Saturday, December 16, 2006

نعم أحبك



منذ أن كان جنينا في بطني و أنا في وهن على وهن
كان حملا صعبا و ولادة شاقة و رضاعة مضنية و ليالي عز فيها النوم و غلا
لم يكن طفلا مريحا هادئا بل كان لا ينقطع عن البكاء و التذمر
أجهدني شديد الإجهاد حتى أني مرضت و هو في الشهر الثالث بسبب قلة النوم
و عندما بدأ يمشي و يتحرك كان عنيدا جدا يصر على أن يمسك المعلقة بنفسه و يأكل و هو لا يجيد التنشين فتدخل الملعقة و تخرج كل حبات الأرز على الأرض
و عندما تكلم كان كثيرا ما يردد سؤال واحد
ماما أنتي حبيني ماما
و كنت اردد نفس الإجابة
طبعا يا حبيبي
و عندما حاولت أن افصله عن سريري لينام في سريره كانت المعارك الكبرى و الخسائر الفادحة
و بجهد جهيد اقتنع أن مكانه ليس بجواري
و إن كنت إلى اليوم استيقظ فأجده نائما على باب غرفتي
و هو اليوم يتم عامه الثاني عشر
و قد خط شنبا رقيق تحت أنفه و استطالت انفه و اخشن صوته قليلا
لا يتورع أن يسألني نفس السؤال
أنتي حبيني ماما
طبعا احبك يا حبيبي الصغير
فمن لي سواك أحبه
أتذكر يوم تأخر أتوبيس المدرسة و نزلت ابحث عنك في شوارع القاهرة
أتذكر يوم ارتفعت حرارتك و كدت اجن من عدم انخفاضها و أنا أضعك في حجري مبلله الملابس لأضع لك الكمادات
أتذكر يوم وقعت فنزفت راسك كيف هرب دمي و تجمدت أطرافي و أنا اجري بك على المستشفى
أتذكر يوم خرجت في المدينة تشتري هدايا العيد و تأخرت و نزلت أجوب الشوارع باحثة لاهثة أدعو الله أن أراك فأضمك إلى صدري
آه يا قلبي كم عانيت في حب هذا الصغير
الذي ما زال يسألني
تحبيني ماما
كل عام و أنت ابني الحبيب
اليوم تكمل عامك الثاني عشر و تنسج خيوط الثالث عشر
أوصيك يا ولدي أن ترأف بقلب أمك التي أحبتك
نعم
احبــــــــــــــــك

88 comments:

karakib said...

السؤال معناه أنه يتمتع بهذا الاحساس
فعلا الاستمتاع بحنان الأم لا يستبدل بأي أحساس أخر

Amr Ahmed said...

happy birthday for your son

كل سنة وهو طيب وعقبال مائة سنة

وربنا يخليكي ليه

انا عاوز الجاتوه والبيبسي بتوعي

انا بحب الشوكولا هه

انا مستني

باااااي

tona said...

كل سنه وهو طيب وانتي طيبه معاه


عقبال ما يتجوز ويبقي عنده عيال وبرضه يسالوكي .. انتي حبيني تيته ؟

ربنا يحميه هو وكل الولاد والبنات اللي زيه

Ahmed Shokeir said...

إيه كمية المشاعر والاحاسيس العالية دي

هي فعلا موجودة عن كل أم وكل أب ولكن في غمرة الحياة ومتاعبها ومشاغلها نتركها في جزء من داخلنا وننساها ولكن في لحظة تامل وفكر نكتشفها مرة اخرى ونقدر على ان نعبر عنها ونبوح بها

ولكن بوح عن بوح يفرق

ربنا يخليهولك

كلبوزة لكن سمباتيك said...

karakib
ربنا يخليك
---
عمر احمد
و انت طيب
محدش بيسيب كومنت ببلاش الايام دي
---
تونا
ميرسي يا قمر
و انت طيبة
---
احمد شقير
اهو بقى قلت اغير
اخجلتم تواضعنا يا استاذنا
---
حبي و احترامي للجميع

الأميره أوسه said...

