في وسط كل المشاكل و الوجع بينبض شئ جميل.. رقيق ..حنين.. بنستغرب وجوده في الاول
يمكن منكنش حاسين بيه خالص، بس بيمد ايديه و يفردها و يحوط علينا و يغمرنا بدفا و انتعاش
معقول في وسط الصحرا البور نلاقي نبع ميه حلوة تروي عطش مشاعرنا اللي كنا نسيناها
معقول لسة في فالقلب عروق فاضية تنبض لحاجة تانية غير ضخ الدم و تشغيل ساقية الجسم علشان يفضل داير في دواير الحياة
معقول طول السنين اللي فاتت مدقناش طعم الاحساس ده و لا عمره مر من قدامنا غير في الافلام
صورة حركت الكلام جوايا و خلتني اسأل
معقول
!
معقولة لسة في احساس
و نبض و دم ملو الكاس
و حب يكفي كل الناس
و قلب غالي من الالماس
!
معقولة
معقولة
في وسط الصحرا في واحة؟
تبدل تعبي.. بالراحة
و انا من صغري بصراحة
مصادفتش غير الاوهام
!
معقولة
اشوف الكون بعين تانية
معقولة
اشوف الكون بعين تانية
وتمر الساعة معاه ثانية
اتاريني معشتش الدنيا
و لا تصورته في الاحلام
----------------------
و الله العظيم من وحي الصورة و لا شئ غير الصورة
:)
84 comments:
ياشيخة كنت فاكرها قصة حب
ولسة هقول الله الله على الحب وعمايلوا
بس صدمتينى فى الآخر
من وحى الصورة
عموما يعنى إنتى أحساسك عالى أوى أوى أوى
بس بطلى أكل شوية وإنتى تبقى تمام التمام
ولا أقولك متبطليش
عادى بقة
أودى
جميل اوي القلب اللي صورة تطلع من الكلام الجميل ده وجميل اوي الإنسان اللي صورة تحرك مشاعره وتخليه يكتشف مشاعر يقدر يعبر عنها بالسلاسة دي
كتير ممكن يشوف الصورة فنية لكن يشوفها بالكلمات دي ... إممممم مش كتير
أنا عشت كل لحظه من ده امبارح
لما عملتى لى بوست ليا أنا بس عشان عيد ميلادى
و لما بعتيلى أربعتاشر ميل معمولين عالفوتو شوب مش كات اند بيست مخصوص باسمى
ولما كلمتينى من وراء البحار عشان تهنينى
شفتى الينابيع اللى فى الصحرا بتطلع ازاى؟
You've got a very creative mind.
Very nice.
بجد مش ممكنننننننن
كلمات خطيرة اوي اوي اوي
بس معقوله ..
معقوله
مع تايد الجديد مفيش مستحيل
وكمان القطنة مابتكذبش
ايه ده ..
فى شاعره كلبوظه كده ...
قصدى فى كلبوظه شاعره كده ....
ايه الكلام الجامد ده .... انتى جعانه و الا ايه ؟؟؟؟؟
ههههههههه
اشوف الكون بعين تانية
وتمر الساعة معاه ثانية
اتاريني معشتش الدنيا
و لا تصورته في الاحلام
الله الله ...و الله لا اقول لجوزك ....
ههههه
لا بجد جامد قوى الصوره و كلامك تحفه ...
انا جيت اهه و صفرتلك عشان تيجى تقرى الجزء الثالث
أيوة با سمباتيك .. بيحصل .. صدقيني بيحصل
وزي ما حصل لك كده من وحي الصورة ..أنا حصل لي كده من وح السفر المستمر والبعد وعدم الإستقرار
ربنا يسعد أيامكم دايما
كل دا
من وحي هذه الصورة
اللي في الاول مافهمتش معناها
الله ..!
يبقا الواحد مخه صدى والا ايه؟
والا التربنة مأثرة عليا
بقا بتسخني الولية عليا!!
