صحيت من النوم على صداع شديد و عطش و عرق و رعشة في جسمي كله و لقيت ملاية كبيرة ملفوفة حوليا قعدت ارفص و اعافر لحد ما شلتها لاقيت نفسي من غير هدوم!!! الله أنا فين؟؟؟ و اية جابني هنا في المكان الضلمة ده؟؟؟. حسست باديا لقيتني نايمة على الأرض، و الأرض دي رملة، و المكان اللي فيه كاتمة، و مافيش أي شعاع ضوء و لا هوا داخل فيه
اتسندت و قمت و أنا دايخة جدا و حاسة بجوع شديد و إعياء و ركبي مش قادرة تشيلني، و فردت اديا قدامي يمكن ألاقي حاجة امسكها و اعرف منها أنا فين، ملقيتش غير حيطة فضلت متسندة عليها لحد ما خلصت، و لقيت ركن الاوضة فضلت معاه لحد ما خلص و اتاريني بلف في مكان واحد لا يتعدى مترين في تلاتة و أخيرا رجلي خبطت في سلم سندت عليه باديا و رجليا و طلعت لقيت سقف
الله ايه ده مين جابني هنا و سابني؟؟!!! حاولت أنادي بصوت ضعيف مش قادرة ارفع صوتي.. تعبانة:
((يا ناس يا اللي هنا أنا فين ..الحقوني.. أنا تعبانة الحقوني))
محدش رد
و من غلبي قعدت على السلم ده و قعدت أحاول افتكر آخر حاجة حصلتلي قبل ما اصحى
آه أنا كنت زعلانة ،و متعصبة و واقفة أتخانق معاهم و فتحت الدولاب و بعدين ...و بعدين مش فاكرة آخر حاجة فاكراها لما فتحت الدولاب و بعدين حسيت ببرودة في جسمي و تقريبا جاتلي غيبوبة سكر
بس ليه يجبوني في المكان الضلمة ده من غير هدوم و أزاي مفيش باب في الاوضة دي امال دخلوني ازاي
اتحاملت على نفسي و نزلت السلم و قعدت أدور تاني و تاني و ألف و أدور في الاوضة دي و انا بحسس على الحيطان و الارض من غير ملاقي لا باب و لا شباك مفيش غير السلم
يبقى أكيد الباب في آخر السلم طلعت تاني اخبط ملقيتش غير السقف و تراب بينزل على دماغي كل ما اخبط
آه من الصداع الفظيع ده سندت راسي علي اديا الاثنين و قعدت على السلم و أنا حموت من التعب و الخنقة و الجوع
و مش عارفة ايه حصل بعد كده...
اتسندت و قمت و أنا دايخة جدا و حاسة بجوع شديد و إعياء و ركبي مش قادرة تشيلني، و فردت اديا قدامي يمكن ألاقي حاجة امسكها و اعرف منها أنا فين، ملقيتش غير حيطة فضلت متسندة عليها لحد ما خلصت، و لقيت ركن الاوضة فضلت معاه لحد ما خلص و اتاريني بلف في مكان واحد لا يتعدى مترين في تلاتة و أخيرا رجلي خبطت في سلم سندت عليه باديا و رجليا و طلعت لقيت سقف
الله ايه ده مين جابني هنا و سابني؟؟!!! حاولت أنادي بصوت ضعيف مش قادرة ارفع صوتي.. تعبانة:
((يا ناس يا اللي هنا أنا فين ..الحقوني.. أنا تعبانة الحقوني))
محدش رد
و من غلبي قعدت على السلم ده و قعدت أحاول افتكر آخر حاجة حصلتلي قبل ما اصحى
آه أنا كنت زعلانة ،و متعصبة و واقفة أتخانق معاهم و فتحت الدولاب و بعدين ...و بعدين مش فاكرة آخر حاجة فاكراها لما فتحت الدولاب و بعدين حسيت ببرودة في جسمي و تقريبا جاتلي غيبوبة سكر
بس ليه يجبوني في المكان الضلمة ده من غير هدوم و أزاي مفيش باب في الاوضة دي امال دخلوني ازاي
اتحاملت على نفسي و نزلت السلم و قعدت أدور تاني و تاني و ألف و أدور في الاوضة دي و انا بحسس على الحيطان و الارض من غير ملاقي لا باب و لا شباك مفيش غير السلم
يبقى أكيد الباب في آخر السلم طلعت تاني اخبط ملقيتش غير السقف و تراب بينزل على دماغي كل ما اخبط
آه من الصداع الفظيع ده سندت راسي علي اديا الاثنين و قعدت على السلم و أنا حموت من التعب و الخنقة و الجوع
و مش عارفة ايه حصل بعد كده...
