Friday, June 22, 2007

اهداء خاص


منذ ما يقرب من عام خطوت أولى خطواتي في عالم التدوين و كتبت أول تدوينة




كان عالما مضببا لا أعرف عنه الكثير غير أن صديقتي



قد حكت لي عنه ومدحته لي و اثارني حماسها له فرفعت حالة الفضول القصوى ،و قررت إقتحامه ،عازمة على التميز، راغبة في النجاح


كتبت الكثير و تعرفت على أفكار جديدة

و لكني لم أكتب


عنه

ربما لأني أراه بداخلي ساطع كالشمس و لكني اكتشفت أنه مجهول بالنسبة لكم


لذلك قررت اهداؤه هذه الكلمات في عيد المدونة الأول



****


كان أول لقاء بيننا لقاء عائلي ،لفت نظري بطابعه المتأنق و نرجسيته الملحوظة، و كان هذا النوع من الرجال يستفزني لأنه يرى نفسه فوق البشر ،و أن كل من حوله دونه .0
ربما اضفى عليه منصبه وقتها هذه الحالة من العجرفة


(استغلسته)


هذا هو التعبير الوحيد اللائق على حالتي وقتها. و مرت أعوام و التقينا مرة اخرى في احتفال عائلي ،و كانت الأخبار تنقطع بين كل لقاء و اخر


يومها ظهرت عليه فنون خفة الدم و الاستظراف فقتلع مني ابتسامة رضا

:)

و مرت سنين اخرى انتقطعت فيها أخباره .و كانت كل اخباري تصله أول بأول

فقد كان يسأل عني من باب الفضول لا من باب الحب


و على ما يبدو أن الحب أوله فضول و أوسطه اكتشاف و اخره تعلق


و في يوم في أول سنوات الجامعة وجدت احدى قريباتي تمهد لي حديثا عن عريس مرتقب


و كان اخر من أتوقع ان تفاجئني بإسمه


قلت :من؟


قالت:هو


لم اصدق وقتها ما سمعت فليس هناك شئ مشترك بيننا لا السن ولا الشكل و لا الطباع و احسست اني في كوكب و هو في كوكب اخر


لا أدري لماذا أحسست بهذا الشعور و لكني رفضت و تحججت بالدراسة و كذا و كذا


و في يوم جاء هو و أسرته بعد ميعاد مسبق مع والدي ليزورونا و فاتحوا والدي في رغبته في الزواج مني


و جلست معه و تناقشنا و لم نتفق على أي رأي يومها فقد كانت كل ارائنا متناقضة


و تصورت أنه لن يعود لزيارتنا مرة اخرى ،لاني كنت جافة في حواري معه ،و كأنني أخرج ما بداخلي من رفض في شكل كلمات

و لكن يبدوا أن القط لا يحب الا خناقه

كما يقولون


عاد و عاد و جلسنا مرات و مرات ،كنت احس في كل مرة يأتي فيها بقلبي يرفرف من الفرح ،و في كل مرة يمضي بأن قلبي يريد أن يخرج من صدري و يذهب معه

و لكن خوفي من الإرتباط كان يدفعني أن أقول


لا مش عايزاه


و كانت أمي تنصحني بأنه ممتاز و مناسب و أهله ناس طيبين و كذا و كذا

و لكني كنت أخاف من الفشل

رفضت و لكنه تمسك و أصر، و حتى يوم شراء الشبكة و أنا مترددة و خائفة و أقدم رجل و ارجع الأخرى


