Thursday, February 15, 2007

خفاش

لن تسرق لحظاتي بعد الأن فأنت اليوم
أصبحت مشلولا أمام رغبتي في طردك خارج حدود جلدي
و أنت الذي ظللت متسللا طوال سنين بين لحمي و دمي تارة بإرادتي و تارة رغما عني
و لكني اليوم أعلن أن لا مكان لك أيها المخلوق الطفيلي بين أحشائي
لن أمنحك مزيدا من دمائي كي ترسم أيامك الباردة و تعيش
مت في صمتك و عجزك و وحدتك
مت موت الجبناء

فها أنا اليوم قد قبضت عليك بالجرم المشهود متلبسا بما أمتصصته من دمي و بنيت بيني و بينك الف باب و جدار
لا أريد ان أراك أو أسمعك أو أفكر فيك
لم يعد بي رغبة إلا بلفظك خارجي و أنا التي إحتويتك أعوام و أعوام
لم تجدي فيك دمائي التي رضعتها و لا قلبي الذي نبض من أجل ان تعيش و لا الليالي التي سهرتها من أجل إسعادك
فأنت كما قطط القمامة لا تكاد تأكل حتى تتعارك

تراجع الى الخلف حيث الظلام و الركام مع الأفاعي و الفئران
تراجع فلا مكان لك بين الشرفاء

114 comments:

yasser_auf said...

دة كلام عموما و لا دة عتاب لحد و لا نهاية قصة شخصية ليكي

عموما الكلام و الاسلوب منسقيت جدا و الكلام من النوع الي يوجع بس يوجع الي عندة دم لانة كلة ضرب في الصميم و تحت الحزام بس كما قلت لو عندة دم و ما اظنش ان بقي فية حد عندة دم راحوا مع اكياس الدم الفاسدة ماهم بيقولك بقي عندنا عجز وصل ل 90% في مصر من الدم

تحياتي ولو كنتي انتي الي انجرحتي فاليك هذة الحكمة التي قالها لي رجل عجوز من زمن
الضربة الي تنزل علي ظهرك و ماتكسرهوش تقوية

Mohamed A. Ghaffar said...

فليذهب غير مأسوف عليه ولا على ما فاتك معه ، فالأنسان يستطيع ان يبدأ من جديد ما لم يغرغر ، أعجبتنى روح التحدى والتصميم والحسم

أجدتى كالمعتاد

شادي فايد said...

الله الله

طبعا ممكن تكوني تقصدي غير اللي
انا فهمته

بس بجد انا حاسس الكلام ده قوي
حاسس انها نطقت وخرجت عن صمتها
وزهقت من اللي بيحصلها

يمكن عشان انا لسة من يومين سامع اغنية

اتكلمي - محمد منير
اتكلمي
ليه تسكتي زمن
ليه تدفعي وحدك الثمن

شادي فايد said...

قل لي ماذا تقرأ
أقول لك
من انت
قول لي ماذا تأكل
أقول لك
هات حته

أجمل وصف قريته

عايز اعرف شيلتيه ليه
؟؟؟؟

محمد said...

موضوع حلو قوي
ممكن يتماشى مع أكثر من تجربة ( طبعا مع احترام التجربة التي دخلتها )
بس جميل عندما ترقى الإرادة إلى أعلى المناصب ولا يكون لليأس دم يجرى
تضمحل فرص الفشل ولكن ليس هناك إا النجاح الباهر
الموضوع أسلوبه حلو جدا وهادئ وسلس
وإحساسه رائع

omar مشروع بطل said...

طول عمرى مقتنع ان الانسان وحده يختار قدره

فان أراد ان يكون سعيدا كان اسعد الناس مهما احاطت به الخفافيش و العكس ..

وان اراد ان يكون كريما كان كريما ولتذهب الخفافيش الى الجحيم

وكله باذن الله

عبدالله said...

