...

خمسة فضفضة
و عليكم السلام
و انت كمان
تستاهلي كل خير


تحياتي

Sampateek said...

yasmina
ربنا يسعد ايامك كلها
كل شئ جميل ريحته بتفوح
طبيعي الاقي مدونتك
:)
تحياتي

Sampateek said...

الوردة السوداء
و انتي طيبة يا وردة

حتشمي النسيم فين

تحياتي

Sampateek said...

daktara
و انت طيب يا سيدي
و متزعلش الابروفل ده علشان البرد
عملاه صوف بيدفي الصدر علشان الكحة

تحياتي

Sampateek said...

ody911
و انت طيب و انا كمان بحبها قوييييييي

Sampateek said...

hebaz
و انتي طيبة يا جميلة
خمسة تفاؤل
:))

Sampateek said...

ألطيبُ
اهلا و سهلا بيك نورتنا
و كل سنة و انت مبسووووط

Sampateek said...

شجره الدر
ايوة فسيخ و رينجة و بصل اخضر و هيصة

حنتمرجح فين؟

Sampateek said...

A.SAMIR
اهم حاجة في استطلاع الراي ده في اكل و لا حاجي و امشي كده حاف؟

كل سنة و انت طيب

Sampateek said...

REEMOO
و انتي طيبة يا جميلة و اجازة سعيدة ان شاء الله

Sampateek said...

مـحـمـد مـفـيـد
و انت طيب و عبد الله طيب
و اجازة سعيدة
سلملي على المدام

Sampateek said...

albida
ههههه
هو مش نيو لوك قوي هو توزيع جديد بس
كل شم النسيم و انتي طيبة

Sampateek said...

•«ρяoιd»•™
و انت طيب
الغدا جاهز اغرفلك؟

:)

Sampateek said...

أُكتب بالرصاص
يا ساتر يا رب الناس تصبح تقول سنة سعيدة تقول هابي استر مش تدلق الهم في حجرنا و تمشي


وحدوه يا اخي

:)

Rozza!.......فاقد الذاكرة said...

شم النسيم
شم الفسيخ
هيا بنا نذهب للحديقة ونلعب
هيا بينا نقعد على النيل
هيا بنا نفرفش

مين نفرفش
انا مش في مصر الان
لاااااااااااااااااااا

كل سنة وانتي بتكلي فسيخ مش مالح
:-.)

Sampateek said...

Rozza!.......فاقد الذاكرة
مليش في الفسيخ

ممكن رنجة
و انت طيب

Abdou Basha said...

كل سنة وانتي طيبة
ساعات بستعجب من الارتباط بين الربيع وجمال رائحة زهوره وبين الفسيخ :)

على فكرة ستايلك جميل جدا

Shower-Mirror said...

انا باجى عندك علطول ... بس ماكنتش باعلق عشان كان لونك حزاينى و بتتكلمى فى السياسه -استغفر الله العظيم - :) بس دلوقتى بعد مااللون بقى بمبى ..زبمبى ياسعاد ..قلت بقى اجى اقولك الف مبروك و عقبال البكارى و عيد ميلاد سعيد ..
.
ههههههههههه

انتى مابتجيش ليه ..ده احنا فى غربه زى بعض

The Groom said...


هو صحيح شم الفسيخ

بس كل عام و انت بخير وصحة و سلامة

تحياتي من ماناساس البلد

ويا رب كل ايامك و ايامنا بمبي

ريما said...

كل ربيع وانتي طيبة
شم النسيم من غير بمبي بمبي مالوش لون
ماتنسيش تلوني البيض

:))

سلاماتي

يا مراكبي said...

فين شم النسيم ده؟ ما أنا في الشغل أهو والبلد كلها شغالة .. مش عندكوا كده برضه وألا إنتي رجعتي مصر؟

كل سنة وإنت والعيلة كلها طيبين

Sampateek said...

Abdou Basha
ما فيش علاقة اكيد بس احنا شعب يموت في ربط المناسبات بالاكل
ربنا يكرمك

Sampateek said...

Shower-Mirror
خلاص يا مراية يا خويا اشتغلك في الفرايحي على طول
و انت طيب و عقبال الانجال

Sampateek said...

The Groom
معنديش فسيخ
في ورق عنب ينفع؟
و انت طيب

Sampateek said...

يا مراكبي
يا ربي عليك انت و اكتب بالرصاص ناصبين احنا الفرح و الرقاصة بترقص و الكازوزا متوزعة على المعازيم و انتم داخلين تقولوا هدوا الليلة شم نسيم اية و بتاع اية

يا سيدي احلم تخيل انك في اجازة و ان في هواء عليل و مساحات خضراء و سفرة طويلة عليها فسيخاية واحدة و نص رغيف

شم النسيم و انت طيب

ادم المصري said...

كل سنه وانتي طيبة يا احلي كلبوزة في الدنيا

yamen said...