تمت
من وحي خبر
الخبــــــــــــــر أضغط هنا
64 comments:
سمباتيك
لكى تحياتى أولا لأننى أحترم كتاباتك الجميله والشيقة
طبعا فى نهاية الأمر انتى مش عارفه حصل أيه بعد كده ...أكيد حصل خير أن شاء الله
بس راجعى نفسك يمكن تكونى أكلت رنجه وسردين ويمكن فسيخ كمان فأمتلات المعدة بكثير من المشهيات
فرأيت ما لم تتوقعى فى غيبوبتك
بالهنا والشفا
ولا يسعنى الا أن اقول لك بخصوص الحلم
أعمل لدنياك كأنك تعيش أبدا وأعمل لأخرتك كأنك تموت غدا
فلابد أن نكون دائما على أستعداد للقاء الخاتمة
اللهم أحسن ختامنا
لكى تقديرى وأحترامى
السلام عليكم ورحمة الله وبركاته
الف مليون سلامة عليكي يا سمباتيك ، كده تخدينا عليكي
قريت الخبر وكنت فعلا سمعت الاشاعه بتاع صلاح قابيل دي قبل كده، بجد موته شنيعه ربنا يحفظنا ويحفظ السامعين
الاسلام كان وضع حل للمشكله دي ، بان اللي بيموت فجأه او زي ما بيقولوا بالسكته يجب اننا نستني عليه فتره للتيقن انه فعلا مات ، بكون مثلا من صلاة العشاء للظهر او من الظهر للمغرب
ربنا مايجبش حاجه وحشه ...اللهم آمين
:))
ايه
انا قلت في الاول دا حلم او كابوس
بس طلع فيلم
:))
انا كنت فاكر الحجات دي مش بتحصل غير في مصر
اتاريها بتحصل في بلاد الفرنجة كمان
شكرا على القصة
وشكرا على الخبر
تموتي من التعب والخنقة والجوع ؟
أكتر من كده ؟ مش ممكن
هههههههههههههههههه
ودى آخرة اللى بيحموه فى كنكة وينسوه جوة
هههههههههههههههههههه
زى العسل يا سامباتيك
سمباتيك
انا مش عارفه اعلق اقول ايه
بجد حاسه ان مفيش كلام ولا تعليق على اللى قريته ده
هو ممكن حد يدفن حد من غير ما يتاكد انه مات فعلا
طيب ازاى
الموت له علامات ظاهره
انا كده بدات اشك فى حاجات كتير
اعوذ بالله من الشيطان الرجيم
بعد الشر عليكى يا قمر
تحياتى ليكى
خيالك رائع
---------
أنا بقه حصلى العكس تماما كنت داخل اعمل عملية و كان الصداع اللى فى دماغى هيفرتكها..و طبعا كانت اخر حاجة فاكرها هى حقنى البنج و بعدين اصحى الاقى نفسى لوحدى و نور ضعيف و الاقى نفسى على سرير و الصداع..مفيش صداع خالص..ياااه..حسيت ساعتها بمعنى كلمة اتولدت من جديد اللى كنت بسمعها فى الافلام
ايو يعنى دى قصه فليم جديد
ولا قصه حقيقيه
ههههههههه
بس خلى فى عقلك دائما ان الواحد ممكن يموت فى اى لحظه
ومتخفيش الموت مش صعب
تحياتى
انا سمعت اخبار كتير زى كده و كلها من ناس زينا يعنى فى بلدنا مش بعيد عننا و كل مرة جسمى يقشعر و افتكر نفسى مكانهم
ربنا يستر
بلاش تتفرجي على وان تي في قبل النوم ، وسيبي الريموت من ايديكي....
