Tuesday, January 23, 2007

ساعدني

حوليا برد و ضلمة و خوف
لا انا عارفة مولودة و لا بموت
ساعدني اخربش جوة الضلمة
يمكن اعرف افوت



ساعدني اخرج برة القشرة
و اشوف بعيوني انوار بكرة
ساعدني ادوق طعم الحرية
ده هيا الحلم و هيا الفكرة
ساعدني و شيل عني جداري
وطفي باديك لهفة ناري
نفسي اشوف شكل الدنيا
و ادوب حلوها جوه مراري
الدنيا فراغ ليه حوليا؟
ده انا اللي جتها برجليا
لا لاقية اخ و لا صديق
رجعني تاني و سك عليا

تخريفات سمبتيكية

60 comments:

sara said...

هيييييييييييييييييييييييييييييه
اول تعليق
جميل جدا وحيات ربنابجد عجبتنى جدا
الى اامااام يا كلبوزة
بس ما ترجعيش جوه تانى
عايزينك هنا

شادي فايد said...

يا سلام يا سلام

يا سلام ع الفلسفة

عموما

دخول الحمام مش ذي خروجه

وسمعني اغنية ساعدني
لاصالة

Epitaph said...

:)

الصور جميلة و معبرة اوي
انا عايزة سلحفاة زيها
ههههه

جد شوية بقي
زي ما قلتي
الحرية هي حلم

لكن لابد من العمل من اجله

شادي فايد said...

لالالالا

مليش دعوة

انا اول واحد دخلت

بس النت عندي بطيء

وبعد ما اكتب الكومنت الاقي نفسي التاني

يلا مش مهم

maged stephen said...

طب المواصلات رايح جاى على مين؟

nadine said...

ياااه
لو كان فى إمكانا ندخل تانى بطون امهاتنا لحد ما نحس بالوقت المناسب
لو كان فى إمكانا نرجع بالزمان او نقدمه قدام
لو كان فى ايدينا نغير الدنيا اللى حوالينا

للأسف احنا بنبدأ مواجهة الحياةلحظة وصولنا اليها
و ماينفعش نخاصمها و ننسحب من اللعبة
لازم نكمل لحد الجيم اوفر

و لو ورقك فى اللعبة طلع مش حلو ماينفعش تقول لحد يغيرهولك

بس برضه الحياة فى حد ذاتها نعمة
و الإنسان اللى بجد هو اللى بيتعامل مع ظروفه, يتقبلها او يغيرها
المهم انه يعيش

بيسوو said...

نفسي ياسمباتيك ارجع تاني بس فين؟؟

لما بنوصل للدنيا دي الناس حوالينا بتكون فرحانة قال يعني هنكسر الدنيا وبعد كدة بناخد عدم المؤاخدة بالجزمة
اي والله يا اختشي

بس الاحساس بيفضل موجود ان المكان الي احنا فيه مش هو المكان الي المفروض نكون فيه...بس مفيش تصرف غير المواجهة صدقيني..نعافر هي الكلمة الصحيحة للي المفروض نعمله...نعافر ويا نغلبها ياتغلبنا

بعيد بقى عن المجاملات لاني عارفة انك مش بتحبيها..بس اعمل ايه يعني اقلك وحشة وهي حلوة اكدب يعني؟؟
عجبتني ولمستني وفوق ده وده حبيتها قوي
سلامي ليكي

whyme said...

الكلام ماشى حلو اوى مع الصور بس اكيد الحياه بره احلى اوى من جوه بس ده لو احنا كنا مستعدين نطلع من جوه لبره
و لو كنا لسه مش مستعدين فيبقى لازم ناخد فاصل جوه و نعود

تحياتى
واحد بيحب كل شويه يرجع جوه علشان يعرف يعيش بره

Mohamed A. Ghaffar said...

أجمل واعمق واقوى من اى تعليق

مـحـمـد مـفـيـد said...

ليست تخاريف
ولكنها سعي الي الامام ولكن ليس ببطء السلحفاء

يا مراكبي said...

أنا نفسي أرجع لزمان شوية بس مش قوي كده

وبعدين دي مش تخريفات زي ما أنتي قلتي .. دي حقايق جوانا كلنا .. والكل عارف كده كويس

تحياتي

فلة said...

بجد حلوة اوي يا سمباتيك يا عسولة انتي
والى الاماما زي ما قالت سارة

الكلام نوعان :كلام فارغ وكلام مليان كلام فارغ said...

