Wednesday, March 14, 2007

صوت الواقع


واضعا يدية في الماء الفاتر المفعم بالصابون ؛راح حاتم بيه يتخيل نفسه و هو في يخته الأبيض السابح في النيل السعيد، و معه أحلى البنات،تنعكس على وجهها المشرق أشعة الشمس، و ينسدل شعرها الأشقر تداعبه نسمات الهواء العليل، يتبادلان الأحاديث الرشيقة و يتهامسان همسات المحبين و تجمل حوارهما الضحكات الناعمة.
ينتبه حاتم بيه من حلمه على صوت
** كلنك كلنك **
و ما يلبث ان يدخل الى حلم يقظه اخر يرى نفسه فيه جالسا في مكتبه الواسع يتفق على صفقة جديدة مكسبها قد يتعدى العشرة ملايين و هي كسابقتها صفقة سهلة لا تحتاج الى جهد كبير، و يبتسم و هو يتخيل كم سيزيد ثروته بهذه الملايين و يستطيع أن يشتري فيلا مرينا التي تمناها العام الماضي و لكن إرتفاع ثمنها الى 7 ملايين جعله يرجي الفكرة الى العام المقبل.
و عاد و استفاق من حلمه على صوت

**دش تك تش**
و لكنه عاد و اغلق عينيه و تمنى أن يذهب الى بيت زميلته أيام الجامعة في كلية الهندسة( مها) الفتاه الجميلة المهذبة، و تخيل نفسه يجلس مع والدها ليطلب يدها بعد أن أصبح من رجال الأعمال الكبار و كون نفسه و اشترى الفيلا و السيارة و يستطيع الأن أن يشتري لها أجمل شبكة تتمناها
** بم تك شكشك **
صوت اخر نبه حاتم بيه من حلمه ليفتح عينيه و لكنه ما لبس أن أغمضها ليحلم بفرح فاخر على متن باخرة ثرية تحضره الشخصيات العامة و كبار نجوم الغناء و الرقص ، يتميز بشتى أنواع الزهور المستوردة من كل بلاد الأرض، و أرقى انواع المأكولات و المشروبات،و هو يجلس في الكوشة و بجواره حبيبته التي طالما تمناها زوجة له.

**ترن ترن**
يدق جرس الهاتف.. يرد حاتم بيه
الو...ييس يــس.. اي ام الريدي فينش

يضع السماعة.. و يجفف يديه فقد كان يغسل الصحون في احدى المطاعم في بلد أجنبي بعد أن سافر من حوالي سنة ليعمل هناك
حاتم بيه خريج كلية الهندسة بتقدير جيد جدا و يسعى لتحقيق أحلامه،بعد أن اكتشف أن راتبه بعد التخرج لن يؤهله أن يمارس ادميته و لا بعد خمسين سنة
و هاهو اليوم تنفجر احلامه واحدا تلو الاخر كانفجار فقاقيع الصابون التي يغسل بها الصحون، و اكتشف أن صوت الواقع و ارتطام الصحون داخل الحوض أعلى من صوت أحلامه الوردية
تمت
بقلم:سمباتيك

35 comments:

أحمد said...

أجمل حاجة الواحد لما يكتب بوست يمس ملايين , وده اللى أنتى متميزة فيه بجد

هاهو اليوم تنفجر احلامه واحدا تلو الاخر كانفجار فقاقيع الصابون التي يغسل بها الصحون

البوست ده يستاهل جايزة بجد

فكرنى برواية الأمال الكبرى لتشارلز ديكنز كانت فيها جملة أثرت فيا بشدة بتقول

ولكننى امتنعت لأن ذلك لا يعدو أن يكون نصف الحقيقة .. أما النصف الأخر فيتمثل فى الأخطاء الجسيمة التى ارتكبتها بنفسى .. وفى الأحلام الغبية التى كانت تدور فى خيالى .. وفى الطموحات السخيفة التى كنت أتطلع إليها .. وفى الأمال العديدة الحمقاء التى كنت اسميها الآمال الكبرى

lastknight said...

هل نستطيع أن نلوم حاتم بيه ؟ أم نلوم نظاما اقتصاديا و سياسيا فاشلا دفعه و هو المتفوق للعمل كخادم فى أوروبا بدلا من أن يعمل كمهندس بارع فى بلاده ..
القصه رغم سخريتها مؤلمه .. أحييكى

labido said...

انا متخيل ان حاتم باشا بعد خمس سنوات هيكون حقق جزء من احلامة وا\ا كانت دي بدايته .. يعني بيسعي لتحقيق احلامة فا .. يعني .. نقدر نقول .. كلها .. خمتاشر .. تبتاشر .. سنة .. وربنا يوفقة ..
لا.. بجد جميلة .. ياسمبتيك ..
اعتقد ان كل الشباب دلوقت حاتم .. مع بعض الفروقات .. يعني حاتم الحالم .. حاتم اللي بيسعي لتحقيق احلامة .. حاتم باشا ..
معلش طولت ..
تحياتي
عبدالفتاح

No Fear said...

السلام عليكم
مش عارف أضحك و لا أعيط بجد
الله يسامحك

قاسم أفندي said...

حلوة يا سمباتيك
تعالي زوريني
عندي أخبار حلوة اوي

حواء said...

سمباتيك
رائع أسلوبك فى ثردالبوست
أول زيارة ليكى لكن عجبتنى مدونتك قوى وكمان شدتنى المدونة التانية لما دخلتها حسيت أنى دخلت موقع سيدتى
وبالنسبة للأحلام فمش بس حاتم اللى بيحلم بكل دة أو بنصفة لا ياقمر دة شباب البلد كلة لأوحتى الأطفال من دلوقتىعارفة المستقبل الضايع بتاعهم وبيكبرو دماغهم ويقولو لية نذاكر يعنىالمهندسين والدكاترة عملو اية؟
مبسوطة قوى أنى أكتشفت مدونتك ومنتظراكى تزورينى أنا لسة داخلة العالم دة جديد

ibn nasser - ابن ناصر said...

يا سلام التخيل جمييل جدا والله انا تخيلت ,لكن التخيل وحده ليس كفايه ,والبوست في منتهي الجمال
تحياتي

الديب said...

جامد البوست ده ما شاء الله ..

بس دلوقتي الواقع مش كده ..

انا برده مهندس .. و تقريبا الدفعة كلها اشتغلت .. في ناس اشتغلت بعد ايام من التخرج .. و في ناس بعد 5 شهور ..

بس بجد احييكي على خيالك الخصب في تخيل الشخصية وأحلامها الضائعة

أميرة البلطجية said...

جميلة القصة يا سمباتيك
بيفكرني بنفسي وانا بغسل المواعين في بيتنا!
بعد احلم واسرح بس للاسف مفيش فقاقيع!!
عموما المهندس ده خد خطوة ايجابية..صحيح حبيبته ممكن متستناهوش عشان هي كمان مضغوط عليها في مجتمعها.. لكن هو خد خطوة وسافر وبدأ من تحت الصفر واحتمال كبير اوي يبقي قصة نجاح من اللي بنسمع عنها بتاعت المصريين المغتربين اللي بدأوا حياتهم بره بمهن بسيطة
جارى العمل في الموضوع بتعنا يا فندم
وسلام

مجهول said...

مش عارف اقولك ايه يا كلبوظتي
بس بصي يقا يا سمبتيك
بجد البوست ده رائع
وطريقك عرضت متخليش حد يمل
مشكلتنا هي مشكله حاتم هيا برضه مشكله جيل
مشكله مصر كلها
ياللا ما علينا
كويس انك رجعت تكتبي تاني
اصلي قلت انتي حتقضيها كتابات عن الجوع و السمنه
هههههههههههه
لك تحياتي يا عزيزتي دوما

الكلام نوعان :كلام فارغ وكلام مليان كلام فارغ said...

مش لوحده اللى بيفوق على الحاضر الاليم كلنا هذا الرجل
وفيه ناس بتفوق على واقع اسوأ من كده

كلبوزة لكن سمباتيك said...

اتابع ارائكم باهتمام
و مديحكم بسعادة
و نقدكم بحب

خالص تحياتي للجميع

Eric Matt said...


السلام عليكم و رحمة الله

ولو اني مش عاجبني تناسق الالوان اوي لكن عادي انا ذوقي وحش

ياااااه يا ماناساس يا بلد - شفتي سمبتيك بتتكلم عني ازاي؟ يا خسارة هي بس مقالتشي اسمي و قالت حاتم

ياااااه يا سمبتيك والله انا صحيت من حالة الاكتئاب وانا نازل الشغل هنا النهاردة بسبب البوست دي

انت عارفة انت زي مال الامريكان بيقولو
You made my day

انت باختصار حكيتي اللي في قلبي تمام صحيح انا احلامي و لا ربع الفقاقيع دي وهي كلها فقاعة واحدة تتمنى حياة سعيدة و اسرة بسيطة مستقرة
لكن والله فكرتيني بحلمي اللي كدت انساه لكن عمري ما حنساه

انا الحمدلله بعد سنة الان من الغربة حاجة تانية لكن شفت فيها بهدلة مشفتهاش لكن والله مش ندمان اني سبت مصر على أمل العودة فيما بعد و التغيير وليس هروبا

عمار يا مصر وربنا يصلح الحال

ان يمكن مغسلتش صحون بس عملت حاجات تانية و اهو كله عمل شريف حلال

طيب أقولك حاجة؟

تحسي بايه لما تعرفي ان غسيل الصحون في امريكا او غيرها يكفي ان الواحد يتجوز و يفتح بيت؟

طيب نحس بايه تجاه غاسلي الصحون من اخواني الشباب والشابات في مصر؟ هل بيكفيهم مرتبهم حتى تمن اللب اللي حيقزقزوه مع حبايبهم على الكورنيش؟
آي داوت ايت
أنا أشك

ربنا يصلح الحال يا رب

أسألك الدعاء

سلاااااااام

حاول تفتكرنى said...

حاتم يحلم
وبعض السكون عجز عن الحركة
ولو ظل حلمه 100 سنة

حاتم يحلم

تحياتي

~ Bato0ot ~ said...

gamila awy awy ya sampateek bgd .. w waq3ya gedan!

كراكيب عادل said...

حلو انا عجبني الموسيقي التصورية بصراحة

موضوع حلو وبيمس شباب كتير والاحلام الكتير الي مش هتتحقق

بس هي وصلت لغسيل الصحون

بصراحة صعبة جداااا

كراكيب عادل said...

انا عاجبني الموسيقي التصورية

كلنك كلنك

دش تك تش

بم تك شكشك

الظاهر ان الاخ شغال في فندق فخم برضو باين من اصوات الصحوان الباهظة الثمن

بس بوست جميل جدااا وبيتكلم عن حجات واحلام كتير مش هتتحقق

بصراحة وضع صعب جدااا انها توصل لغسيل الصحون ومعاها حلم لشراء فيلا بالملايين

ارجع يا عم حاتم

Unknown said...

سباتيك
البوست جامد اوى
وطريقة عرضك شيقة
وحسيت انك بتتكلمى عنى وعن صحابى
وعن كل ولاد البلد الغلابة اللى
معندهمش حاجة غير الاحلام
لكن تقولى اية بقى
فى صوت الواقع

el2ahwagi said...

Post gameel bey3abbar 3an sakhra qad yata7attam 3aleeha 7elm shabaab keteer...


3ala fekra elmoshkela mosh moshkelet ghaseel elso7oon ...

yareet ghaseel elso7oon tekoon mar7ala yemor beeha kol shab masri yet3alem feeha eli3temad 3ala nafso badal ma ahlo yesrefo 3aleeh le7ad mayetgawez .. da law etgawez ...

ghaseel elso7oon 3mal mosharef wemafhoosh ay ihdaar lekaramet sa7bo sawa2 eza kan fi masr aw fi ay dawla tanya... 3ala fekra kol elli beyeghselo elso7oon barra (Aw aghlabeyethom) fi ay dawla homma men shabab elmadares elthanaweya aw elgame3aat ...

elmohem tekoon mar7ala inteqaleya le7ad malshaab yekhalas ta3leemo aw enno yela2i shoghlana ye2dar ye7a2a2 menha zaato ...!!

ya3ni e7na momken neloom elnezam eliqtesadi en elshab elmasri mosh 2ader ye7a2a2 zato men khelal el a3mal elmotawafera ... laken la ihdar lelkarama fi ghaseel elso7oon kamar7ala oola leli3temad 3ala elnafs.

etfadali elshai ya sampateeka .. :))

basma saghir said...

هأو...هأو

كنت زمان بعاني من احلام اليقظة دي ويمكن لغاية دلوقتي بعاني منها..انا حاسة فعلا انها نقمة على الانسان
عموما لو كانت الاحلام ايجابية مفيش مانع منها
قبل ماتحلم فوق احلم وانت فايق
ماشي؟

كلبوزة لكن سمباتيك said...

كلنا بنحلم
احلام في منها اللي بيتحقق و في منها اللي بنحلمه و احنا عارفين مسبقا انه مش ممكن يتحقق

تحياتي و حبي للجميع

smraa alnil said...

كتير منا بيحلم حلم مش حلمه
انا كمان بحلم حلم مش حلمي
انا حسيت بقصتك دي لاني زي حاتم بيه برضه

عبدالله said...

بوست جميل يمس الواقع بطريقه مباشره
ودي فعلا احلام شبابنا انهم يطلعوا يشتغلوا اي حاجه في بلد اجنبي
ياتري هيحقق حلمه و لا لا محدش عارف الايام هتقول

تحياتي

AbdElRaHmaN Ayyash said...

ممممم
انا هنا مش هتكلم على الاسلوب الادبي
لأنه رائع
ولا هتكلم على الاحوال الواقعية لأنها زفت
انا بس هتكلم على المعنى والفكرة
انتي تعرفي ان شخص زي دكتور ابراهيم الفقي كان زي حاتم ده
دلوقتي هو زي حلم حاتم بيه ده
الموضوع مش عاوز مننا غير حلم
الموضوع عاوز كمان فكرة
هدف
واصرار
وقتها فعلا حاتم اللي بيسمع صوت التليفون بيصحيه من احلامه
هيسمع صوت أبو مها وهو بيوافق على جوازته
الموضوع فعلا زي اي حاجه تانية في الدنيا
حلم
ممكن .. يبقى حقيقة

emos said...

يا ضنايه يبنى ربنا يكون فى عون الجميع البوستس بتاعتك جامدة جدا يا سمبتيك ولله عجبانى

Ma 3lina said...

حاتم بيه خريج هندسة و تقدير جيد جدا ؟؟؟؟؟؟؟؟

حرام و الله بيحصل فى البلد دى طيب الواحد يعمل ايه ؟ يعنى واحد داخل كلية محترمة و كمان تقدير و يغسل الصحون

اه منك يا بلد

BinO said...

طب يعني أشمعني هندسة
مالمهندسين زي الفل

يا مراكبي said...

بوست جميل قوي .. ولو إني أعرف صورة تانية عن الموضوع ده

صحيح فيه مؤهلات بتضطر تعمل زي حاتم بيه ده لأسباب كتير

لكن أنا أعرف ناس تانية إضطرت لكدة علشان كانت منحة الدكتوراه مثلا مش مكفيه المعيشة هناك .. بيبقى مهندس على وش دكتوراه ومضطر لكده

الغريبة بقى إن الأجانب هناك شايفيين إن ده عادي جدا جدا ومابيشوفوش الموضوع إنه مهين زي ما إحنا شايفيينه كده

أنا والدي كان عايش سنة في كندا وشوية شوية لقيته بدأ يشوف إن الموضوع ده عادي ومش عيب

إزيك كده؟

محمد عبد الغفار said...

نسى اهم حلم فى الأحلام كلها

يحلم بحالته اما يعمل اللى عليه ويبقى راضى عن الى يوصله

Unknown said...

كل سنة وانت طيبة بمناسبة
عيد الأم أهو ع الأبواب

ياه ده انا غبت عليكى كتير

عمرو غريب said...

المدوبة جامدة اتمني ان تكتبي الكثير عمرو amr345.blog spot .com

hassan said...

قصة هايلة الصراحة
بس أسمها كلان لازم يكون صفع الواقع
ولا أنفجار الواقع

على كل حال الأحلام عايزه جهد وعمل جبار علشان تنتقل من الدماغ للحقيقة

مش كله طبعا بيقدر يحقق حلمه
وده علشان ممكن يكون الحلم خيالى أكتر من اللازم أو ماعندوش الاصرار

على كل حال قصتك قصة حقيقية بتكرر كتير
واقع دائما مؤلم
حلم دائما جميل

ودمتى بكل خير

سلام
حسن محمود

ام العيال said...

سمباتيكو
جميل قوي البوست ده
خيالك خصب بجد
افكارك بتعجبني
بحس انك بتتقمصي الشخصيه علشان كده بتعبري عنها كويس
حلوه يا ساره

Diabloooz said...

" هاهو اليوم تنفجر احلامه واحدا تلو الاخر كانفجار فقاقيع الصابون التي يغسل بها الصحون "

مش عارف أقوللك إيه ... بس ربنا يسامحك بجد أنا سرحت مع حاتم أفندى و حسيت بالأحلام و هى بتروح واحد ورا التانى

BackBone said...

مش قوي كده ياعني