Saturday, August 09, 2008

أرجوك...ماتثبتنيش


انتشرت في مصر في الآونة الأخيرة ظاهرة التثبيت
و لمن لا يعرفها هي أن يمسك أحد البلطجية بآلة حادة و يهاجم بها أحد المارة فيثبت في مكانه- من هنا جاءت التسمية- و يخرج كل ما في جيبه من نقود أو متعلقات ثمينة كالجوال و الساعة و الولاعة و هي السرقة بالاكراه و لكن في ثوب عصري جديد
و على ما يبدو أن ظاهرة التثبيت ليست في الشارع المصري فقط و لكنها حالة عامة تمارس مع كافة الشعب مع استبدال بسيط للأدوات
فبدل الآلة الحادة نجد القوانين بجميع مسمياتها سواء مرورية أو تجارية أو مهلبية . المهم في النهاية أن يثبت المواطن و و يخرج ما في جيبه من نقود
***
في سوق العبور للفواكة و الخضراوات نجد الفاكهة أنواع نوع فاخر و هذا يصل إلى الدقي و الزمالك و مدينة نصر و يسمى الفرز أول
و نوع اقل جودة و هو يصل لمصر الجديدة و المعادي و المهندسين و يسمى الفرز الثاني.
و نوع آخر فاسد يسمى فرز ثالث و يصل إلى الأحياء الشعبية و الأسواق الفقيرة
و هذا لا ينطبق على الفاكهة فقط و لكنه كذلك ينطبق على المواطن
فهناك مواطن فوق التثبيت يمتلك كارنيه لعبور المآزق
و هناك مواطن يحترف المشي بجوار الحائط و يسمى الفرز الثاني و هو إذا وضع في مأزق يستطيع بعد جهد و عناء الاتصال بأحد المواطنين الفرز أول لينقذه
و هناك المواطن الفرز ثالث الذي يتلقى من (المثبتتية) كل يوم صفعة ملونة بلون الأيام الخشنة، و قد اعتاد على أن يضرب على بطنه لأنه لا ظهر له
***
إلى متى سيظل الحال في بلادي هكذا!!؟
تثبيت و نهب و فواتير و غرامات
إلى متى سنعيش في بلادنا نسعى لترقية نوع فرزنا من فرز ثاني لفرز أول؟ و ندوس في سبيل ذلك على رقاب من هم في الفرز الثالث من البشر؟!!0
إلى متى ستظل المحسوبيات و الوسطات و الرشوات هي المسيطرة على ضمائر و سلوكيات الشعب

أسئلة لا تحتاج إلى أجوبة... و لكن إلى معجزة

16 comments:

كلبوزة لكن سمباتيك said...

كنت اتمنى ان اجد صورة للست كوريا بطلة فيلم عسكر في المعسكر و صاحبة الجملة الشهيرة : متثبتنيش


لارفقها بالبوست


تحياتي

صباح الصباح said...

لون الايام الخشنة.. تعبير اكثر من رائع جواة مئات والاف التعبيرات اللى اختصرت فى كلمة واحدة..
احييكى وبشدة.. اما موضوع الفرز فهو يحتاج فى الاساس الى فرز الضمائر بعدها سيصبح الجميع فرز اول.. اية دة الحوار بقا قالب على سوق الخضار كدة لية..
ههههة دمت بود

Empress appy said...

عارفه
لو حبينا نفسنا بصدق هنحب الناس اللى حولينا بصدق برضه بس كلنا بنضحك على نفسنا او بعضنا ودى مأساه

محمد عبد الغفار said...

فى فرز رابع كمان

اللى ولا اى حد من دول داري بيه ولا بيشوفه حته

انا فرز رابع

Ola said...

لا الفرز الرابع دول الي مش لأيين حتى شكل الأكل و دول للأسف كتيييييييييييير في بلدنا. إحنا بلا فخر من أكتر بلاد العالم الي فيها مواطنين تحت خط الفقر. بالنسبة لموضوع التثبيت فده متشر في كل بلاد العالم حتى المتقدمة منها بس يمكن بمسميات مختلفة. على الأقل هنا ممكن تلاقي حد شهم يتدخل لو شاف حد في موقف صعب بس بره ماحدش بيدخل إلا في أفلامهم بس!! ربنا يستر علينا

ftafeet said...