كل سنه وهو طيب ومامته طيبه
و تجوزيه وتشيلى عياله
و يلعبوا حواليكى
يا أحلى ماما فى الدنيا

smraa alnil said...

ربنا يخليهولك يارب
وتعيش وتشوفيه راجل اد الدنيا وتشيلي ولاده وولاد ولاده كمان
كل سنة وهو طيب وعقبال مليون سنة

حلو الكلام دة
ممكن حتة جاتوه بس بالشكيكولاته لو سمحت

Anonymous said...

اوسا
متحرمش منك يا عسولة
و انت طيبة
---
سمراء النيل
خطوة عزيزة يا جميلة
دستة جاتوة بحالها ليكي
---
قبلاتشي للبلوجريات فقط

hebaz said...

كل سنه وهو طيب وانتى طيبه
عقبال ما تجوزيه و تفرحى بيه و تشوفى ولادة و يجبهملك يقعدوا معاكى الصبح يا تيتا :)
مشاعرك بجد جميله
و أكيد كلنا جوانه هذا الأحساس الجميل و دايما بنجرى على الحضن الكبير...حضن ماما

Anonymous said...

hebaz
و انت طيبة يا بيبو
انتي اجمل يا عسولة

الأغاني للرأفتاني said...

كل سنه وانت وهو وابو العيال بخير

ربنا يبعد عنكم العين

حاكم احنا فى ايام سواد

husam shady said...

كل سنه وهوا طيب وإنتى كمان طيبه يا مامته الطيبه
وأنا كمان عايز جاتوه
وعقبال ما تجوزيه وتربى عياله
ويوقولولك حبينى يا تيته

ام العيال said...

ياه فكرتيني يا شيخه بالذي مضى
يا ربي يخليهولك
هو فعلا زينه لحياة الدنيا
الحياه من غيرهم و لا تسوى
بنعيش علشانك
بفرح لفرحهم
بنمرض لمرضهم
بنموت فيهم
يارب يحميهم جميعا
و يخعلهم بارين بوالديهم
ويعفو عنهم و يغفر لهم و يرمهم

ام العيال said...

ياه فكرتيني يا شيخه بالذي مضى
يا ربي يخليهولك
هو فعلا زينه لحياة الدنيا
الحياه من غيرهم و لا تسوى
بنعيش علشانك
بفرح لفرحهم
بنمرض لمرضهم
بنموت فيهم
يارب يحميهم جميعا
و يخعلهم بارين بوالديهم
ويعفو عنهم و يغفر لهم و يرحهم

شيمـــــاء said...

ايه الرقة دى كلها يا كلبوزتى
كل سنة وهو طيب و تفرحى بيه يا رب عريس منور و خير شباب الدنيا يا رب

كلبوزة لكن سمباتيك said...

المهــــاجر المصـــــــرى
و انت بالصحة و السلامة
---
che husam
و انت طيب ميرسي خالص
---
ام العيال
ربنا يخليكي انت كمان لاولادك و لينا
و انت طيبة
---
shaimaa
ربنا يكرمك و انتي ارق
---
مصطفيتش ابن حفصوتشا
احلى جاتوه ليك انت و حفصوتشا
-------------
اسالكم بدوري
فين الهدايا
هههههههههه
خالص تحياتي للجميع

islamv said...

كل سنة وهو طيب وبالف خير ويخليكوم لبعض طووول العمر .. كلام جميل اوى ومشاعر متطلعش غير من ام .. عارفة كلامك سهل وجميل ومع ذلك فيه كل معانى الامومة الجميلة .. الامومة الدافية

ربنا يخليهولك يا رب ... تحياتى لكى وله

ومتنسيش التورتة .. بس انا مش عاوز بيبسي انا عاوز عصير مانجة ... هههههههه

:]:]:]

كلبوزة لكن سمباتيك said...

islamz
و انت طيب ههههه في عصير قصب ينفع
و بعدين كلهم طلبوا جاتوه انت بقى عايز تووورتة بحالها
يا مفتري

كلبوزة لكن سمباتيك said...

