Tuesday, October 16, 2007

شوق أعظم..بعد اللقاء


من الطبيعي ان يشتاق الانسان الى شئ فاذا حصل عليه زال شوقه و هدأ و لكني عدت من زيارة المدينة المنورة اكثر اشتياقا الى المسجد النبوي الشريف و رغبة في لقاء الحبيب المصطفى و الشرب من يديه الكريمتين شربة ماء لا اظمأ بعدها ابدا

احساس لا يوصف و انا اجلس امام الروضة الشريفة و التي قال فيها الرسول صلى الله عليه و سلم ((ما بين بيتي ومنبري روضة من رياض الجنة ومنبري على حوضي))0

في انتظار دخولها و الصلاة فيها و انا انظر الى الجدران النحاسية الخضراء و التي يدفن خلفها اشرف خلق الله سيدي و حبيبي و شفيعي محمد صلى الله عليه و سلم

و سرحت بخيالي و انا اجلس في مسجد الرسول صلى الله عليه و سلم يا الله على السكينة و الاطمئنان التي اشعر بها هل يمكن ان يكون الهواء الذي اتنفسه قد دخل صدره الشريف و زفره زفيرا مباركا ؟! هل يمكن ان اضع قدمي الفقيرة على موضع يكون قد خطاه حبيبي و رسولي من قبل؟ يا ليتهم لم يجددوا المسجد و اعمدته و لم يركبوا بلاطا رخاميا جديدا عسى ان تقع عيني على ما وقعت عليه عين النبي صلى الله عليه و سلم

شعور راقي من السعادة و الرهبة و التمني انتابني و انا انظر الى حجرة الرسول صلى الله عليه و سلم و التي دفن فيها جسده الشريف

و جلست اتخيله يخطب على المنبر و جلست اتذكر ما عاناه من قومه في بداية الدعوة و ما قاساه من الاعراب و عنادهم و هجرته الشريفة و كيف مشا مع صاحبه ابو بكر رضوان ربي عليه من مكة الى المدينة و كيف ذلك و انا قد اتيت في طريق ممهد لا في طريق وعر و سيارة مكيفة و كرسي مريح لا على ظهر ناقة قاسي في جو حار، واستغرقت رحلتي اربع ساعات و نصف لا في ايام و ليالي ورغم ذلك تعبت من صعوبة الرحلة و انا انظر الى جبال مترامية وعرة، تلفح وجهي اشعة الشمس المتسربة من خلف زجاج السيارة المظلل

كيف تحمل الرسول الكريم كل هذه الصعاب لكي يبلغ رسالة ربي و يخرجنا بفضل الله من الضلال الى النور و يدلني على طريق الجنة و يوصل لي القران الكريم سهلا ميسرا و هو الذي كان يعاني من نزول الوحي عليه

كيف خاض غزوة بدر و غزوة أحد و كيف حفر الخندق مع المسلمين في غزوة الأحزاب

كيف قال لعمه عندما عرض عليه ترك الدعوة للاسلام و أخذ الملك و المال:و الله يا عماه لو وضعوا الشمس فى يمينى و القمر فى شمالى على ان اترك هذا الامر ما تركت

و لمن لا يعرف.. يوجد في


ما لا يعد و لا يحصى من خصاله الحميدة و مواقفة الفريدة

اضغط على الروابط الحمراء للتمتع بسيرته العطرة
الحمد لله رب العالمين أن يسر لي زيارة المسجد النبوي الشريف و الصلاة و السلام على نبي الرحمة و الهدى ، حبيبنا و قائدنا محمد صلى الله عليه وسلم و على آله و صحبه وتابعيه و تابعي تابعيه إلى يوم الدين .
وأشهد أن لا إله إلا الله وحده لا شريك له وأشهد أن محمدا عبد الله و رسوله أدى الأمانة و بلغ الرسالة و نصح الامة وأجلى الظلمة، و جاهد في الله حق جهاده حتى أتاه اليقين و نحن على ذلك من الشاهدين.

58 comments:

http://kasperb4.blogspot.com/ said...