ماشي
مستنيك في عنبر الكسور
كما السعادة الحقيقة لا تنبع الا من الداخل فمن يبحث عنها في الخارج لن يجدها كذلك الحنين والحب ومد يد العون للاخرين من يملك بين ضلوعة قلبا عامرا بالحب والسعادة في ركعتين خاشعا لابد ان يستمر عطاؤة وتدمع عينة لرؤية طفل يتيم او اسرة محتاجة او امرأة عجوز
يداهمها المرض ساقية الحياة لا تستمر الا بعطاء الاخرين يدورها الناس الطيبون
ومن الجهة الاخري اناس جعلوا انفسهم للحقد والكراهية والظلم يجذبون من الجهة الاخري لتتراجع وتضعف كفة الخير ولكن اطمئني فما زال الايمان في قلوبنا ان الله ناصر كل معمر في الارض غير هادم وكل ساعي للخير
اه معقول
بس ليه بتحلفى لازم تبقى واثقه من نفسك اكتر من كده
احساسك عالي قوي يا سمباتيك
فـ وسط الضلمة تلقى ايدين وجوه قلوبهابتدفيك فـ ليه بنخاف من الضلمة
الصورة موحية
بس
مش قادرة برضه
اكتئاب مركز
حاولى اكتر
ياه انا كنت فعلاً محتاج احس ان في امل ياخالتشي ربنا ميحرمناش منك ابداً
طبعاً في امل امال مايه لايبقي فيه محشي و لا امل
وابقي تحاشي بقه لحسن وحشتينا
صورة جميلة...ومشاعر اجمل
بس لو ماكنتيش تحلفي
خلاص يا ستي....مصدقينك
اه طبعا معقول جدا
الدنيا لسه فيها حبة خير هما مش كتير اوى بس فيها اكيد
وجوانا احنا نفسنا فيه خير مهما غاب عننا او محسناش بوجوده برضه فيه خير
بس الواحد الواجب عليه يحفر وينقب عن هذا البئر الذى غطته الاتربة وامتلا بالصدأ بس احنا ندور
الصورة معبرة فعلا
سبحان الله من الصحرة و الارض البور دى يطلع سر الحياة اللى يروى عطش الانسن
اذا كانت الصورة معبرة فكلماتك اكثر تعبيرا و رقة
مش لازم علشان عايشين فى زمن صعب يبقى خلاص كل حاجه نشوفها ونحسها كئيبه
الصورة بتقول لسا فى أمل ولو حتى فبير صغير زى دا
تسلمى على الكلام الرائع ودمتى بألف خير
اكيد هنلاقي ايدين ممدودة
وخير موجود
والحب كمان معشش جوانا وموجود
بس ايه يا ستنا الكلام الكبير دة بجد
شاعرة من يومك يا كلبظ
كل ده من وحي الصوره!! بس الشعر جميل قوي
تحياتي
مهى المشكله انها صوره يا سمباتيك
بس اجمل حاجه احساسك يا سمباتيك
انه حسه بالصوره دى بالشكل ده
قلبك حلو واحساسك احلى
تحياتى
بجد جامده جدا
الناس بتستغرب عليكي وحيا من الصورة
او بتستغرب عليكي تحسي بكل ده من مجرد صورة من غير قصة حب مثلا او مش عارف ايه
مش عارف ليه
انا شايفه امر طبيعي جدا
دانا حتى بحس كده الحمدلله كل يوم
ساعات من عربيتي و انظر ليها نظرة حنان
او حتى من اللابتوب بتاعي و اطبطب عليه
تفتكري ان احنا مجانين؟
تحياتي لك من ماناساس البلد
عندك وصفة ريجيم محترمة؟ :P
اصدقائي الاحباء
بتابع تعليقاتكم بشغف و اهتمام
و اشكركم لمديحكم الرقيق
ربنا يسعدكم زي ما بتسعدوني
تحياتي
ياسلام يا ست كلبوزة
ده كله من وحي الصورة
طب ده إحنا كلتنا وقفنا متنحين في الصورة...وكنا بنحسب انها انفجار في شبكة مياه القاهرة الكبري
إطلعي من دول ومتخجليش من أحاسيسك
مين بقا له عندك فلوس وكاتبالو الكلام ده تحنني قلبو ما يرفعش عليكي جنحة نصب وإحتيال؟!!