اصبحت مشلولا امام رغبتي

هي ملخص البوست من الاخر اننا نتساهل و نترك الاخرين ليبعثوا بنا ولاندرك مدي قوتنا في فعل ما نريد
يبقي الخلاص ادرك قوة ذاتك و خد القرار فستستطيع فعل ما تريد

ده الي انا شوفته في البوست الملخبط ده
:)

ده عامل زي واحده بترمي ابنها ايه هما العيال خنقوكي كده و لا ايه

تحياتي

karakib said...

قسوه مفرطه
حتي و لو كان لها اسباب و كانت نتيجه لفعل متراكم الا أنها تجرح بشدة

صياد said...

ليه القسوة دى
؟؟؟

raspoutine said...

يا نهار اسود
مين ده اللى شويه خفاش وشويه قط شوارع متشرد
ومصاحب فئران وشويه افاعى
مش راح لحاله خلاص واطرد
خلاص بقى يبقى الحمد لله
ولا نتصل بالشركه بتاعت الفيران تيجى تشيله من البوست ده

الدبور said...

كل ده هذا الشخص؟
قطط الشوارع و فئران و افاعي
يااااه يا كلبوزة
يظهر انه شخصيه ليست فوق مستوي الشبهات ماتكتبي بوست وتوضحي لينا شويه
بس اكتر جمله عجبتني بتاعت قطط الشوارع لاتكاد تامل حتي تتعارك اصل انا كل يوم بشوفهم ومش كنت باخد بالي

نهارك لذيذ
الدبور

elkamhawi said...

بتقوليلى انا نكدى ؟
اية ده كلة
وشايلاه فين ؟
بس الكلام لذيذ

Utopian said...

اعجبتني لهجه الثقه و التحدي

انا ايضا اريد ان ابدأ من جديد

اريد ان اطرده خارجي
فقد مللته
هو ليس ادميا
و لكني اكاد اكون الست ادميا مثله
ان لم اتخلص منه
!!

تحياتي

قاسم أفندي said...

كلام جميل
عن نفسي حسيت بيه أوي
حسيت بصوت مصر الأم وهي بتخاطب عيالها اللي سرقوا خيرها وعرق ولادها الشرفاء وهربوا علي برة

Sampateek said...

yasser-auf
ده بوست مع سبق الاصرار و الترصد
و حعمل الفيش و التشبيه و ابعتهولك على البوست
ما عاش اللي يجرحني
تعرف ساعات احنا اللي بنجرح نفسنا بحسن نيتنا
ميرسي على مرورك

Sampateek said...

Mohamed A. Ghaffar
اشكر تشجيعك
بس تصور البوست ده اتكتب لوحده معرفش كتبته ازاي فعلا من قلبي
تحياتي

Sampateek said...

شادي فايد
كل واحد يفهم البوست حسب حالته لاستقباله
الفكرة
انك تقول لا وقت اللزوم

--
بالنسبة للبروفيل
ابدا بحاول اغير
:)

Sampateek said...

محمد
اشكر تشجيعك
ايه رايك كفاية عليه كده و لا نشتغل بالشباشب بقى؟

Sampateek said...

omar مشروع بطل
صحيح
بس انا عن نفسي كنت لاعوام طويلة محبة للنكد و متمسكة بيه
بس افتكر كفاية كده

Sampateek said...

عبد الله
ايوة فعلا بتخلص من شئ كان ملتصق بيا
بترته
--
اولادي دول نور عيني
تحياتي

Sampateek said...

karakib
احيانا لازم نكون قاسيين
لما الرافة مبتنفعش
و لا نسيب الناموس يقرص فينا طول الليل؟

Sampateek said...

صياد
القسوة دي رد فعل لتسامح واسع و نسيان اسائة
سمعت
انما للصبر حدود

sara said...

هابي فلانتين يا كلابيزو
مع انى حسيت من المدونات كلها ان ما فيش فلانتين ولا حاجه

Sampateek said...

raspoutine
لا خلاص راح لحاله
و اخد 25 سنة اشغال شاقة
اصله كان البعيد حرامي

Sampateek said...

