توفي:يا مامي انا جعان
أنا:معلش يا حبيبي هانت كلها شوية و المغرب يؤذن
توفي:طيب ممكن اشرب مية و اقول استغفر الله العظيم
أنا:لا طبعا مينفعش بس ممكن تتمضمض من غير ما تبلع مية لو ريقك ناشف قوي يعني
توفي:اصل واحد صاحبي في المدرسة قالي ممكن تاكل اي ساندوش و تقول اللهم اني صائم
أنا:لا طبعا مين قال كده مينفعش الصيام صيام انت ممكن تدخل تنام و انا حصحيك على الفطار
توفي:طيب يا مامي ما انا اول يوم رمضان اكلت بسبوسة و انتي قلتيلي كمل صيام و استغفر الله
أنا:يا حبيبي انت كنت ناسي وقتها اننا في رمضان و اول ما تفتكر انك صايم لازم تستغفر و تكمل صيام
توفي:طيب مينفعش اصوم للعصر
أنا:لا انت كبرت صيام لحد العصر ده بتاع البيبيهات انت بقيت راجل
توفي:طيب ممكن العب باللاب توب على النت
أنا:لا يا حبيبي لما تكبر
توفي:مش انت بتقولي اني انا كبير
أنا:امشي ياض من وشي لافطر عليك النهاردة
عند بتاع الفوانيس
نومة:ماما انا عايز فانوس بشمعة
أنا:بلاش اللي بشمعة يا حبيبي ممكن يلسعك او يحرق البيت
نومة:لا يا مامي انا عايز فانوس بشمعة
أنا:بص ده على شكل تليتابيز و بيغني رمضان جانا وحوي يا وحوي
نومة:لا انا عايز فانوس بشمعة
أنا:طيب شوف ده جمل و راكبه علاء الدين و بيحرك عنيه و يمشي
نومة:لا انا عايز فانوس بشمعة
أنا:الله ده بقى امووور قوي بص ده الدبدوب بو و بيغني
نومة:لا انا عايز ابو شمعة
أنا: جتك القرف طالع عنيد زي امك ..الله ده زيي
أنا:طيب يا عم اديلنا الفانوس ابو ام شمعة
و احنا في العربية مروحين
أنا:بتعمل اية يا نومة؟
نومة:بدعك الفانوس يا ماما
أنا:اية؟ لية؟
نومة:علشان يطلعلي العفريت بتاع سمعة و اقوله يجيبلي فانوس بيغني
أنا:اهههههههه ياني ,,,,بس ياض انت بطل هبل
رمضان كريم
59 comments:
أنا أول واحدة تعلق،ولأول مرةعلى الرغم من أنى متابعة مدونتك من فترة طويلة ،لكن عجابنى الحوار اللى ما بينك وبين أبنك ،ربنا يخلهولك
ورمضان كريم
ايه ده انا مركز تعليق متقدم مش قادره اصدق نفسي هزغرط اللهم اني صايمه يلا -هي الزغاريط حرام ؟؟-مش مشكلة المهم يعني
حلو اوي الحوار ده يعني هو راجل ومش عايزه تقعديه ع اللاب توب يا كلبوزتي :)
وكمان ليه مش هتجيبيله فانوس بشمعة يرضيكي انا افضل مركونة ع الرف وما تبعشي وكمان انا طيبة ومش بلسع ولا بحرق ولا بولع ولا بخلص شمعة لا تنتهي يعني:)
كل سنة وانت طيبة يا كلبوزة -
توفى دا بيفكرنى بنفسي و انا صغير
نومة دا بيفكرنى بنفسى و انا كبير
كلبوزة انا عايز الفانوس ابو شمعه و عايز اللاب توب العب عليه شويه
نسيت اقولك براحه على الكنافة شويه
انت وابنك فى رمضان سكر
كلنا مع العيال ليلى
انا جبتلهم فوانيس بشمع برضه
بس اول ما وصلت رميت الشمع
انا ناقصة؟
كل سنة وانت طيبة يا احلى سمباتيك
وربنا يخليكى ليهم
السلام عليكم
طب الولد ده
عنده حس راقي جدا
هى الفوانيس الموجودة دي فوانيس:d
فين ايام زمان لما الشمعة تخلص
ونخلى ماما تغيرها
ولا لما تتطفي
ولا لما نتلسع:D
أيااااام
سلاماتي
هههههههه
والله عسل يا سمبتيك
ربنا يخليلك ابنك يارب ويباركلك فيه
وكل سنه وانتى بالف صحه وسلامه
احمدى ربنا انه مولعش الشمعه وعمل زيى وولع فى البيت
ههههههههه
زي العسل
عايز ياكل ويقول اللهم اني صائم :)
لأ وذكي جدا ماشاء الله ,, اول ما قلتيلو انت كبير كان عايز يستغل الموقف :)
ربنا يخليكي ليهم ويخليهم ليكي
وكل سنة وانتو بخيييير
سلامات :)
ربنا يخليكوا لبعض ويبارك فيكوا
بس الولاد كده عرفوا إزاى يلاعبوكى :) متهيألى توفي ضرورى تحوليه على مدرسة تانية فيها أصحاب عدليين شوية ونومة تبعديه عن سمعة.. خطر على الولد فى السن ده
الحمد لله على السلامة
كفارة
انت رجعتي من سويسرا امتى؟
كل سنة وانت طيب
بالمناسبة الشياطين بتنطلق طول السنة وتغيب في رمضان
وانت غايبة طول السنة
وجاية في رمضان ؟
سلامي لتوفي
*ّ*ّ*ّشبابيك عربية*ّ*ّ*
ربنا يخليكي نورتي اهلا وسهلا
الله أكرم
:)
****
*ّ*ّ*ّنوران شمعة*ّ*ّ*
شوفتي العيال بيستغلوني اسوأ استخدام هو كل الشمع زيك يا شمعة طيب انت حونينة بس ربنا يكفينا شر النار
و انت طيبة يا شمعتي
****
*ّ*ّ*احمد اتش*ّ*ّ*
عايز تاكل و تقول اسغفر الله ي نهار رمضان و ماله بس كده حتروح الفاير
ممكن اللاب توب بس موضوع الفانوس ده موعدكش
:))
****
0ا0ا0ا0ا0ارمضان كريم0ا0ا0ا
نسيت اقولك يا احمد اني مش باكل كنافة نوهائي طلعت اوت دي
****
حــلم
و انت طيبة يا جميلة و ربنا يبارك في اولادك و يخليكي ليهم و ليا
قبلاتي الدافئة و طبق قطايف عصافيري
****
mesh2dra
انا كمان بحب موت الفانوس ابو شمعة و باب بس بخاف عليهم من النار و اللي يفرسك انه بعد الغلب ده كله مستني العفريت علشان ييبله واحد بيغني طيب ما كان قدامه
عيال تفرس
****
lamada
الحمد لله يا رب ربنا ينجينا و ينجي عباده و كل سنة و انت بخير و سلامة يا جميلة
****
0ا0ا0ا0ا0رمضان كريم ا0ا0ا0ا0ا
عـلا - من غـزة
و انت طيبة يا علا الاطفال دول اذكياء جدا و احنا غلابة بيتلعب بينا الكورة
ربنا يهديهم كلهم
نورتي
****
عدى النهار
هو يقصد سمعة بتاع الفانوس السحري اللي كان اسمه مصطفى عارفة الفيلم ده
ههههههه
طيب دول الاطفال زمايله احسن من غيرهم اللي بيشربوا سجاير و يشموا كوله ربنا يستر على اولادنا
****
أُكتب بالرصاص
انا حاسة انك جاي تزورني في سجن القناطر و معاك قفص قرص و ربع كيلو حلاوة
طبعا انا زي هلال رمضان بهل مرة واحدة في السنة
توفي بيسلم على سيرين و بيقولها امشي خشي جوة معندناش بيبيهات يبصوا من الشباك
*****
0ا0ا0ا0ارمضان كريم 0ا0ا0ا
الله الله
ربنا يخليكولك
وتعيشي وتجيبيله يارب
كل سنه وانتم طيبين
بس بجد الفانوس ابو شمعه بيعبر عن رمضان الحقيقي
رمضان اللي الصين خلت فوانيسه بترقص وتغني
واه يا صينييييييييييييييي
عارفة طبعاً وهو ده اللي قصدته:) الواحد كان بيتنح قدام التليفزيون بالساعات يتفرج على سماعين ياسين
هو العته اللي العالم فيه من شوية
:)
ههههههههه
ربنا يحميه و يكرمه يا رب
و بعدين مش حرام عليكي الفوانيس اللي عمالة توصفيهم
دي فوانيس دي
ماله ابو شمعة
هههههههههه
كل سنة و حضرتك طيبة
:)
حوار ممتع للغاية
فكرتينى بنات اخواتى، كانو مطلعين عينى
الاطفال اذكيا لدرجة مدهشة، والتعامل معاهم فعلا تجربة غنية ومفيدة جدا على المستوى الانسانى يعنى
احييك على عبقرية ابنك وربنا يخليهولك
تحياتى
كل سنة وانتى وهو طيبين
معلشى العيال اليومين دول نبهة بشكل يخوف مش بتعرفى تاخدى معاهم حق
ولسه لما يكبر فى كل خلاف حيطلعك انتى اللى غلطانة
وبكرة ياخد اللاب توب منك وانتى اللى تطلبى منه انك تستعمليه
و ياخد تليفوك و و
ربنا يبرك لك فيه
صباح الفل يا سبماتيك
ماشاء الله على العسل ..إيه العسل ده؟..هايل ..الواد توفي ده دمه خفيف ..سكر!..ونومة بتاع الفانوس ..خدعني يا كلبوزة ..انا قلت ده واد بيحب العرقة والأصالة !..أنا سعيدة لأني دخلت مدونتك وعرفتها -كنت اسمع عنها بس- وسعيدة كمان يا سكر بتعليقك عندي ،ويارب يجعل أبناءك قرة عينك ..ويبارك فيهم ويحميهم من شر الألابانده !:-)..تحياتي
ما شاء الله ربنا يخليهم ليكي يا رب
تحياتي لك من ماناساس البلد
ههههههه عثل هما الاطفال كده قوليلهم شمال ييجو يمين كل سنة وانتى بخير ربنا يعينك عليه :)
هههههههههههه
واضح ان العائله كلها دمها خفيف..
ربنا يحميهم يا رب..
ويباركلك فيهم
جامده جدا
ربنا يخليهوملك ويباركلك فيهم
:):)
بسم الله ما شاء الله
ابنك الله أكبر عليه ايه العسل ده ؟
ربنا يخليهولك يا رب ويخليكي ليه
عشان خاطري هاتي له حاجة حلوة في حدود نص جنيه كده وقولي له دي من عمو علوة
طريقتك في السرد جامدة جدا جدا انا كنت مستمتع أوي وانا بقرا البوست
ربنا يخليكوا لبعض وتفرحي بيه يا رب
بالمناسبة هو عنده كام سنة ؟
صباح الفل
كثيرا ما يجبرنا الصغار على محاولات الهروب من اسئلتهم بالغوض أكثر فى هذه المحاولات ، حتى نجد أنفسنا فجأة نغلق الحوار الخاسر معهم
لكننا فى الوقت ذاته - نسر - بتلك اللماضة والاصرار على الجوار والقدرة على قلب موازين اللغة نحوهم
احيانا نعلمهم وكثيرا نتعلم منهم
تحياتي
ههههههههههههههههههههههه
ربنا يخليهملك يارب ...
بس توفى شكلة هايطلع عبقرى بجد...وياريت تشوفى مين العبقرى صاحبة صاحب اقتراح كل سندوتش وكمل صيام وقول الله ما انى صائم دة..
نومة بقى الى سكر بجد وعاجبنى موضوع سمعة اوى...
ربنا يحفظهملك ويباركلك فيهم
Very good posting, thank you.
جمال عبد الناصر,
15/1/1918/ - 28/9/1970
The Great, Gamal Abdel Nasser
بسم الله ما شاء الله
ربنا يحفظهم
عسسسسسسسسسسسسسل
ههههههههه
ربنا يباركلك فيه
ايه يا مدام الدلع ده ؟ فكرى شوية ابذلى مجهود، التدوين ده مسئولية جامده، والناس اللى بتعلق عليكى دول بطابيط كسلانين زيك
المرة الجاية عاوزك تعصرى تفكيرك وتقدحى زناد فكرك وتكتبى حاجة بحق وحقيق
تحياتى
اولا شكرا على الزيارة بالرغم من السخرية ومحاولة الثأر من تعليقى ، ولكن انا فعلا باكتب لاول مره خلال شهر سبتمبر والموضوع لا يحتاج لخبرة الا من الناحية الفنية فى ترتيب المدونة ، ولست هنا لتسويق سلعتى ولكن مازلت عند رأيى السابق ان التدوين مسئولية وليس تمضية وقت وتسلية
ملحوظة ليس كل من يزور مدونة يعلق عليها فليس هذا مقياس النجاح وليس التعليق الذى يسرنى بالذى يمدحنى
شكرا مرة اخرى
ههههههههه
كل سنة وانتى طيبة وربنا يخليهولك
ويباركلك فيه
نور عينى سمباتييييك
حمد الله عالسلامة .. و رمضان كريم
ياطولة بالك يا ختى .. ما ياخد اللى ياخده أبو شمعة ولا أبو شمعدان حتى - و أهو يوف فى البطاريات
العيال محتاجة صبر و طولة بال غريبة فى تربيتهم ,, و الواحد خلقه بقى أديق من خرم الأبرة
بس الأكيد ان أى نقاش معاهم و أى محاولات فى التفهيم بتجيب فى الآخر نتيجة جيدة
أنا لما العيال بيزنوا عليا فى موضوع الصيام و التعب ده بيصعبوا عليا و بضعف .. و بعدين بندم و عارفة انى غلط - بس بيصعبوا عليا
واحشانى أوى سمعينى صوتك
شكل الولد طلع لــ ...
ربنا يخلهولك
اول مرو اجى رغم انك مشهورة جدا
لكن تعليقك عند الراجل الاسبانى عجبنى طحن
.
.
استعوأتك لقيتك مبتسألش قلت اسأل انا
رمضان كريم و ينعاد عليك و يعطيك ما يحرمك
الا هي مالها مادلين الف بعد الشر يا كبدي
معلش اكتر من كده و يزيح ربنا
ترجم بقى
اكيد هكون هنا تانى
كل سنه و انت طيبه
كل سنه وانتى وهو وباقى العيله بخير ورمضان الجاى تكونوا كلكم مع بعض ان شاء الله والفانوس ابو شمعه على فكره انا برضه كنت باحب ابو شمعه
سلام الله عليكي
بجد بجد بجد لزيز ابنك قوي
ايه عيال الايام دي
العيال لسانها طول قوي
ههههههههه
خفيف موت بجد
ربنا يخليهولك
.
زيزي
ما شاء الله بارك الله لك فيهم
وجعلهم بارين بك
خايف لو دعك فى الفانوس يطلع له العفريت يقول له تطلب ايه
فيرد انك تدخل تانى
ربنا يكرمك
كل عام انت الى الله اقرب
السلام عليكم
كل عام وانتم بخير
بجد الواد دا مشكله والبوست دا مشكله ايضا
بس معلش انتي غلطانه من الاول لازم تجيني فانوس من ابو شمعه اللي بيحرق الايد ويعور عشان يحرم يطلب فانوس تاني
ربنا يبارك فيه
وتجبيله لاب توب من ابو شمعه عشان يدعكه ويطلعله العفريت يجيبله لابتوب كورديو
انا اول مره ادخل هنا ومش اخر مره باذن الله
و
ههههههههه
عيالك ما شاء الله ذكاء يعنى
بس موضوع الشمعة ده تحفة بجد
وحشتينى بجد ووحشتنا بوستاتك
هههههه
وأنا كمان معاكم .. كلنا مع الأطفال ليلى برضه
:-D
إبني الكبير كانم لسة حالا بيسألني نفس أسئلة توفي بالمللي .. سبحان الله
ربنا يخلي .. كل سنة وإنتم طيبين
بصراحه انا ما قريتش الموضوع ده
انما قريت ردك عند ديفيد سانتوس
ومش قادر امسك نفسى من وقتها
هاموووووت من الضحك
..............
استعوأتك لقيتك مبتسألش قلت اسأل انا
رمضان كريم و ينعاد عليك و يعطيك ما يحرمك
الا هي مالها مادلين الف بعد الشر يا كبدي
معلش اكتر من كده و يزيح ربنا
ترجم بقى
........
زمانه لسه بيترجم يا كبدى
هههههههههههههه
كل سنه وانتى وابن حضرتك وكل العائله بخير وسلام
ملحوظه : أنا كمان استعوأتك
ترجمى بقى
بجد انا عمال أضحك من قلبى من جوه قلبى
خاصة من توفى
توفي:طيب ممكن اشرب مية و اقول استغفر الله العظيم
والله قولتها للحاجة وأنا صغير
وعلى فكرة الفانوس أبو شمعة ليه رونق خاص جدا
ربنا يخليه بجد ويكرمه
وشفتى بيوفرلك كمان هات واحدرخيص وهو هاتيصرف فى الباقى :))))
كل سنة وانتى طيبة والأسرة كلها
كلبوظة هانم
ضروري ضروري تراسليني علي الايميل ده عشان عاوزك في موضوع مهم جدا
ashraf_hamdi@hotmail.com
بجد لازم تبعتي رسالة بمجرد ما تشوفي التعليق ده
تحياتي
هههههههههههههههههههههههههههههههههههههههههههههههههههههههههههههه
بجد يجننوا ..ماشاء الله ربنا يخليهملك ويحفظهملك يارب
البوست دمه خفيف ..قريته وقولت اعلق لأن البوست اللي بعده شكلها هايحرق دمي ويغير مودي
تحياتي وهاروح لحرقة الدم
حوار جميل اوي :D
ربنا يخليهملك :)
لاول مرة بالاسكندرية : دعوة لكل مواطن ولكل مدون حر: لحضور .............
ملتقي الدفاع عن سجناء الراي وحقوق الانسان بالإشتراك مع ....
تجمع المدونين الطامحين في وطن عربي بدون سجين رأي واحد
و بحضور نخبة من الصحفين والسياسين والمدونين
فرصه حقيقيه ليجتمع المدونين مع بعضهم البعض
ويعلنوا تضامنهم مع حرية الصحافه والكلمه في مصر
موعدنا : الجمعة 18/ 10 الساعه 5
بنادي المحامين بجليم كورنيش البحر الاسكندرية
اعلنا في مدونتك
لاول مرة بالاسكندرية : دعوة لكل مواطن ولكل مدون حر: لحضور .............
ملتقي الدفاع عن سجناء الراي وحقوق الانسان بالإشتراك مع ....
تجمع المدونين الطامحين في وطن عربي بدون سجين رأي واحد
و بحضور نخبة من الصحفين والسياسين والمدونين
فرصه حقيقيه ليجتمع المدونين مع بعضهم البعض
ويعلنوا تضامنهم مع حرية الصحافه والكلمه في مصر
موعدنا : الجمعة 18/ 10 الساعه 5
بنادي المحامين بجليم كورنيش البحر الاسكندرية
اعلنا في مدونتك
http://yallanefdahom.blogspot.com/
efdah@yahoo.com
ربنا يبارك لك فى ابنك و يسعدكم .. كل عام و انت بالف خير
هههههههههههههههههههههههههههههه حوار وهمى
ربنا يخليهملك انا بموووت فى الاطفال وتوفى ماشاء اللة باين علية زكى ونومة هههههههه سيبية بقى يدعك الفانوس :]:]
بوست زى السكر
اة صحصح عيب اوى لما ادخل قبل العيد بومين وما عيدش عليكوا كل سنة وانتوا طيبين
فكرنى بنفسى وانا صغيرة لما كنت بقولهم
انتو وقت ما تحبوا ابئا صغيرة وبمزاجكو ابئا كبيرة
انتو لخبطونى
واضح انه هيكون مفكر او فيلسوف
على العموم مهما الاولاد طلعوا عنينا هما برضه اجمل حتجة فى حياتنا
جميلة اوي الحورات دي تسلم ايديكي
ههههههههههههههههه
ربنا يحميهولك وتفرحى بيه يارب
بنا يخليهولك و يديكي القوه علي المناقاشات الجامده دي
ربنا يصبرك
ضحكت ضحك بجد ((:
ربنا يخليهم لك
ربنا يخليهولك
همسه
ههههههههههههههههههههههههههههههه
انا كمان نفسى فى الفانوس ابو شمعة !!
ربنايخليه ليكي ويفرحك بيه
Post a Comment