الله
شعور جميل وبجد مينفعش فعلا يتوصف
والله الواحد مشتاق بجد لزيارة بيت الله الحرام وزيارة المسجد النبوي
ربنا يرزقنا بالزيارة

الف مبرووك وربنا يتقبل منك وان شاء الله تروحي مرة واتنين وتلاتة

واللهم صلي على سيدنا محمد وعلى آله وصحبه أجمعين

البرديــــــة المصرية said...

مبروك للعمرة وربنا يتقبلها منك

واحييكى على اختيار عنوان بالجمال ده لموضوع اجمل

كل سنة وانتى طيبة

حبيبة الرحمن said...

الله...وصف جميل لاحساس صادق

جزاكى الله كل خيرا على هذا الشعور والنيه واعطاكى جبال من الحسنات

وربنا يرزقنا برحله مثلها


والاشتياق بيكون قبل وبعد اللقاء

ارق تحياتى لكى :)

اسكندراني اوي said...

طبعا انتي حتقوليلي
شيئ رائع وجميل
وروحانيات عاليه جدا

تقبل الله
وحمدا لله على السلامه

علا من غزة said...


حمد الله ع السلامة

البوست يفوح بالإيمان والمشاعر الروحانية

يا رب يرزقنا زيارة ذلك المكان الطاهر أجمعين يارب

اكتر حاجة عجبتني .. هي طريقة معايشتك للحدث .. وتفكرك في معاني انا متأكدة ان في ناس كتير مش بتخطر على بالهم حتى .. واتمنى ما يكونوش كتار

تعرفي .. لما بتفرج على الكعبة والحجيج في التلفزيون .. دايما بتساءل اذا كان الرخام او البلاط المكيف الموجود في باحة الحرم شئ في مصلحتنا فعلا كثواب يعني
انتي زرتي الكعبة كمان !؟

مش عارفة اهنيكي اقول ايه كمان ... انما بالتأكيد البوست مميز جدا وواضح فيه انك كنتي مبسوطة :)

كل سنة وانتِ طيبة

سلامات

ZaHrAt El3eN said...

حمدلله على السلامه وتقبل الله منك

كلامك جميل جدااا وفيه نوع من الاشتياق للزياره الرسول صلى الله عليه وسلم

عايش... ولكن !!!! said...

مبروووك للعمره
اوعدنا يا رب
كل سنه وانتى طيبه

مـحـمـد مـفـيـد said...

أقسم لكي أني كت ابكي من روعه وجمال السطور
انا تذكرت عمرتي منذ أقل من شهرين كم هي كانت رائعه
تقبل الله منكي العمره يا أختي وجعلها الله في ميزان حسناتك

mohamed said...

حمداً لله علي السلامة

ومبروك :)

وعقبالي

Mustafa Rizq said...

ياااه
وحشتني دموعي
تعرفي.... لا لا و لا حاجة

كل سنة و انت مع اللي بتحبيهم ف المكان اللي بتحبيه

ياب دايما

maioya said...

الله عليكي
انا متخيله ان انا قاعده معاكي
وحاسه بنفس الاحساس ده
ربنا يكتب لنا
زيارته اميييييييين يارب
ومبروك العمره
ربنا يتقبلها منك
ان شاء االله يارب

محمد said...

الأخت الكريمة

حمدا لله على سلامتك

وتقبل الله منك

وكل عام وأنت بخير

وتقبل الله منا ومنكم بمناسبة عيد الفطر

:)

Tamer Nabil Moussa said...

شعور جميل واحساس بالراحة والامان لايوجد سوى فى المكان دة

ربنا يكرمك ويوفقك


تحياتى

القلم السكندري said...

كل عام وانت بخير


و حمد لله ع السلامة

وربنا يتقبل

تحياتي

صاحب المضيفة said...

هناك حيث الهدوء بلا انقطاع والشوق بلا حساب

هناك حيث الامان من غوائل الدهر ونوائب الأيام

هناك حيث السكينة والهواء الطاهر يملئ عبق الدنيا

هناك حيث الطيبة والأصل الكريم

شوقتنا اختاه لتكرار الزيارة تلو الزيارة

فليس الخبر كالعيان

نكأت جرحا في القلب غائر على تبد الحال بعد الحال ...

شكر الله لك

خيرالدين said...

حمدا لله على سلامتك

وكل عام وانت بخير

Anonymous said...