الدبور
ابقى ركز كده شوية حتلاقي القطط تاكل و تنكر و لعبها خناق
نهارك طيب

Sampateek said...

elkamhawi
هههه انا مش نكدية خالص و بكره النكديين
شرفتنا:)

Sampateek said...

Utopian
ههههههه
هو بيطلعلك انت كمان
ده منتشر و متوغل بقى
اسهل حاجة
تشد السيفون

Sampateek said...

قاسم أفندي
ينطبق الكلام على اي حرامي عويل يعتمد على غيره في الحياه

ازيك كده؟

Sampateek said...

سارة
و انت طيبة يا سوسو
بس هو اية هو الفلانطين ده
بيتاكل؟

hebaz said...

كلبوزة البوست ده طالع من معاميق معاميقك أوى
صحيح أتقى شر الحليم
تحياتى

Sampateek said...

hebaz

صح
بس مين حليم ده
:))

BackBone said...

اي
انا حسيت اني اتوجعت قوي بعد مقريت الكلام البشع

معتقدش ان في خفافيش بالوصف ده

ده حتي انا بحب الخفافبش بتعات الخضار قوي دول ذي العسل

صغنانين كده و تلاقيهم متلامين علي برتقانه و قعدين ياكلو معا بعض

يا مراكبي said...

نفسي آجي هنا مرة بدري

المهم

البوست ده بينطبق عليه مقولة: المعنى في بطن الشاعر والإسقاطات مسؤلية المتلقي

كل واحد بيقرأ بيجيله الكلام على جرحه اللي يخصه

وعلى فكرة .. التعليق القديم بتاع قول لي ماذا تأكل
أقول لك
هات حته كان أحلى بكتير

تصبحوا على خير

karakib said...

سمباتيك هو أنت كاتبه كل البوست ده عن الناموس :) ياااه

Sampateek said...

back
اهم حاجة يكون بيوجع يمكن يحس
:)

---
يا مراكبي
لما انشر جديد حبقى اصفرلك او احمرلك
رجعت التعريف اللي عاجبك
اي خدمة
---
كراكيب
انتوك
هو مش ناموس بالظبط بس حاجة بتزن و تمص الدم برضه
---
تحياتي للجميع

اخر من الاخرين said...

مجنونة تانية من مجانين مصر .
انا بس نفسي افهم لما الناس اللي بتفهم كتير زي حضرتك و السادة المعلقين و انا طبعا . انا مش حاسس اننا طبيعيين ليه . ليه الصورة علي المدونات مختلفة بعض الشي عن الصورة برة في الشارع . الكلام جميل اصلوا فيه روح و فن بس انا حاسس اننا كلنا هنبقي كلام مكتوب علي النت . و كما قال اشاعر ولا بلاش

عاشقة الوطن said...

خفاش
بس واضح انك سكتى كتير للخفاش وخلتيه واحنا كلنا خليناه يشل حركتنا كلنا
ده لو على اساس اللى انا فهمته

بس لازم يطرد بره الحدود
اسلوبك وطريقتك حلوة بس محيرة نوعا ما

تحياتى بشدة

أميرة البلطجية said...

انا بقي فخمت البوست على انك بتكلمي عادة سيئة مش شخص
اصلى عايزة ابدأ رجيم..
وحسيت اني عايزة اهدي كلامك للدهون!!

ana ga3an said...

انتي ساكنة جنبك خرابة..؟؟
خفافيش وسحالي
انا شايف انكو تعزلو

The Eagles said...

