Wednesday, December 20, 2006

سعيدة




سعيدةٌ أنــا و قلبى سعيد
سعيدةٌ لأنك أنبت من جديد
طفلا صغيرا منمنما وليد
و أصبح جذرك ممدداً شديد
من أنجب لم يمت
و عشتَ العمرَ المديد

34 comments:

Ghada said...

يا رب دايما :)

Anonymous said...

ادام الله عليكي نعمه الحنان المتدفق


من أنجب لم يمت
جامده اوي التعبير ده وانا والله حسيتوا مع عبد الله ابني

في حفظ الله

BackBone said...

كالبوزه هنم
خالتشي العزيزة

مش عارف ان كل مفكر في كل العزاب اللي الواحد شافه في الدنيا ديه بشفق علي اي طفل لسه مولود

و سعات بحس اني لما اخلف بس عشان احس اني ممتش و ان ليه اثر في الدنيا من بعدي , بحس اني اناني قوي و بظلم الطفل ده قوي

و لولا امر الله سبحانة و تعالي بالتكاثر كنت بجد ممكن اقرر اني مخلفش اطفال

يا مصر اكتب إليكي رسائلي said...

يسرني ان اتقدم بخالص التهاني وأطيب التمنيات بمناسبة عيد الأضحى المبارك اعادة الله علينا وعليكم بالخير واليمن والبركات ، وكل عام وانتم والأسرة الكريمة بخير

^ H@fSS@^ said...

امين يا رب امين
ايه الحلاوة دي يا كلبوزة
كلامك على راي منال البيدا جوه الجون طوالي

ربنا يحميكي و يحرسك يا رب

موووووووووووووووواه

واحد من الناس said...

كلمات رقيقه

Anonymous said...

:)

gameela ...rabna yekremk ya rab

شيمـــــاء said...

لا لا كلبوزتى
ده احنا جايبين على رقة خالص

صحيح
احساس الامومة ده اروع الاحاسيس اللى الست تحسها

ربنا يدمها عليكى نعمة

أحمــــــــدبــــــــــلال said...

مالك يا أختى ؟
أنتى سخنة و لاحاجة ؟
أيه جو الحنان اللى أنتى معيشانه فيه اليومين دول
لالالالالالا
مش انتى كلبوزة اللى أعرفها

على العموم ربنا يديم المحبة و الحنان

مُزمُز said...

يا سلام على الأمومة اللي تشمها أول ما تخش عالبلوج
ده حتى كمان قبل البلوج بشارعين بتشمها
بجد بجد كلمات رقيقة وصادقة حقيقي

ربنا يديم عليكي نعمة الأمومة والحنان ويصبرك بقى على الأيام اللي جاية والتحولات العبقرية من الطفولة للمراهقة اللي هتخليكي إن شاء الله تولعي في البلوج وتكرهي اليوم اللي خلفتي فيه بس ابقي افتكريني ساعتها
ربنا يخليهولك ويخليكي ليه
تحياتي وابقي شرفيني

يا مراكبي said...

أول ما إبني الكبير إتولد .. إتصلت بيا عمتي الكبيرة من الصعيد وقالت لي جملة واحدة: الحمد للة إن ربنا راضاك وخواك .. يعني بقى ليك أخ .. طبعا كلام كان غريب جدا لكن ما فهمتوش إلا دلوقت بعد 9 سنين

تحياتي

أُكتب بالرصاص said...

انا شامم ريحة سبوع وموغات وحاجات!!!

إيه الموضوع

نقول مبروك ؟

frozen love said...

يا رب خلّي
ويكبر في ضلّي
ويعيش تملي

ايام هنا

سمي وصلي
نفسي يقوللي
وبصوت يعلي

مين انا?

ymkn ykon isa beyfhm 3nna we yl3bha s7 b2aaa....rbna ykhly

.:.-=- ELGaZaLy-=-.:. said...

من أنجب لم يمت
و عشتَ العمرَ المديد
____________________________

برغم انى اول مرة اقرا مدونتك..الا ان

شعور السعادة هوا المسيطر عليها حتى الان,,,,ادامها الله عليكى,,,,

SomeOne said...

عايز كل الناس تعرف مدونتك
ضيف نفسك في ارشيف المدونات العربية
http://arabblogs.blogspot.com/
ارسل لنا اسم مدونتك و عنوناها و اسمك

في كومنت على

http://arabblogs.blogspot.com/2006/12/blog-post.html

حائر في دنيا الله said...

شكلها فيه سبوع هنا ونا مش واخد بالي
ممكن حتتين جاتوة وطبق لحمة وشوية سوداني
واي حاجة تتاكل , برده عادي
والواد كمان
مش هاكله لأ, هبوسه بس
أو بعمنى أدق هحلي عليه
:)

أدام الله لنا ولكم أطفالنا وأطفالكم

كلبوزة لكن سمباتيك said...

أصدقائي الاحباء
لست انا من انجبت و لكن من ولد ابني
اشكر لكم تهنئتي و السعادة لسعادتي
خالص تحياتي

Amr Ahmed said...

كلبوزة ازيك

ايه الاخبار

ايه ياعم الكلام الجامد ده

يا حونيييييييييين

Anonymous said...

ولهى كلامك رقيق ورجعنى فى لحظه واحده لساعه ممسكت ابنى فى ادى يا رب تشوفيه زى ما تتمنى فيه

maf2ou3a said...

u r right i personally say who didnot have daughters didnot have kids

tota said...