اولا البوست رائع ثانيا تقبل الله منك ثالثا ان شاء الله ما تتحرمى من الزياره دى تانى ويوعدنا جميعا ان شاء الله وغقبل الحج ان شاء الله

اعشق فى الليل ضوء القمر said...

أولا حمد لله على سلامتك
ثانيا أيام لا أظنك ستنسيها
سيظل الشوق إليها مادام على الأرض لنا فيها نفس
أعاد الله لك الرجوع إلى تلك الأراضى المقدسه مرات عديده
وعلى فكره الإحساس بالراحه فى المسجد النبوى لأنه مسجد الرحمة المهداه
مسجد النبى نبى الرحمه
سبحان من أرسله رحمه للعالمين
هو أول زياره ليكى لكن إن شاء الله ما تكون الأخيره

خمسة فضفضة said...

السلام عليكم ورحمة الله وبركاته

كل سنة وانت طيبه يا سمباتيك

والله شوقتينا ، دي زياره الواحد عمره بابيمل ولا بيشبع منها

بس قوليلي هما خلاص شالوا الستاير البيضاء اللي كانوا بيبقوا حطينها عند زيارة النساء للروضه ورجعوا تاني زي زمان
بصراحه كانت اكتر حاجه بتعكر صفو الزياره هي الستاير دي اللي مش بتخلي الواحد يبقي شايف حاجه من القبر الشريف ولا الممبر

اللهم ارزقنا واياكي الزيارة مرات عديده


تحياتي

Lemonada said...

ربنا يحميكي يا سمبتيك
والله انت تحفة
اول مرة ادخلة مدونتك بس البوست دة رررررررررائع وجسمي كلو قشعر
اصلي السنة دي كنت في العمرة بعد غياب 7 سنين تقريبا
بارك الله فيكي
و تقبل الله طاعاتك

محمد عبد الغفار said...

الف الف مبروك ، بعوده انشاء الله

سندباد said...

ربنا يتقبل منا ومنك
باذن الله
تحياتي

أبو ضحى said...

مبروك العمرة و ربنا يتقبل منك

و عقبالنا

يا مصر اكتب إليكي رسائلي said...

الأخت العزيزة ـ المعتمرة ، وقريبا بأمر الله تعالي ـ الحاجة ـ سمباتيك

تحياتي اولا ، واسمحي لي اشاركك فرحتك بالعمرة ، علها الغبطة ، ويكتب لنا مثلها ..فلم اكن اتوقع ان اجد هذا البوست الذي اسرني.
وإلى هنا اتي إليك اطلب السماح ، اللهم اغفر لنا فقد أهملنا حقا علينا لمن نكن لهم الود..كل سنة وانتي بكل خير والأسرة الكريمة والأحبة والأصدقاء.

البنت الشلبية said...

اشكرك على البوست الجميل ده
عرفتى توصليلى احساسك
وربنا يتقبل منك يارب

حسن ارابيسك said...

الحقيقة
تلك الاحاسيس والمشاعر النورانية ينعم بها كل من ذهب الي تلك الأماكن المقدسة
وندعو الله للجميع ان يحظى بزيارة تلك الروحانيات العالية
بارك الله فيكي

david santos said...

The regime of Mubarak and his minions is every day to transgress human rights. More than 10,000 Sudanese refugees are arrested and more than 100 have been killed.
Illustrative of the world arrogance and the atrocities committed against the Sudanese refugees by this criminal regime of Mubarak.

kikooooooooo said...

حمد الله ع السلامة وصحبة ان شاء الله لأني بجد نفسي أحس الإحساس اللي انتي حساة ده لأنه أكيد إحساس لا يوصف
كان معكم ...,
كيكووووووووو

ما أنا عايف طبعا !! said...
This comment has been removed by the author.
ما أنا عايف طبعا !! said...


يا بختك يا سامبا هانم تيك
(!)
ربنا يوعدك بزيارة النبى 100 مرة كمان وكمان
ونكون جماعة أن شاء الله

بس لو نعرف نروح زى زمان بالجمال
!!!
أكيد كان هيكون للرحلة دى شكل تانى

....
تانى مرة
حمدا لله على السلامة
وعقبال الحج


على فكرة انا صاحب البوست إلى فات بس مسحتة لخطأ مطبعى

(!)