الكلام جميل
انا فهمتة بمعنى وغيرى فهمه بمعنى
والكل يكتب ما فهمه وياتى ردك وكانك تعلمين من ذى قبل انهم سوف يكتبوا ذلك وانتى اجهزتى لهم الرد قبل كتابه
البوست
ما اجمل ردودك
عجبنى احد التعليقات والتى تقول ان
المعنى في بطن الشاعر والإسقاطات مسؤلية المتلقي
فاننى اتمنى الا تحدث اسقاطات
هل لنا الحق ان نسالك عما هو ذلك الخفاش وما معالمه وما هو تفاصيل حياته بداخلك قبل اخراجه من داخلك
ان كان ذلك فضول او انكى لا تريدى ان تقولى فانه بالتاكيد سر بداخلك و لا تريدى ان تفصحى عنه وهذا بالتاكييييييييييد من حقك


والسلام...........

ody911 said...

سارة الكلام دة جامد بجد

يارب ما يكون عن تجربة شخصية

علشان هتكون بجد تجرح أوى

Sampateek said...

انسان

المدونون شريحة من المصريين
مش كل الشارع بلوجرية
سعيدة لانتمائي لطبقة المجانيين
تحياتي

Sampateek said...

عاشقة الوطن

ايوة لازم نطرده
لازم
تحياتي

Sampateek said...

اميرة البلطجية
هههههه
منكن برضه
البوست يحتمل اي تحليل
اشكر مرورك الرقيق

Sampateek said...

انا جعان

عزلت و تركت عفشي و بيتي
تقدر تقول طفشت

ibn nasser - ابن ناصر said...

كلام جامد بس عايز أعرف مين الخفاش ده مين الشخص ده ؟؟؟

Sampateek said...

the eagles
هل لنا الحق ان نسالك عما هو ذلك الخفاش وما معالمه وما هو تفاصيل حياته بداخلك قبل اخراجه من داخلك


هو كل متسلل يسرقك بدم بارد و يتعجب لماذا تهينه و ترفضه
الغريبة انه قد يدعي الشرف و التدين
و ما هو الا لص رخيص

Sampateek said...

ody911
تجربة شخصية
و مازلت انا كما انا
قلبت الصفحة
فقط
تحياتي

Sampateek said...

ibn nasser- ابن ناصر
لص
ليس اكثر

تحياتي

ibn nasser - ابن ناصر said...

لص بس !! ياه ده علي كده في خفافيش كبيره وكتيره أوي اليومين دول ..

el2ahwagi said...

sampateekaa ...

awalan 7elw awi el post ... w mosh sahl abadan en elwa7ed yakhod qarar sa3b w maseeri momken yabdo lelnaas badeehi aw sahl lakenno beyakhod mennena wa2t w itadaa7 tam lelro2ya 3ashan nakhod khatwa zay di .. fa ana ba7ayeeki ..!!

Thanyan ... 3aref enni m2asar. webelakhas awi felta3lee2 .. weba2ool bas felta3lee2 la2ani bazoorik keteer wemtab3ik ...

Thalethan ... merci awi awi 3ala zyartik weso2alik ... beyes3edni gedan ... wadeeni gayib fengan 2ahwa .. w kobayet maya meshabara ..aho ...

Rabe3an .. enti 3arfa enni marartelik tag wetaneshti ... bas 3adi mosh za3lan ana 3aref ennik mosh bet7ebi eltagaat ... 3adi.

Khamesan ... rabena maye7remneesh men zyartik abadan ...

eshrabi ba2a el2ahwa ... :))

Sampateek said...

ibn nasser- ابن ناصر
بس ابشع لص اللي تفتحله قلبك و تامنله و هو ينصب عليك

Sampateek said...

el2ahwagi
كل شئ و ليه اخر
و حسن النية مش بيبقى هبل بقدر ما بيبقى طيبة
لكن قالوا في الحكم
اتقي شر الحليم

بس نفسي اعرف مين حليم؟

ميرسي على القهوة
:)

ekraammalik said...

وجعتي قلبي ربي يوجع قلبه

ياسمين said...

جميل تعبيرك عن الجرح

رائع اسلوبك فى ترجمة الشعور بالألم

ايه الجمال دة يا بنتى

شفت تعليقك عند اخينا بتاع المشكلة

كان جميل جدا

حــلم said...