و لكن الأحداث مضت حتى كتب الكتاب


و بعدها اقتربت منه اكتر و تعلقت به اكتر


و كان كل مرة يأتي ليزورني؛ يحضر لي باقة ورد


زنبق و ورد بلدي أحمر و بمبي و عصفور الجنة و قرنفل


و لا أخفي عليكم مدى فرحتي بهذه الباقة و إهتمامي بها


كنت أشعر انه يزرع بداخلي كل يوم حدائق من الحب المعطر الذي لا تخطئه العيون


و كان لابد ان يسافر للعمل بالخارج


يااااه


كم اتالم كلما تذكرت حالتي وقت سفره كنت انتزع من داخلي


اشق


اتمزق


و كنت رافضة لفكرة السفر و لكن لا مفر لتأسيس عش الزوجية وتحقيق الأحلام


كيف نحقق أحلامنا بسحق أحلام أخر؟!0


و قبل ان يسافر اشترى لي عصفورين


أسميتهما لالا و توتة


و سافر و بكيت كما لم أبك من قبل


كنت أكتب له كل يوم خطاب ؛ فلم يكن وقتها قد ظهر الانترنت و لم اكن اعرف عن الكمبيوتر غير اسمه

فكنت اسجل له على شرائط كاسيت أحداث يومي و أحلامي و أفكاري و أخبار لالا و توتة و ارسلها له عبر البريد


و كنت انتظر مكالماته الأسبوعية في ترقب و شغف


فما أن يقترب موعد اتصاله حتى أضع الهاتف أمامي و أجلس انتظر


ان يرن.. فتدق معه أجراس قلبي


فرحا و شوقا و شغفا


و يوم مات لالا بكيت و اسرعت اسجل له مشاعري الطفولية و أشجاني و ربما كانت أشجانه هو أعمق و
أدق



فالغربة أشد من الموت


و عاد و تزوجنا و أنجبنا و عشنا حياة سعيدة و الحمد لله

و اليوم

و انا أعود بالذاكرة الى الوراء و أتذكر كل أيامنا الخوالي
أشعر انه أضاء في أيامي ربيعا زاهرا

و أنني لا أتخيل الحياة بدونه

أحبه و احترمه و أتمنى ان يطيل الله في عمري لأسعده
و أن يبارك الله لي فيه


زوجا


و حبيبا


و اخا


و


رفيق

.

75 comments:

يا مراكبي said...

بوست في منتهى الرقة .. بسم الله ما شاء الله

ربنا يسعدكم كمان وكمان .. إنتوا الإتنين تستاهلوا كل الخير

ربنا يبارك لكم في أيامكوا الحاضرة والجاية ونسمع عنكم كل الخير بإذن الله

عدى النهار said...

sampateek..
thanks for sharing this wonderful story of yours with us.
you know.. it's always nice to have something good to say about someone, but to have all good things to say, with all that passion, about your other half is soooo wonderful.
may Allah shower your family with all His blessings

قاسم أفندي said...

ربنا يهنيكم دايما يارب
انما هو رأيه ايه ياترى؟؟
;)
انا قاعد ادام الغسالة ومستني برضه حلة المحشي
:))

بعدك على بالى said...

جميل ان تستعيدى كل هذه الاحاسيس والاجمل ان تتمسكى بها...

ربنا يسعدك معه و به دائما


خالص تحياتى

توتة توتة said...

كل سنة و انتي طيبة

مبرمج حر said...

ما شاء الله بجد

ربنا يسعدكم ويخليكم لبعض عالطول

:)

محض روح said...

مش عارفه اعلق اقولك ايه
كلامك كله احساس
وكل حرف فيه مكتوب بحب

ربنا يديم عليكي السعاده
ويخليكم لبعض


أرق تحياتي

Amr Ahmed said...

ربنا يسعدكم

خمسة فضفضة said...

السلام عليكم ورحمة الله وبركاته

كل سنة وانت طيبه يا قمر وعقبال مليون سنة تدوين ان شاء الله

وربنا يسعدكوا كمان وكمان ويبعد عنكم عيون الناس


تحياتي

صفصف لادي said...

انت جميلة يا سمبتيك و تستحقي حد جميل زيك

تحياتي العطرة

IRC President said...

ما شاء الله عليكو

بوست جميا قوي، ربنا يخليكوا لبعض

كراكيب عادل said...

من احلي ما قرأت البوست دة

انا بعتبرة احلي واحد كتبتية بدون منازع

مش عارف لية حسيت بية

يمكن علشان بالظبط بالظبط دة الي حصل معاي انا وزوجتي

ونفس السفر ونفس الحالة

ربنا يخليكم لبعض يارب

ويجعل كل زوجات المسلمين صالحات

زحل الفلكي said...