Unknown said...

حمد لله على السلامه
يارب تكونى دعيتلنا معاكى
وعقبال الحج يارب

كراكيب عادل said...

فكرتيني بالاحساس دة وانا هناك

فعلا الواحد بيكون حاسس اد اية هو حاجة صغيرة وهو موجود في المكان دة

وهو قريب من قبر سيد بني ادم كلهم ومن شهد الله لة بالخلق العظيم

وبتذكر الاية الي بتقول بسم الله الرحمن الرحيم

{وَمَا أَرْسَلْنَا مِن رَّسُولٍ إِلاَّ لِيُطَاعَ بِإِذْنِ اللّهِ وَلَوْ أَنَّهُمْ إِذ ظَّلَمُواْ أَنفُسَهُمْ جَآؤُوكَ فَاسْتَغْفَرُواْ اللّهَ وَاسْتَغْفَرَ لَهُمُ الرَّسُولُ لَوَجَدُواْ اللّهَ تَوَّاباً رَّحِيماً }النساء64

وبحس اني محتاج جداا للرسول الكريم وبعدها لما بصلي هناك واخرج برة بحس اني فية حجات كتير اتشالت من جوة

ربنا يتقبل منك والله كلامك دة خلاني عايز اروح حالا هناك

Desert cat said...

عيشتينا معاكى فى الروضة الشريفه
ربنا يكتبها لنا جميعا
تحياتى

يا مراكبي said...

اللهم صلي وسلم وبارك على سيدنا محمد وأجزه عنا خير الجزاء وإجمعنا على حوضه يوم القيامة

حمد الله بالسلامة .. أحلى رحلة عملتوها

sara said...

مبروك العمره وربنا يتقبلها منك ان شاء الله

وصفك لمشاعرك رائع وحاسه بالحاله الايمانيه اللي عندك جدا يمكن عشان عشتها قبل كدا

ربنا يتقبل ان شاء الله

تحياتي

كلبوزة لكن سمباتيك said...

اهلا و سهلا بكم اعزائي و جزاكم الله خيرا على دعواتكم الرقيقة و صلواتكم على اغلى خلق الله و سلامكم عليه اللهم ارزقه الوسيلة و الفضيلة و الدرجة العالية الرفيعة


لم تكن عمرة بل زيارة الى المسجد الحرام، عمرة رمضان الحمد لله كانت في النصف الاول من رمضان

تقبل الله منا و منكم صالح العمل و رزقنا شكر نعمته

الستائر البيضاء مازالت موجودة و لكنها لا تحجب الرؤية تماما عن الناظر بل بارتفاع حوالي 150 سم
رغم الزحام الشديد الا ان جلال المكان و تشريفه ينسيك كل شئ


لكل من اشتاق للزيارة اكثروا من الصلاة و السلام عل خير خلق الله فهي تصله

كل عيد و نحن الى الله اقرب و في نعمته و صحته و رحمته ننعم


تحياتي

دكتور كسلان said...

مبروك زيارة المسجد النبوى

اوعدنا يارب

hamasat said...

الله وصفك جميل جدا ربنا يتقبل ويوعدنا يارب احنا والسامعين وكل من يتمناها

simple girl.. ..simple dream said...

would u plz visit my blog and participate in my poll
i really need ur opinion


with my best regards

Unknown said...

ما شاء الله ربنا ينولهالك ويرزقك بيها تانى يارب

وعقبالى ادعيلى اروح بالله عليكى يارب

اللهم ارزقنا صحبته فى الفردوس الأعلى كما آمنا به ولم نراه .. يارب آميييين

semsem said...

صلى الله على محمد صلى الله عليه وسلم
عمرة مقبوله ان شلء الله

جمعنا الله واياكم وكل المسلمين على حوض النبى صلى الله عليه وسلم
قولى امين

bluesky said...

اولا: مبروك العمرة و ربنا يتقبل منك ان شاء الله
ثانيا: اعتذار لاني كان بقالي فترة مش متابعة ...بس قريت كل اللي ما قريتوش و دايما مواضيعك لذيذة و عجبني اوي "انا و ابني و رمضان" لذيذة خالص
تحياتــــي

اعشق فى الليل ضوء القمر said...

أقول حاجه
صلى الله على محمد صلى الله عليه وسلم

ابو العربى said...

الهم ارزقنا الزياره ويتقبل منا ومنك

تحياتى

مدحت محمد said...

يابختك
وحمد الله على سلامتك
انا كنت هناك من تلت سنين
بس
ومش هقلك انا
اد ايه
مشتاق ازور النبى
يمكن اكتر حاجة اسعدتنى واثلجت صدرى وابكتنى
لما سمعت عمرو خالد قال
اللى يدخله ربنا الجنة
والمقصود الروضة اللى موجودة عند سيدنا النبى
اللى يدخله ربنا الجنة فى الدنيا
اكيد مش هيحرمه منها فى الاخرة
اد ايه هزتنى
وانا واقف فى الروضة
سالت العسكرى
قلتله لو سمحت انا اروح الروضة منين
كنت اول مرة ادخل المسجد النبوى
كان فى الفجر
قاللى انت هنا واقف فى الروضة
بجد احلى ايام بجد
والواحد عايش جنب النبى
وعدك ايام مش هتنسيها
وربنا يرزقنا تانى
والحمد لله
عمرة مقبولة ان شاء الله

حقى اهرتل said...

يا بختك دا مشحسد انماحقد
انا نفسى ازور النبي اوى
شكراعلىجراءةرأيك بس مش ههنيكى
عليه لانك مستعينه بقوة الشوق لافضل الخلق صلى الله عليه وسلم يا رب اوعدنا

^ H@fSS@^ said...

مش بحسد ولا حاجة بس حقول يا بختك
نفسي اجي و اقعد هناك براحتي الى مالا نهاية
تصدقي انا لسه فاكرة الزيارة اللي عملتها مع اهلي و انا عندي 4 سنين
لا يمكن انسى الاحساس الخفي اللي شعرت بيه

بوووووووسة
انتي واحشاني اوي

allfollowsome said...

مبرووك وعقبالنا انشاء الله

بجد يعنى انا سمعت كتير ونفسى اشوفه فعلا

ربنا يتقبل

shabfa2re said...

الف الف مبروووووووك
وربنا يتقبل ان شاء الله

Unknown said...

حمد اله ع السلامة ألف مبروك حج مبرور و ذنب مغفور أن شاء الله ربنا يوعدنا
وصفك لشعورك هناك جميل
تحياتى

david santos said...

Sampateek, Please!

Send an email to the Brazil embassj your country and repor the injustice that the brazilian courts are making with this girl
Release on Flavia’s accident and status of the process.

The resignation is to stop the evolution. (David Santos in times without end)

Thank you

^ H@fSS@^ said...

هو رجع تاني؟؟

نفسي بس افهم هو عايز ايه لا احنا فاهمينه و لا هو فاهمنا ب سوالله بحبه شخصية ابن بلد و مجدع جدا

hi david, i hope you are fine.

kaed said...

اللة عليكى
ما أجمل أن تكونى بجوار رسول اللة
العام القادم إن شاء اللة تكون حجة مبرورة
ولا تنسينا فى الدعاء يا سمباتيك
ومتنسيش تبقى تجيبيلى معاكى عيش وحلاوة
لأنى مش ضامن السنة اللى جاية أكون فين بالظبط
دمت بخير أختى العزيزة

المهـ إلي الله ـاجر said...

تقبل الله منك العمرة وبلغك اياها اعواما عديدة

MAKSOFA said...

مبروك العمره وربنا يكتبها لك دايما أن شاء الله

koukawy said...

يا بختك
نفسي اروح اعمل عمره
و مش في موسم عشان استمتع
يا سلااااااام

mostafa rayan said...

عارفة الشعور دة ماينفعش يتوصف حاجة كدة مايحسش بيها غيراللي داقها واللي مادقهاش بيتمني يدوقها نفسنا كلنا نصلي هناك ونغسل روحنا من جوة زيارة مقبولة وعقبالنا

حركات said...

حركات
http://www.7rkat.net

منتدى حركات
http://www.7rkat.net/vb

مركز تحميل حركات
http://www.7rkat.net/up