سمباتيك
انا مش فاهمة
بس وماله مش عيب
المهم تكونى او هى تكون استريحت

ولنا لقاء
هه

.:.-=- ELGaZaLy-=-.:. said...

همممممممممممممممممممم

بلاش نحلل الى بين السطور لكن بجد...


فليذهب وليذهب من عمرك ما فاتك...

هوا الخسران بخسارة قلب فى كل الاحوال...

الخفافيش تعشق الظلمات..فلو فهمت الكلامات جيدا...فافتحى لنور الشمس منفذ حتى يحترق...بذنوبة..

تحياتى

سندباد مصري said...

حلو البوست

تحياتي

Sampateek said...

ekraammalik
وجع القلب شئ ايجابي لان عندنا قلب يتوجع مش زي معدومي الضمير
تحياتي

Sampateek said...

ياسمين
تقصدي بتاع مدونة التعدد؟
ميرسي يا جميلة
هو انا ورايا غير الالم اعبر عنه
تحياتي

Sampateek said...

حلم
لا لسه مستريحتش
لما تموت بس ممكن تستريح
و تريح

Sampateek said...

.:.-=- ELGaZaLy-=-.:.
فكرة كويسة حكاية الشمس دي
افتكر ان شباك التدوين بيجيب طراوة و شمس
و مفيش احسن من كده
تحياتي

Sampateek said...

ابو السناديب
ميرسي على مرورك
متقطعش بقى

bastokka said...

انا عاجباني الاغنية قوي
ماشية مع الحالة الشعورية اللي في المدونة

زوريني

قاسم أفندي said...

سمباتشيك يا أوختشي
انا غيرت المعاد للسبت اللي بعد الجاي معرفش بقي هتبقي فاضية ولا وراكي غسيل عموما ابقي زوريني عشان نتفق
فوتك بعافية يالدعدي

smraa alnil said...

ابكيتني ووجعتيني

بد مش قادرة اكتب تعليق

بعدك على بالى said...

كلمات قاسية.. موجعة.. المؤكد أن الفعل على نفس الدرجة من القسوة...


المهم ليس فى اتخاذ القرار، ولكن فى الصمود على تنفيذه


ربنا يفرج عنك ويزيح همك وهمومنا جميعا

كراكيب عادل said...

كلامك صح كل واحد يستقبل الكلام علي حسب حالته هو وليس الكاتب مش شرط يكون الكاتب عايش الحالة دي اتمني كده لان الكلام شكلة يخوف جدااا

تمنياتي لك بالسعاده ويكون ما بداخلك عكس القذائف الهاون دي

micheal mohsen said...

كلامك محسوس أوي لان فية صدق كبير...أتمني لكي حياة سعيدة بدون خفافيش و يا سلام لو كل واحد قدر يقول
لن أمنحك مزيدا من دمائي كي ترسم أيامك الباردة و تعيش مت في صمتك و عجزك و وحدتك مت موت الجبناء
تحياتي لكي

جبهة التهييس الشعبية said...

استهدي بالله بس يا سامباتيك

صلي ع النبي

انا باكلمك بجد

صلي ع النبي يا حبيبتي

ام العيال said...

بس المهم بعد كل ده
لا يأس و لا مكان لزرف الدموع
فهي غاليه
و لا يجب ان تنهر الا الى لذي يستحق
تصفيق و احترام على كلامك الجميل

daktara said...

هو انت مربية خفاش عندك في البيت ولا ايه؟
علي العموم في في بلدنا اللي هي برضه بلدكم خفاش كبير عايزين نكرشه بره
ايدك معانا

جبهة التهييس الشعبية said...