لان الريموت علينا حق
كمان ده موسم التهيسسسات بفعل الفسيخ والرنجة والملانة وورق العنب المحشي بانجو
ربنا يديلك طولة العمر وحسن العمل
وحددددددوه
بعد الشر عنك ...يا كلبظ
بس بجد دى حاجه صعبه قوى ... انا شفت ناس كتير و هيا بتندفن ..و عارف انه مش ممكن يقدر يخرج خلاص ...
اللهم احسن ختامنا جميعا
انتى بطلتى تزورينى ليه ........ ؟
تعرفى ان كل عيله والدى عندها هاجس الدفن احياء ومنهم من اوصى بوصايه اعجب من العجب لنتأكد تماماً من موته قبل دفنه حتى لا يواجه هذا المصير
تحفة يا كلبوزة
الموضوع بيفكرنا بالموت لاننا فعلا بننسى كتير
يا الله
انا تخيلت الموقف دا والله
حسيت بخنقه وخوف فظيع
وكما قال الاخ جمال
أعمل لدنياك كأنك تعيش أبدا وأعمل
لأخرتك كأنك تموت غدا
جزاكى الله خيرا
وان شاء الله يارب كل الخير ليكى
:)
شفاكي الله وعافاكي
احنا في الخدمة
الكشاف مجانا من غير فلوس
هتدفعي تبرعات بس 30 جنيه
روحي يا شيخة منك لله قلقتيني عليكي الي ان فتحت اللينك الي انتي عملاة لاقراء المقالة بتاعت الناس الي بتصحي دي من الموت المؤقت او من الغيبوبة ان صح
عادي يا سمباتيك بالنسبة لموضوع ان الكشف الظاهري ممكن الانسان ينخدع فية دي واردة و خصوصا عندما يكون الكاشف كسكي علي حمصي يعني لخص ماهو مات و خلاص
تحياتي و الف سلامة عليكي من الصداع سيبتي ركبي من القلق منك لله
بس كويس انك ليقتى كمببيوتر تدويني عليه يوماتك هناك
حسدنا الميتين إنهم ماتوا
ولما متنا حسدنا اللي عاشوا
والدنيا ضلمت والأيام طالوا
والناس نسيتنا ولا حتي زاروا
هو وحده اللي فاكرنا وعالم بأرواحُه
وعالم بمصيرنا في جنته يا نارُُُُُه
لا حول ولا قوة الا بالله
اذكروا هادم اللذات و مفرق الجماعات
تحياتي لكم من ماناساس البلد
من أول سطرين في البوست وأنا متاخدة أوي مع كل كلمة
إنا زي شادي تمام إفتكرته كابوس
بس إنتي جسدتي شخصية الخبر فعلا
ربنا يحفظك يارب
اولا احب امسي
و الله دي موتة صعبة جدا
ربنا ما يكتبها على خد
يااااااارب
ايه يا ختشي فزعتيني و انا مش ناقصة بعد الشر عليكي يا شابة اه هو صحيح الموت علينا حق لكن مش بالشكل ده ربنا يعافينا اللهم امين و يحسن ختامنا
اميييييييين
صلي عاللي قلبك يحبه
حلو موضوع الملاية دة الي فضلتي تعافري معاها عجبني
اما القبر فهو مش مخيف ابداا الا لينا علشان مش مستعدين للحظة الموت مفيش زاد
الدفن حي دة بصراحة جة في بالي يا بس مش عارف كنت هتصرف ازي بس يمكن هفضل استغفر لغاية ما اموت بجد
بعد الشر عليكى يا سمباتيكا
خدى شوية عصير و حبة قهوة
أنا لما قريت عند الدولاب قلت بنتفرج على نارنيا بس طلعت الحكاية أسود بكثير
بعد كده لازم شهادة من اتنين موظفين قبل نزول السلم اللى مالوش باب ههههههه
تبقي موتي يا حلوة وكفنوكي و دفنوكي
وبعد كدة حاتشوفي عذاب القبر
على كل الذنوب اللي عملتيها في دنيتك والصلاة اللي فاتتك
ويجيلك الثعبان الاقرع اياة يشيلك ويهبدك
البقاء لله مانجيلكوش في حاجة وحشة
اشوفك بقى في جهنم يا صديقتي
حتى نلتقي
تحياتي
ايوه ياجميل
بمبي بمبي ايه بس!!! اهوه ده الموضوع الجامد
موت و خنفه و تعب و دفن و جثث و مقابر ادبني في الغامق و انا احبك