الله
حلو اوي اوي اوي البوست ده
بجد انا شايف اني حاسه بشكل يخليني معرفش اقول عليه غير نفسي في وقت من الاوقات
الاقي اللي يكتب عني كده

ربنا يهنيكوا ببعض يارب

Reemo said...

كل سنه وانتى طيبه يا قمر
وعقبال مئه سنه تدوين متميز
البوست بجد انتى خلتيه ليه طعم تانى
احتفلتى بسنه تدوين على طريقتك الخاصه
وبجد كانت جميله جدا
ربنا يكرمك يارب
ويسعدكو على طول
كل سنه وانتى طيبه
محبتى

اسكندراني اوي said...

شعور جميل انت تكتبي ع ن ه
عارفه ليه لان ده معناه انه جواكي في حواسك ومشاعرك
ربنا يهديكم ويسعدكم ومايغيرش عليكم قادر يا كريم
حلوين الدعوتين دول

هاني حته بقى

ان بي: تتشابه احاث قصتك مع احداث قصتي ولكن انا اللي الغربه اكلتني
حتى اسالي المراكبي

تحياتي

انا و هى و وشوشات البحر said...

كم يعكس الصدق فى الاحساس رونق للكلمات و رشاقتها!

مع خالص تحياتى

Sampateek said...

يا مراكبي*****
عدى النهار******
قاسم افندي*******
بعدك على بالي********
توتة توتة*********
مبرمج حر**********
محض روح*********
عمرو احمد********
خمسة فضفضة*******
صفصف ليدي******
اريك*****
كراكيب عادل****
زحل الفلكي ***
ريمو***
اسكندراني اوي***
انا و هي***
****************
اشكر رقة مشاعركم و دعواتكم الجميلة و اسال الله ان يحققها لي و لكم بالمثل و اكتر
تحياتي

Nouran said...

يا جميل انت يا جميل الاول كل سنة وانت طيبة وانت سمباتيك :)
وثانيا ربنا يخليكوا لبعض يا رب جميل اوي البوست معرفش عجبني اوي حسيت ان احساسك هو اللي كاتبه جميل جدا ربنا يخليكوا لبعض

حسن ارابيسك said...

العمر مش باليوم والشهور والسنين
العمر
بالضحكة اللي ضحكوها من القلب اتنين
العمر
بالسكة اللي مشيوها واتسندواعلى بعض اتنين
العمر
بالشيلة اللي شالوها واتحملها اتنين
العمر
بالعشره اللي عاشوها بحلوها ومرها سوى اتنين

Esmeralda said...

بجد كل شويه باكتشف فيكى حاجه جديده :)

ربنا يسعدكوا يا ررااااااااااااااااب

YHYيــوســف الـمصـرى said...

والله العظيم تلاتة انا اول مرة حد يجبرنى انى أعلق
وانا بقرا البوست مع الموسيقى الى موجودة حسيت ب......... اسمه ايه ده
!!!!!!!!
ربنا يسعدكم وتكملو المسيرة على خير
تحياتى

Mishari said...

اولا اتمنى من اللله ان يجعلكما قرة عين لبعض باذن الله

ثانيا اتمنى لك تدوين يمتد لسنوات مديدة ودمتى بخير وصفاء :)

Abo Amr said...

ربنا يسعدكم و يهنيكم و يبارك فيكم وليكم و عليكم

تجربتك فيها شبه و لو بسيط مني بس بجد مبسوط بيها اوي

emos said...

masha2 allah la kowat ella bellah rabena ye7'aleko leba3d ya rab

بيجاسوس المصرى said...

ربنا يحفظك و يسعدك كمان و كمان

و كل سنة وانتى طيبة يا سمباتيك و بألف صحة و سعادة

و تبقوا لبعض دايما بأذن الله

Ma-3lina said...

تانى مرة ادمع و انا بقرالك بوست تقريبا هيبقى طقس عندى كل لما ادخل هنا

ماشاء الله قصتكم مع بعض رائعة ربنا يحميكم و يديم السعادة ان شاء الله

و يرزقنا الزوج الصالح

تحيااتى و كل سنة و انتى مدونة

زى الهوا said...

