Sunday, March 30, 2008

الحكومة هي أمي



البنت : ماما أنا عايزة أكل


الحكومة : الأفران مفيهاش عيش يا حبيبتي


البنت :طيب اكل اية


الحكومة :كلي طوب يا بنتي علشان الشوارع تروق شوية


البنت :طيب أنا مخنوقة من ريحة عوادم السيارات و السحابة السودا يا ماما


الحكومة : و انا اعملك اية يا بنتي اقفلي الشبابيك


البنت : يعني اتكتم يا ماما


الحكومة :يكون أحسن يا ضنايا


البنت : طيب يا ماما انا عايزة اتعلم تعليم كويس و اخد فرصتي


الحكومة : فرصتك اخدها اولاد الدكاترة يا حبيبتي اتلهي و شوفيلك قهوة تقعدي عليها


البنت : طيب شوفيلي وظيفة اكل منها عيش


الحكومة : حنرجع تاني للعيش قرفتيني.. مفيش وظايف غير عمال في المصانع ها اتبطري بقى و قولي لا


البنت : يعني يا ماما انا اتعب و اتفوق و اخرتها لما اخد الشهادة اتعين في مصنع زيي زي اللي كان بيلعب في الشارع و مابيذاكرش


الحكومة : و ماله كل برغوت على اد دمه و اللي ليه ضهر ماينضربش على بطنه


البنت : طيب بلاش وظايف شوفيلنا شقة نضيفة كده في حتة حلوة اتجوز فيها


الحكومة : نعم يا اختي شقة ليه انتي بيتكم وقع و لا هو استهبال


البنت : هو انا يا ماما لازم بتنا يقع علشان تجيبيلي شقة


الحكومة : اه طبعا مساكن الايواء جميلة و محندقة بس لازم توقعي البيت الاول


البنت : طيب يا ماما اعملي لنا كساء شعبي زي زمان لحسن اقل جيبة و بلوزة بالشئ الفلاني في عباس العقاد


الحكومة : ليه يا ستو انا مالها وكالة البلح ؟؟في هناك سوق ساكندهاند اخر آلاجة و اسعاره جنان


البنت : يا ماما مش معقول كده مش عارفة اطلع منك بحاجة لا هوا نضيف و لا رغيف عيش و لا علام عدل و لا سكن و لا لبس امال انت ماما ازاي


الحكومة : روحي و انا متبرية منك




ينتهي المشهد بالبنت و هي تحدف أمها الحكومة بالطوب مرددة شعارات اضطررت لحذفها حرصا على الذوق العام و شعارات اخرى تناسب الذوق العام مثل


يا حكومة يا واخدالك نومة


انت تنامي و انا محرومة


***


يا حكومة يا ريش على مفيش


مش عارفة توفري رغيف العيش


***


تيـــــــــــــــــــــــت


50 comments:

كلبوزة لكن سمباتيك said...

سؤال إلى السيد الاستاذمفتي الديار المصرية:
هل من يسقط في طابور العيش يعد شهيدا؟
ام نعتبره من البلطجية المتبجحين الطماعين اللي عايزين يغمسوا بارواحهم؟؟؟


حنغمس....حنغمس
حتى الموت

ثورة said...

ليه رديتي قبل مني ؟
كنت هبقي أول كمنت

ههههههههه
حلو السؤال ده

الشيخ البحبحاني قال يجوز
وأمر بجزية للميت

ههههههههه

لسه شايفه عمرو أديب بيتكلم عن العيش برضو
وبيقول فيه أسره بتاكل ف اليوم ب 15 جنية فطار وغدا وعشا
اسرة خمسس أفراد تقريبا أو عندهم خمس أولاد مش فاكره

بس أكيد دول عباقرة
:D

حلو البوست يا سمباتيك

أنا سعيدة بالتعرف عليكي

محمد said...

هو يعني إيه عيش ؟؟

زمان كانوا بيعملوا حاجة اسمها عيش مدورة وبيضا .. بس دا كان زمان

أم أحمد said...