اللا مش كان فيه واحد كده عنده 40-45 سنه و عنده كل الامراض المستعصبه و كان عايز يتجوز لما بعتي البوست بتاع الخاطبه
كان اسمه ايه و راح فين
اه كان اسمه المزجانجي بس راح فين
المشكلة ان الناس تفر رعبا من هذا الكائن الحي الميت بدلا من مساعدته
و بصراحة لهم كل الحق
خيال خصب
تصفيق حاد مني ليكي يا كلبوزه
تحياتي لكي
والله انا قولت في الاول
ده كابوس وهتصحي دلوقتي وبعد شوية
بدات احس انه قبر وانك بتحلمي انك بعد الشر عنك موتي
بس بجد بجد طريقتك شيقة جدا انا كنت عماله اقرا بسرعه بسرعه كان حد بيجري ورايا
عشان اشوف هو ايه اللي بيحصل بوست جامد
معاكي حق
مفيش أصعب من الموت بالحياه
اول مره اجيلك فزعتينى
ياريت تتغطى كويس قبل ماتنامى
شعور رهيب جدا
أنا فكرت في الموضوع ده لما فتحنا مقابر العائلة علشان ننقل الموتى لمقابر تانية جديدة وشيلتهم بإيديا أنا وأولاد عمي
هأبقى أحكي لك عن التجربة دي في بوست لوحده بعدين .. علشان دي قصة كبيرة قوي قوي
ليه بس كدة
دة انا ركبي سابت
هي تاقصة
ربنا يستر
بوست يخوف ويزعل ومش عارف إيه تانى
بس موضوع مرعب بجد
منتظرين باقى القصة
وعادى بقة
أودى
فعلا حالات زي دي حصلت وبتحصل كتير
وبيبقي الموضوع كله ان تشخيص الموت كان غلط من البدايه
اه تشخيص الموت لان الموت ده لحد دلوقتي لغز الالغاز للعلماء والدكاتره
هما كل حاجه عندهم واحد زائد واحد يساوي اتنين
طالما القلب وقف والنبض راح ومش بقي فيه ردود افعال يبقي خلاص مات
بس الروح دي مش بايد حد ومفيش حد هيعرف سرها غير خالقها
فيه انواع من الحيوانات بتيجي في فصل الشتا وتتقوقع ومش يبقي باين عليها اي معالم حياه
لو مسكتيها بايدك تقولي والله دي ميته
اهو هي نفس الفكره بس علي مستوي تاني
بس عارفه ايه اللي يضحك بقي
ان الميت ده لو طلع مره تانيه من قبره وسمع اللي الناس بتقوله عليه في العزاء وشافهم وهما بيتخانقوا علي تركته وميراثه ومش فاكرينه هو اصلا
هيفضل يرجع المقبره تاني من نفسه
ربنا يحسن ختامنا
اللهم ارحمنا ي ارب
و بعد الشر عنك
لا حول ولا قوة الا بالله
تصدقي بالله بقي انك كده رعبتيني؟؟؟
عموما..قل لن يصيبنا الا ما كتب الله لنا
بس الواحد بعد كده يوصي ميدفنش قبل ما الجثة تنتن فعلا عشان يتأكدوا انه فعلا مات
ربنا يستر يا بنتي ويحسن ختمتنا جميعا
سمباتيكتي
ازيك
اولا انا عارفة الاحساس دة
جايز مش وصلت لمرحلة ان هما وصلوني للقبر
بس تقريبا نفس الازبهلال
ربنا يخرجنا منها دي علي خير يارب
وبعد الشر عنك يا قمر
انتي ايه اخبارك
اللهم ما احسن خاتمتنا
انا شفت بعينى حالة زى دى وخرجوها من تلاجة المشرحة بعدها بيوم واكتشفو انها لسة حيا
انا لله وانا اليه راجعون
هما كمان بره فيدفنوا والسلام
يارب ارحمنا وابعدنا عن اعين هؤلاء القوم الكفاف فى كل شئ طب وبصر
حلوه من واحده كلبوزه بس سمباتيك
حسام مراد
شغال
حسيت بالخنقة فعلا وقلبى اتخلع وأنا بقرا البوست
حاجة فظيعة ان الواحد يدفن وهو حى
فظيعة جدا
يا لهوى
حراام عليكى النكد ده
:(
للاسف حدثت مثل هذه الحادثة اكثر من مرة
وللاسف نتيجة للاهمال او التسيب او لتحقيق مصالح لناس اخرين
.