يا جماعة تنويه عام الجاتوه البوست الجاي
فضحتونا هههههه

Anonymous said...

اه

فكرتيني بواحد صاحبي معرفوش خالص

عموما هوا غالبا بيسئلك علشان بيطمن

هوا عارف إن فيه صراع ما بينه وما بين بابا في قلبك

فلازم كل يوم يطمن

معلش بكره يكبر ويعرف أد ايه إنت بتحبيه

ومتشتكيش أنا عارف إن الموضوع كله لذيذ

ويا بختك بيه

تحياتي والسلام

بين الأمل و اليأس said...

اولا كل عام وهو بالف خير وبالف صحه وسلامه وربنا يهنيه ويحفظه ويخليكي ليه وتفضلي تديه من حنان الام اللي هو نبع لا يفرغ ابدا
بجد احساس الامومه شيء رائع
وربنا يسعدكم يارب
خلاص فين بقه الحلو انا خلصت كلامي
وربنا يسترها

سندباد مصري said...

ايه ده انا رجعت أعلق تاني

أحمدك يا رب

اه كل سنه وهوا طيب

لأ الشربات عليا طالما هوا وشه حلو كده

والسلام

Adel said...

مفيش كلام اقوله لانك فاهمة بس بجد هما اجمل شيء لينا ربنا يحنن قلوبهم علينا زي ماهو محنن قلوبنا عليهم اللهم امين ويخلي هو لك هو والشغالة بتاعتك الا صحيح حبينى ماما ؟

albida said...

بجد مدونتك عسولة أوى وبتدل قد ايه أنتى شخصية جميلة وحبوبة
أنا حسيت أنى داخلة حضانة
:) :)

كده برضه تعملوا عيد ميلاد من غير ماتقولولى
:(
أنا مابحبش الجاتوه أوى لو هندك سنكوتش بسطرمة.. مفيش مانع
:)

كل سنة وهو طيب وربنا يخليهولك يا رب


manal

LAMIA MAHMOUD said...

ربنا يخليهولك يارب

Anonymous said...

يا ستي عقبال ما تشوفيه اسطى دكتور قد الدنيا

بس على فكرة

الحياة علمتني

ابنك او بنتك إذا قال لك باحبك بدون سبب..يبقى وراه حاجة من اتنين
يا عامل مصيبة وبيمهد
يا عايز حاجة وبرضه
بيمهد


امال قالوا لنا في زينة ولمبات وشربات وكهارب
وعاملين عقيقة عند خالتي أم سارة

جينا لا لقينا
عقيقة ولا خروف مدبوح
ولا يحزنون
ده انا جاي وجايب معايا السكينة

...بسم الله الله واكبر

يا مراكبي said...

كل سنة وهو وإنتوا طيبين .. نستقبل الجاتوه والبيبس بالبريد السريع على ًص.ب. 614512 السالمية الكويت

Yasmine Adel Fouad said...

ربنا يبارك فيه و يشوف حد غير مبارك و النبى فى البلد دى

ربنا يخليهولك
و يخليلك قلبك الدافى و حضنك الكبير

فين حفلة عيد الميلاد صحيح
و للا احنا نجيب هدايا و السلام

كلبوزة لكن سمباتيك said...

ابو السناديب
انت كمان بيتا بلوجر مشردك و مدخلك على كل لون يا بتيستا
معلهش كلنا لها
شربات اية يا ابني هو طهور
و انت طيب يا سيدي
---
بين الأمل و اليأس
امين يا رب يستجيب منك
الحلو يوم الحلو على غرار الحساب يوم الحساب
ههههههه
---
المزاجنجي
حبك برص يا مازا يا خويا
و بعدين اية يحنن دي حاسة اني بشحت
هههه
و انت زي ما قلت
---
albida
انتي اللي عسل يا منولة
السنكوتشات و الغموس و الزروطة كلها البوست الجاي
---
حبي و احترامي للجميع

كلبوزة لكن سمباتيك said...

أكتب بالرصاص
في حياتك يا هندزة
نظرية السحتجة و المحلسة نظرية معروفة عند الاباء
بس اعتقد عند ابني عدم احساي بالامان
خائف من شئ ما
---
الاخ مهندز الصبح و جزار افرنجي بعد الظهر!!! انعم و اكرم
---
يا مراكبي
ارسلت المقصود على البريد المذكور
رجع البوسطجي قالي لم يستدل على العنوان و لم يجد الا صفيحة جبنة فاضية
نرجو الافادة
و شكرن
---
أنـــا حـــــــــرة
لا يشوف لا مبارك و لا توابعه
تسلمي و تعيشي يا اختشي
و الحفلة و الزروطة البوست الجاي
بس الا هي فين الهدايا
--------
حبي و احترامي للجميع

... said...

وووووه
حلوة اوى كلماتك
اصلها بجد حقيقية لانى عارفاها
ربنا يخليه ويحفظه
ويخليه يسأل دايماً رغم انه متأكد
بس هو بيحب يسأل وانت اكيد بتجبى تجاوبى

تفتكرى المقروض الصغير بتاعى لما صوته يخشن هافضل بردة احبه كدة
وللا وهو دلوقتى بخدود مكلبظة باموت فيها؟
عارفة الاجابة والله
:)

فريسكـــــــــــــــــــــــــا said...

كل سنة وهو طيب وعقبال ميتم المية ربنا يخليهولك وبحيكى على مشاعر الامومة الجميلة دى

gamal said...

كلبوزة

ده أسم مراتى من يوم ما بدأت يزيد وزنها وأولادى الصغيرين سموها كلبوزة
أنا أول مرة أدخل على هذا البلوج
شوفى يا كلبوزة قدايه الضنـــا غالى خلى بالك من ابنك وربيه تربية جميلة وعلميه ازاى يحب الناس
حقيقى مدونتك رائعة ومليئه بالكوميديا الساخرة واللازعة
جلست يوم كامل وتصفحتها كاملا
واضح جدا انكى فعلا سامباتيك زى مراتى بالضبط
فى جمال الروح والأسلوب الواعى
لكى تحياتى وتقديرى

Anonymous said...

كل سنه و هوا طيب يا افندم
ربنا يحميه و يخلهولك و يخليكي ليه
احساس الابناء و احساس الامومه من اغلي الاحاسيس في الحياة
شكرا ليكي انك شاركتينا في احاسيسك ونقلتيها بالطريقه الروعه دي
مستنين بوست عن مشاعرك بعد 14 سنه جواز بقي ايه احساسك ناحيه ابو العيال :)
ولا بلاش فاضيح بقي :)
اهي حاجه نتعلم منها مصيرنا هيبقي ايه :)
تحياتي لكي من المنطقه الشرقيه

أحمــــــــدبــــــــــلال said...

ياسلام
حب جميل مافيهوش أى نوع من المنفعة المادية
على العموم كل سنة و هو طيب

بالرغم من أنى أكبر منه بعشر سنوات بس أنا لسه بدلع على ماما
مش طفولة منى و لكنها رغبة منى للشعور بيدها الدافئة تربت على رأسى و نعومة يدها تحتك بخشونة ذقنى
داعياً الله ألا يحرمنى أياها
بس أنا أنتقلت بسهولة من سرير أمى لسريرى الخاص
لغيرتى من أخوتى الاكبر الذين يملكون سرير خاص

تحياتى لأبنك و لكى

أحمــــــــدبــــــــــلال said...

نسيت أقلوك فين الاكل و الجاتوه و العصير و الخروجة اللى كنتى عزمانه عليهم و لا هو كلام و بس
ده انا أخرج من حالة الأكتئاب مخصوص علشان أجى أحتفل بالامور
أو أخويا الصغير بمعنى أصح

عاوز حتتين جاتوه واحد كريمة و التانية شيكولاتة بيضا

frozen love said...

tagseed 7ye lmsha3r el2moma...allah 3leky

Unknown said...

و الله لقد دمعت عيناى تاثرا بك و باالام بصفة عامة
تذكرت امى و خوفها على
ثم تذكرت ابنى "سنتان"
يا لها من مشاعر

أُكتب بالرصاص said...

بس تعرفي

انا قعدت افكر

لاقيت ان الافضل اننا علم اولادنا انهم يقول احبك
لاننا لم نتعود على احبك
وناس كتير فشلوا في حياتهم علشان لم يتعودا على تبادل عبارات الحب

كويس اننا نعلمهم يقولوا احبك

بس برضه
فين الخروف؟

بعدك على بالى said...

ربنا يخليهولك وتفرحى بيه وباخواته يارب

ana ga3an said...

مش عايز اتخيل
اللي هايحصل
انا بنتي لسة 7 شهور تقريبا
و لما بتعطس انا و امها قلبنا بينخلع
مش عارف دي لما تكبر
و يحصلها حاجة من شقاوة العيال هايحصلنا اية

بفكر اعمل معاش مبكر و اتفرغلها :)

مـحـمـد مـفـيـد said...

الله علي احساسك وعلي روعه الابداع
من اجمل واعظم المشاعر مشاعر الامومه ثم الابويه
ادام الله عليكي نعمهخ حبك لاطفال ويجعلهم باريين بكي

كلبوزة لكن سمباتيك said...

أجمل حــــــــــلم
بيني و بينك يا حلم انا كنت اتمنى يفضل صغير
لانى كنت بعرف اظبطه اكتر وقتها لكن دلوقت اي موضوع صغير و لو حتى الذهاب للحلاق لازم مناقشة ساعة علشان اوضح الملابسات و الاهميات و الضرورات و سنن الفطرة و محاضرة طويلة يا مايقتنعش يا اما
ما يقتنعش
فحاجة تفرس بجد
قبلاتشي الدافئة على خدود عسولك الصغير ربنا يبارك فيه و يهديه

كلبوزة لكن سمباتيك said...

موج البحر
الله يحييك بس هو لما يتم المية انا حكون عجزت حبتين :)
---
جمــــــــال
شرفتنا يا فندم و تحياتي لزوجتك الفاضلة
ابادلك التحيات و التقدير
---
حيران
و انت طيب- امين يا رب-العفو-اما عن البوست اللي طلبته فان شاء الله انزله بس امخمخله
و ححاول اغنع جوزي يكتب بوست هو كمان عن مشاعره بعد الجواز
و ننشر الاتنين سوا
و اهو يبقى سيمينار للمقبلين على المعركة
اقصد الزواج
:)

كلبوزة لكن سمباتيك said...

أحمد بلال
حمدا لله على السلامة اخيرا قمت من على البلاط في البرد ده
و انت طيب - بقا حضرتك بطولك و عرضك عامل فيها اخوه الكبير يا فرحتي و انا خلفتك و انا في اعدادية بقى و لا اية
هههههههههه
طيب ابقى تعالى العبوا سوا بلاي استيشن بقى
---
انا بقول برضه احمد ميجيش ببلاش كده محدش بيسيب كومنت بالساهل اليومين دول
في جاتوه خبيزة و جاتوه كوسا ينفعوا و لا نلم البوست و نروح؟
---
تحياتشي

كلبوزة لكن سمباتيك said...

frozen love
mabsota enoh 3agabkom merci
---
محمد
ربنا يخليك لهم و يخليهم ليك
و فين الهدية بقى؟
---
أُكتب بالرصاص
ما انا نسيت اقولك انه لما كان بيسالني السؤال ده كان بيبقى قاعد لازق فيها و لما اقوله ايوة طبعا بحبك كان يقولي

-- حبك ماما
الخروف في العيد

كلبوزة لكن سمباتيك said...

الغالية بعدك على بالي
الله يخليكي و يخليلك ابنك و يطمني عليكي دايما
قبلاتشي

كلبوزة لكن سمباتيك said...

انا جعان
كلنا كنا كده هههههه لما كانت بنتي الكبيرة بتعيط كنت اقعد اعيط جنبها و مش عارفة اعمل اية ماكلاها و مغيرلها و برضه بتعيط
و كنت لما اروح لدكتور الاطفال اقوله الحق يا دكتور بتشهق و هيا نايمة و بتبربش و في ناموسة قرصتها اعمل اية
مرة الدكتور قالي مش عايز اشوفك عندي قبل شهر من النهاردة
تفتكر كان بيطردني؟
الشعور ده حيخف لما تاخد خبرة في التعامل مع الصغار
معاش مبكر ليه هما سنتين و يبقى معاش طبيعي
هههههههههههه

كلبوزة لكن سمباتيك said...

محمد مفيد
ربنا يخليك يا فندم دايما بتسعدني زيارتك
--
امين يا رب

كلبوزة لكن سمباتيك said...

اعزائي البلوجرية الافاضل

اقدم لكم شيكولاته فرط
يمين تحت باب البلوء و انتم داخلين

احتفالا بعيد ميلاد ابني

اللي ياخد واحدة يسيب جنيه اه مش فاتحينها اونطة

و لكم مني خالص الود و المحبة

MAKSOFA said...

كل سنه وانت وابنك بصحه وسعاده
وان شاء الله تكتبي له بوست يوم فرحه تسجلي فيها برضه مشاعرك نحوه في هذا اليوم



بس اوعي تعملي حما ياكلبوزة خليك حنينه علي البنت

nor said...

أقترح عنوان جديد للبوست...
" يوميات أم لاهثة"

Anonymous said...

و إن كنت إلى اليوم استيقظ فأجده نائما على باب غرفتي
يا حررررررررررررررام
كل عام و هو بألف خير

كلبوزة لكن سمباتيك said...

مكسوفة
حبيتشي انا حكون ابشع حماة في الدنيا لاني بحب اولادي قوي و بغير عليهم و حطلع عنين مراتتهم
و على كل حال انا خاطبة لابني بنت حلال قوي من القصيم بنت واحد حلاق صاحبنا
اموووه
---
نور
اشكر لك زيارتك
بس انا بطلت الهث من زمان
اتفطمت
ههههه
---
Anima
و انت طيبة و بصحة و سلامة
بس على فكرة مش بيبقى نايم على الارض
في برة باب غرفتي انتريه شيك بينام على الكنبة اللي جنب الباب
:)
----
خالص تحياتي

SomeOne said...

كل سنة وانت طيب
والهدية انت الي تجبهالي
وهي صورة ليك
............
انها براءة الاطفال
ما اجملها
كم انا مشتاق لكي يكون لي طفلة او طفل صغير
.........


تحياتي

elgharep said...

ربنا يخلهولك وربنا يبركلك فيه
الغريب

بيجاسوس المصرى said...

ما اجمل قلب الام فسبحان الله الذى اعطى كل ام غريسه الحب و الحنان

كل سنة و هو بخير وصحه وسعاده
و تفرح به كاكبر مدونين مصر بأذن الله


تحياتى
بيجاسوس المصرى

Utrechty said...

عزيزتى كلبوزة
مش عارف ازاى جبت البلوج بتاعك بس بصراحه البوست الاخير قلب عليا المواجع

وعلى قد الهم بتاع خلفه العيال لكن ولاد الكلب بيعرفوا ازاى يبتزونا عاطفيا من خلال اداركهم الفطرى لنقط ضعفنا (وما اكثرها . .
وعموما كل سنة وهو طيب
وربنا يصبرك على التعامل معاه هو واخواته

وتقبلى تحياتى

جميله بو حريد said...

زيارتى الاولى للمدونه و الصراحه وقعت فى اسرها وفى الكلام اللى بيجسدبروعه ايه هى الامومه بجد فتحتى نفسى انى اكون ام يارب يخليه ليكى وتفرحى بيه وتجوزيه وتشوف عيال عياله

علا من غزة said...



يااااه كم تتعب في تربيتنا الأمهات ,,

كل سنة وهو طيب وربنا يخليهولك ويفرحك فيه وهو ناجح ونافع في المجتمع ,,

وانا كمان عايزة نصيبي من الجاتوه :p

أحمــــــــدبــــــــــلال said...

هو أنتى يوم فرحه هاتبقى فاضية تكتبى بوست
لقيت مكسوفة بتقولك كده أستغربت
و على العموم أنواع الجاتوه اللى عندك مش حلوة بفكر أطلبلك أنا من الحلوانى و أبعتلك الفاتورة على البيت

و بعدين يا ست هانم
أعدادية أيه اللى خلفتينى فيها ليه ؟ هو أنتى عندك أتنين و عشرين سنة و أنا معرفش و لا أيه
؟

Heba Al_Menshawy said...

يااااااه ..ز ربنا يخليهولك يارب وتفرحي بيه ويكون قرة عين ليكي ويكون سند ليك .. آمين
العلاقة بين الام وابنها ملهاش وصف ولا ليها شكل معين او مثيل .. فعلا علاقة فطرية سبحان الله
كل سنة وهو طيب وعقبال 10000 سنة
:)

أجدع واحد في الشارع said...

كل سنه وهو طيب
ويارب تشيلى عيال عيله
قولى امين

كلبوزة لكن سمباتيك said...

shadi
و انت طيب يا شادي اقترح عليك تغير الصورة بتاعة التجنيد دي بواحدة بتضحك فيها
----
الغريب
و يخليك و يبارك فيك
متشكرة
----
بيجاسوس
و انت بالصحة و السلامة
عايزة اسالك سؤال سر
يعني اية بيجاسوس؟ هو حد فرعوني قديم؟
----
Utrechty
و انت طيب ميرسي بوكوه
يصبرنا كلنا يا رب
----
تحياتي و احترامي للجميع

كلبوزة لكن سمباتيك said...

بوسي
ربنا يخليكي و نفرح بيكي و ليكي
:)
---
علا
ازيك يا علا و ازي بابا؟ يا رب كله تمام
من عنيا الجاتوه تحت عتبة البلوج
---
أحمد بلال
قول هو انا حعيش لما اشوفه عريس اصلا
انت مش كنت رايح الجيش؟
و لا انت مقدم جيش من منازلهم و لا اية؟
:)))
قاعدلي على الوحدة يا ساتر يا رب
----
خالص تحياتي و احترامي للجميع

كلبوزة لكن سمباتيك said...

هبة
و يخليكي يا بيبو
بس مش شايفة ان عشر تلاف دي كتيرة حبتين
هما 63 كويس قوي
قبلاتشي
----
اجدع واحد في الشارع
يعني لا شفنا هدايا و لا بلالين و لا زناتي
امال فين الجدعنة بقى
امين
---
تحياتشي

بيجاسوس المصرى said...

مساء الخير يا كلبوزه

بالنسبة لكلمة بيجاسوس

تعانى فى الاساطير اليونانية القديمة الحصان الطائر ذو الاجنحة

يعانى فى قصص الملك النعمان او السندباد و ممكن كمان فى الكارتون
هههههههههة
اى خدمه
فى اى مكان موجودين

تحياتى

elkamhawi said...

وكلنا بنحبك

SomeOne said...

متشكر جدا على النصيحة
انا كنت حاسس بكده بس كل اللي حواليا لما اسألهم يقولولي حلوة
لكل واحد يقول لصاحبه رأيه بصراحة..
عموما الف شكر
انا ح اغيرها

تحياتي
وعايزين صورة لابنك بس يكون بيضحك فيها
:)

Askandarani said...

i do envy women for motherhood.

Anonymous said...

كل سنة و انت طيب يا.... يابن طنط كلبوزة :)

ربنا يخليهولك و يخليكي ليه و يخليكوا لبعض يا رب

allfollowsome said...

اسف جدا جدا للتاخير

كل سنة وهو بالف خير


امتى بقى حتوزعى التورتة على المدونين اللى اسمهم طاهر

((:

tota said...

كلبوظتى
كل سنة وهو طيب وكل سنة وحبك ليه وحبه ليكى يزيد ودايما يسألك ودايما تجاوبيه اد ايه بتحبى

بس كبرتى يا كلابيظو

يلا دنيا
تحياتى

كلبوزة لكن سمباتيك said...

بيجاسوس
ميرسي على التوضيح
و يا سلام على حصان من دول في الايام دي كان الواحد هيس فسح بيه
---
elkamhawi
ميرسي قوي ربنا يكرمك
---
شادي
اي خدمة يا اخي احنا اخوات
---
خالص تحياتي

كلبوزة لكن سمباتيك said...

askandarani
ثانك يو فيري ماتش انديد
---
utopian
و انت طيب يا حمو
شرفتنا
---
Taher
مفيش اسف و لا حاجة
التورتة على السفرة و الشاي على النار
---
خالص تحياتي

كلبوزة لكن سمباتيك said...

tota
و انت طيبة يا احلى توتة في الدنيا يا سيتي هو عنده 13 سنة و سارة اكبر منه بسنة و نص و انا لسة عندي 20 سنة اثاثا
يعني انا اختهم الكبيرة بس من باب التمويه بيقولولي يا ماما
هههههههههه
قبلاتشي

allfollowsome said...

SMS SMS

حمادة بالعز خلاص حيحس

من تحياتشى تعرف القلبوظاتى

انا قريت العنوان واخر كلمة وعلشان الامانة قريت شوية من اللى بينهم

(;

Ayat said...

مش ممكن يا كلبوزة .. عيطتينى ..ما شاء الله ربنا يخليكم لبعض و يبارك فيه .. و يفرح قلبك دايماً

مُزمُز said...

الله
بجد إحساس جمييييل أويييي

ربنا يخليهولك وكل سنة وهو طيب

Sou said...

Simply a great post..

^ H@fSS@^ said...

كلبوزتشي نوستي كوانوستي
كل سنه و ابنك بخير و بالف سلامة و كل سنة و انت طيبة طحن و ربنا يهنيكوا ببعض
رقيتك و استرقيتك من عين شافتكم و لا صلتش عالنبي
اللهم صلي عالنبي

وحشتينيييييييي

مووووووووووووووووواه
من هنا و
مووووووووووووووووووووووووووووواه من هنا

Ahmad Hegab said...

كلامك فكرنى بحاجات نسيهانى الزمن و
الكليه و الشغل و الناس و النت
بجد بوست جميل جدا ربنا يكرمك

انتى عارفه انا عمرى ماسالت أمى و قلتلها أنتي حبيني ماما بس لازم اسالها علشان لو عندها كلام زى الى انت كتباه دا تقولوا

vision said...

انتى جميله اوى والمدونه بتاعتك عاجبانى جدا يا رب ديما مواضيعك حلوه ومميزه واتمنى انى اقدر اقرء كل المواضيع بتاعت الشهور الى فاتت لكن المسأله مسألة وقت تسلمايديكى وكل سنه وهو طيب ولونها متأخر

spellz said...

happy brthday to ur son happy birthday happy birthday happy birthday to Hiiiiim:D
Hurraay

Rabena ye5aliholek we teshofeeh a7san l nas inshaallah

Dananeer said...

ربنا يخليهولك
".

Anonymous said...

مكنتش أعرف إنك أم و دلوقتي بعد ما عرفت أحييكي علي روحك الشابة التي لا تختلف عن روح إبنة الثامنة عشر
بوست جميل و رقيق أوي بجد
تحياتي لك و لابنك
:)

Anonymous said...
This comment has been removed by a blog administrator.
•√أريـ السمر ـج√• said...

بوست كله مشاعر .. ربنا يبارك لك بيه و تشوفى احفاد احفاده