Monday, December 15, 2008

جائزة مقاس 44


اجب عن الأسئلة و اربح جزمة مقاس 44
-----
هل كان الحذاء سادة و لا متعاص احد السوائل الطبيعية؟


هل عرض أحد النوادي الأوروبية لكرة القدم على بوش العمل كحارس مرمى بعد ضربه بالشلوت من البيت الابيض؟

ما هو مصير المتحدث الرسمي لنا كعرب و الذي حدف بوش بالجزمة .من وجهة نظرك؟


ما الذي كان سيحدث لو اتفق خمس أو ست صحفيين على نفس التصرف في لحظة واحدة؟
عوضا عن ملايين العرب

أمنية خاصة
-------
كنت أتمنى أن واحدة من الجزمتين تلبس في وشة و تطبع علامة زي الختم
و كل ما يشوفها يفتكر ملايين العرب اللي داس عليهم جنوده بالجزم


----
فعل بحذائه ما عجزت ألسنة الحكام عن فعله ،فكان حذاؤه أشرف منها

26 comments:

Ahmed Mubarak said...

عمر ما الجزمه الامريكاني تعلى على العربي .. وتقريبا الجزمه قرفت من الجزمه الأمريكاني فحودت علشان كده امنيتك مستحيله

Ahmed said...

والله انا كمان كان نفسي تلبس في وشه

بس على العموم الراجل ده عمل بالظبط اللي كان نفسنا كلنا نعمله

Empress appy said...

هههههههيا يتها فيها اي حاجه للاسف نظيفه بس راحتللى خاها مش نظيفه

يقول أنى امرأة said...

المهم بقى انة نشانجى درجة اولى
صحيح ان بوش عمل حركة لولبية و بعد بسرعة بس الفردة الاولى جت و بقوة على العلم الامريكى
المفروض انة يشترك فى الالومبيات الجاية بدل ما العرب مش بيجيبو اى حاجة فى الرماية

Unknown said...

الجايات أكتر من الرايحات

kochia said...

المهم الفكرة وصلت .. ربما اخيرا بالشكل المناسب

smraa alnil said...

عارفة بقي انا ايه اللي عجبني اوي في المشهد دة

رد فعل الراجل اللي جنبه

مش في اي ريئكشن علي خلقته ابدا

ولا استغراب حتي


بس عارفة انا والله زعلت اوي انها مش جت فيه

بس تفتكري هنتعلم ولا هنتعظ؟

حاسوباتيه said...

ياريت فعلا كانت لبست في وشه وياريت كلنا ندعي للراجل الي بجد ده منتظر الزايدي وربنا يفك كربه

عاشقه وغلبانه said...

اللي زي ده مقام الجزمه اعلي من مقامه
ربنا يحفظ منتظر ويطلعه علي خير
ويرحمنا من بلاوي بوش الزفت

الدرويش المرووش said...

أنا عرفت أخيرا ليه الجزمه ما لبستش

ده طبقا لقانون التنافر بتاع المغناطيسيه

فالجزمه حودت أول ما قربت من الجزمه

sakayar said...

هو انا عندي سؤال بس عايز اضيفه لباقي الأسئلة
هو أخينا اللي واقف ورا منتظر وهو بيحدف الجزمة ... كان ساند منتظر من ضهره؟؟؟ ولا كان جزمة قديمة وبيشد منتظر علشان ميعملش اللي بيعمله وبالتالي كان هو السبب ان منتظر يقع ع الارض بعد ما حدف الجزمة؟؟؟

صدى الصمت - عاشقة الورد - said...

كفاية إن المنظر ده والجذمة دى وصاحبها موقفهم هيتحفر فى التاريخ وهتفضل تتحاكى عنهم الأجيال
اللهم لا شماتة بقى هههههه

tamer.sala7 said...

انا بأقترح علي اي نادي انه يشتر نور المالكي مش بوش

حفيدة عرابى said...

لا نور المالكى حارس مرمى خيبان اه انا اسفة اول مرة اعلق عندك لكن متابعاكى من فترة قريبة ربنا يديم عليكى خفة دمك وكلبظتك ياسمباتيك

new life said...

مش مهم انها جت فيه او مجتش
كفاية اهانته بعد ما اتضرب بالجزمة

سبهللة said...

تصدقى كانت امنية للجميع ان الجزمة تلبس فى وشه
يا خسارة

حاجات جوايا said...

تسلم ايده بجد
ربنا يفك سجنه
ويرجع يضربه تانى
وتيجى صح بقى المرة الجاية
يااااااارب

الحسيني said...

فعلا احذيه دخلت التاريخ المشرف بدل من دخول زعماء العرب الانذال تاريخهم الاسود

Monzer said...

الدنيا كلها اتمنت كده

فعلا قد يكون تأثير الحذاء أقوي بكثير من تأثير صواريخ وقنابل ومدافع

Mafrousa said...

بصي يا كلبوزة هانم
انا بقا كان نفسي ان الجزمة تكون مقاس 46
او 45 علشان اكيد كانت جت جون
و مش مهم تسيب علامة
بس تصدقى لو كانت جت جون
و الولد الصحفى كان حاطط فيها مسمار
و الله فعلا كانت سابت علامه
على قورة بوش

المصيبة ان مراته
فى mbc4 insider
بمتهى التناحه بتقولك احنا ناس اقويا مش بنتهز بسرعه

كان نفسي اقولها
يا حاجه انتوا ماعندكوش دم و تنحتوا و بقيتوا جبلااااااااااااات
يالله
الحمد لله برضه
الفاتحه على روح الصحفى

mohra said...

هههههههههه
و الله انت تحفه
انا كمان كان نفسى تلبس فى وشه

يا مراكبي said...

المدونة دي قلبت مدونة سياسية وألا إيه؟

بس كويس إنك لسه موجودة .. أنا قلت إختفيتي بعد البوست اللي فات

SemSem said...

نفس امنيتى والله وهى ان الشوز تلبس فى وشه

بس معلش

ريهام العربي said...

والله انا كمان زعلت انها مش لبست في وشو وعلمت

يلا معلش خيرها في غيرها ان شااء الله

zainab said...

غاليتى كلبوزه

يارب كانت مسكت فى وشه علمت

تحياتى

التميز المثالي للخدمات المنزلية said...

شركة رش مبيدات بالخبر

شركة مكافحة حشرات بالخبر

شركة تنظيف فلل بالخبر

شركة تنظيف شقق بالخبر

شركة تنظيف منازل بالخبر

شركة تنظيف فلل بالجبيل

شركة مكافحة حشرات بالجبيل

شركة تنظيف سجاد بالجبيل

شركة مكافحة النمل الابيض بالجبيل

شركة تنظيف منازل بالجبيل

شركة تنظيف شقق بالجبيل

شركة مكافحة حشرات ببقيق

شركة مكافحة النمل الابيض ببقيق

شركة مكافحة حشرات بسيهات

شركة مكافحة النمل الابيض بسيهات