مجرد سؤال اشك في برائته
تحياتي
ويجعلوعاااااااااااااااااامر
الحب موجود مهما مر عليه سنين
ومهما غطت عليه ماديات
ومهما اخدتنا دوامه الحياه
اكيد وسط الاحاسيس دى كلها هنلاقى
شريان بينبض بالحب
ورده فى وسط الصحرا
عجبنى كلامك اوى يا كلبوزه
لمسنى بجد لانى مؤمنه ان رغم كل الظروف
ورغم كل اللى بقينا فيه لسه فى قلوب بتحب
تحياتى
السلام عليكم ورحمة الله وبركاته
اكيد طبعا معقوله ،وبيحصل في الحقيقه مش في الاوهام
ربنا يسعد ايامك يا سمباتيك
مش هاقول غير كلمة واحدة
ايوة معقول
مش مهم كلمتين
جميلة الصورة وجميلة الافكار المتسوحاة من الصورة
تحياتى
جميل احساسك بالصورة
كلامك رقيق جدا
تحياتي ياجميل
انا شوفت تعليق تمر حنة فعلا الينابيع الحقيقة الي تروي اي حد ان يكون فية حد يحس بية بجد انة يروية يحسسة انة
عايز يشيلة من علي الارض عايز يعبرلة عن حجات كتير ومش عارف فبتطلع معاه حجات زحمة وتعبيرات مختلطة 14 ايميل يا مفترية فوتوشوب
هههههههههههههههههههههه
خيااااااااااااااااااااانه
ايه يا خالتشي اللي مكتوب في البروفيل بتاعك ده
"أنا مش مع حركة كفاية أنا مع حركة(((ادينا أكتر))) احنا شعب يستاهل اللي بيتعمل فيه "
انا بعلن احتجاجي الرسمي و النظمي والفقري علي هذا الكلام
Very good post. thank you
We go all to today start to fight for the end of the wars, the badness and the tyranny. We go to start to fight for the peace, the friendship between the peoples, the tolerance and solidarity. We go all to fight so that the 2007 either year that it justifies to have civilization in our Planet.
صورة ايه دي يا اختشي
ما تفرجينا معاكي
:)
hello
this is the first time i visit you
بس بجد كلامك جميل اوى و الشعر رقيييييييق
و يارب عقبال تكتبيه و نكتبه ف حد !!!!!!!! ههههههههه امنية عادية
بالتوفيق
اتمنى تزروى مدونتى و تعجبك
تحياتى
kol da mn el soura
ana 3yza ashof ama t7by ya sara htktby eh!
اعزائي الغاليين
لا شك ان تعليقاتكم رقيقة و مجاملة
و تسعدني كثيرا
و متابعتها شئ يسرني
تحياتي
اه معقوله
طول ما فى ناس بتحس كل ده من وحى الصورة
يبقى معقوله
______________
وحشتينى قلت اجى اسلم
يا بتاعة ادينى اكتر
معقولة
في وسط الصحرا في واحة؟
تبدل تعبي.. بالراحة
و انا من صغري بصراحة
مصادفتش غير الاوهام
gameela awyy el 7etta deh...awyyy
w blnsba le el sora ana sa3at kteeeeeer mabktbsh sh3r ella lama akon shayef sora kda ttl3 elly gwaya...
begad gameel awyyyyyyy w telka2y le ab3d 7add
الله ينور ع الاحساس و الروقان و الدماغ العالية
تحياتى ليكى و للصورة اللى و حيها طلعلنا الكلام الجامد
بجد احساسك جامد اوى
و الصوره جمده جمده اوى
تحياتى
مصدقك من غير حلفان
تحياتي
تفتكرى لسه فى ؟؟؟
معقولة جدا
بس اهم حاجة يكون في الوقت الصح
مع الانسان الصح
و الا حيكون طهق في طهق
اوروفوار
الصورة رائعة
والكلام لا يحتمل اى شئ
غير انه كلام من القلب
تحياتي
روحى اقرى الجزء التالت من القصه ياكلبظ ...الرابع قرب ينزل ..و انتى و الا على بالك
:)
يا سلااااامممم
ربنا يوعدنا باللحظات دي يا سمباتيك يا اوختشي
الله عليك
انا صدقت انها قصه حب غير مالوفة بدلت حياتك
بجد انتي مبدعه انك تخليني انا كمان احلم واحس واطمن بكلامك اللي كتبتيه من وحي صورة
تحياتي ليك
وصدقيني مش صعب
لسه
مع ان مش كل البشر فرحانين
كتير بنعشق
و لا بنطول
و كتير بنعشق و لا بنقول
و مفيش حكاية بتستمر
زي ما بدئت ليه على طول
في عشق بيستنانا و عشق بنستناه
و عشق بينسينا العشق اللي عشقناه
من زمان محستش اني عايزة اكتب كلمات اغنية سمعتها
بس دي عجبتني
ازيكم؟
مازال القلب ينبض...