حمد الله علي السلامة النت نور والتدوين كله مبسوط برجوعك
عادي كله بيمر بحلل الملل التدويني بس بيرجع تاني
لما بيلاقي الدنيا تضرب تقلب وبيبقي عاوز يشارك برأيه في كل حاجة

ماعلينا الحكومة مش أمي دي أم أربعة وأربعين

الساحرة said...

اولا عودا احمد انشاءالله


بعدين الحكومه مطلعتش امي

دي طلعت مرات ابونا

ما احنا لو ولادها كنا صعبنا عليها

... said...

كفت في سوبر ماركت من كام يوم لقيته عامل حاجة أوريجينال أوي
جايب واحدة بجلابية قاعدة مستربعة علي الأرض وبتبيع عيش فلاحي في مشنة
الرغيف بخمسة جنيه

اتصورت جنبه

هو ممكن سؤال تاني للسيد المفتي
ينفع الواحد يتبري من أمه
وسوري يعني
اللي جابوا أمه

ayar said...

الحكومة عملت فينا احلى خير


نضفت جيوبنا وعقولنا وقلوبنا ...

بزمتكوا مش حكومة عاقلة ورشيدة ؟!

سمراء said...

ممكن اغير الردود بتاعة الام
لو مفيش عيش كلى جاتوة
لو مخنوقة من العادم رشي معطر جو
لو عايزة تتعلمي عندك مدارس استثمارية
لو عايزة شغل اعملى مشروع
لو عايزة مكان كويس تتجوزي فية عندك شارم الشيخ
لو بتنا وقع عندك خيم في الصحرا البيضا ممكن تعملي سفاري
لو عايزة تلبسي فية ستات كتير بيعملوا open day والهدوم مستوردة
اما عن الشعارات التي يمكن ترديدها في هذة الحالة تكون
يا بتاع الحنطور يا محنطر
اركب الحنطور واتحنطر
اشكرك على الزيارة
سمراء

محمد عبد الغفار said...

كل مشكلة من دول نسبة مسؤلية الحكومة فيها كام ومسؤلية المجتمع فيها كام؟؟

هو ده السؤال عشان نعرف من اولى بالمحاسبة

سؤال تانى الضمي فى كلمة امه بتعليق بثينه عائد على مين بالضبط؟

وش خبيث

abderrahman said...

على فكرة من حوالي كام شهر كده، كان وزير التضامن طالب فتوى من الشيخ المفتى عايز يحرم ويجرم ويخرم الناس اللي بتشتري عيش زيادة عن حاجتها وبتأكله للبط والوز
تقريبا الفتاوي مبقتش بتحوق

خمسة فضفضة said...

السلام عليكم ورحمة الله وبركاته

لو كل الامهات من العينه دي
يبقي اليتم ارحم

koko said...

شربات يا سمباتيك كالعاده طبعا .. بس ليه الحكومه هى امى .. هو احنا مش هنتفطم بأه ..

انا واثقة انك بتشوفى قناة فتافيت تلاقى الناس بتعمل اكل يجنن بس لو خدتى بالك مش بيرمو حاجة خالص يعنى لو واحد بيعمل كريمة مثلا مايسبس ولا لحسة فى الطبق .. لو واحده بتخلى الفراخ تلاقيها بتعمل شوربة بالعضم .. تحسى ناس عارفه قيمة النعمة علشان كده ربنا مبارك لهم فيها

قارنى ده بينا احنا الى المفروض شحاتين و جعانين و طول النهار و الليل شكوى و قر تلاقى الناس بترمى نص الاكل و بتتأمر على كل حاجة .. و على فكرة انا بتكلم عن الناس الى المفروض غلابة و ده عن تجارب مش كلام.. علشان كده ربنا بيزيل النعمة من وشنا

و نورت يا قمر المدونات

صاحب المضيفة said...

حوار جميل التشبيه والديباجة


ربنا يكرمك ويزيح عنا ما نحن فيه

لك كل الود

Anonymous said...