جميله اوى اللى انتى كاتباها دي وفعلا معبره جدا جدا وفعلا بتعبر عن اللى جوانا كلنا
استمري والى الامام يا رومل

Sampateek said...

sara

ربنا يخليكي يا سوسو تعرفني انا كمان حباها قوي و مش عارفة كتبتها ازاي
نورتي يا جميلة
---

شادي
ساعدني يا شادي بربع جنيه
ادفع فاتورة تليفوني يا بيه
ساعدني و خد فيا ثواب
ده اللي يقدم شئ يلاقيه

---
تحياتي و حبي لكم

Sampateek said...

ايبي
تعرفي دي صور جاتلي في ايميل عن مولد سلحفاة و حسيت اني عايزة اتقمص دورها و افكر زي ما هي كانت بتفكر
اتسلحفت يعني
ههههههه
نورتي يا سكر


----

شادي
مش ممكن يكون ابطء من عندي انا عندي بنشر البوست و تنزل التعليقات و انا لسة مشفتش البوست
معلش يبقالك 75 قرش

----


ذكريات
الكتكوت البوست الجاي
و الانفلونزا عليك
الا هو انت دكتور في اية؟
اوعى تكون دوكتور دجاج
الذ الذ الذ
---

نورتوني

Sampateek said...

ماجد
المشكلة في المواصلات المشكلة حلاقي بيضة على مقاسي اقعد فيها
----

نادين

انا ساعات بحس اني عايزة اقف و اقول

مش لاعبة
زي ما كنت بعمل زمان

بجد يا ريت يفصلوا لينا بيض على مقاسنا نسكن فيه خميس و جمعة
:)

----


بيسو


انا كمان حبتها
و مصدقاكي في كل كلامك
اسعدتيني يا جميلة

----

whyme

ايوة انا كمان بحب ارجع اتقوقع و ارجع فريش تاني

مبسوطة انها عجبتك

----

نورتوني و اسعدتوني
بحبكم

Sampateek said...

Mohamed A. Ghaffar
بجد عجبتك؟
شفت الفراشة؟
الفراشة دي يا جماعة اصطادها محمد و ادهالي هدية و انا اديته 5 صوابع ورق عنب قصادها
:)
ميرسي يا محمد
----
محمد مفيد

التخريفة هي اني تقمصت دور سلحفاة نونو
و فكرت بعقلها
لكن المعنى كلنا بنحسه فعلا

----

يا مراكبي

الله يحييك
اصل لا قادرة اكتب شعر و لا نثر و لا هي زغلولة
فاكيد تبقى تخاريف

----


نورتوني و متشكرة قوي لذوقكم

Sampateek said...

فلة


ميرسي يا حبيبتي ربنا يخليكي

---

الكلام نوعان :كلام فارغ وكلام مليان كلام فارغ

متشكرة قوي ربنا يخليكوا ليا

انا بكتب حلو علشان قرائي حلوين

----



تحياتي و حبي و شكري للجميع

أمل أسكاف said...

جميل جداً ورائع يا سمباتيك
وشكراً لك على زيارة مدونتي
وبعد تفكير أخدت بنصيحتك في موصوع البوفيل

Aoossa said...

الكلمات معبره
والصور مناسبه جدآ
السلحفه دى بتاعتك
أنا عاوزه نونه سلحفه
وأديكى فار نونه هديه
عندى فار فى البلكونه مربياه
يوزن عشره كيلو
لما يولد هاشيلك واحد
باى كوكه

Om Luji said...

Lovely ya Kalbozza,
I really enjoyed reading it while looking at the pics. Together they beautifully portray the moment of entering into a new world. All the mixed feelings of curiosity, eagerness, fear and helplessness. Great job.

محمد said...

على فكرة أنا مش مقتنع إن دي تخاريف
بل أنا متأكد إن دي فضفضة على شوية حاجات تانية
بس الموضوع حلو قوي
نفسي أسأل سؤال غلس : لماذا السلحفاة؟

Sampateek said...

امل اسكاف
اشكرك
و لا تغيب الا لما تقول
:)
انا اسعد بمدونتك
----
اوسا
حبيبتشي لا طبعا السلحفاه دي مش بتاعتي دي صور وصلتني على الايميل حركت فيا روح التقمص و قلت يا ترى السلحوفة دي كانت بتفكر في اية و هي بتشق طريقها

خليلك الفار يا كوكا انا بموت منهم اساسا
و انت بتربيه ليه؟ علشان تعملى جيل من فيران السبتية و لا اية؟
انا عندي سمك بس مش بيخلف اعتقد الراجل البياع ضحك عليا و مديني سمكتين دكره
ههههههههههه
ربنا يسهل
قبلاتشي
---

حبي و احترامي

Sampateek said...

