Saturday, April 05, 2008

يا لهوي حيحبسوني يا أمة



اضغط على الرابط لتقرأ الخبر


يا لهوي

حيحبسوني يا أمة



حيحبسوني يا امه علشان قررت اقول لأ

لا العيش لاقيه ولا السكن و لا حتى شق

و من ضلوع الوجع صرخت اقول الأاااه

حبسوا صراخي جوه الحلق
يا رب انت المستعان

و انت عالمفتري يا خالق الخلق
سمباتيك


31 comments:

مدحت محمد said...

مين اللى هيقول لا
هاتوه
ممنوع فى مصر تقول
لا
ممنوع حتى لو اتوجعت تقول
اه
انت فى عصر الطغاة
ومتقلش اه
ومتقلش لا
تخرس خالص
تحياتى

واحد من الناس said...

هيحبسوا مين ولا مين همه هبل...برده مابنخافش وهنضرب

خمسة فضفضة said...

السلام عليكم ورحمة الله وبركاته

ربنا يستر

الساحرة said...

انتي خايفه ليه

انتي بعيد احنا اللي هنتحبس بس

دة كمان ترزي الجمهوريه قصدي مقتي الحمهوريه

قال المنقطع عن العمل

يتحمل الذنب

لا وسجن من 3 شهور لسنه

ناس ذوق الصراحه

Lasto-adri *Blue* said...

بغض النظر عن أى شئ... فالزجل المكتوب عن جد عبقرى!

صوت من مصر said...

والله من غير حلفان الحكومه دى هبله لان الموظف نفسه يترفد عشان يشتغل على تاكس ولا اي حاجه فيها فلوس وفى نفس الوقت احنا شعب مبيخفش وعندى وهيروحوا
وانا اولهم فى وسط الاضراب العام اوك ومش خايف

سيبها على الله said...

ياست سمباتيك الحكومة مش فالحة الا فى طرق القمع وخليها حاطة دماغها اللى من غير عقل فى الرمال من الخوف مثل النعام هم لا يعرفون ان هذة الطرق نبذها العالم كله ورياح التغيير لا تريد ان تقترب منا كنا نتمنى ان تخرج هذة الرياح الى الدول الاخرى ولكننا للاسف نستجديها من دول آخرهم زيمبابوى...حكومة غبية بكل مانفهمه من معنى لكلمة غباءولكننى واثق كل الثقة ان التغيير قادم وخاصة ان الشعب ضاق ذرعا بكل مايروجونه من سياسات فاشلة عقيمة وآخرها مأساة رغيف العيش والتى راح 30 مصرى ضحايا الطوابير
ياحكومة اتكسفى على دمك دة لو كان عندكم لسه القليل منه ولا باين اللى اختشوا ماتوا

هوندا said...

يابنتى بيخافو اترعبو لما لقو ان ممكن يبقا فى قلق لان الشعب ده لو قام فعلا كله محدش هيقدر يقعده

محمد عبد الغفار said...

انا ضد الإضراب من غير حبس ولا حاجه ، ولو كنت معاه مكنش هيفرق معاى حبس

Unknown said...

أزيك يا سمباتيك
والله أمك تعبانة وهلكانة وبرده قاعدين ينهشوا في لحمها
وبعدين بصي يا ستي
اللي أحب أقولهولك
أولا
أنا مش موافق على الطريقة دي أو من الآخر عارف إن مالهاش فايدة ولا في حاجة هتحصل ومتأكد من فشل الإضراب
ولكن ثانيا
أنا مضرب
عارفة ليه
علشان أبقى ساهمت
وثالثا بقى يا ستي
كفاية إننا بيننا للرأي العام العالمي الأعمى إننا مش موافقين على حكومتنا
وربنا يقوي ويشوف المرة دي



تحياتي
محمد علي

Ma 3lina said...

يقولوا اللى يقولوه

هيخرسوا 70 مليون مواطن يعنى

basma saghir said...

يحبسوا مين ويهببوا ايه..هو فين الاضراب ده اصلا...مفيش اي حاجة حصلت اصلا كله...بخ

الناس عاشت حياتها عادي زي كل يوم وزي اليوم الي قبله وزي اليوم الي بعده

محاولة لكسر الصمت said...

آآآآآآآآآآآه منك يا بلد قلبي عليكي انفطر....وانتي حتى الآه مش عايزاني أصرخ بيها.....بس برضه بحبك يا بلد

صاحب المضيفة said...

تعبير جامد جدا ع نالحالة اللي بنعيشها كلنا


ربنا ليكي يا مصر ويحفظك من كل سوء



تحياتي

Unknown said...

يا جماعه اضراب ايه اللى انتوا بتتكلموا عنه
حرام ارحموا الشعب
ايه ذنب الناس اللى محلاتها اتحرقت وبضاعتها اتسرقت
ايه ذنب اطفالنا فى المدارس اللى اتحرقت ؟
كل ده عشان احنا همج
بجد احنا دول عالم تالت
المدونة بتاعتك بجد بسم الله ماشاء الله جميلة جدا
وعاجبني فيها كل حاجة
من اول اسمك
لحد ذوقك فى اختيار الالوان
والاستايل
والمواضيع اللى بتتكلمي فيها

canary said...

يا حبيبتى انت مكنش ناقص غير انك تكشفى راسك وتقولى دعوة وليه ساعه مغربيه . وبعدين مالك خايفه ليه دة الحبس للجدعان وليكى عندى افخر انواع الحلاوة رشيدى الميزان وانضف عيش فينو يعنى وانت برة اهو مش طايله نصه
وبعدين انتى تستاهلى الحبس اضراب وايه ومظاهرات ايه اللى انتى طالعه فيها
يا اختى البنت ملهاش غير بيتها وجوزها.
اخ دة انا نسيت ان الحكومه خليتنا لا لقيين بيوت ولا حتى اجواز
حسبى الله ونعم الوكيل

في حب مصر said...

ولا يهمك
السجن للجدعاااااان
على الاقل مش هتقفي في طابور العيش
وبعدين كل فدى مصلحة البلد والامن والاستقرار

سلامات يا استقرار

Asmaa mahaba said...

يا بنتى 76 مليون مصرى قولى منهم 26مليون حكومه وحزن وطنى عاوزاهم يقبضوا على 50 مليون ...؟؟؟
خليهم يحوطوا مصر بسور ويكتبوا علينا الشعب المسجون اسهل لهم
تحياتى ليكى سومه_87

raspoutine said...

الحبس للجدعان

مواطن مصرى نايم said...

على كده انا حتعدم
دا انا عملت تغطية كاملة للاحداث
يا لهوى
و كمان كتب مواضيع فى الجروب بتاع الاضراب فى الفيس بوك
يا لهوى
و كمان حاطط صورة اسراء الى عملت الجروب فى البلوج بتاعى عشان يفرجوا عنها
يا لهوى
طب شفولى حتة استخبى فيها
الحقينى يا امه

Unknown said...

العزيزة

عدت معاك
خدوا اسراء ونسيوكى
خلى بالك المرة الجاية مفيهاش هزار

koukawy said...

يا رب

Abo 7anf said...

السلام عليكم
كله قال البيان
ومالوا
مطول عمرهم بيقولوا
واه الجديد ببيان او من ير بيحبسوا
يلا ربنا يستر

يا مراكبي said...

نسيتي تقول في الآخر: وعجبي

بجد ألف مليون عجبي

عايزينا نموت وما نقولش أي حتى

nody said...

لا ما تخافيش مش ها يحبسوكى
ها يكفوا العدد دا كله حلاوه منين
دا مافيش عيش حتى

د/اجدع بنوته said...

يلا ع الاقل هنلاقى هناك

لقمة عيش ناكولها

وماحلاه العدسس

اشتتتتتتتتتتتته يا أمه

Unknown said...

بصى مشكلتنا ان عدد قليل منا الى بيشارك فى الاحتجاجات الى زى دى انما لو البلد كلها اضربت مرة واحدة استحالة حيعملوا حاجة

زى ما حصل فى فيلم شئ من الخوف كده

جواز عتريس من فؤادة باطل :)

دنـيـا محيراني(ايناس لطفي said...

