Friday, June 30, 2006

كلبوزة لكن سمباتيك

عندما مرت الجاموسة علي الحمار فقال لها : صباح الخير يا جاموسة!
ردت في عصبية : احترم نفسك يا حمار
قد تبدو هذه نكتة و لكنها في الحقيقية اشكالية نفسية عند كثير من الناس
و انا من هؤلاء
فبالرغم من اني كلبوزة الا اني اري نفسي سمباتيك
من ناحية المقاسات.... كلبوزة و لكن روحي سمباتيك
من ناحية الوزن.... كلبوزة و لكن افكاري سمباتيك
من ناحية الكتلة و المساحة.... فانا كلبوزة الا ان اخلاقي و طباعي سمباتيك
بالاختصار انتم امام كلبوزة لا تعترف بانها كلبوزة بل تصر علي ان تكون سمباتيك
و السؤال هو لماذا لم تحاولي ان يتشابه ما في الاناء مع ما ينضح منه
اي ان اكون سمباتيك شكلا و موضوعا
و الاجابة المؤلمة
هي انني في رجيم متواصل -رغم تقطعه -منذ ان كنت في السنة الرابعة الابتدائية
و حققت علي مدار الاعوام تقدما ملحوظا حيث ادي بي الرجيم الي زيادة وزني علي مر الايام
صحيح انني في بعض الفترات كنت انجح في انقاص وزني بعض الكيلو جرامات الا انني كنت اعود و استرجع هذه الكيلو جرامات مرة اخري و كانني لا اتحمل ان افارق هذا الوزن الثقيل
لا انكر انني اعاني من هذه المشكلة علي كافة الاصعدة فمثلا عند التقدم الي وظيفة لا يهتم احد لكم شهادات الخبرة التي احملها بل يفضلون الموظفة الرشيقة
و كذلك عند السفر بالقطار اجد نفسي و قد انحشرت في كرسي اتصور ان صانعة كان يقص من جلده ليصمم حجم الكرسي
و المشكلة المؤلمة حقا هو عندما انزل لاشتري ملابس فلا اجد مقاسي و لا حتي في الاكس اكس اكس لارج
و اري علي وجه البائعة عبارة لا تنطق بها و هي:مقاس الايليفنت منزلش لسة يا فندم
طيب
و بعدين
الي متي ساظل سجينة هذا الجسم الذي اجزم انه ليس لي فانا اتمتع بنشاط و سرعة يفتقدها الكثيرين من اصحاب الوزن المعتدل
و الغريب انني كلما فكرت في هذا الموضوع اجد نفسي و قد توجهت الي المطبخ و دعبست فيه لاخرج منه باي طبق فيه ما تيسر من السندوتشات او الكيك او اي بلا ازرق املأ به بطني فاشعر بالشبع و القرف في ان واحد
املي الوحيد ان يخترعوا نظاما تاكل فيه ما تشاء و تفقد فيه خمس كيلوجرامات في اليوم
او ان يكتشفوا نظاما للتبرع بالشحم علي غرار التبرع بالدم بحيث اتبرع لاحد صديقاتي النحيفات بشوية شحم تزبط به نفسها ,لانها بصراحة اللي يشوفها رايحة يفتكرها جاية
و عزائي اني لست وحدي و ان هناك الكثيرون مثلي ممن يرون انفسهم بشكل غير الذي يراهم به الناس
دي حتي الجاموسة تري انها مش جاموسة
و احترم نفسك يا حمار

27 comments:

تمر حنه said...

لذيذ أوى البلوج بتاعك يا كلبوزة
أحلى مافيه انك شايفه انك سمباتيك
انت هنا حطيتى ايدك على الخلاصة - أحنا اللى بنخلى غيرنا يشوفونا بعنينا مش بعنيهم
مبرووك المدونة ال سمباتيك

Sampateek said...

انتي اللذ يا تمر حنة انا مبسوطة جدا لمرورك السمباتيك اشكرك من اعماق قلبي
خالص تحياتي

sha3'af said...