ام لوجي
ميرسي على ذوقك دايما بتشجعيني و بصراحة زرتك بس معرفتش اسيب عندك كومنت البلوجر بيتا ساعات بيطردني
اتمنى اكون عند حسن ظنك دايما
:)
---
محمد على
السلحفاة تحس انها مكشرة و ده استفزني
يا ترى كانت بتفكر في ايه
فاتسلحفت و كتبت
و دي صور وصلتني عبر ايميل عن مولد سلحوفة
ادي كل الحكاية

ابعتلي صور كتكوت
و انا اتكتكت

:))

----
حبي و احترامي للجميع

cat_eyes(همس الليل) said...

انا يمكن من اول ما بدات تدوين مش من فتره طويله كنت بقرالك وكنتى عجبانى باسلوبك
بعد غياب رجعتى حاسه في جواكى اغتراب حيره بس مش حزن
ليه ؟؟؟

cat_eyes(همس الليل) said...

انا يمكن من اول ما بدات تدوين مش من فتره طويله كنت بقرالك وكنتى عجبانى باسلوبك
بعد غياب رجعتى حاسه في جواكى اغتراب حيره بس مش حزن
ليه ؟؟؟

copa said...

حلوه جدا ما شاء الله
بس كانت عايز تتظبط الاواخر بتاعت كل سطر و ياه نفسي ارجع بطن امي تاني او مجيش كانت الدنيا هتبقي حلوه اوي

أحمــــــــدبــــــــــلال said...

سمباتيك

جميلة بجد
مش الصور
لكن التعبير عنها بالكلام


ياترى أيهما أتى أولاً
الصورة
أم
الكلام
؟؟؟؟؟

el2ahwagi said...

allah ya sambateek ...

takhareefik ta3maha 7elw ...

howa da sa7ee7 elmawdoo3 kollo...!!

bas eh 7kayet raga3ni tani di .. la2a.. keda ba2a takhareef begad ... enti tazkartik mosh rayi7 gai... ah...

keda bardo la akh wala sadee2..? omal e7na eh ba2a ... !
bas bardo ella eltazkara mosh hane2ta3lik tazkara tanya ...

bas momken ne3mel 2eshra shwaya ... tedafi melfaragh welghorba ...
wahi gayiz lessa leldonya 7alawa ... estani..estani shwaya ...

.... takhareeef 2ahwageya sambatekeya..3ala bab ghorfet elin3aash....

Dr. Tantawy said...

لو دي تخريفات يبقى خرفي علطووووول

لكي وحشه والله :) متقطعيش الجوابات كده
في ريس يسيب الرعيه بتاعته بالطريقه دي :)

تحيااااااااتي

هيثم ابوعقرب said...

كتبتيها علي صوره جاتلك


معني كده انه فيه احتمالات نلاقيكي كاتبه سيناريوهات الفتره الجايه

علشان البلد دلوقتي مليانه صور
!!!

ayman_elgendy said...

:)

smraa alnil said...

تخاريف سمباتيكية؟؟؟؟؟؟؟؟؟؟؟؟؟؟؟؟

اومال لو مش بتخرفي هتقولي ايه

انا نفسي اخرج من قشرتي لاني حاسة ان مش ليا مكان علي الارض

حواليا برد وضلمة وبعافر فيها

بس بفوت بالعافية

بس انا مش لاقية اللي يساعدني وفي نفس الوقت مش بقيت قادرة اني اساعد نفسي

جيتا برجليا ومش بايدي اجيها
ومش لاقية اي حد معايا ويساعدني
تقدرني ترجعيني قشرتي من جديد

بجد كلامك تحفة

Sampateek said...

همس الليل
الغربة موجودة
و الحيرة مولودة
و الحزن اه شلناه
والنفس مسدودة
و عجبي

:)

Sampateek said...

كوبا
يمكن عندك حق بس دي بنتي ازاي اغير مناخيرها علشان مش عاجبه صديق؟
حبها زي ما هيا
لوف مي لوف ماي دوج
جود باي

Sampateek said...

أحمد بلال
الصور وصلت الأول و بعدين الكلام
مبسوطة انها عجبتك
اخبار الجيش اية؟
تحياتشي

Sampateek said...

elahwagy
ezayak 3amel eh
mabsota enaha 3agabetak
bas ana medeyaha noom el yomeen dol
3amla byat shetwy le7ad maf2es
3ayza ashoof el gedeed
c u

Sampateek said...

dr.tantawyyyy
ازيك اخبارك اية
متشوفش وحش
ان شاء الله ارجع امارس مهام الرئاسة بس لما البيات الشتوي يخلص
تحياتي

Sampateek said...

هيثم ابو عقرب
في صور تستفذ قلمك فتكتب
و في صور تانية تموت احساسك و تصيبك بالشلل التام
و افتكر ان صور البلد اليومين دول من النوع المصيب بالعمى و الخرس

تحياتي

Sampateek said...