.
انما قصتك السرد فيها كان جميل جدا بالرغم انك ما حاولتيش تنقلي شعور الخوف او الخضة من المكان المجهول
.
اكيد بالطبع البطلة خمنت هي فين
.
لكنك نقلتي شعور الحيرة
.
.
ودا ممكن يحلينا لشيء تاني ابعد من المعني القريب
.
.
قد نصحي احيانا من نومنا نفاجء بأنا عرايا امام انفسنا
.
ندور في فلك افكار واحده بالية
.
عندما نحاول اختراق النور .. ينهال علينا التراب
.
تحياتي لك يا احلي كلبوزة في الدنيا
والسلام
السلام عليكم
دي مصيبه
كارثه
ربنا ما يكتبها علينا ان شاء الله
بس تصدقي كانك كنتي هناك بالفعل
سبحان الله
ولا حول ولا قوة الا بالله
خير اللهم يا يجعله خير
الموت
ذلك الغامض المنتظر
اكيد ربنا له حكمه
في ان واحد مننا يحصله كده
علي العموم
من احب لقاء الله
احب الله لقاؤه
ومن كره لقاء الله
كره الله لقاؤه
حصلت قبل كدة كثير لان الناس بتستعجل فى دفن الموتى (فى نظرهم ) لكن المفروض ان الطبيب يتاكد من ده باكثر من طريقة قبل ما يكتب
الكتابة شىء هام جدا لحياة الانسان فان ما كتب فهو للحياة او للموت فان كانت كتابتك فيها حياة وامل ونور فلا تكتب لان من يكتب ولا يعرف معنى الحياة فهو يكتب الموت والموت هو كل ما ليس بنافع او مفيد للحياة
لقد خلقنا الله لنحياة ونامل فى حياتنا ومماتنا اذا الامل شيء اساسى فى الممات كما فى الحياة ايضا
هل الكتاب يراعون الله فى كتاباتهم؟
بالقطع لا
لانه ببساطة اكيد فى يوم كتب ليجامل شخص ما
هل قبل ان يكتب سال نفسه ان قراء احد ما كتبت ما هى الفائدة التى سيستفيدها مما قراء؟
كلبوزة دائما باسعد ببوستاتك الجميل وسلامتك من كل شر حقيقى انا خسرت كثير الفترة اللى فاتت لانى كنت مشغول عن مدونتك
من أول سطرين فهمت انتى بتتكلمى عن اية
وعرفت المغزى من ورا كلامك اية
متتصوريش القشعريرة اللى مسكتنى لمجرد انى تخيلت نفسى فى نفس الموضع
ربنا يقينا سؤ المصرع
تذكرت على طول قصة جارنا فى الحى شاب قوى البنيان
وقع من طوله مرة واحدة
وقالوا انه مات
وطلعت له شهادة الوفتة وكله تمام
وأثناء صلاة الجناوة عليه فى الجامع الكبير والنعش امام المصلين
لقوا الغطاه بيتحرك من تحت
واللى بيجاهد لنزع الكفن من عليه
ومرة واحدة
هدأت ثورة الملفوف فى النعش
فى الحال استدعوا الطبيب وفكوا الكفن
لكن يا حسرة قلبى
المسكين مات من الخضة بالسكتة القلبية
انا مع اللى بيقول انه قضاء وقدر وان دى ساعته المحددة له
لكن مش مع الاهمال ولا اى تبرير له
تفتكرى ان فى الوضع يا كلبوزة
يكون العامل الرئيسى اهمال؟؟
ولا هو القضاء والقدر؟؟
Hello, Sampateek!