ومازلت المشاعر تسرى بداخل عروقى
البوست روعه...بس تفتكرى ان الينبوع اللى فى الصحرا الجرداء هيفضل كده عالطوول ...
مش هيجف يعنى؟.؟؟؟؟
زى ما الصورة ممكنة
ممكن لسة يكون في احساس
و نبض و دم ملو الكاس
و سبحان الله
حلو اوي الاحساس ده وخصوصا بعد البوست الكئيب اللي قبل اللي فات .. بس عارفة يمكن مفيش دلوقتي غير انتصارات النادي الاهلي هي اللي بتدي الواحد الاحساس ده .. عشان كده بيب بيب أهلي
تحياااتي
يا ستي صادقه صادقه
هوا حد حلفك بس ولا قالك حاجه :))))
ايه ياجميله الحلاوه دي
الدمعه هتفر كم عيني
احساسك حلو قوي وصادق
تحياتشي يا ست الكل
الله علي الحب لو عاش
يا عيني عالقلب لو باش
وسابونا نحب وماحدش حاش
والود لمنا زي النور ما جمع الفراش
آآه يا قلبي
أحاسيسك جميله جدا و بجد الصوره حتنطق مع الكلام
تحياتي لكي
انهو فن ليس الا
بس ممكن تعرضى نفسك على اقرب شاعر
لان الابداع اصبع يتدفق من عقلك
انى اشك ان تكونى شاعره تتنكر خلف الطعام
هههههههه
بوست حلو اوى والتعبير قوى جدا
تحياتى
مستنياكم
و مستانسة بيكم
تحياتي
كلام كبير وجامد جدا جدا
وبجد أحساسه عالى قوى قوى
وبجد تصوريك للصورة هايل
السلام عليكم
كلمات جميلة
أوي
سلاماتي
:)
اهم الانباء فى عالم التدوين:
ــــــــــــــــــــــــــــــــــــــــــــ
"مسابقه افضل موضوع"
http://best-post.blogspot.com/
"من أجل مدونات نظيفة"
http://5fadfada.blogspot.com/2007/04/blog-post_20.html
"تصميمات الشعار وأكوادها"
http://takhareef-sorsaraa.blogspot.com/2007/04/blog-post_21.html
ياريت تشرفونا وتشاركوا معانا فى المواضيع دى
معقولة لسة في احساس
و نبض و دم ملو الكاس
و حب يكفي كل الناس
و قلب غالي من الالماس
!
معقولة
في وسط الصحرا في واحة؟
تبدل تعبي.. بالراحة
و انا من صغري بصراحة
مصادفتش غير الاوهام
!