السلام عليكم
أبشر أختى الكريمة هنخرج قريب زى فيلم شئ من الخوف ونقول جواز عتريس من بلدنا باطل باطل وإن شاء الله نحرق عتريس فى القصر ومحدش يفهمنى غلط
تقبلى تحياتى

الزواج.....روضة الحب said...

أنا كنت هاهزر وأكتبلك من نفس نوع الكلام دة بس لية الكل بقى بيتكلم كدة؟أ نا عن نفسى بدأت أزهق من سماع الكلام دة فى كل حتة ،ياريت نحاول كلنا نحول مشاعرنا المتأججة دى لحاجة إيجابية على أد ما نقدر ،تقبلى مرورى المرة آدى والمرات الجاية0

None said...

متقلقيش مش لاقيه عيش اكليها جاتوه

او جبيلها شرابات اهى دى الحاجه الوحيده اللى بترخص الاربعه بعشره جنيه

وسلام

canary said...

اولا شكرا على تعليقك الرقيق على مدونتى
ثانيا عيش ايه يا حبيبتى اللى بتتكلمى عليه؟هنا العيش معجون بالتراب ومخبوز بالطين حتى لو نجحتى وقدرتى وربنا وفقك واشتريتى مثلا عشرين رغيف احلفلك عليهم كلهم انك مش هتقدرى تاكلى لقمه واحدة منهم
لكن كمان بتتكلمى على جواز؟ وشقه؟ وشغل؟ باين عليكى دمك خفيف اوى
لكن فيكى عيب واحد انك بتشتمى ماما الحكومه وبتحدفيها بالطوب
واللى ملوش خير فى الحكومه يبقى انسان طيب وابن حلال . سلامى

أبو أمك said...

وهنعمل إيه بالعيش..ربنا يخلي بيك رولز
ليك في البقسماط ؟
سيبك إنتي
الخبز أو الشهادة

Asmaa mahaba said...

هههههههههههه
جميله جدااا سمبتيك



البنت : يعني اتكتم يا ماما



الحكومة :يكون أحسن يا ضنايا
حلوه لو عاوزه شويه امل ابقى زورى تخاريف مجانين واقى تخريفتى الاولى
حتعرفى اننا عايشين كويس فى عهد زعبوله
تحياتى ليكى سومه_87

محدود الدخل said...

البنت دي محتاجة تلبس نضارة
لأن نظرها ضعيف
عشان دي مش أمها
دي أم اربعة واربعين
أم الغلا وام الفقر وام التطبيع وام الدولار وام ام حديد عز وام وام البلطجة وام الظلم وام الهم وام هتك الاعراض وام الي ملوش ضمير
وام حاجات كتير
بس الأكيد أنها مش أمنا
...

يا مراكبي said...

يعني إنتي تغيبي وتغطسي وأول ما ترجعي تقومي تشتمي الحكومة؟ إنتي مش عارفة إن المدونات متراقبة؟ طيب إمشي جنب الحيط شوية

كلمة في سرك: إبعتيلي الشتايم اللي في الآخر دي قبل ما تعدليها

مواطن مصرى نايم said...

ايه النيو لوك ده
الله ينور
و بوست رائع بس الرغيف اللى طالع فى الصورة نضيف
متعرفيش دا فرن ايه
عشان ابقى اجيب منه

http://kasperb4.blogspot.com/ said...

هما الحمد لله يعني بدأو فعلا في حل مشكلة العيش
بس للأسف
حل خايب بردو ممنوش فايدة على المدى البعيد
يعني حاجة كده زي ما تقولي تأدية أوامر
وبعد شوية ترجع ريمة لعادتها القديمة
ومش عارف ليه كده حاسس والله اعلم انهم بيلبسو الحكاية برمتها لأصحاب الأفران واليومين دول الإعلام مش وراه حاجة غير صحاب المخابز الحرامية اللي بيهربو الدقيق

ربنا يصبر البنت دي بصراحة على أمها


لالا

يصبرها ايه

ده سبب البلاوي دي كلها انها صابرة عليها

يارب البنت تفوق بقى وتعمل حاجة

http://kasperb4.blogspot.com/ said...