ما فيش حاجة تستاهل زعلك يا حبيبتي

وكل حاجة لها حل

بس انت استهدي بالله

مالك فيكي ايه

أنا قلقانة عليكي فعلا

أي حاجة تحتاجيها ابعتي لي ع الميل بتاعي وانا اديكي تليفوني

nawaranegm@yahoo.com

وزي ما باقول لك

كل حاجة تتحل

Sampateek said...

bastokka
ميرسي اتفضلي
اكيد حزورك
---
قاسم أفندي
يعافيك يا خويا
الميعاد متاخر شوية بس اوك
منجيلكش في حاجة وحشة
---
تحياتي

Sampateek said...

smraa alnil
متزعليش يا سمرا
---
بعدك على بالى
يا رب
---
** عـــــــــــادل
ميرسي
---
تحياتي للغاليين

Sampateek said...

micheal mohsen
اشكر لك امنياتك الطيبة
---
جبهة التهييس الشعبية
عليه افضل صلاة و اتم تسليم
---
ام العيال
عندك حق
ربنا يخليكي
---
تحياتي و حبي

Sampateek said...

daktara
لا يا عم انا مقدرش على الخفاش الكبير
الاقي فين شبشب مقاسه ده
---
جبهة التهييس الشعبية
يا رب يخليكي يا جميلة
ايميلك على العين و الراس و متشكرة لقلبك الحنين
قبلاتشي
---
تحياتي للجميع

shabfa2re said...

عجبانى ارادتك اوى

bagabigo said...

احييكى على قرارك
مدونتك اكثر من رائعة استمرى

أبو أمل said...

الخفاشية التى يتمتع بها قد تكون طبعاً فيه أو شيئاً مرغماً عليه أو حتى رد فعل لمرئيات غائبة عنا فكونه حالة انسانية لا يستدعى منا ذلك تلك القسوة الهائلة

Ayyam said...

يعجبنى التغيير وخصوصاً لما الواحد يقتنع أن الصمت والسكوت لايزيدوا من الامور إلا التعقيد...أول ماقريت البوست الحقيقه حسيت أن فى حد تانى دخل على المدونه بتاعتك..
أحلى سلام ياكلبوزه وسمباتيك

smraa alnil said...

ياريت تطمنيني عليكي بجد
انتي اخبارك ايه
ليكي وحشة
طالت غيبتك

nadine said...

يا ساتر يا رب
من كلامك حسيت انك بتتكلمى عن كائن بشع
كمان الجملة بتاعت:
لم تجدي فيك دمائي التي رضعتها
جملة قوية و مؤلمة

انا حاسة انك - او بطلة الموضوع بشكل عام- انتظرت كتير قوى عشان تستنتج ان الكائن ده مؤذى و بيستنزفها و بيستنزف حياتها

بس المهم انها قدرت تاخد قرار قاطع

Sampateek said...

shabfa2re
ميرسي اتفضل
:)
---
bagabigo
ميرسي على تشجيعك
---
أبو أمل
غريب موقفك يعني مش مفروض نقسو على حرامي بيسرقنا كل يوم؟
ازاي؟
---
شرفتونا
تحياتي

Sampateek said...

Ayyam
كويس ده معناه اني عندي اكتر من طريقة للكتابة
منها الساخرة و الناقدة و القاتلة
اشكرك:)
---
smraa alnil
انا بخير الحمد لله انت عاملة اية؟
---
نادين
ايوة فعلا فاتت فترة طويلة على ما صدقت انه سرقني
بس حسبي الله و نعم الوكيل ربنا يسرق منه اعز ما يملك

----
تحياتي و حبي و للجميع

el2ahwagi said...

Ezayik..
Akhbarik eh ..

2ahwa.. ?

sendrlla said...

ايه يا بنتى دا انا حسيت انك بتخطبى مرض بتتكلمى عن انفلونزا الطيور

بس فى حاجه حلوة اوى ااوى انك تقدرى تكونى بتحبى وتتخلصى من الحب ويطلع المحبوب بالشكل دا فى خيالك الجديد دا صعب ان اى حد يحس بحاجه زى دى غير كده ممكن الكلام دا يتوجه للعدو مش عارفه بس جميل او اللى انت كتبتيه

Sampateek said...

el2ahwagi
ok mafesh mane3 law 7etet chocolata kaman yakon merci
---
sendrlla
ميرسي يا جميلة
شرفتينا
---
تحياتي و حبي

ody911 said...

أنتى مدعوه لتشاركى فى الحوار

عندى فى المدونة

remaliza said...

اهم حاجه انك قدرتى تنزعيه من حياتك برغم انك كنتى بتحبيه وعايزه تسعديه
فعلا انا شايفه ان الانسان القوى هو اللى يقدر يتغلب على مشاعره
خصوصا لو كانت حب
كملى الطريق واذا كان محاولاتك لاسعاده ماحسهاش يبئى لازم تكون محاولاتك انك تسعدى نفسك
احييك

شيماء الجيزى said...

اولا سمباتيك تحياتى ليكى فى اول مره ارسل تعليق على مدونتك الجميله

ثانيا كلماتك هذه تعبير عن شىء يجول بنفس كل منا ولكل منا اسبابه وخفاشه ليعبر عنه بكلمات لاذعه قويه قاسيه
حاربى هذا الخفاش مهما كان واخرجيه من فتات قلبك وجسدك
ولا تدعيه يجول بها كثيرا

وانا ايضا سأحاول جاهدة ان اقتل هذا الخفاش

دمتى بحب وود
وبوست رائع بجد

Sampateek said...

ody911
من عنيا
حالا
---
remaliza
اشكرك على تشجيعك
شرفتينا
---
شيماء الجيزى
سعيدة بزيارتك
ميرسي لتشجيعك
---
حبي و احترامي للجميع

yasser_auf said...

عزيزتي سمباتيك

و مين لية نفس ينزل بالجديد

طيب ما نزلتيش انتي بية لية

و لو تلاحظي تلاقي المجموعة كلها لم يكتب احد فيهم موضوع جديد زي ما يكون فية حالة ملل فكري محدش بقي عندة جديد يكتبة من كم الاحداث الي بتحصل

تكتبي علي اية و لا علي اية و لا علي اية
انفلونزا الطيور الي قالوا موش موجودة و طلعت بورة في كل محافظات البلد و لا الواد الي قتل 5 لدرجة ان اشلائهم طارت و طلع اقل من السن القانونية للقيادة و لا الحزب الوطني و لا قرارات حكومة نظيف المناقضة لنفسيها و لا اية و لا اية بالظبط

sarah la tulipe rose said...

هو مين دة الي زعلانة منه كدة اوي
بس عادة مش محتاجة يكون شيء شخصي لان الدنيا حوالينا مايانة خفافيش
احنا في زمن الخفافيش..مع الاعتذار لعادل امام!

تمر حنه said...

اذا كان هذا البوست .. مرآه لتجربة شخصية .. فاسمحى لى اهنئك عالأنتفاضه- مش عيب اننا نتلطخ على قفانا من خفافيش الأرض .. العيب هو القفا الرابع اللى على سهوه
واذا كان البوست حاله أدبيه .. فبرضك اسمحيلى أهنئك على الأبداع .. ايه يا بنتى التنوع ده فى الكتابه .. طب وربنا وربنا ..
عموما يا سمباتيك أنا عارفه البوست ده مكتوب لمين .. وقفشتيه امتى و ازاى..
الحتة بتاعت: لا تكاد تأكل حتى تتعارك دى حته وش فخده تليبيانكو معتبرة.. بجد عاليه يا أوختشى

Sampateek said...

yasser_auf
انا نازلة اهو بس بشطب في الكرانيش
ايه يا سيدي كم النكد اللي رميته في حجري ده
الدنيا لسة بخير

ميرسي على البلاص
تحياتشي

Sampateek said...

sarah la tulipe rose
اهلا اهلا يا جميلة
لا ابدا مش زعلانة ده واحد كنت بشطفه بس
يمكن ينضف

انت عاملة اية؟
تحياتي

Sampateek said...