معقولة
اشوف الكون بعين تانية
وتمر الساعة معاه ثانية
اتاريني معشتش الدنيا
و لا تصورته في الاحلام
اه طبعا معقولة
؟بس معقولة انتى اللى كاتبه الكلام ده
ههههههههه
سلام :)
نداء للاخوة البلوجرز
الاخ ديفيد صندوق متغيب بقاله كام يوم و انا قلبي واكلني عليه
من يستدل عليه بيكمنت في اي مدونة شكيكة يقوله ارجع لكلبوزة و هي حتسقيلك البقسماط اللي بتحبه في الشاي ابو حليب
بس سايقة عليك النبي متعملش حاجة في نفسيتك
و مشكرين
الصورة جميلة اوي و كلامك احلي
هو اللي اداها معني و زود الاحساس
الجميل اللي فيها
كويس انك حلفتى فى اخر البوست علشان مكنتش حصدق ان الكلام دا من وحى صورة
تحياتى كلمات اكثر من رائعة
كل شئ معقول
الدنيا لسة بخير
صدقنى
بس دوري علي الحاجات الحلوة
خلى الحاجات الحلوة تعيش معكي
يعني شعر وكتابه و فوتوشوب كمان
اكسترامواهب
:)))
معقول طول ما سنيننا بتعدي
قطر حياتنا بيهدي
على محطات بتودي
للأحلام
معقول في حياتنا الجافة
وسط التروس والدفة
بين الزحام و الدوشة
قلوب تعشق ولا بتنام
من وحي كلامك :)
بوست رقيق و دافي
:)
معقول وسط الحياة الجافة
وسط التروس و الدفة
وسط الزحام و الدوشة
قلوب بتعشق و لا بتنام
معقول طول ما الأيام بتعدي
قطر حياتنا بيهدى
على محطات بتودي
لأماكن فرح و أحلام
من وحي كلامك:)
بوست دافى و رقيق
من زمان وانا عايزة اقولك
ان موضوع قل لي ماذا تقرأ اقل لك من انت..قل لي ماذا تأكل اقولك هات حته
عاجبنىىىىىىىىىىىىىىىىى مووووووووووووت
علي فكرة بقي زعلانه ومكشرة
عاااااااااااااااااااااااااااا
فين الكومنت بتاعي علي موضوع الصورة
عاااااااااااااااااااااااااااااا
بقي كدا ادخل بردو مش الاقيه
عااااااااااااااااااااااااااا
هو دا عيب
Your comment has been saved and will be visible after blog owner approval
نسيت اقولك ان النيو لوك حلو جدا
وبالذات الدعوة اللي في الجمب دي
وعلي فكرة
احنا مش صحاب ... ولا عمرنا شوفنا بعض قبل كدا ..ولا كتبنا كومنتات لبعض ..ولااسمي نان ..وللا المدونه بتاعتي اسمها زا روود تو نو وير ..انا اصلا ايه اللي جابني هنا :P
احساس عالى
وقلم ابداعى رائع يفوع منه رائحة التأمل
:)
القيمة الحقيقية ليست في كلماتي
و لكنا في عقول من قراها و احسها
انتم القيمة الحقيقية
تحياتي
حلوة اوى اوى يا سمباتيك
خيالك واسع وكلامك لذيذ
ربنا معاكى
سلاموتو
حلوة كلام من القلب للقلب
اكيد معقول الاحساس
جميله اوى الصوره والى اوحتلك بيه
عميقه
تحياتى
جميل انك تكونى سمباتيك فى مشاعرك قوىلدرجة انك تطلعى كلام بالرقة دى
بجد تحفة
انا معجبة جدا بكلامك دة بس بصراحة الكلام دة طالع من مجرب مش من وحى الصورة بس لكن على العموم الحب احساس جميل لكن دة لو كان صادق وطالع من القلب
وايه يعنى يكون المهر من دمى
وايه يعنى يكون الحب ده سمى
يا قتلانى بليل جارح
دا ليل الجرح كان همى
مصدقك من غير حلفان
دمتى بخير
حسن محمود
سمباتيك
شكراً لتشريفك مدونتي
ابيات الشعر جميله وجمالها في بساطتها وبعيده عن أي كلاكيع في اللغة أو كلمات محشورة حشر
فجاءت القصيدة رقيقة رقه ماء هذا النبع
شكراً
سمباتيك
إليكي مدونة شاعر تستحق الزيارة
http://mosaiiic.blogspot.com/
مش مهم يكون فيه قصة حب علشان الانسان يحس بالجمال ،، انا فعلا معجبة بكلماتك الرقيقة ،، وقلت معقولة فعلا فيه واحة ،، تبدل تعبي بالراحة ،، انا كنت محتاجة اسمع الكلام ده من زمان مشفتش حاجة حلوة كده
الله عليكي
Post a Comment