شكرا على الملحوظة الخاصة بالنشيد في مدونتي
تم تعديل وضع التشغيل

جزاك الله خيرا

عين فى الجنة said...

هييييييييييييييه دنيا فانية المتغطى بيها عريان
يا جماعة عيش ايه وشقق ايه انتم مسمعتوش
طوبى للجوعى
طوبى للمساكين
بس الحكومة الذكية علشان مش ذكية قوى غيرتها الى
طوبة للجوعى وطوبة للمساكين
مبروك النيولووك

Abo 7anf said...

السلام عليكم
دى اول مره اعلق فيها
بس بجد توبيك رائع
ومعلش بقى لازم نستحمل ماما

Unknown said...

سمباتيك
يا ريت تساعدينا وتفتحى فرع ف القاهرة للمبادرة وانهاردة تسمعى العاشرة مساءاً على دريم تو
جمعيتنا هتعرض المبادرة
ممكن تتصلى بالبرنامج كمان

المـــفـــــــقــــــــوعـــــة مــرارتـهــا said...

عارفة انا لو بإيدي كنت أتبريت من ماما الحكومة

الطائر الحزين said...

لازم نصلح من نفسنا على قدر استطاعتنا

اما الحكومة فمن زمان تركت الناس يتخذ بعضهم بعضا سخريا دون رقابه منها ولا عون

تحياتى

the movie fitna said...
This comment has been removed by a blog administrator.
wael said...

الحكومه هتعمل ايه يعني مش كفايه ان الريس مهانش عليه ان الناس تبقى زعلانه وطلع قال سيبو الحضري يحترف
ااااااااااااااااااااااااااااااه يا مرارتي
وبالنسبه لسؤال المفتي : شهيد ليه مش الحكومه هي امنا ومينفعش تطلع الحرب من غير اذن الاب والام
اكيد ماما مش موافقه ان احنا نروح نقف في الطابور
اقولها تاني
ااااااااااااااااااااااااه يا مرارتي

خايف من الحقيقة said...

اولا جبتي الرغيف النضيف ده منين
ثانيايعني ايه حكومه وهل الشىء ده موجود في المحروسه
ثالثا
الحكومه دي ام مين علشان نطلعه هو و ...... امه بره مصر خالص

sherehan84 said...

وحشتينا :) مع اني مش بعلق عندك كتير بس لما دخلت بالصدفه ولقيت تدوينتين جداد بعد الانقطاع فرحت
حمدالله على السلامة

مـحـمـد مـفـيـد said...

حسبي الله ونعم الوكيل
حتي العيش يا مؤمنين

د/اجدع بنوته said...

حمدالله ع سلامتك اولا

وعودا احمد

نستى تحطى نهايه للمسرحيه

والفيلم

والكليب

ده اللى بنشوفه كل يوم ف حياتنا

او يمكن انتى قصدتى تسبيها مفتوحه

البنت .. طب اعمل ايه ياماما

الحكومه .. موتى وريحينى متوجعيش دماغى


لووووووووووووووول

abo malek said...

كان الله في عونكم


على هذا الاستعمار الجديد

الشموع البيضاء said...

انا زرت مدونتك قبل كده وعجبتنى بس غبتى فتره وحمد الله على السلامه ..نورتى ومستنين الجديد وياريت تزورينى..والله الحكومه دى خلاص مش عارفه ناقص يعملوا ايه فالشعب اكتر من كده والشعب غلبان مبقاش لاقى العيش..شفتى الكوميديا السوداء

Unknown said...

فضلا على الموضوع الممتاز
بجد وحشاني موووووووت يا سمباتيك
أيه الغيبة الطويلة دي
بجد موضوع زي الفل وشايف إني هأقول كلام النقاد والمصري اليوم والبديل وغيره وغيره وأكيد كلام كله إحنا عارفينه
ربنا يتولانا برحمته بقى

تحياتي وعودة محمودة
محمد علي

Mohamed Hesham Safa said...

تيـــــــــــــــــــــــت

تيـــــــــــــــــــــــت

تيـــــــــــــــــــــــت

تيـــــــــــــــــــــــت

تيـــــــــــــــــــــــت

اعشق فى الليل ضوء القمر said...