كلبوظة
مش عايزة تتبنى حد سنه اكبر من كده شوية
بس حنيتك بتخلينى اقولك اد ايه احساس الامومة عندك جميل
تحياتى

basma saghir said...

فكرتيني بجدتي لانها دايما تقول كدة لاي حد الي خلف مامتش
بحب كلامك قوي يا كلبوزة

فريسكـــــــــــــــــــــــــا said...

ياااااااااااااارب دايما سعيدة يا كلبوزة يا ام دم خفيف

hebaz said...

يا رب كدة دايما سعيدة و متهنية و أولادك حوليكى تشوفيهم فى أحسن حال
كل سنة و كلكم طيبيين و عيد سعيد :)
تحياتى

بين الأمل و اليأس said...

يارب امين يارب بخليكم لبعض وتكونوا اسعد اسره يارب
ويكون ابن بار بابويه واب مراعي لبيته وام حنونه على بيتها
ويارب يكون كل ايامك فرح وهنا وسعاده بين اركان بيت السعاده والفرح
وكل عام وانتم بخير وتكون سنه سعيده على الكل وعيد مبارك
وربنا يسترها

بين الأمل و اليأس said...

معلش نسيت اسأل الصورة ليها معنى غير معنى الكلمات او بيوجه الكلام لاتجاه معين صح بس انا مش مستوعبه اوي ممكن استفسر عن الصورة
وربنا يسترها

كلبوزة لكن سمباتيك said...

Ghada
و انت كمان يا رب سعيدة دايما
محمد مفيد
و عليك و على كل الناس
الله يحفظك
باكبون
خلف يا سيدي انت خسران ايه الاطفال احباب الله و ليهم رب اسمه الكريم
مصطفيتش
و ماله نعمل سبوع و دق هون و مغات كمان و لا يهمك
و نكتب على المدونة
مطبخ البلوجرية لصاحبته كلبوزة
يا مصر اكتب ليكي رسالة
و انت طيب و لا تنسونا من اضاحيكم
حفصوتشا
اموه اموه ازيك عاملة اية
كلبوزة لكن ابو تريكة
ههههههههه
حبي و احترامي للجميع

كلبوزة لكن سمباتيك said...

واحد من الناس
مشكرة
===
ايبي
و انت كمان يا جميلة
===
شادي
مش عايزين النهاردة
===
شيماء
يا رب يا اختشي يا رب
===
أحمد بلال
مش انا اللي تعرفها ليه سبق قبل كدة و دخلنا سوا خناقات بالمطاوي
هههههه
===
مزمز
ربنا يخليكي بس انا فعلا اولادي في سن المراهقة و ماسكة السقف باديا
اللي اتولد ابني بالمحبة بس مش ابني بالانجاب
===
تحياتي و احترماتي

كلبوزة لكن سمباتيك said...

يا مراكبي
و لسة ربنا يبارك لك فيه و يبقى هو اللي ولدك براعايته وبره ليك
---
اكتب بالرصاص
و ماله البوست اللي فات تورتة و ده سبوع و الجاي مغات
ما انا سبيل البلوجرية
===
ذكريات
الله يسعدك ميرسي
===
frozen love
ميرسي على الكلمات الرقيقة
امين يا رب
---
حبي و احترامي للجميع

كلبوزة لكن سمباتيك said...

.:.-=- ELgazaly-=-.:.
متشكرة على زوقك
===
شادي
و حياة ربنا مش عايزين النهارة
---
حائر
امين يا رب ربنا يبارك في اولادنا كلهم
واحد جاتوه باللحمة لحائر باشا و صلحه
---
عمر احمد
يلا بقى شوية كده
---
انونيموس
ربنا يكرمك
---
مفقوعة
ايوة طبعا البنات البنات الطف الكائنات
بنتي دي نور عيني
---
حبي و احترامي للجميع

كلبوزة لكن سمباتيك said...

توتا
اتبنى لا صعب اصل انا كده كامل العدد
بس انت ارق و احلى
---
بيسو
الله يرحمها و يديلك طولة العمر
---
موج البحر
و يديم عليك السعادة انت كمان يا موج
---
هبة
ميرسي يا هبة امين يا رب و انت كمان
---
بين الامل و اليأس
امين يا رب لينا و ليك و للبلوجرية كلهم
الصورة صورة طفل رضيع
و البوست تهنئة بمولود جديد
لشخص عزيز
طفل لم انجبه و لكنه ابني
افتكر الصورة و البوست ماشيين مع بعض و لا انت ايه رايك؟
---
تحياتي و احترامي للجميع

dandana said...

ربنا يديمها عليكى نعمة....

انا حاسة شوية من اللى انتى حاساه...عشان اختى الصغيرةكانهابنتى تمام....

بيجاسوس المصرى said...

الف الف مبروك

ويارب يديم عليك الفرحة و السعادة دايما

بس انا ليا طلب واحد
عايز شمعة من السبوع
ولا اقولك
كفاية شمعة السعادة اللى بتنورى بها قلوبنا كل مرة
بكلامك الجميل

الأميره أوسه said...

ماليش دعوى أنا عاوزه كيس السبوع
سمعت أن فيه حمص وسودانى وجنيه دهب
مامتشى هاتى بوسه بقا أنا محتاجه جرعة حنان كبيره
حبينى ماما