كلامك حلو اوى وبجد معانيه جامده

بس معقوله ده بيحصل بجد فى البلد غريبه اوى مع انى لما باجى مصر مش بحس بكده مش عارفه بقى انا بكون نايمه ولا ايه بظبط

بس لو الحال وصل للدرجه دى ربنا يكون فى عنكو بجد

رينـــــــــــا said...

فعلا محتاجين لمعجزة

محتاجين لضمائر جديدة تتقى الله فى البشر

Mafrousa said...

سمباتوكة حبيبتي
و الله ليكي وحشة
انتي كنتي فين؟؟
واخبار الرجيمات الفتاكتات إيه؟؟؟؟؟
سامبو حتى البوست ده بيتكلم عن المواد الغذاية؟؟؟ يا سبحان الله مش قادرة ما تتكلميش عن الاكل؟؟؟؟
النباتات و الفواكهه اللى بياكلها الانسان
و الانسان اللى بتاكله الدزنينورات
كله اكل
هههههههههه
بس انا لاحظت انك كتبتي على 3 فرز بس!!!؟؟؟؟؟
إنتي نسيتي وش القفص ولا إيه!!؟؟؟
ههههههههههههههه
ولا ده مالناش دعوه بيه!!؟؟؟؟
سلام قبل ما اتفعص عندك فى القفص
و اخرج من الفرز اصلا

بنوتة من وسط البلد said...

احنا بقينا متثبتين ومتمسمرين طول الوقت

برامج تليفزيون تثبتك
قوانين تثبتك
قصص وافلام الرعب عن امنا الغولا والعين الحمرا
والشيخ المحمى فى صرصور ودن المواطن

كله تثبيت فى تثبيت

ومن غير لطشة مطوة .. ده بالاشارة كده من بعيد

واحنا بقينا بنسمع الكلام قبل حتى ما المطوة تطلع من جيب المعلم

وثبتنى ثبت

miro said...

بسيطه,لو كل واحد مفكرش فى نفسه انه فى مكانه معينه وناس تانيه اعلى وناس تانيه اقل الامور كلها هتتحل هوه الكبر ده اللى مأزم الموضوع

Ana said...

مدونتك تترك البسمة على الوجه وتجعل الأفكار تتزاحم بالرأس فى آن واحد وهذا هو الممتع حقا ، تحياتى وتسعدنى زيارتك لى فى دخل الشتا

يا مراكبي said...

تصدقي بقى إن تعليقك هنا أحلى من البوست نفسه؟

كوريا دي بتضحكني من ساعة فيلم 55 إسعاف .. وكانت مثبتة أحمد حلمي ومحمد سعد

المهم نرجع لسؤالك الأخير في آخر البوست

ولا حتى المعجزة هتجدي مع أحوالنا .ز أقولك .. إمسحي البوست ده أحسن

Anonymous said...

جميل .. موضوعا وعرضا واسلوب أيضا

تحياتى للتثبيت العام

محمد عبد الغفار said...

طب يقرأ وقلنا هنعديها زى بعضه انما يفهم !!!! أيه يفهم دى؟؟؟؟

انسان وبس ! said...

الله اعلم

المتبهدلون في الأرض said...

شخصيتك بتضح يوم عن يوم إنك فعلا مبدعة ومش بس بتحبي الهزار لأ كمان ملتزمة بتحبي دينك قوي وكمان إيجابية مش زي معظم الستات...ليكي في كل حاجة وعاوزة تصلحي ,,,فعلا لكي مني بل منا دقيقتين حداد على اللي مش بيقدروا العقليات دي
وواضح إن المدونات تستكشف ما طمسته وسائل التعليم الهدامة من مواهب وإبداعات

سيري يا نورماندي ...أصدي يا بلبوزة لكن فسخاتيك واستمري وإلى النجاح وراء أخوه