ايمن الجندي

:) تو

Sampateek said...

سمراء الجميلة

عجبتك؟طيب الحمد لله
تيجي نتسحلف سوا ؟
قبلاتشي

عين ضيقة said...

كويسة التخاريف دى خصوصا المقطع الاول
حلوة الحرية بجد لما تبقى بجد
أول مرة أعدى وأكيد مش آخر مرة إن شاء الله.سلام ياباشا

zordeak said...

جميلة جدا كعادتك طبعا

جمالها فى بساطتها


الصور اكتر من رائعة


انا بموت فى السلاحف


والقطط كمان


تحياتى

:)

hebaz said...

الصور حلوة أوى ماشاء الله
أول مرة أشوف سحلفة بتخرج من البيضة كدة:) سبحان الله بجد
أما عن الكلام
هية الصور أوحتلك بالكلمات؟
أنا مش شايفة أن فى أى تخريف خالص بالعكس دة عبر عن احساس ناس كتير تجاه الحرية
تحياتى

Sampateek said...

عين ضيقة
الله يسلمك يا باشا

Sampateek said...

zordeak
ميرسي
متهيئلي كلنا شفنا صورة كتكوت بيفقس لكن انا شخصيا دي اول مرة اشوف سلحوفة بتفقس
:)

Sampateek said...

hebaz
ايوة يا هبهوبة الصور عيشتني في السلحفة و حسيت اني انا انا بخرج من البيضة بس لما خرجت رجعت في كلامي
و اكتشفت ان البيضة دفا و الجو برة برد

:)

Sampateek said...

اعزائي البلوجرية


يسعى الانسان الى بلوغ الحرية و يكافح من اجلها و قد يحارب و يقتل او يموت

و لكنه ربما عندما يصل اليها يكتشف ان الاسر كان افضل

ربما لان هناك ماسورين غيره كانوا يشدون من ازره
و هو في الحرية وحيد


ايهما تفضل ان تاسر مع اصدقائك او تتحرر وحدك

هذا ما سنناقشة في الحلقة القادمة من



سلحوفة السمباتيك

hebaz said...

سلحوفتى السمباتيك
عارفة أعتقد أن فى ناس بتنادى للحرية و بتسعى لها لكنها مش قدها
يعنى ساعة ما يتحرروا ميعرفوش يتعاملوا لأنهم معرفوش غير الأسر
الحرية عايزه تربية و ثقافة لأنها مسئولية و المسئولية عايزة ناس واعية و هكذا
مستنياكى :)

tota said...

كلبوظة
بدرى عليه الوحدة ده لسه كاسر الجدار ومعدى للدنيا لما يشوف اللى فيها يتمنى يرجع يستخبى ويرسم جدار جديد ويغلف نفسه بس ابدا مش هيحميه خلاص جينا ومش فى ايدينا نختار نرجع
تحياتى

frozen love said...

حوليا برد و ضلمة و خوف
لا انا عارفة مولودة و لا بموت
ساعدني اخربش جوة الضلمة
يمكن اعرف افوت

لاائع الجزء ده..كدخ احنا نبطل كتابة ونقفل بوجاتنا بقى
lol
الى الاماااام

Sampateek said...

hebaz:)
ازيك يا جميلة
عندك حق في كل كلمة
شعوب كتيرة اتربت على ثقافة القمع و الاسر و الخوف
ازاي يقبلوا الحرية و يتمتعوا بشئ ميعرفهوش
قبلاتشي

Sampateek said...

totaaa
الاحساس بالوحدة الحقيقي بينبت مع اول مواجهة مع الواقع الفاضي من الاحباب

يمكن مع الوقت الانسان يتاقلم مع الوحدة و يبتدي يبني جسور بينه و بين الناس في المجتمع الجديد

بالعكس انا اختلف معاكي
الانسان بيحس بالوحدة اول ما يوصل عالم جديد
و الشعور ممكن يتبدد بعد كده

تحياتشي

Sampateek said...

frozen love
مش للدرجة دي يا جميلة
الامام ده حاجة منيلة قوي

:)

الأباصيرى said...

نفسي اشوف شكل الدنياو ادوب حلوها جوه مراري

فعلا لسة خارجة من البيضة ومش فاهمة الدنيا... انا لو منها مطلعش أحسن

بوست جميل أوى خصوصا فى الكلام اللى على الصور وياريت ياستى أعرف أخرف تخاريف حلوة كدة


الأمضاء
واحد عندة أكتئاب

شمعى أسعد said...

حلوة قوى

lost said...

7lwa awy btwsf e7sas elwa7d lmma ykon mkhno2 mn eldonya

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

سما كلين said...

كشف تسربات المياه بالاحساء