انتي أصلا حطيتي اديكي ع الحل

أولا باعترافك بالموضوع بشجاعة ده هايخليه غير ذات تأثير بعد كده

ثانيا سيبك خالص من حكاية الرجيم
ومن حكاية التركيز على وزنك

عيشي حياتك عادي

بس حاولي تغيري شويه من نظام الأكل/ وحطي في بالك ان انتي بتعملي كده عشان صحتك مش عشان تنقصي وزنك / كلي كل حاجة بس بكميات معقولة
كتري م الفاكهة
امضغي الأكل كويس جدا
ركزي على حكاية المضغ دي
انك تمضغي اللقمة 20 او 30 مرة مثلا


العبي رياضة وحاولي تخليها جزء من يومك

ومادام روحك سمباتيك ، يبقى هايهمك ايه تاني؟

Sampateek said...

شغف
أولا اسمحيلي اعلن سعادتي لقرائتك مدونتي
ثانيا اسمك جميل جدا
ثالثا انا سيباني من الرجيم فعلا و لاحظت ان الممنوع مرغوب لاني لما بمنع نفسي من شئ بحس اني حموت عليه في حين انه لو تركته امامي بزهد فيه
أشكرك علي نصائحك الغالية
و عزائي الوحيد اني احب نفسي كما أنا
خالص تحياتي

santakarim said...

i liked ur post alot, it's first time for me here, but i guess it'll not be the last :-))

أُكتب بالرصاص said...

انا شايف ان في امل
انا اعرف ناس احم احم
عملوا رجيم وخسروا 28 كيلو من وزنهم
:)))
وومكن اقول لك الطريقة

زنفل المعجباني said...

كلبوزة
أهنيكي على خفة الدم و الأفكار اللذيذة اللي ألذ من التشيزكيك
أنا سادي مش كده؟ هاهاها
ما تقلقيش أنا كلبوظ مؤسس مش بس قديم
الريجيم فكرة فاشلة لازم تخلي طريقة أكلك الصحية لايف ستايل مش يومين و يعدواو ترجعي تزيدي بعدها بس المشي أهم من كل الكلام ده و إبدأي ب 5 دقايق بس يومياً لو مش قادرة على ربع ساعة, و خلينا نتابع أخبارك و بلوجك العسول اللي باحييكي عليه

Sampateek said...

santakarim
اهلا وسهلا بيك دايما
----
itstoolate
صح في امل بس لما التورتة اللي في التلاجة تخلص و برطمان السمنة البلدي اللي في النملية
و احتمال ابدأ رجيم اول ما محل الفطاطري اللي تحت البيت ما يقفل
مفيش فايدة
----
زنفل المعجباني
شرفتنا يا فندم
ايوة انا عاملة ليف استيل ابن هرمة يودي اللومان
تاخذ حتة بلاك فورست
لا و اية بشرب جنبها بيبسي دايت
هههههههههههه
كلبوزة حتي الموت
---
نورتونا يا سادةو لا نقول سكر زيادة

أُكتب بالرصاص said...

ٍمباتيك

انا أرسلت لك الرجيم على الاميل
وصل والا ضاع في الطريق؟

Sampateek said...
This comment has been removed by the author.
che husam said...

بجد من أصدق المقالات إللى قرأتها وأحيكى على روحك السمبتيك

بنت مسلمة جدعة said...

لذيذ جدا البوست ده يا توأمي :) اصل انا كمان كلبوظة بس سمباتيك قوى جدا خاااااالص

احيك وباشكرك على رسم البسمة على وجهي :)

Anonymous said...

السلام عليكم و رحمة الله و بركاته يا كلبوزة هانم

شيئ لطيف منك انك تحولى مشكلتك الى فكاهة مرحه .. من زمان نفسى أفهم سر ارتباط الروح المرحه بزيادة الوزن .. و لم أفهم حتى الآن .. و لكن هذه ظاهرة ملحوظة

عزيزتى .. زيادة الوزن يعتبر فى رايى المتواضع نوع من أنواع الثقافة و التعود .. كل هذا ( الى حد ما ) لا نستطيع ان نغفل طبيعة الأجسام المختلفه و تقبلها أو عدم تقبلها للزيادة فى الوزن

المهم .. أريد ان انقل لحضرتك معلومة هامة من واقع الخبرة العملية .. و ليس من واقع العلم أو الطب

هل تعلمى حضرتك و السادة القراء ان التعود على تخفيض جرعة الطعام يؤدى بعد فترة الى ان المعدة (تقفل) .. بمعنى انك ستشعرين بالشبع بعد كمية معينة من الأكل

و عموما ياريت تراقبى نفسك و معدتك عند الأكل .. اسألى نفسك باستمرار ( هل انا شبعت ؟ اذا لم تشبعى فلابأس بالتهام المزيد .. اما اذا شبعتى .. فعودى نفسك على التوقف فورا عن الأكل

اراهن على ان حضرتك تستمرين فى التهام الطعام حتى بعد الشعور بالشبع

و مع هذا

فرضا انك لا تشعرين بالشبع فى وقت مناسب .. يبقى الحل ان نملأ المعدة بأكل مايتخنشى .. مثل السلطة .. و أى شيئ يكثر فيه (الردة) .. ثم تبدأى فى التهام ما تحبين

عايز اضيف أن الزيادة فى الوزن .. معناه انك تتناولين قدرا من الطاقة أكثر مما تستهلكين .. فالحل هو بذل المزيد من الطاقة عن طريق الرياضة

كون ان مجرد التفكير فى المشكلة يحرضك على الأكل .. هو دليل على البعد (النفسى) للمشكلة .. و هكذا مطلوب من حضرتك انك تحللى هذه المشكلة و تحليها

أتمنى أن (تكرهى) الأكل (الزائد) .. و ان تتعاملى معه (كعدو لك )

مع تحياتى و تمنياتى لك بحياه سمباتيك على الآخر

واحد

3lool said...

قرائاتك....مشاعرك....أحاسيسك هي التي تحدد شكلك أري نفسي كما أحب أن أكون

فعلا كلامك سليم ميه بالميه الشكل عمره ما كان مقياس للانسان

وبعدين زي ما الناس قالت مش تحطي الموضوع ده في دماغك انا واحد من الناس بحب الكلابيز جداااااا بالرغم اني رفيع


انا اول مره ازور صفحتك لكن حقيقي رائعه جدا جدا وكلماتك واسلوبك فوق الرائع


KEEP IT UP

Sampateek said...
This comment has been removed by the author.
3lool said...
This comment has been removed by a blog administrator.
مُزمُز said...

تحياتي

بصراحة مأساتنا نحن البدناء كبييييرة جدا في مجتمع يتعامل على أساس المظهر كعامل رئيسي مؤثر في الشخصية يعني البدين لازم يبقى عبيط وكوميدي يا اما أهطل وميعرفش خاجة في الدنيا

بس بصراحة أحييكي على شجاعتك وأشكرك جدا جدا يملكة جمال المدونين الكلابيظ

copa said...

ههههههههههههه والله انا هقوليك علي حاجه انا مش بقدر اقف ادام الاكل يمكن بس ادام الناس الكبار لزوم الاحترام لكن بيني و بين معارفي شخصيه تفسه عارفه انا نجحت في تقطيم وزني و اني اخس ازاي كنت بنزل من البيت الساعه 4 العصر ارجع 6 الصبح واوققات مرجعش
علي طول مقضيها في الشارع امشي من مهندسين مثلا لاخر فيصل بس الثانوية العامه الله يخربت الي عملوها رجعتني تاني المهم انا مش يائس مستني بس العيد يخلص مع اني مش هاوين اللحوم ولا بكلها بس هدمر نفسي زي الاول و بلوج رائع كفاية الصراحه و هنطليق كل يوم بقي يلا سلام طولت اوي

فلة said...

في كل الاحوال انا بشوف الكلابيز احلى والذ من السمباتيك
وانتي يا كلبوزة عسل والله
ربنا يديكي الصحة
وعموما ما سمعتيش بالعارضة اللي ماتت من الجوع
قال ايه معاها فلوس تأكلها لحم غزلان 3 طقات في اليوم والهانم مجوعة روحها عشان الريجيم
ياختي يولع الريجيم ببنزين
كلي يا حبيبتي ولايهمك
المهم روحك الحلوة ولسانك اللي بينقط شهد
وعلى سيرة الاكل
اما اقوم اعمللي سندوتش

bonboni said...

انتى نفس احساسى قوليلى عملتى ايه لانى تقريبا ابتديت اعتزل الناس بسبب الحكايه دى اللى حواليكى مش مدينك فرصه انك تحبى نفسك زى ما انتى المشكله دى بقالها سنين وسنين لدرجه انى فكرت اروح لدكتور نفسانى مع ان الموضوع مش جامد قوى ده كل الحكايه 30 كيلو على الوزن المثالى اموت نفسى يعنى
البلوج بتاعك يجنن

Bent_Blady said...

انا مش عارفة انتى معتبراها مشكلة ليه
انتى خدى الموضوع عادى زى مايكون دى حاجة عادية فى الكون يعنى حد يسأل ليه ربنا خلق الشمس ولا القمر؟ولا ليه عمل لدا معدة ووش ورجل
ياعزيزى بدانة جسمك جزء من تكوين شخصيتك وذاتك
والاهم من دا رضاكى عن نفسك ومتفتكريش ان السعادة فى الرشاقة
انتى ممكن يكون ربنا حرمك من دا بس اكيد عوضك بحاجات كتير حاولى تستغليها وتسعدى نفسك بيها
انا بعمل كده برغم انى مش بدينة اوى
بس عندى مشاكل بتخلينى اهرب منها للاكل ودا زود وزنى وماما بتقولى انى بدأت فى مشوار مش هعرف ارجع منه بس انا مش فارق معايا
على فكرة انا جديدة فى المدونات
واول مرة اجى مدونتك
عسوووولة ومووت ولذيذة موووت
واتمنى تبقى تزورينى
تحياتى يا سمباتيك

ღღ فــوضــى الــحــواس ღღ said...

لذيذ بجد البوست .. و فلسفتك للامور بجد عجبتنى كتير
يمكن حسيت زيك لانى كلبوظة لكن دايما بشوف الموضوع انى كده و عاجبنى كده .. و يمكن لو كنت غير كده ما كنتش عجبتنى

بالتوفيق حبيبتى و كل البلوج رائع ما شاء الله

hosam said...

متهتميش الناس شايفاكى ازاى
كفاية انك شايفة نفسك سمبتيك
وواضح جدا من طريقة فى الكتابة انك سمبتيك بجد
اخوك حسام

Dr. Manosy said...

سمبتيك ..حتفضلي سمبتيك وبلاش تخل ي حد يعقدك في نفسك
انت انت على الرغم من كل محاولات الآخرين لطمس ملامحك فيك
انت كما تريدين ان تصبحي
لأن الآخرين لا يريدون لك الا مايرونه هم مناسبا لهم
ان يروا فيك السمبتيك بلا اي كلبظة لا في الشكل ولا القيم ولا اي حاجة
بحييكي كلبوظة
ياريت تعلقي على بوستاتي
تحياتي د.منوسي

محمد عمر said...

اخي العزيزة الغالية
اسلوبك مرح جدااا وممتع
انا بقا ياستي سمباتيك شكلا واكلا وخطبيبه
انا وخطيبتي سمبتيك في الشكل والاكل
المهم انا دوشتك بكلام ملوش لازمة
المهم
عايزة تخسي بجد اسألي اي حد بيشرب سجاير وعاوز يبطلها ايه المطلوب منه علشان يبطلها ؟؟؟؟؟؟؟؟؟؟؟؟؟؟؟؟؟؟؟؟؟
نفس الشيء اللي بيشرب سجاير محتاجة علشان يبطل سجاير انت كمان محتجاه علشان تخسي وتبقي سمباتيك

will said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

Basyouni Ali said...

فيه ريجيم إسمه رجيم فصيلة الدم .. أبحثي عنه في جوجل .. أنا إبتديت أنفذه وأشعر بتحسن