كلبوزه حبيبتي مش عارفه اوصل لايميلك معلشي بقي هاعمل شويه دوشه عندك ما انا عايزكي تكوني معانا استحملي بقي
------------------
السلام عليكم ورحمة الله وبركاته ،،،
احب اعرفكوا بنفسي انا مدونة زميله لكم اسمي ايناس لطفي
مدونتي اسمها عايزه اتكلم واسمي المستعار عليها دنيا محيراني www.3azatklm.blogspot.com
و يشرفني ان اكون ضمن فريق مدونات مصريه للجيب وهي فكرتها ببساطه انها ستقوم ان شاء الله بنشر كتابات المدونينين المصريين في كتاب يجمعهم بالمشاركه مع دار اكتب للنشر
ويشرفني ان ندعوا كل مدون مصري للمشاركه معنا ويسعدنا اننا نشاركه في خروج كلماته للنور
وللمشاركه ارجو كتابه مايلي علي الايميل المرسل لنا :

1- عنوان الميل تصنيف البوستات الخاصه بك التي تريد ان تشارك بها ادبي – اجتماعي – سياسي
او انك لاتريد تصنيف بوستاتك يكتب اسم مدونتك ولكن يفضل التصنيف لسهوله الفرز و التحديد

2-بياناتك الشخصيه في الميل هكذا :
*الاسم :------- * هل ترغب في نشره (نعم / لا )-----
*الاسم المستعار: ------
*اسم المدونة : -----
*عنوان المدونه :www -----
*الايميل الشخصي : ------
*رقم الموبايل :-----(يفضل لسهوله الوصول اليك مع التاكيد علي سره البيانات وعدم تدوالها)
*تليفون ارضي : ---------
*تاريخ الميلاد: ------
*نعم اوافق علي النشر----
*اهم نقطه : لينكات البوستات المختاره مع كتابتها ضروري جدا لا تكتفي بوضع اللينكات فقط ارجو كتابتها
---------------------------------------------------------------
هنا ايميلات باقي الفريق وهما
احمد المهني ahmed_mahana_me@yahoo.com
احمد البوهي ahmed.elbohy@yahoo.com
ايناس لطفي enas_lotfy_4@hotmail.com
عنوان الجروب علي الفيس بوك http://www.facebook.com/group.php?gid=13820826455
ان اردت الاستفسار عن اي شيء يرجوا المراسله وكتابه كلمه استفسار في عنوان الميل
ليرد عليك اعضاء المجموعه
وللعلم فقد تم تقليص المده المفتوحه للعدد الاول
فاخر وقت لتلقى الاعمال للنشر بالعدد الاول هو 22/4/2008 اى فى خلال 6 ايام واى عمل بعد تلك الفتره يرحل للعدد الثانى وما بعده
---------------------
وفي النهايه ادعو كل مدون مصري ان يثق في كلماته و يشارك معنا في ان تخرج افكاره وكلماته في كتاب مطبوع ويساهم معنا في نشر الفكره ودعواه الاخرين للمشاركه معنا
مع تمنياتي بالتوفيق دائما
تحياتي
ايناس لطفي

مستنيكي يا جميل

شريف محمد said...

زي ماقال الجميع ...
هيحبسوا كام مليون مواطن؟
هي عادة قديمة متوارثة
(لو ماشربتش اللبن هاحطك في أودة الفيران) ...
ولأن الذعر والجبن يدمران المنطق ... فنحن نخاف دون أن نفكر جديا في أمر هذا المعتوه الذي يبني ببيته غرفة مخصوص للفئران يؤدب بها عياله المشاغبين
طب بالذمة ..من أين سيأتي بكل هذا الطوب؟
.....
من زمان لم أمر هنا ..ولم أتوقف حتى لالقاء التحية .. سامحيني على قلة الأصل الخارجة عن ارادتي
تحياتي لك .. ولكل الذين لايشربون اللبن

Mafrousa said...

هههههههههههههههههههه السلام عليكم يا كلبوزه هههههه انا رجلى دخلت عندك علشان جالى تاج و بدور فى الويب على السلطانيه تاج البلوجريه هههههههه فطلعتلى مدونتك ...جيت آخد لفه لقيت اللى بتصوت و بتقول يالهوى حيحبسونى ياامه ههههههههههههههههههه انا عرفت دلوقتى حيحبسوكى يا كلبوزه ههههههههههعلشان الرغيف صغر و انتى قعدتى تدبدبى فى الارض و زعلتى ههههههههه و على فكره سيبك من الرجيم ده كله كلام فاضى مايش احسن من الربربه و الصحه التمام ....سلام

واحد وبيتكلم said...

علي لو الكل قال ااااه ودانهم اكيد هتتسد وبعدها هتصيبهم هلوسه ونجي احنا بقي اللي نحكم بلدنا