Thanks for you work and have a good weekend.
الخيال رائع بجد
يمكن قريت ان حد حصله كده
بجد تقريبا سمراء النيل
مش عارف بالنسبة لحضرتك ايه؟
تحياتنا
أيه الموضوع الجامد دا يا سمباتيك ، ما أحلى الاكتئاب والعذاب والآخرة على ودانى وعينى الايام دى ، هو انت كمان حصل معاك زى اللى حصل معايا حاجة غريبة ، بس الملاية اللى كانت عندى ماكنتش بيضة ، كانت سودا مقلمة بابيض .. حلوة اوى
يا محاسن الصدفة ، نفس اللى حصل معاي بالضبط ، بس انا ملايتى كانت اسود مقلم مش بيضة خالص كدا ، أصلى الكفن دا بيبقى انواع بقى ، القصة دى جامدة جدا وخيالك رائع واحييك على احساسك القناص دا
مش عارفه اقولك ايه
بس فيه ناس بيوصلو للمرحله ديه من غير ما ينزلو تحت التراب
فى ناس عيشين معنا وحسين الاحساس ده
ربنا يحسن ختمنا جميعا
تحياتي ياجميل
الحقى انت هيتقبض عليكى ، اسمك موجود فى موقع الأخوان
http://www.ikhwanonline.com/Article.asp?ID=27672&LevelID=1&SectionID=107
ايه الرعب ده كله دا انا كنت هسوراء من الخضه بس غريبة يعنى مش متعودين منك على كدة هوا ايه الى حصل
شئ فظيع فعلا
عشان كدا احسن دفن هو اللحد
بيكتموا علي نفسه عشان ميعرفش يرجع تاني لو شاور عقله مرة تانية
اللهم هون علينا ظلمة القر وضمته
تحياتي لك
انا فعلا سمعت الموضوع بتاع صلاح قابيل قبل كدا
وغيرهم كتير اوي كمان
ربنا يحسن ختامنا يا شيخه
تحياتي يا قمر
الشر بره وبعيد
بس تصدقى كل ما بسمع خبر زى ده بحس انه ممكن يحصلى حقيقى
تحياتى
وصف رائع ، انا حسيت انى فعلا مخنوقة و بدور على الباب ،
وجعنى التخيل للفكرة بس اقولك ايه ما كلنا مدفونين بالحياة...
دمت لنا بخير
هيهيئ ياخالتشي
اسمك فعلاُ في مدونه الاخوان بس مش حطينلك لينك هناك
متزعليش انا هقولهم عيب تحطوا لكل الناس ديه و تنسوا خالتشي
انا بحب اجامل بس
أصدقائي الاعزاء
يسعدني دايما تواجدكم و نقدكم لكتاباتي المتواضعة
ربنا يكرم كل من دعا لي و يستجيب لكم جميعا
و يكفينا كلنا شر موتة السوء
و يسترنا جميعا فوق الارض و تحت الارض و يوم العرض عليه
خالص حبي و مودتي
Kalboze,
Nice,
but,
This time the end was very expected right from the begining.
:D
لا الجو خنقه اوى المره دى
الحساس المريع بالضياع والحيرة والظلمة
كان أكبر من قدرتى على الأحتمال
لكن قرائتى للخبر حمل كل التفسيرات المطلوبة
Post a Comment