Saturday, October 11, 2008

حملة تحديف للحكومة بالطوب من اجل الجلاء

أخواني المواطنين
لقد طفح الكيل من حكومة نظيف المتراخية في الإصلاح ،المجتهدة في تحصيل مكاسب شخصية لأفرادها .تلك الحكومة التي أخذت على عاتقها مسئولية تجويع الشعب المصري و تعريته و تجهيله وقمعه بل و دفعه للسرقة و الارتشاء لهثا وراء لقمة العيش.

و كثيرا ما تعالت أصوات المثقفين و الكتاب و المدونين بإقالة هذه الحكومة و تعيين حكومة أخرى تسمع و ترى و تتكلم بل و تحس بمصاعب حياة المواطن المسحوق تحت أقدام الحياة، و لكن لا حياة لمن تنادي و لا صدى لتلك الأصوات.

لكل هذا ...نتبنى حملة للتبرع بجنيه مصري واحد من كل مواطن على أن يعطى المبلغ للحكومة نظير استقالتها فدية للشعب المصري المعتقل

و بهذا تكون حكومة نظيف هي أول حكومة قبضت نظير عتق الشعب من براثنها

رافعين راية

تبرع اكتر فرصتك في الخلاص تكتر

و الله الموفق

كلبوزة لكن سمباتيك

====

تحديث


قررنا نحن كلبوزة السمبتيك ان نستبدل الجنية المصري(اللحلوح)بالدبش الاسواني

على ان يجمع الشعب الدبش من جميع انحاء المعمورة و تزقيل الحكومة بالطوب حتى ترحل
و ان يكون للسادة الاعضاء اوفر الحظ و النصيب من الدبش و الطوب

رافعين شعار
دبشة واحدة و دبشتين

امشي يا حكومة
و الله الموفق

38 comments:

^ H@fSS@^ said...

كلبوزتي
فكرك لو دفعنالهم حيقضيهم؟؟
او انهم مش حياخدوا الفلوس و لكن يفضلوا قاعدين على قلوبنا؟؟
و بعدين احنا كدا ممكن نطمع الحكومات اللي حتيجي بعده انه تقرفنا في عيشتنا و نبقى كل شوية بندفع فلوس عشان نخلص من استبدادهم

انا يائسة جدا
لكن مافيش مانع نحاول
ابعتلك الجنية ازاي؟؟
بوسة

عصفور المدينة said...

انتي بتتكلمي عن 70 80 مليون جنيه يعني فكة

Cleo said...

عزيزتى..

يبدو أنك قد أسررتى بهذه الفكرة منذ وقت طويل لشخص غير موثوق فيه قام بتسريبها للحكومة.. بدليل إنها بدأت منذ وقت طويل العمل كخطة دفاعية وقائية مضادة على "إجلاء" أى جنيه من جيوب المواطنين.. عشان محدش يلاقى اللى يشارك بيه فى حملة التبرعات وتفشل الخطة..

هارد لك ؛-)

خمسة فضفضة said...

السلام عليكم ورحمة الله وبركاته

انا اول المتبرعين وبعشره جنيه يا ستي

بس تفتكري هايجيب نتيجه ؟؟؟

ماظنش

Mafrousa said...

هههههههههه
تفتكري الموضوع ده حيجيب نتيجة؟؟؟!!!
أشك
و بما انى واعيه و ناصحة
فانا ممكن اتبرع ب 50 قرش فقط لا غير
ودهلأني متأكده انها حتاخد الفلوس و تفضل قاعدة على قلبنا

tamer.sala7 said...

وانا معاكي شوفي حتلمي كام وانا حوصلهم بمعرفتي للحكومة

نيههههههههااااااااااا
( ضحكة شريرة)

Empress appy said...

هههههههههههههه والله لو جابت نتيجه انا موافقه على القرار ده

كراكيب عادل said...

مينفعش اثاث مستعمل ؟؟

بس طبعا مش هيكون كراسي مكتب متخافيش

sampateek said...

انا خايفة الناس تفتكر اني حجمع الفلوس دي لنفسي حاشا و كلا
او مثلا حوزع على الاخوة المعلقين جزء من التبرعات لذلك فكرت ان فكرة الدبش حتكون ابعد للشبهات و لما نشوف بقى
اذا كان الذوق مبينفعش الضرب حينفع و لا اية؟

تحياتي للجميع

zahra said...

عمنا سعد قالها من زمان
مفيش فايده
دول عاوزين قنابل و متفجرات عشان يتحركوا من على كراسيهم
مش تقوليلى تبرعات و طوب
دى كلها كلام فارغ

عاشــــــ النقاب ـقــــة"نونو" said...

ههههههههههههههههه
شر البلية ما يضحك
اعتقد التحديث هو الاجدى والاسرع
كل عام وانتم الى الرحمن اقرب
تحياتي

Empress appy said...

هههههههههههههههه
هموت على تعليقك على البار عارفاه هههههههههههه
بجد انتي فظيعه
يالا ربنا يوفقك فى الحمله دي واحنا معاك قاليا وقوالب كمان يا ستى بس يا رب ميخصصوهاش

ahmed_k said...

وياترى الدبشايه الأسواني عامله كام دلوقتي ؟؟؟
أصل كل حاجه غليت كده ممكن تظهر
سوق سوده لبيع الدبش
أنا بقترح
بدل الدبش الأسواني
يكون حفنة تراب مقري عليها
وتترمي عالعين مباشرة
علشان تملا عيون البهوات

Unknown said...

طيب و بعدين
مش هو ده الحل

kochia said...

الدبش الاسواني ؟
والله يستحق التجربة
بس تفتكري ايه الفوائد المتحصلة من هذه الطريقة ؟؟

my dream said...

كلبوزه بصي هو عمنا صلاح جاهين قال
أيوب رماه البين بكل العـــــــــلل

سبع سنين مرضان وعنده شلل

الصــــبر طيب .. صبر أيوب شفاه

بس الأكـــــــــاده مات بفعل الملل

عجبي !!!

انا مش عارفه افتكرت الرباعيه دي ليه
ورباعيه تانيه كمان بتقول
إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة يا البير تجف

عجبي !!!

مابين الصبر بقى والتمرد لنا رب اسمه الكريم
نفسي اشوفك تني في المدونه بتاعتي
مع حبي
مروه

أحمد سلامــة said...

ههههههههه
ايوة صح
وبعدين عصفور المدينة بيتكلم صح
يعني دول شوية قروش بالنسبة للحيتان عشان تشبع
:)
الطوب الاسواني بيشبع بيتهيألي

محمد فاروق الشاذلى said...

تابعى تصريحات الوزراء والمحافظين جيدا وستجدى كلمة واحدة تتكرر بشكل منتظم أو تحمل نفس المعنى هذه الجملة هى (طبقاً لأوامر السيد الرئيس) أو (طبقاً لتوجيهات القيادة السياسية) يعنى هما مجرد أدوات تنفيذ يعنى لو الحكومة مشيت اللى جايين بعديهم هايعملوا نفس الحاجات لأن مصدر الأوامر واحد.
يبقى فى الحالة دى الفدية المفروض تدفع للى بيدى التوجيهات والأوامر مش للى بينفذ التوجيهات والأوامر والحدق يفهم
أنا قصدى طبعا القانون لأن كله فى بلدنا ماشى بالقانون.

mohamed ghalia said...

والله يا كلبوزة لو تقدرى تعملى كده ياريت
وإن شاء الله الوزارة سترحل بس المشكلة إلى جاى أنيل
تقبلى تحياتى
دمتى بود

سنابل said...

دة وللا جنيه من كل واحد من سكان كوكو الأرض تملي عنيهم
الدبش أحسن أهويمكن يطلع لهم دم

يا مراكبي said...

الحكومة زي الفل .. تعيش الحكومة

وبعدين هي الناس لاقية الجنية ده أصلا عشان تتبرع بيه؟

كلام حسام said...

في الوقت اللي بتفكري فيه بلم الدبش للحكومة
اكيد الحكومة بتفكر في مزيد من الوعود
وهدية لكل من لا يحمل في يده زلطة

Ahmed Kamal said...

طيب ماينفعش نعمل قضية خلع ؟ و اللي يتحكم بيه إحنا حانقبله ..

محمد said...

أنا متبرع بالطوب.. في جبل وقع على ناس
ممكن أهاليهم يساهموا لو حبوا

The Führer said...

عندي حل تاني ، احنا نمشي ونسيب لهم البلد فاضية يبرطعوا فيها وساعتها مش ح يلاقوا حد يحكموه!

عموما أنا الفكرة عجبتني فرحت مليت استمارة هجرة لأمريكا ، ادعولي اتقبل علشان اترحم من رؤية وشوش من ساعة م اتولدت مشفتش غيرها لكن شفت 6 رؤساء لأمريكا

برجاء تقبل مروري

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في وضع البنر نرسل لك كود البنر

إيمان قنديل said...

وحشتيني

السينيور said...

دول مش بيطلعوا
ولا بالطبل البلدي

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

ولاء النعماني said...

هههههههههههه

أنا موافقه

وعليا بحدفها بدبشتين ... وشبشب:))

micheal said...

هو أنتي فاكرة ان الناس دي عندها دم وبتحس بينا
كب وحياة الغاز اللي هما مصميين يدوه لاسرائيل بسعر إقتصادي..ألناس دي عمرها ما حتمشي وتسيب الكنز اللي تحت اديها
تحياتي

اعشق فى الليل ضوء القمر said...

فكره حلوه

قاسم أفندي said...

ايه دا يا أوختشي
أغيب عنك شوية اجي الاقيكي فاتحها جبهة معارضة
فلتحيا الحكومة الف مرة
بقولك .. الفلوس اللي لميتها بالنص .. ها
كل سنة وانتي والاسرة بالف خير
قاسم أفندي

Epitaph1987 said...

هو انتي اتقفشتي ولا ايه

عوودي يا كلبوووزة
:D

الفقيرة إلى الله أم البنات said...

بجد مفتقدينك
حتى لو مش بعلق عندك كتيير بس بحب مدونتك قوى
يارب متكونيش اتهورتى وحدفتى الحكومه بطوبه

حاجات جوايا said...

هههههههههههههههه
ايه ده
هنطلب الخلع ولا ايه ..؟؟

والله خسارة فيهم الدبش كمان اهو بينفع

خلينا فى الشوذات القديمة
كفاية عليهم أوووووووووى

خالتى بمبة said...

الجلاء التام اوتترمو شبشب الحمام ههههههههههههه موضوع جميل قوى

التميز المثالي للخدمات المنزلية said...

شركة رش مبيدات بالخبر

شركة مكافحة حشرات بالخبر

شركة تنظيف فلل بالخبر

شركة تنظيف شقق بالخبر

شركة تنظيف منازل بالخبر

شركة تنظيف فلل بالجبيل

شركة مكافحة حشرات بالجبيل

شركة تنظيف سجاد بالجبيل

شركة مكافحة النمل الابيض بالجبيل

شركة تنظيف منازل بالجبيل

شركة تنظيف شقق بالجبيل

شركة مكافحة حشرات ببقيق

شركة مكافحة النمل الابيض ببقيق

شركة مكافحة حشرات بسيهات

شركة مكافحة النمل الابيض بسيهات