تمر حنه
احتشي اختشي
ازيك يا حبيبتشي وحشتيني
ايون
تجربة شخصانية
بس متعرفيش مين اللي اتنشر ده
بس وديني لو هوب تاني لاجرسه بالصوت و الصورة

ازي العيال؟
متغيبيش عليا بقى
امووووووه

daktara said...

هو لسه برضه موضوع الخفاش ده مسيطر علي المدونه

el2ahwagi said...

7abeet a2afelhom 100 ta3lee2 ... lol

wadi el2ahwa elli 3alree7a wasalet .. !!

Memo said...

اديلو متسكوتولووش
اهو كل يوم من ده
ايوه كدا انا عايزه كل اما جي اللاقيكي صاحبت راي و قلم مسموع طراااااخ
و قبليني لو عرفتي تاخدي حق و لا باطل المهم انك كتبنتي و فشيتي خلقك يا حبيبتشيييي
و الاسلوب رائع و معبر جدا
استمري استمريييييي بدل الكبت
تحياتشي

Sampateek said...

daktara
الوطواط نازل في السكة
:))

---

el2ahwagi
ليك جايزة اسبيشيال
علشان انت الزائر رقم 100
الجايزة هي











دستة مشابك لزوم التنشير


:))
-----

ميموووووو
مش كده برضه
هارشاني انت على الخط
نورتي البلوء يا سكر
--
تحياتي و حبي للجميع

~ Bato0ot ~ said...

ana awel mara agy w ba2olek u have a great blog :$
sanyan ba2a i like ur nick w its name gedaaaaaaaaaaaaan :D
sanyan ba2a "exprience is wut u get when u don get wut u want " w 3gbny awy enek qawya keda :D 7asaky qawya awy aw da ely bt7wly tbyneeh

ياسمين said...

عاوزين بقى بوست جديد يا سمباتيك

وحشتنى تعبيراتك الراقية الحادة المعبرة المؤلمة المفكرة

مستنية بوست جديد

الوردة السوداء said...

مش عارفة ليه معجبنيش الكلام

amira said...

الرادااااااااار

كل ده علشان ماعندكوش رادار في البيت
.....

تحيات مليئة بالذبذبات الطاردة للخفافيش

قاسم أفندي said...

وعلم وتم التنفيذ
تعالي عندي

وينكى said...

كل الالم دا جواكى؟؟
بس عجبتنى كلماتك الحاسمه ووقفتك الثابته امامه
استمرى

eZz said...

Dear Sara,

I'm Mohamed Ezz Aldin, and i am a host of Radio Show called "Blog On-Air" on 'Horytna' Station.., Our show is about Blogger and Blogging it self, the whole experience, i would like you to be a guest of my show, to talk about your Blog and your experience Blogging.

If you are interested, plz let me know by replying to this email: mohamedezzaldin@gmail.com, Thanks.

Iskanderani said...

Dear Sympateek,
Thank you for your visit and your comment in my blog.
I use to be carfully, if someone hide his Personaldata in his profil. I want know, with howm I communicate. It´s not because you are female but this rule is valid for every one else.
Thank you again and welcome.
IskandranyElwalad everywhere in this world.

سمسم said...

وحياة ربنا العظيم انت يتمناكي سيد

سيدو

بس انت شاوري كده بصباع رجلك الشمال

مين ده اللي هنقعد نبكي عليه

ده حتي شكله وحش...واسمه وحش

حتة خفاش لا راح ولا جه

وبعدين ازاي تخليه طول الفترة دي يمص

من دمك ولا مؤخذة انت مش عارفه ان

مصر فيها عجز في بنوك الدم بلغ 90%

ده بدل ما سيدتك تتبرعي بيهم

صاحب البوابــة said...

رائع كالعادة

تحياتي

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر