Sunday, March 18, 2007

مـــين؟...مـــين؟


عندما قررت الحجاب في الصف الأول الثانوي عارضتني معارضة شديدة لدرجة أنك خاصمتني و اتهمتني بأني عديمة الشخصية و أني أريد أن أقلد زميلاتي اللائي تحجبن وقتها، و لم أفهم أنك كنت تخافين على أن أنساق وراء تصرفات غيري بلا إقتناع كامل مني فأعود و اخلع حجابي و أغضب ربي، ربما أردتي برفضك أن تجعليني أتمسك بقراري فقد كنت كمعظم المراهقات أرغب في الممنوع.
و ما كنت لاتراجع عن قراري حتى لا أسمع عبارة: ما انا قلتلك من الأول
و لكنك يا أمي لا تعلمي أن قراري كان حبا فيما عند الله و رغبة في التقرب منه عز و جل و هذا ما زرعتيه في
أنـــــــــت يا أمـــــــــــــي

لا أفهم لماذا لم تتركيني أذهب في رحلة مع زملائي عندما كنت في المرحلة الثانوية، كنت أتقطع حزنا في إجازة نصف العام و أنا أعلم أن صديقاتي سافرن إلى الأقصر و أنا أمكث في البيت لأن أمي تحسبني طفلة ،و تخاف علي أن أغادر عشها، و تعجبت عندما اصبت في ثالث أيام الإجازة بحرارة عالية افقدتني التركيز و لازمت الفراش وقتها
هل كنت تتوقعين ذلك؟ هل الهمتك عاطفتك أنني لو سافرت سأمرض، و لن أجد من تضع لي الكمادات طوال الليل و تعاونني على تناول الشوربة الدافئة ، لقد كنت
أنـــــــــت يا أمـــــــــــــي

قرارات كثيرة كنت أتمنى أن اخذها ،و كنتي تقفي لي بالمرصاد و ترفضيها، و تكشف لي الأيام أن لنظرتك البعيدة للأشياء حدس غريب و كأنك ساحرة تملكين بلورة سحرية تطلعك على ما سيحدث، كثيرا ما تمنيت أن يكون قراري صحيح مثلك و لم أكن أعرف أن الزمن الذي حفر معالمه على وجهك كفيلا بأن يعلمك التطور الطبيعي للأحداث. و اليوم عندما افكر أجد أنني لست من تتخذ القرار رغم إبتعادك و لكن من تفكر و تقرر تكون
أنـــــــــت يا أمـــــــــــــي

تركتي في بصمة رائعة. نفس التصرفات التي طالما إنتقدتك - بيني و بين نفسي- عليها أتصرفها اليوم لا شعوريا مع أولادي ،و أعلم- تمام العلم -أنهم لن يفهموها في وقتها، و إنما بعد أن يكبروا و ينجبوا؛ سيتصرفون بعفوية نفس تصرفاتك
أنـــــــــت يا أمـــــــــــــي



محمد فوزي
أحن قلب

http://music.6arab.com/fawzi..a7an-alb-al-om.ram

71 comments:

-_- said...

ربنا يخليهالك يا سمبتيك

قوليلها احمد بيقولك كل سنة و هي طيبة

قاسم أفندي said...

رب أرحمهما كما ربياني صغيرا
كل سنة وكل أم طيبة

أوختشي
مين البت الصغيرة البلبوصة دي؟
دي أخت الواد الصغير أبو نبلة اللي اسمه باين كيوبيد؟
ومين سرق منها البربطوز الاحمر؟
الانترنت مبقولش امان اليومين دول

Eric Matt said...



انه قلب الأم
حنان ما ينفك ينبض
وعشق لا يتوقف
وسعادة في القرب منه و اليه

ربنا يخليهالك و يخليلنا أمهاتنا و يرحمنا جميعا يا رب

سلاااااام

Nouran said...

كل سنةن وماماهتنا كلهم بخير بس كلامك صح ماما اوقات مش بنردى ع حاجة وسبحان الله بيطلع كلامها ورايها علطول صح حاجة غريبة مع اني ببقى متغاظة بس بعد كده بفهم وجهة نظرها
كل سنة وانت طيبة يا كلبوزة بمناسبة انك ام يعني وكل سنة ومامامتي ومامتك طيبين يا رب

بيتنا القديم said...

اولاً مبروك علي الصورة الجديدة اللي عمالة تنور وتطفي دي

ثانياً اشكرك علي تجديد شعور الأم لدينا جميعاً

حاولت مرة إني اسمع أمي كلمتين حلامنتيشي في حبها

فوقفت أمامها واشئب عنقي...واصبحت في شكل الديك الرومي المحشي

و...و.....و
ضاعت الكلمات من بين شفتي وسقط قناع النصب

ووقف قلبي وقال لي اقعد إنت انا هتكلم
فخرجت الكلمات من حنايا قلبي ليقول لأمي

الواد الصايع ده بيحبك
فارتميت في احضانها
وبكيت

خيرالدين said...

هو بصراحه حكايه الحدس دى بتحيرنى .......أكيد هى نعمه من ربنا بس هل المفروض نكون مطيعين دايما ايمانا منا بالحدس ده ولا ايه؟؟؟؟؟؟؟

خيرالدين said...

بصراحه حكايه الحدس دى محيرانى ..........لانها بتصدق فى احيان كتير بس مش معنى كده اننا نبقى اولاد ماما

... said...

ربنا يخليها ليكى

جميل جداً ما كتبت

أبكيتينى

SomeOne said...

الحمدلله

انا اكتشف الموضوع ده يعني مش بدري

بس اكتشفته

وكتبته في تاني بوست ليا
بعنوان
انا حمار

تحياتي لك

شخبطة ملوكى said...

ربنا يرحم كل الامهات اللواتى ذهبن لرحمة الله
كل سنة وكل ام طيبة وحواليها ولادها
ربنا يرزقنا بركة دعاهم ويتقبله امين يارب

شارك في التظاهرة التدوينية
http://www.linux-fr34k.com/Soka/Blogger/Cod.rtf
وقع هنا للقصاص أسرانا: إلى الأمم المتحدة
http://www.petitiononline.com/egypows/petition.html
وقع للقصاص لأسرانا: إلى نقابة المحامين
http://www.petitiononline.com/kxqf4436/petition.html
وقع ضد التعديلات الدستورية
http://www.petitiononline.com/kxqf4436/petition.html
وقع لمساندة قرار وقف حفريات الاقصى
http://www.help-aqsa.org/sign/index.php

شخبطة ملوكى said...

ربنا يخلي كل ام لولادها و يجعلهم قرة اعين لهن
ربنا يرحم كل ام ذهبت الى رحمة الله و مغفرته
ربنا يعيد الاولاد لاحضان امهاتهم
يارب ارزقنا دعاءهن لنا و تقبله يا ارحم الراحمين
كل سنة و كل ام بخير و سعاده و هناء

شارك في التظاهرة التدوينية
http://www.linux-fr34k.com/Soka/Blogger/Cod.rtf
وقع هنا للقصاص أسرانا: إلى الأمم المتحدة
http://www.petitiononline.com/egypows/petition.html
وقع للقصاص لأسرانا: إلى نقابة المحامين
http://www.petitiononline.com/kxqf4436/petition.html
وقع ضد التعديلات الدستورية
http://www.petitiononline.com/kxqf4436/petition.html
وقع لمساندة قرار وقف حفريات الاقصى
http://www.help-aqsa.org/sign/index.php

أحمد said...

ربنا يخليهالك يارب
:)

koukawy said...

طب كنتي حوشتيها لعيد الأم
بس الظاهر ان كلنا كنا عندنا نفس الشعور ناحية امهتنا

تمر حنه said...

فى دخلة مارس من كل سنة .. تنتابنى رعشات و رجفات متكررة .. و افرازات شديدة من الدموع و رهافة متناهية .. ليس بسبب تقلبات الجو ،و لكن يا سمباتيكه بسبب تكرار كلمة عيد الأم و الأغانى التى تذاع.
لم افهم معنى أم الا بعد أن صرت أما .. و من منبرى هذا و من هذا المكان الطاهر . كل سنة و انتى طيبة يا أمى و يا أم كلبوزة و يا أم شارم و يا أم قاسمأفندى و يا أم ذا جرووم و نوران و سمسم .. كويس أوى انى جيت بدرى انهاردة .. و بعدين ماتسترى البت اللى انتى مقلعاها دى .. اختشى بقى و بطلى أباحة ....

محض روح said...

هيه ديه ديما مشكلتنا معاهم
مابنحسش بحننهم غير لما بيبعدو
او لما بنكبر
كل سنه وممتك طيبه
وكل الامهات طيبيه
وتحياتشى ياجميل

محمد عبد الغفار said...

شكر وعرفان تستحقه ولا يكفيها

sara... said...

ربنا يخليهالك يا كلبوزة ويخلى مامه كل حد
ومامتى كمان

Noony said...

يا ترى لما أكبر ويبقى عندي أولاد ممكن يبقى عندي بعد نظر وحسن تصرف زي ماما!؟
معتقدتش إني ممكن في يوم من الأيام أرتقي وأوصل لحنان وخوف ماما علينا مهما عملت...ربنا يخليكي ليا يا مامتي يا حبيبتي
ربنا يخلي كل الأمهات لأولادها ويرضِّيهم عنا و يقدرنا على رضاهم يا رب العالمين

Ma 3lina said...

كل سنة و كل امهاتنا بخير و بصحة
فعلا الواحد مبيحسش بيقمتهم غير لما يشوف حد محروم من امه ساعتها بيحمد ربنا

كل سنة و انتى طيبة

micheal said...

ربنا يخليكوا لبعض يا كلبوزه و صدقني عمر ما فيه أحن من قلب الام في الدنيا كلها
تحياتي لكي

el2ahwagi said...

kol sana w mamtik tayeba ...

w kol sana wenti tayeba ...!

kalematik bet3abbar 3an elli kol wa7ed feena bey7esso tegaah ommo ..!!

kollahonna sa7eraat ... :))

Memo said...

اناعيني مش قادره اقلك
قصرتي فيا اد ايه
ربنايخاليهالك
ويبراركلك فيها
و يعينك على برها
تحياتشي

محمد مفيد said...

عزيزتي كلبوزه
كلامك جميل جدا
كل عام وكل ام غلي وجه الارض بخير وبصحه وبسعاده وطاعه الي الله عز وجل

Ahmad Hegab said...

ربنا يخليكوا لبعض يا رب

و يجعلك سبب فى دخولها الجنة

elkamhawi said...

ربنا يخلهالك.

ويخليكى ليها

emos said...

مش كل الامهات كلامهم صح
بس كل الامهات امهات بيخافو على اولادهم و عايزنلهم الاحسن
و لو كان كل الامهات كلامهم صح كان الناس كلهم بقوا حلوين
ربنا يخللنل امهاتنا جميعان

yasser_auf said...

قلب الام بيحس بالي ابنها او بنتها ما بتحسش بية

و اظن ان لغاية ما نيمو ما اتولد انا مكنتش واخد بالي او مركز حتي في ان مراتي حامل عارف بلاش لماضة ما انا معنديش دم

و لاكن بعد ولادتة و بعد فترة يمكن 6 شهور كنت جالس مع بابا و ماما لوحدينا و سالتهم سؤال واحد محدش فيهم جواب علية ليومنا هذا

السؤال كان : هو و احنا صغيرين انتوا كنتوا بتحبونا و بتخافوا علينا كدة

( كدة .. اقصد بيها كحبي و خوفي علي نيمو )

و اظن انتي ما بقيتيش تحسي بالي هي كانت بتحس بية غير لما اتجوزتي و خلفتي

كل سنة و هي طيبة و كل سنة و انتي كام موش كصديقة طيبة و كل الامهات طيبين

و اخص والدتي عندك كمان كل سنة و هي طيبة و بالف صحة و سلامة و يارب اديهم العمر علي قد الصحة و متحوجهمش لحد في كبرهم و لا حتي لينا لانهم لما بيكبروا بيبقوا اكثر حساسية كما لو كانوا رجعوا تاني اطفال

http://yasserm.blogspot.com/2007/02/blog-post_11.html

تحياتي و سلامي

حواء said...

كل دقيقة وكل الأمهات بخير
صدقينى إحنا بنحسب إن الحروف ممكن تعبر لكنها تحجب ولاتكشف00 تضلل ولا تدلل00 وتشوة ولا توضح00 فلا أروع من الأفعال لرد جزء أبسط مما نتصور من عرفان أكبر منا لفعل فطرى أسمة الأمومة
أشكرك على البوست الجميل دة لأنك فهمتى معنى الأمومة

ibn nasser - ابن ناصر said...

رضا الام من رضا الرب ربنا يخليلك والدتك ,كل سنه وهي طيبه
وتحياتي

كراكيب عادل said...

كل سنة وهي طيبة ربنا يخليها ليك

انا هشوف امي بعد 11 يوم وحشتني بقالي ستة شهور مشوفتهاش كلامك اثر في علي الصبح دة وخلتيني عايز اسافر دلوقتي

صعب الكلام يوفي احساسنا بالام

مبروك الصورة مع اني زعلت علي الاولي

تحياتي

يا مراكبي said...

دعائي ليكي ولجميع الأصدقاء .. يارب يخللي كل الأمهات الصغيرين والكبار ويارب ندخل الجنة برضاهم عنا

بيني وبينك .. يوم عيد الأم السنة دي هيكون عدى عليا عشرين سنة بالظبط ما عنديش أم

http://yamarakby.blogspot.com/2006/12/blog-post_08.html#links

بين الأمل و اليأس said...

الله عليكي
بجد الام دي انسانه ذات قلب كبير الام عقلها وروحها في قلبها في احساسها بابنائها
عارفه انه بيقولو لما الام مثلا بتولد في المستشفى والمولود في الحضانه مع باقي الاطفال
عارفه ان لما اي طفل يبكي تستيقظ ام هذا الطفل دونا عن باقي الامهات
وهكذا يستطيعون معرفة ام الطفل دي مش تاليف لكن ده فعلا بيحصل
مبالك بقه في باقي الحياة
اللهم احفظها لنا يارب
وكل عام وهي بخير

بين الأمل و اليأس said...

الله عليكي
بجد الام دي انسانه ذات قلب كبير الام عقلها وروحها في قلبها في احساسها بابنائها
عارفه انه بيقولو لما الام مثلا بتولد في المستشفى والمولود في الحضانه مع باقي الاطفال
عارفه ان لما اي طفل يبكي تستيقظ ام هذا الطفل دونا عن باقي الامهات
وهكذا يستطيعون معرفة ام الطفل دي مش تاليف لكن ده فعلا بيحصل
مبالك بقه في باقي الحياة
اللهم احفظها لنا يارب
وكل عام وهي بخير
وربنا يسترها

Anonymous said...

ربى ارحمهما كما ربيانى صغيرا واكرمنى بدعائهم
ربنا يخليهالك وكل اللى بتحبيهم

كلام لوجيك said...

كلامك رائع واسلوبك فى الكتابه اجمل
فعلا بوست محترم نهديه لكل الامهات
لكل ام فعلت وقدمت الكثير من اجل ابنائها
لكل ام ضحت ولازالت تضحى بكل شئ من اجل ابنائها واسرتها
خالص تحياتى
ودمتى بألف خير

عبدالله said...

كل سنه و كل الامهات بخير
و دي فرصه اننا كلنا نفتكر فضل و تعب امهاتنا فينا علشان نبقي كده

تحياتي

khaled said...


طريقة جديدة للاعتراف بجميل الام
و جميلة
اشكرك

Anonymous said...

sd2eny ana msh la2y klam a2olo bs enty begad zy el 3asalllll...2aret kaza post we begad kol klamek 3asoool we sampateeek :D

شيماء الجيزى said...

كلمات رائعه يا سمباتيك
فدوما ارى امى تمتلك قدرات فائقه فى معرفه شعورى واحتياجى واتخاذ القرارات الصحيحه

امى الحبيبه ...كل عام وانتى الف ام لى
كل عام وانتى حبى الاول والاخير
كل عام وانا بحضنك طفله صغيره
كل عام وانا ارى ضحكاتك
وامسح دموعك

كل عام وكل الامهات بالف خير
كل عام وانتى بخير يا امى
شكرا لكِ يا سمباتيك
تحياتى

إبـراهيم ... said...

تسلم إ‘يـدك فعلاً يا كلبوووزة ....


موضوع جميل !


مش عارف بجد الواحد يقول لماما إيه ...


ربنا يخليكي ليها ، ويخليها لك يااارب


وتحياتي يا جميل

Tamer Nabil Moussa said...

كل سنة وجميع الامهات بخير وصحة وسلامة

الام اساس الحب

hebaz said...

كل سنة و أنت طيبة يا كلبوزة و يا رب كل أم بخير و طيبة يا رب:)

Reema said...

كل سنة وانتي طيبة يا كلبوزة
وكل سنة ومامتك ومامتي حبيبتي وكل الامهات طيبين
:))

اللي اثر فيا كلامك عن الحدس الغريب:::

قرارات كثيرة كنت أتمنى أن اخذها ،و كنتي تقفي لي بالمرصاد و ترفضيها، و تكشف لي الأيام أن لنظرتك البعيدة للأشياء حدس غريب و كأنك ساحرة تملكين بلورة سحرية تطلعك على ما سيحدث

فعلا ياسارة انا حاجات كتير بتحصل وبنشف دماغى كالعادة:(
وماما تكون محذراني منها وفعلا يحصل زي مابتتوقع
وكل مرة بقول ياريتني سمعت كلامها
بس انا ابتديت اعقل عن الاول بكنييير الحمدلله

Dr. Tantawy said...

ربنا يخليهالك

يالا ياعم .. الحق ستف ورك و جهز عدتك .. انتي خلاص عجزتي .. كلها كام سنه و ولادك انشاء الله يعملو عنك بوست .. شوفي بقه هيكتبوا ايه :) ههههه

بتقاسمنا في اكلنا و مش بدينا فرصه نتهنى بيه
يا امي


بتقولنا قولي بتاكل ايه اقولك هات حته
يا امي

كانت عمله مدونه و مصيطه جامد اوي
يا امي


كانت عمله حركه كلابيظ من اجل التغيير و اتقبض عليها و اتسجنت
يا امي


تحياتي :) يا امي هههههه

shabfa2re said...

جميلة
وعلى فكرة انتوا البنات ما تعرفوش
ان الحجاب زينة زى ما هو طاعة
واجمل طاعة

ibn nasser - ابن ناصر said...

...>دعوه الي كل مصري حقيقي<
سيكون الاستفتاء علي التعديلات الدستوري يوم الاثنين الموافق 26-3-2007 والباب مفتوح من الساعه الساعه السابعه صباحا الي السابعه او السادسه مساء وسيكون الاستفتاء بالبطاقه الشخصيه اذا كان في الشخص سيذهب لدائرته اما اذا كان المواطن يريد ان يذهب للاستفتاء في مكان أخر فهذا يتطلب البطاقه الانتخابيه ..يا جماعه يالا نروح يالا خليهم يسمعوا صوتنا ..المقاطعه معني السلبيه هنروح ونقول لأ كلنا ..هتروح؟

Anonymous said...

fe3lan wlahy...lw el wa7ed y3rf w hoa by3ned m3 ahlo eno lehom nazra b3eeda we 3'aleban betkon sa7..klamek ra2ee2 awyyy

سهر الليالى said...

ربنا يخليهالك يارب
البوست مؤثر اوى ولوانا عارفه انك لسه عندك كلام كتير نفسك تقوليه عنها وانك مهما اتكلمتى مش هتحسى انك وفتيها حقها دى احساسى انا كمان
تحياتى

سهر الليالى said...

البوست حلو رغم انك اكيد حاسه انك عندك كلام كتير عايزه تقوليه عنها واكيد مهما وصفتى وقولتى مش هيبقى كفايه لانه مافيش حاجه توفى حقهم علينا انا حاسه بيكى
ربنا يخليهالك
تحياتى

سهر الليالى said...

ربنا يخليهالك
الواحد فعلا مهما اتكلم عن امه مايكفيش كلام الدنيا كله حقها
اعظم مخلوق على وجه الارض
البوست دمع عينيا من الاحاسيس والمشاعر اللى يحتويها
تحياتى

BinO said...

كربون والله
مع الفرق
:)
أمهاتنا فطروا كلهن علي الحب و العطف
رب أرحمهما كما ربيلني صغيراً

david santos said...

Hello, Sampateek!
have good day

ana ga3an said...

هو في زي قلب الام
كما قلب الخساية الصابح

الله يديها الصحة دايما تقولي قعدتي معاها بالدنيا و ان دخلتي عليها اجدع من كيلو جمبري جامبو

hassan said...

مافيش غير أم واحده بس
علشان كده غاليه عند الكل

المشكلة مش بنحس بقيمتها الا لما تروح مننا

الأم والأب الاتنين الوحيدين اللى فى العالم اللى بيتمنوا ان أولادهم يبقوا أحسن منهم

ودمتى بكل خير وحب وتقدير أنتى والسيده والدتك

حسن محمود

smraa alnil said...

ربنا يكرمك بيها يارب
ويخليهالك ويديها الصحة
كل سنة وومامتك بخير

ody911 said...

ربنا يخليهالك يا سارة يارب

ويخلى كل أمهاتنا أجمعين يا رب

الراقـــص مع الذئـــــاب said...

بوست جميل
دا ملخص اللي قلته في الكومنت بتاعي اللي متنشرش...جايز يكون وقع في السكة وانا بكتبه...
مش مهم
المهم موضوع جميل وجديد ومفهش الملل بتاع المواضيع المتشابهة التانية

بس بالنسبالي اللي بوظهة الاغاني (اصل انا متطرف ومش بسمع اغاني)

لكي تحياتي...وشرفتني زيارتك

bastokka طهقانة said...

كل سنة و كل ام طيبة
ولادك جابولك اية؟
انا اولادي عملولي ودن من طين و ودن من عجين
تاخدي حتة

محظوظة said...

كل سنة وماما طيبة

albida said...

ربنا يخاليهالك يارب وتنورلك حياتك دايما

كل سنة وهى وكل أم طيبة

manal

بعدك على بالى said...

كل سنه وانتى وهى طيبه

على فكرة طول عمرى بسمع مقولة "زى ما اتربيتى حتربى" كنت بستغربها قوى واقول لا طبعا، انا مش حاكرر اللى حصل معايا، بس برضه لفت الايام واتحطيت فى نفس الموضع مع ابنى ، يمكن فى تفتح اكتر بحكم الزمن لكن فى المجمل صورة طبق الاصل...

تحياتى

نبض اسكندرية said...

كل سنة وانتى طيبة سمبتيك

وكل سنة ومامتك طيبة
وكل سنة وامهات المسلمين كلهم طيبين وبصحة وعافية تدوم

تحياتى

كلبوزة لكن سمباتيك said...

و انتم جميعا طيبين و متوفقين و سعداء و متهنيين

حبي
و تحياتي

Amr Ahmed said...

ربنا يخليها ليكي يا كلبوزة

وكل سنة وهي طيبة
ويخليكي للولاد

وكل سنة وانتي طيبة

Anonymous said...

كل سنة و هي طيبة

ربنا يخليكي ليها
و يخليكي لاولادك يا اجمل سيمباتيك

ام العيال said...

كل سنه و ماما الجميله
بالف الف خير
و انت بخير يا كلابيزو
:)

sarah la tulipe rose said...

ربنا يخيلهالك و بجد كلامك رقيق اوي

رفقة عمر said...

اشكرك كتير لزيارتك مدونتى وتعزيتى والدعاء لوالدى بجد من كل محنه بيكون هناك منحه وهى معرفتى نا س مثلكم خففوا عنى الكتيروهونى عليا بكلماتهم التى كانت كاليد الحانيه التى تتبطب عليا وهونت عليا كتير جزاك الله خيرا انت وكل اخوانى واخواتى المدونات وانا بعد فقدى لوالدى شعرت قد ايه ان الاب والام اهم ناس فى الوجود وبيحبونا من غير انتظار المقابل ربنا يبارك لى فى امى ويخليه ليا وربنا يخلى لكم جميعا والديكم ويبارك لكم فى صحتهم الله امين يارب العالمين

مسرح الغلابا said...

مسرح الغلابا كله بيقولك: nice blog


مسرح الغلابا
سلام

layal said...

كلامك مؤثر

انور المنور said...

كلامك جميل