يلا كل سنة وانتي طيبة وكل المدونين والناس كلها بخير وسعادة

تحياتي

قاسم أفندي said...

وانتي طيبة يا أختاه
أجمل حاجه في شم النسيم تلوين البيض
يارب كل البيض اللي عندنا يتلون قبل ما يمشش .. ولو انه كله مشش من يجي خمسة وعشرين سنة وزيادة
ما علينا ..قولي نعم أقصد قولي آمين
:)

ahmEd_H said...

:)

مشغول والله وكمان دول كلهم 10 ايام

كل سنة و انت طيبة و يارب دايما يعود علينا بالصحة و السلامة

SAHAR said...

اسوأ فصول السنة علي فكرة هو الربيع في مصر الدنيا بتبقي تراب والصبح بتبقي حر وبالليل برد

мїяάЖάгїм ™ said...

بمبي بمبي بمبي
الحمد لله ، دلوقتي بس ارتحت
انا اصلي لو مستمعتش الاغنيه دي في شم النسيم مش بحس بأي جديد ولا اي ربيع وانا النهارده اتشغلت ومسمعتهاش
بس شاء القدر ان اليوم ميعديش من غير ماسمعها ... شكرا شكرا شكرا

yasser_auf said...

كل سنة و انتي طيبة يا ست الكل

و تحياتي للاسرة جميعا

ابو نيمو و نيمو

3araby said...

فعلا شم النسيم ده يوم بيبقى جميل و ممتع وفى الغالب الجو بيكون كويس .

وزمان كان الناس تنتظر شم النسيم "عيد الربيع" لكى تستمع لأحدث أغانى أم كلثوم و فريد و العندليب .
بس دلوقتى نسينا الحاجات دى وبقينا نسمع سعد الصغير فى حفلات سم النسيم.

Sampateek said...

ادم المصري
و انت طيب بروزر ادم
ثانكس

Sampateek said...

yamen
و انت بخير و سلامة و صحة
تحياتي

Sampateek said...

قاسم أفندي
انا لونت كرتونة البيض كلها
ههههه
امين

Sampateek said...

ahmEd_H
و انت طيب يا نجم
ربنا يخليك

Sampateek said...

SAHAR
انت بتشتغلي في الارصاد الجوية و لا اية يا سحر

Sampateek said...

мїяάЖάгїм ™
العفو اي خدمة
شرفتنا

Sampateek said...

yasser_auf
و انت طيب انت و نيمو و ام نيمو

Sampateek said...

3araby
ايوة الفن اليومين دول افسد كل المناسبات الاصيلة

بس لسة فس بواقي تراث
كل سنة و انت طيب

khaled said...

شمى النسيم شمى
كان يوم جميل

maged stephen said...

أكتر حاجة ضحكتنى فى التعليقات عندك سحر اللى فوق بتاعة التراب واضح أنها مش معانا ومع الأسف
نهارك جديد بكرتونته يا سارة

FrEe.PhArAoH said...

متفكرنييييييييش

يوم غبى من يومه

واللى يقولك حرام واللى يقولك حلال واللى يسكت عشان ميغلطش نفسه .. وريحة سمك تحسسك ان مدينتك غرقت فقاع الاطلنطى نفسه .. كلام وضحك وخروج اكنه عيد .. تناسى
بلد مجروحه مش عارفه حتى تقول اه فبتضحك بهيستريا على نكته بايخة .. واغنية عتيقه لسعاد حسنى كرهتها من كتر استهالكها .. والشباب رايح اسكندرية او راس البر ومليار كل سنة وانت طيب وسؤال ابدى : ليه ؟

سورى يا كلبوزه كل وقت وانتى سعيده .. مش ضرورى الشم

بعدك على بالى said...

رغم انى مش بحب فصل الربيع لان صدرى بيتبهدل فيه، الا انى زيك لسه فاكرة ليلة م النسيم وحفلات حليم اللى كنا نسهر معاها للفجر ، كانت بتلم العيلة والاصحاب... ايام جميلة راحت وخدت معاها البهجة..
يالا كل سنة وانتى طيبة وبعوده الايام

Ma-3lina said...

كل رنجة و انت طيبة و عقبال السنة الجاية ان شاء الله

بس ايه جاب عيد الفطر فى الموضوع هوا قرب و لا ايه

و مبروك النيولوك يا باشا دا سيليكون و لا حقن ؟؟

ana ga3an said...

ملاحظ ان سيادتك مجبتيش اي سيرة للفسيخ و الرنجة و البيض
هل اعتبر دة انكار وتهرب من الماضي الاليم

BackBone said...

كل سنه و انت طيبه, هوه في شم نسيم عندك برده؟

Sampateek said...

khaled
كان راجل طيب
ههههههه
---
maged stephen
طيب اديني كرتونتين وصاية يسترك
:))
---
FrEe.PhArAoH
واضح ان ذكرياتك مع اليوم ده مش ولا بد
معلش ابقى جرب كده تاني
ده يوم جميل
---
كل سنة و انتم بخير و سعادة

Sampateek said...

بعدك على بالى
تعرفي انا لا اجرؤ اني انزل من بيتي يوم شم النسيم و اروح اي مكان عام لانه اكيد حيبقى زحام و مجاعة بس بحتفل بذكرياتي مع اليوم ده من عشرين سنة
انا بحب بمبي
انت اخبارك اية
ازي صحتك؟
وحشاني

Sampateek said...

Ma-3lina
و انت طيب:)
ده مش نيو لوك نفس الالوان بس نفضت البلوج و غيرت مكان العفش

عرفت منين اني بحب الرنجة يا عفريت

عودا حميدا متبقاش تغطس تاني

Sampateek said...

ana ga3an
ههههههههه
و انا صغيرة مكنش ليا في الفسيخ و الرنجة
كنت شغالة بيض ملون بس
و بعدين شوية شوية عجبتني الرنجة
انما الفسيخ مفيش بيني و بينه عمار


و بعدين لازم نشوف لنا حل يا انا جعان و نبطل نتكلم عن الاكل شكلنا بقى وحش وسط الاخوة البلوجرية

كل سنة و انت طيب

Sampateek said...

BackBone
ابن اختشي
ازيك عامل اية و ازي العروسة
و الله ان جيت للحق هو مفيش هنا لا شم و لا نسيم
بس انا بعمل في البيت اللي ربنا يقدرني عليه

حنعمل اية يعني لازم نروش

تحياتشي
و محاشي

قصاقيص said...

بمناسبة أعياد الطفولة والجلاء اللي إنتي عاملة البوست عشانها دي...ممكن أبعت إخهداء لطنط محاسن وفي كفر الشيخ وعمتي عنايات في طنطا بمناسبة عيد الأم؟!!!؟
هههههههه
كل سنة وأحلامك وكتاباتك........بمبي بمبي

sara said...

كل سنه وانتى طيبه يا سارة يا قمر
كل شم نسيم وانتى فرحانه ومزقططه
موووووووة

الأرمـوطــي said...

افهم من كده انك شميتى النسيم اصل انا بصراحة ملحقتش اشم ادينى شمه
كل سنة وانتى طيبة

micheal said...

كل شم نسيم و أنتي طيبه بس من غير فسيخ عشان مبطقش ريحته
تحياتي لكي

Sampateek said...

قصاقيص
الاهداء اتنشر و كلهم بيسلموا عليك
و انت طيب و بخير و سعادة
---
sara
و انت طيبة يا سارة يا سكر
منوراني دايما
---
الأرمـوطــي
حبعتلك كيس شم النسيم
و انت طيب و في صحة و سلامة
---
micheal
و انت طيب و بخير و سعادة
---
تحياتي للجميع

Epitaph said...

يا صباح
.
.
.
.
السيمباتيك

:))

ياسمين said...

كل سنة انتى طيبة

شريف said...

سارة انتى عارفة يعنى اية معنى كلمة شم النسيم
ياخسارة
دة يعتبر اسوء يوم الناس كلها بتخرج وتتفسح فية
وتاكل رنجة وفسيخ
معقول الناسة كلها مش عارفة ولا عارفة بس بتقضيها
دة ايوم اللى مات فية الرسول علية الصلاة والسلام
يعنى احنا رحنين علاشان الرسول توفى
معقول سارة
ودة اسمك من دمن الاسماء الجميلة من ايام الرسول ايضا

ولكى جزيل الشكر

Ma-3lina said...

دا انا مرام يا كلبوزة مش البشمهندس ما علينا

هههه انتى برده بتتلخبطى بينا

Mohamed A. Ghaffar said...

كل سنة وانت طيبة ، بس اوعى تكونى مكلتيش فسيخ

Sampateek said...

Epitaph
صباح الورد يا جميلة
---
ياسمين
و انتي بصحة و سعادة
---
Ma-3lina
اهلا يا مرام ازيك
---
Mohamed A. Ghaffar
لا ماكلتش مش بحب ريحته
--
كل سنة و كل البلوجرية طيبين

ibn nasser - ابن ناصر said...

كل سنه
وانتي طيبه
تحياتي

BackBone said...

بزمت اهلي مفي حد عنده دم عرف يحس بشم النسيم السنه ديه

اكيد كان عندك مشاكل عاطفيه او

ياقلبي ياكتاكت ياما انت شايل و ساكت

Sampateek said...

ibn nasser- ابن ناصر
و انت طيب و العالم العربي يطيب
---
ابن اختشي
قلتا بلاش جواز قلتم اطلعوا من البلد
حنعيط بقى
درينك اب
---
تحياتي

jedaah said...

حركات
http://www.7rkat.net

منتدى حركات
http://www.7rkat.net/vb

مركز تحميل حركات
http://www.7rkat.net/up

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر