Sunday, September 09, 2007

خاطرة وداع

كنت اودع كل تفاصيل الشوارع و امسح عليهم باهدابي في محاولة مني لاحتواء الاماكن و نقلها بداخلي و تسائلك ما الذي يربطني بهذه الشوارع المزدحمة و العمائر الاسمنتية الملتصقة و الاتربة المحفورة على كل شبر من ارض بلدي
من المؤكد ان هناك بلاد عديدة انضف و ارقى و اقل ازدحاما من بلدي و لكن ما سر حبي لها دون غيرها و الاصرار على العودة اليها في كل اجازة صيف
اعتقد في فلسفة غير مقصودة اننا لا نختار تفاصيل انحناءات بصمات اصابعنا و مع ذلك لم نجد يوما من اراد استبدال بصمته هكذا هي
مصر هي بصمة قلوبنا

و فكرت هل ياتي اليوم الذي اعود فيه اليكي و اجدك غسلت عنك غبار الزحام و الضوضاء واصبحتي انضف و احلى بلد في الارض
لا تقلقي يا عزيزتي فمهما كنت و اصبحت ساظل احبك و اشتاق اليك و اعود اليك

68 comments:

Lasto-adri *Blue* said...

وداع ايه بس.. تروحى وترجعى بالسلامة ان شاء الله

FATMA said...

هكذا هي مصر بصمة قلوبنا

ترجعي بالسلامة

عدى النهار said...

دائماً يغلبنا الحنين للأماكن التى نشأنا وتربينا فيها.. شوارعها ومحلاتها ومدارسها وكل شىء فيها

وعلى رأى جاهين دى عِشرة غالية حرام تضيع

منهم لله اللي كانوا السبب فى تشريد ملايين المصرين بدلاً من التفكير فى تطوير البلد

غمض عينيك said...

هي قدر ونصيب وام لايغنينا عنها شىء

تحياتي ليكي وترجعي بالف سلامة

محمد سمير

عدى النهار said...

إفتكرت قصة حكاها عبد الوهاب عن زيارته لباريس مع أحمد شوقى

قال فيها إن شوقى كان يدخل غرفته المعتادة بالفندق وكان بيسلم على الأشياء اللي بالغرفة من كرسى لخلافه

وطبعاً عشقه لمصر واضح من خلال شِعره

(:

Anonymous said...

ترجعي لها بالسلامة
و تنر بيتك مع اسرتك الكريمة ان شاء الله

كل سنة وانتي طيبة
:)

soulmate said...

ترجعى بالف سلامه يا رب وكون ان مصر بلد حلوه او مش حلوه فهيا حلوه فى عيونا مهما روحنا بلاد احلى وانضف حتفضل روحنا متعلقه هنا فى بلدنا

Mustafa Rizq said...

و فكرت هل ياتي اليوم الذي اعود فيه اليكي و اجدك غسلت عنك غبار الزحام و الضوضاء واصبحتي انضف و احلى بلد في الارض........؟؟؟

أعذريني مش فاهم.. مستنيها تعمل دا، اللي نفسك فيه، مستنيها تحققلك حلمك.....؟

ماشي بتحبيها و هي اغلى بلد ف الدنيا و .. بس عمرك سمعتي عن حد سافر بعيد عن بصمته..؟

أنا عارف ان الأمور أسواء من انها تكون مجرد كابوس، و ان المر ف كل مكان و .. و ..و..ء
بس اعذريني سعات بفتكر كلام شاعر قال

ليك انتظارنا و الحنين
ليك اشتيقنا و السنين
احنا العيال مترصصين مستنظرين بوسة ادينك و العدية
شيلنا السنين شلنات قديمة ف سيلات الجلبية
شيلنا السنين
و انت السنين ما حستك
ما خلتك لحظنا تعود و تضمنا
كان قربك انت مننا هو الفرح
يابلح زغلول يا بلح
مش كل راجع م الغياب
لحظة رجوعه تكون .. فرح

اسف اني قلت الكلام ده.. بس .. مش عارف
يمكن علشان عديت ع البلوج بتاعك و انا منفعل من حوالي مليون حاجة بقيت معتادة... يمكن

مرة تانية انا اسف
و ترجعي بالسلامة يا رب

محمد عبد الغفار said...

ما كل هذا الشجن

سيأتى لا تقلقى

مـحـمـد مـفـيـد said...

سطورك مليئه بنبره حب متغلغل في وجدانك لمصر
برغم كل الاسي والحزن
ولكن والله سينصلح الحال بأمر الله
من كتابتك البديعه
وكل عام وانتي والاسره الكريمه بالف خير وصحه وسعاده
والي الله أقرب وأطوع بأمر الله
ورمضان كريم

خمسة فضفضة said...
This comment has been removed by the author.
خمسة فضفضة said...

السلام عليكم ورحمة الله وبركاته

وحشتينا اوي يا كلبوزه

ان شاء الله لما تيجي السنه الجايه تكون مصر احلي ولو ماكانش اللي جايه يبقي اللي بعدها او اللي بعدها ، ماهو دوام الحال من المحال


كل سنة وانت طيبه وماتغبيش علينا تاني

خالص تحياتي

اسكندراني اوي said...

ايه دا اخيرا ظهرتي

اه ياااااااااااااااااااااني
المغتربين زادو واحد
والمعذبين زادو كمان واااااااااااااااااااااحد

هوندا said...


ازيك فينك من زمان يارب تكونى بخير تسافرى وترجعى بالسلامة ان شاء الله

Anonymous said...

ترجعى تانى بألف سلامة

رمضان كريم
كل سنة وانتى و من تحبين بخير

يا مراكبي said...

ياريت كان الموضوع زحام وغبار وضوضاء وبس .. ده فيه ما هو أسوأ .. والأسوأ أكتر هو بعد الأمل في إصلاح كل ده يوم بعد يوم

يارب يصلح لنا الأحوال جميعا

Eric Matt said...


وانا ايضا بنفس الشعور
:((

تحياتي لك من ماناساس البلد وحمدالله على السلامة

كلبوزة لكن سمباتيك said...

لست ادري
الله يسلمك و اهلا وسهلا بيكي دي اول مرة تنوريني
---
توتة توتة
الله يسلمك منوراني دايما
---
عدى النهار
الحنين شعور متناقض من المرارة و الحب مرارة الفراق و حب اللقاء
يمكن بنحبها علشان بعيد عنها
شرفتي
---
كل سنة و انتم طيبين و رمضان كريم

كلبوزة لكن سمباتيك said...

غمض عنيك
صحيح كلامك محدش يتبرى من امه ربنا يخليها لينا
---
عدى النهار
يمكن اللي عايشين فيها مش حاسين بحبهم ليها زي المتغربين عنها
---
ايبي الجميلة
ربنا يكرمك و ربنا ينور قلبك بحبه و يرزقك سعادة الدارين
---
كل سنة و انتم طيبين
رمضان كريم

كلبوزة لكن سمباتيك said...

مشمشة
يمكن انا فقرية بس بجد محسش اني صيفت الا لما اروح مصر هي فعلا ام الدنيا
اهلا بيكي
--
m.r.
انا بعدي عنها مش بايدي انا زي مرات جحا بلدي بلد جوزي
بس انا منتزرة ان اللي بيحبوها زيك يشيلوا عنها حزنها المحفور سنين على وشها
اهلا وسهلا بيك
---
محمد عبد الغفار
ازيك عامل اية؟
هو اية اللي حيجي؟ القطر؟
انا سافرت شحن جوي
:)
---
رمضان كريم
و بعودة الايام

كلبوزة لكن سمباتيك said...

محمد مفيد
اتمنى ان ينصلح حال بلدي و اهلها و ان الناس كلها تبقى سعيدة
و انت طيب و اسرتك بخير و سعادة
و ياترى جبت فانوس لعبد الله
:)
---
خمسة فضفضة
و عليكم السلام و رحمة الله
الله يكرمك يا رب ما تشوفي وحش
اكيد ان شاء الله البلد حتكون احسن لان فيها ناس زيك ربنا يسعد قلبك و يوفقك
--
اسكندراني قوي
نحن في الاغتراب سوا
و في حب مصر كذلك
ربنا يرد غيبتك بخير
----
كل سنة و انتم طيبين و ربنا يعيد عليكم رمضان بخير

كلبوزة لكن سمباتيك said...

هوندا
انا في بلاد تركب الليموزين الان
بعد ما ودعت مصر و سبتها امانة في اعناقكم
ربنا يوفقكم
---
شهروزة
الله يسلمك و انت طيبة يا جميلة
و يسعد اوقاتك كلها
---
يا مراكبي
املنا في ربنا و اللي يتمنى ينول
رمضان كريم
------
كل رمضان و انتم الى الله اقرب

كلبوزة لكن سمباتيك said...

The Groom
الله يسلمك و يرجعك بلدك بالسلامة و يقوينا و اياك على صيام الشهر الفضيل
---
رمضان كريم

Lasto-adri *Blue* said...

يمكن اول تعليق.. لانى مقلة على اى حال.. انما دايما بتابع مدونتك طبعا
:)

كلبوزة لكن سمباتيك said...

Lasto-adri *Blue*
حضورك يسعدني دايما و انا كمان من متابعين حملة كلنا ليلى و اتمنى لكم كل توفيق
رمضان كريم

كراكيب عادل said...

اخيراااا ظهرتي

كل سنة وانتي طيبة

الوطن زي الام والاب منقدرش نغيرهم ولا نغير انتمائنا ليهم

ربنا يرجعنا ليها لاننا زهقنا من الغربة وكمان زهقان من التراب الي مغطي بصمات مصر الجميلة

لا نافع نعيش فيها ولا بعيد عنها بجد عذاب

عصفور بلا أجنحة said...

ترجعلنا بالف سلامة
كل سنة وانتى طيبة

سلامٌ عليكِ said...

طالما أعجبتنى مدونتك وتصميمها الرقيق وكلماتها العذبة وروح الفضفضة التى أعشقها .. متغيبيش أكتير واكتبى أكتر :)
ومتقلقيش على مصر دايما بكرة أحلى

صاحب البوابــة said...

كلماتك رقيقة

خرجت من القلب

لتصل الى القلب

ان شاء نلتقي تعودي قريباً بألف سلامة

وكل عام وانتِ بخير

Eduardo Waghorn said...

مرحبا! أنا أريد أن يرسل أنت تحيات من شيلية. تكون أنت [أك]? [كيب ين تووش]…

اسكندراني في الغربة said...

مرحبا بيكي في بلاد الغربة
الي بتاخد اكتر بكتير ما بتدي
والي يتخلينا نعرف قيمة بلدنا
والي مبتخليناش نعرف نرجع نعيش فيها تاني

و كل سنة و انتي طيبة و رمضان كريم

Eslam Abuelgasim said...

تعبير جميل عن كيان إحساس ..اتمنى لك التوفيق وان تجتازي المرحلة بسلام

miro said...

ياااه غيبتى علينا كتير اوى المهم تروحى وترجعى بالسلامه ان شاء الله

رفقة عمر said...

كل سنه وحضرتك طيبه
رمضان كريم وسعيد عليكى انتى والاسرة
تقبل الله منك صالح الاعمال اللهم امين يارب العالمين

عروس البحر said...

الله البوست جميل اوي
بجد حلو موت
تحياتي الي الغد

حسام مراد said...

وداع وتلمسى الشوارع باهدابك
ان شاء الله ترجعى بالف سلامه
هى دى مصر هما فيها ومهما جرلنا هيه فى قلوبنا لللللاااااااابد

كل سنه وانتى طيبه
ورمضان كريم
شغال
تقبلى ارق تحياتى وسلاماتى
سلاموووووووووووووووز

sara... said...

كل سنه وانت طيبه وبالف خير
وتروحى وترجعى بالسلامه

Reemo said...

كل سنه وانتى طيبه
رمضان كريم
ربنا يبلغك رمضان ويعوده عليكى بالخير ان شاء الله
آميـــن

عروس البحر said...

تروحي و ترجعي بالسلامة

نسرين - أمة الله said...

السلام عليكم
كل سنه وانتى طيبه
وربنا يجعله خير على المسلمين اجمع

islamz said...

ترجعى بالسلامة ان شاء الله ..

ورمضان كريم .. كل سنة وانت طيبة

Anonymous said...

my post got updated


terga3y bel salama :)

هبه الاسكندرانيه said...

ليه وداع يا سامبتيك كلمه صعبه مسيرك ترجعى ان شاء الله بالف سلامه

سماتيك انا كنت داخله اقولك انا رجعت اكتب انتى كنتى صح اللى اخده التدوين ميقدرش يبعد عنه
زى مانتى مش حتبعدى ..مش كده !

خيرالدين said...

ترجعى بالسلامه
قدرنا اننا نحبها بكل مافيها من فساد ومظاهر متخلفه وكل سوء

نعمل ايه بقى لازم نحبها

المهم انت بس ترجعى لنا بالف سلامه

بيجاسوس المصرى said...

ترجعلنا بالف سلامة

كل سنة وانتى طيبة ورمضان كريم

el2ahwagi said...

رمضان كريم

كلبوزة لكن سمباتيك said...

كراكيب عادل
و انت طيب و رمضان كريم
تصور انا خايفة من اليوم اللي حرجع فيه مصر على قد حبي ليها بس بقت صعب قوي
على رايك عذاب
---
عصفور بلا اجنجة
و انت طيب و رمضان كريم
الله يسلمك
---
سلام عليكم
الله يكرمك و ربنا يعيد الايام عليكم بالخير و السعادة
---
صاحب البوابة
الله يسلمك و كل رمضان و انتم الى الله اقرب
---
eduardo waghorn
سمعت كتير عن العربي المكسر بس دي اول مرة اشوفه
اهلا و سهلا
---
اسكندراني في الغربة
و انت طيب و بصحة و سلامه
كلامك حكم يا ولد عمي
---
Sudan halls
تشرفنا
اهلا وسهلا
---
meroo
الله يسلمك الف شكر
---
رفقة عمر
و انتي طيبة يا جميلة و دايما سعيدة
امين يا رب
---
عروس البحر
انت احلى
ميرسي جدا
شرفتي
---
حسام مراد
و انت طيب و الله يسلمك و يسعدك
---
sara...
اهلا بيكي يا سارة ميرسي يا جميلة
الله يسلمك
---
Reemo
الله اكرم و ربنا يعيد عليكي الايام بالخير
:)
---
نسرين - أمة الله
و انت بالصحة و السلامة
امين يا رب
---
islamz
الله يسلمك و انت طيب
---
Daisy
الله يسلمك و يسعدك
---
هبه الاسكندرانيه
البلوجر نور
و ربنا يعيد علينا و عليكي رمضان باليسر و البركات
---
e7na
الله يسلمك و يبارك فيك و في مصر
---
بيجاسوس المصرى
الله يسلمك و يسعدك
---
el2ahwagi
الله اكرم
------------------------
اللهم اعنا جميعا على الصيام و القيام و قراءة القران
خالص دعائي
للجميع

مواطن زهقان said...

تروحى وترجعى بالسلامة
وكل سنة وانتى طيبة
ورمضان كريم

محمود على said...


من اجمل التشبيهات الي سمعتها في وصف مصر

كل سنه وانتي طيبه
وانشاء الله لما ترجعي
ممكن تلاقيها غسلت رجليها علي الاقل

علوة said...

أول تعليق ليّ هنا

حلو البوست يا سمباتيك
حلو انك مسكتي العصاية من النص
اتكلمتي عن العمق
وعن القشرة
تسلم إيدك

صباح الفل

Naeno said...

TENTANDO

Daí, então
Quem me chamou foi você
Do fundo do meu desejo
E eu não pude atender
É que eu estava
Tentando lhe esquecer
Entre afago e beijo
Muito ocupado em viver.

Daí, então
Não botei tento em você
Me descuidei dos seus olhos
Tomei o rumo da estrada
É que eu estava
Maluco pra não ser eu
Pois sua falta me deu
Vontade de não ser nada.

Daí então
Joguei as botas no mundo
No sem rumo mais profundo
Que me apontava o nariz
É que eu estava
Matando toda essa fraude
Que construiu a saudade
E me deixou infeliz.

Daí, então
Procurei olhar você
Como um amor que perdi
Como alguém que não me quis
É que eu estava
Fingindo não mais lhe vê
Imaginando sorrir
Brincando de ser feliz.

Um beijo
Naeno

الباحث عن الحقيقة said...

كل سنه وحضرتك طيبه
فيه حاجات كتير بتفضل محفوره فى قلوبنا
وجوه الناس
روحهم فى كل حته
الحلو والوحش
كله خلاص اتعودنا عليه وبقى جزء من حياتنا اليوميه
رمضان كريم

mesh2dra said...

السلام عليكم

تروحى وترجعي بالف سلامة

متخافيش
حتلاقي مصر زى ماسبتيها بالظبط
بكل حاجة فيها


كل سنة وانتى طيبة

سلاماتي:)

ما علينا said...

احساسك وتعبيرك عنه عالي اوي

تسافري وترجعي بالسلامة ان شاء الله
وسواء اتغيرت او لم تتغير
للاحسن او للاسوأ

زي انت ما قلتي
ماتتكرهش
بنحبها زيادة

ترجعي يالسلامة ان شاء الله


مدونتك وموضوعاتك واسلوبك
خليط جميل وممتع من الروعة نفسها

تحياتي


كل سنة وانت طيبة

ta5areef said...

لو كان الواحد بيختار امه وابوه كان اختار بلده بس احنا مكتوب علينا حبهم والاشتياق ليهم

ماشاء الله
مدونة جميلة جدا
انتى شرفتينى بزيارتك وانا اوعدك انى ماقطعش الزيارة عندك

كان نفسي تشوفى المدونة الجماعية بتاعتنا
بوابة الحلوانى
http://bawabetmisr.blogspot.com/

عصفور بلا أجنحة said...

تعالى و شوفى الرجيم فى مدونتى
الى انا عاملة يا رب يعجبك

دكتور كسلان said...

كل سنة وانت طيبة

رمضاااااااااااااااااااااااااااااااان
كرييييييييييييييييييييييييييييييييييم

Desert cat said...

كل المغتربين عايشين نفس احساسك
ترجعى بالف سلامة ان شاء الله

البنت الشلبية said...

تروحى وترجعى بالسلامة
وكل سنة وانتى طيبة ورمضان كريم

Esmat said...

يا رب ترجعى تانى بالف سلامة
بس ما تنسيش وانتى راجعة المرة الجاية على مصر تاخدينا معاكى وحشتنى اسكندرية قوى وكل متغرب حاسس بكل كلمة قولتها
قلبى معاكى
بس الحلو ان احنا واخدين مصر معانا بشوارعها وهواها والسحابة السوداء والمية الملوثة و بشمسها وناسها كله فى قلبنا لان لا احد يحب وطنه وتلاقيه متعلق بيه زى المصرى سبحان الله
يا رب ديمها علينا محبة بلدنا
وكل سنة وانتى طيبة ورمضان كريم عليكى

القلم السكندري said...

تروحي وتيجي بالسلامة ان شاء الله

وترجعي تلاقيها في أحسن أحوالها

أشكرك علي زيارتك

وإن شاء الله ديما تنورينا وتنوري بلدك

وكل عام وأنت بخير

Aardvark EF-111B said...

إبقي المدونه حيه, إبقي على اتصال, إستفيدي من تجربتك الجديده

أحمد العربي said...

لا أدري المح ابتسامة حزن غير معلومة الملامح
ربما وادع مادي وربما معنوي
لكن ما المحة هو حبك الغير عادي لمصر
للوطن
للام
الكبري
حاولي ان تكوني هاكذا دائما
مصرية خالصة
مصرية بشوارعها
بحواريها
بماذانها
باهلها

وشوشات said...

بلدنا دي تحير.. اللي فيها تعبانين بوجودهم فيها و اللي براها مش عارفين يعيشوا بعيد عنها.. يا ترى لو سبتها هاحس بإيه؟؟

الأميره أوسه said...

وحشتينى وحشتينى
ربنا يرجعك بالسلامه
الى قلب الوطن
سلامى وقبلاتى و معاهم صابعين كفته
وسيجاره كليوباترا لزوم الحبس
الحبس الأحتياطى
أمواااااه
سلميلى على الأولاد وأبوهم

كلبوزة لكن سمباتيك said...

مواطن زهقان
الله يسلمك
و انت طيب و بالصحة و السلامة
الله اكرم



محمود علي

الله يكرمك
و انت طيب و بالصحة و السلامة
الخوف تكون غسلاهم في دموع الغلابة


علوة
اهلا وسهلا
ميرسي خالص
صباح النور



Naeno
الست ام بيجو ازيك يا اختي و ازي العيال
خطوة عزيزة
يا نداشة نسيت اقولك اني في الفرنساوي مش قد كده اصل القولون تاعبني حبتين و مبيتهضمش معايا
و لو فيها رزالة متنسيش ترجعي ايد الهون اللي استلفتيها مني علشان ادق الكفتة و ابعتلك منها حتكلي يور فينجرز وراها



الباحث عن الحقيقة
و انت طيب و بالصحة و السلامة
عندك حق
الله اكرم



mesh2dra
و عليكم السلام
الله يسلمك و يكرمك
و انتي طيبة و بالصحة و السلامة



ما علينا
الله يسلمك متشكرة جدا
و انت طيب و بالصحة و السلامة


تخاريف دكتور

تنورني دايما
انا فعلا زرتها حاجة بديعة اية الدماع الهالية دي ما شاء الله
انا حبقى زبونة مستديمة ان شاء الله

عصفور بلا أجنحة
عجبني طبعا بس ده اكيد بجانب الاكل العادي بتاع كل يوم
زبادي مين يا سيدي اللي نتسحر بيها
رمضان كرييييييييييم


دكتور كسلان
و انت طيب و بالصحة و السلامة
الله أكرم



Desert cat
الله يسلمك
ميرسي
شرفتي



البنت الشلبية
الله يسلمك :)
و انتي طيبة و بالصحة و السلامة




Esmat
و انتي طيبة و بالصحة و السلامة
انا بحب اسكندرية جداااااااااااا
ربنا يرد كل غريب لاهله بخير


القلم السكندري
الله يسلمك
و انت طيب و بالصحة و السلامة
الله يسعدك



Aardvark EF-111B
حاضر من عينا
اهلا وسهلا


أحمد العربي
ايوة هو كده بالظبط
اهلا بيك




عــلا
صحيح بس انت خليك في مصر علشان نحس ان لسة فيها خير



الأميره أوسه
حبيبتشي
الله يسلمك يا حبيبتشي كان نفسي اشوفك في مصر بس تتعوض بس يا خاينة جايبة صباعين الكفتة من غير طحينة و كمان مقطوم منهم
حبس!!! فشر انا هنا اكتب و انتم تتحبسوا انا في بلاد تركب الليموزين يا امي
الراجل و العيال بيسلموا عليكي و بيقولولك اوعي تقطعي تاني
اموه اموه

أوشه said...

تروحي وترجعي بحبك للبلد زايد..
فكرتيني برائعة فاروق جويده"عشقناك يا مصر":

حملناك يا مصر بين الحنايا

وبين الضلوع وفوق الجبين

عشقناك صدرا رعانا بدفء

وإن طال فينا زمان الحنين

فلا تحزني من زمان جحود

أذقناك في هموم السنين

تركنا دماءك فوق الطريق

وبين الجوانح همس حزين

عروبتنا هل ترى تنكرين؟

منحناك كل الذي تطلبين

سكبنا الدماء على راحتيك

لنحمي العرين فلا يستكين

وهبناك كل رحيق الحياة

فلم نبق شيئا فهل تذكرين؟!

فيا مصر صبرا على ما رأيت

جفاء الرفاق لشعب أمين

سيبقى نشيدك رغم الجراح

يضيء الطريق على الحائرين

سيبقى عبيرك بيت الغريب

وسيف الضعيف وحلم الحزين

سيبقى شبابك رغم الليالي

ضياء يشع على العالمين

فهيا اخلعي عنك ثوب الهموم

غدا سوف يأتي بما تحلمين...

l0ma said...

معاكى حق مهما تقرفنا وتطلع عنينا وبرغم كل شىء بنحبها برضة