على فكره عامل مفاجأه عندى أدخلى مستنيكى بسرعه

مجداوية said...

أخدت جولة بالطفطف فى مدونتك ووجدتها غعلا مدونة تستحق الزيارة اسلوب جميل ومواضيع متنوعة جميلة
شكرا لزيارتك لى و وزيارتى هذه لن تكون مجرد رد زيارة مجاملة فأنا أنتقى من أعلق لديهم تحياتى وتقديرى

allfollowsome said...

هذا وقد وافتنا وزراتى التموين والتعليم والبيئة والقوى العاملة ان كله تمام وان بنتها هى من تفترى على ماما

وان المشكلة فى العيش حصلت لاسباب كثيرة نذكرها لكم لاحقا

a.aTeYa said...

طب على فكرة دى حاجه ..تيييييييييييييت.. اوى على فكرة ..


جميل اوى الكلام و فكرنى بجمله فى فيلم سفارة يعقوبيان لخالد صالح مش فاكر كان بيقول فيها ايه :D :D

بالتوفيق دايما

t3ban said...

الموضوع مش عيش
ولا حكومة
الموضوع
مييين يشرب معاك الصبح
مييين يرغي في التليفون معاك للصبح
ممكن نسرق نسرق ساعة و تشرب قهوة معايا
فيروز كراوية
بس تشرب قهوة معايا
لو نلاقي جد بجد نكلمه
لو واحد بس من كبار المستثمرين دفع ضرايبه دقيق
حتتظبط الحياه
ولو احنا الشعب بقي عندنا دم و ذمة و مبعناش الدقيق من علي السلم
ما الخباز ولا صاحب الفرن شعب
تتظبط
و الله ولي التوفيق
ربنا يدمها نعمة و يحفظها من الزوال
السلام
تعبان الغلبان

Unknown said...

وهى الحكومة هتعمل ايه ولا ايه كفاية اللى هى فيه انا بستعجب من امثالكم ما تشوفلكم بلد تلمومكم بدل ما العيشة هنا مش عجباجكم جتكم الأرف ماليتو البلدhttp://ahlammaya.blogspot.com/

dina said...

اول حاجة انا عاوزة اشكرك على زيارة مدونتى اللى اديتنى الفرصة انى اشوف مدونتك اللى فعلا مميزة جدا...و البوست هااااااااااااايل و فكرة الكلام بين الحكومة و الشعب فى شكل حوار عاجبانى جدا بصرف النظر ان الحوار فيه بدلة شعبنا يعنى انما يلا
جميل جدااااااااااااا
تحياتى

روابط said...

هى الحكومة تبقى أمك

باقى التعليق تم حذفه من قبل الرقابة حرصا على الأخلاق العامة

momken said...

ههههههههههههههه

البنت دى واضح ان امها ماكنتش مويسه
بتكلم على امها الى فى البوست طبعا

البنت عماله تطلب طلبات استفزازيه
عيس
وسكن
وهدوم

فاضل تطلب علاج كمان
اهو ده الى ناقص
بلاش دلع بنات فاضى

انتى كبرتى وعارفه ان ماما بتتعب طول الليل هنا وهنا علشان نعيش
وبتتنازل تنازلات رهيبه طول الليل برضك علشان نتعلم

لازم يكون فى عنينا حصوة ملح وبلاش الحياه المرفهه دى
دى انتى عيارك فلت
مصيبه سودا لحسن كمان يومين تقولى عاوزة اقول رائيى
او عاوزة تيمقراطيه

بنات اخر زمن

ــــــــــــــــ
البوست بتاعه برغم ضحكتى الى فى اول التعليق لكنه محزن جدا
جدا
بس انتى حد حساس جدا

تحياتى

koukawy said...

علي فكره البنت دي طلبتها كتير اوي
ايه ده
مفيش الحمدلله
لا حمد و لا شكرانيه

aya said...

بجد اقل حاجه ممكن اقولهالك جاااااااااااااااااااااااااااامده جدا منتظره زيارتك