الله على مشاعرك الرقيقة ، الذكريات دى كنز ، صحيح الواحد بيبقى عايز يبكى لما يفتكرها ، بس دموعوه دى بيصحبها ابتسامة جميلة ، بجد بافرح اوى لما باسمع حكاية زوجين سعداء كدة ، ربنا يحميكم ويزود من حبكم لبعض اكتر واكتر

صاحب البوابــة said...

بارك الله لكما

ادعو الله ان يرزقكما السعادة الخالصة

تحياتي اختاة

وكل عام وانتِ بخير في عالم التدوين

عقد الياسمين said...

ربنا يسعدكم و يحفظكم

البوست الكلمات الصور الموسيقي الإحساس

مزيج أكتر من راااااااااائع

daktara said...

كل سنة وانت والمدونة طيبين
وعقبال مائة سنه
انظر حولك
د . خالد عزب

Mala2e6 said...

سمبتيك

اولا كل سنة وانتي طيبة و المدونة بخير

و حبيب القلب بخير

الموضوع طالع من لقلب ووصل كل القلوب

ربنا يخليكم لبعض

Sampateek said...

Nouran
حسن ارابيسك
Esmeralda
YHYيــوســف الـمصـرى
Mishari
Abo Amr
emos
بيجاسوس المصرى
Ma-3lina
زى الهوا
صاحب البوابــة
عقد الياسمين
daktara
Mala2e6
*****
جزاكم الله كل خير
و جعل لكم اكبر نصيب من دعائكم لي
تمنياتي و خالص دعائي للجميع

farfasha said...

ربنا يهنيكي ويسعدك ويسعد كل اللى يقرا البوست يارب
وواضح انك بتحبيه اوى
خلى بالك منه وحافظي عليه لان الحب في الزمن ده عمله نادره اوى

تمر حنه said...

أولا كل سنه و انتى طيبة
ثانيا .. الراجل اللى يخليكى تتكلمى عنه كده أكيد عظيم بس بمعرفت بيكى .. انتى تستاهلى الدنيا بحالها
اتأخرتى كده ليه ؟ ماتنسيش الباروكة

غمض عينيك said...

يانهار ابيض ع الجمال والرقة
ربنا يخليكوا لبعض ويملى حياتكم كلها سعادة وهناء وحب ياسمباتيك
بجد بوست تحفة واحلى احتفال
وكل سنة وانتي طيبة ومنورانا

محمد سمير

ضد الظلم said...

يارب يبارك لكما
احساس رائع وكلمات تخرج من القلب لتمس القلب
و على ما يبدو أن الحب أوله فضول و أوسطه اكتشاف و اخره تعلق


وهذه الكلمات تحوى معنى الحب واعجبتنى بشده
تحياتى

Sampateek said...

farfasha
تمر حنة
غمض عنيك
ضد الظلم
----
تحياتي العطرة لكم و شكر ممزوج بالامتنان لكلماتكم الرقيقة

esraa said...

(:

ربنا يوفقكم يارب

ويخليكم لبعض

وتبقوا أسعد اتنين في الدنيا يارب

Dr. Tantawy said...

ربنا يخليكوا لبعض :)
عارفه .. برغم ان كلامك يشجع على الجواز و بعيد عن الرومانسيه الفارغه و الحب اللي على نفسه :) لكن برضه مقدرش يفتح متاريس عقلبي المبرشمه :) اريد حلا ... الواحد مش متخيل ولا طايق فكره الجواز ولا فكره مشاركه طرف اخر ف الحياه .... هتجنن ههههه

makhlouf said...

يارب دايما تنورى البلؤات
وكل سنه وانتى بلوجرز
كتابتك حلوة

fnan_geology said...

كل سنه وانتى طيبه
انا مكنتش متخيل اساس انك كبيره كده ومتجوزه
ربنا يخليكو لبعض
ويكرمكو

وسلاااااااااااااام

البدراوى said...

الغربة اصعب من الموت
دى حقيقة على فكرة وعارف مشاعرك كويس لما كان هوه مسافر
عموما ربنا يسعدكم ويخليكم لبعض
بوست هااااااااايل واحساسك عالى قوى لأنه بجد

reem said...

this comment is regarding what u wrote in ( aywa khadama)blog. the topic of egyptian ladies working as maids in saudi arabia.
here's what i have to tell u:


the thing u said about egyptian ladies, their beauty, and the care they take of their looks, blah blah blah, and that saudi women would not accept being in competition with those SUPER PRETTY WOMEN is really funny and so cute.
it's obvious that u have never seen saudi women, except those who were abayas. that's why the little mind of urs made u believe that they have no knoweledge whatsoever.

it's more obvious that u have never seen egyptian ladies as well. and that u never really looked at the mirror.

we r frequent visitors of egypt. and as much as i love the country and the kindness of its ppl, it astonishes me to see how bad-looking the ladies there!! they have so little knowledge when it come to make-up and style. they use the cheapest products of everything. and sadly most of them don't have the natural good looks.

and as for taking care of their houses and keepin them clean. well that's even funnier. coz here in saudi arabia, u could detect an apartment rented by egyptians just by walking by their door. the whole building would smell of the bad greasy garlicky smell of whatever the hell they cook!!

u better miss/mr, come and check out saudi ladies for real. i assure u that u would admit that egyptian women will take their tails between their legs and run. coz they dont stand a chance in the competition.

Sampateek said...

esraa
Dr. Tantawy
makhlouf
fanan_geology
البدراوي
====
اشكر لكم حسن ذوقكم و كلماتكم الرقيقة
و ربنا يوفقنا جميعا لما فيه الخير
تحياتي

Sampateek said...
This comment has been removed by the author.
Sampateek said...

reem
كنت اتمنى يكون ليكي بلوج ارد عليكي فيه لكن انت بتفضلي تكوني مجهولة
ما زلت عند رايي ان الست السعودية ذكية كفاية انها تخاف تشغل مصرية عندها في البيت لان المصرية حتتفوق عليها في فنون الحياة
و ده اكيد حيلفت نظر الزوج و يسبب مشاكل
انا مقيمة في السعودية بالمناسبة و اعرف صديقات كتير سايبين كل امور البيت للشغالة و ميعرفوش يلضموا ابرة و فتلة
اهلا وسهلا

remaliza said...

ربنا يباركلكو فى بعض
وحكايه جميله اوى
نستفيد منها ان عسى تكرهو شئيا وهو خير لكم وعسى تحبو شئيا وهو شر لكم
شكرا انك بجد خليتى عندنا امل ان فى جانب مشرق فى الجواز لانى عمرى ماقابلت حد متجوز وسعيد ومش ندمان

sendrlla said...


كلبووزه..... ايه دا انتى متجوزه والله بحس فيكى بشباب الجامعه دايما

لابنا يخليكوا لبعض وما يحرمكوا ابدا من لحظات الحب القديم وتفضلوا عايشين فيها على طوووووووووووووووووووووووووووووول

hebaz said...

كلبوزة الجميلة:)
كل سنة و أنت بألف ألف خير:)
و كمان أنت مش متخيلة أنا سعيدة أد أيه أن حياتك فيها شريك يسعدك و تسعدية
يا رب دايما فى سعادة و عطاء و يكفيكوا الله شر أى سوء
تحياتى و بجد تستاهلى كل خير :)

The Groom said...


لا تعليق

:)

بارك الله لكما وبارك عليكما وأدام الخير بينكما يا رب

تحياتي لك من ماناساس البلد

SAKAyAR said...

بجد ربنا يخليكي للتدوين .. بلوجتك من البلوجات اللذيذة اللي لازم أعدي عليها ولو حتى ما اسيبش كومنت لكن لازم اقراها
تحياتي

سمسم said...

ربنا يسعدكم

انت وصلاح

تحياتي

ويجعلوعامر

Shower-Mirror said...

يا سلا م

و الله بجد من اجمل البوستس اللى قريتها


ربنا يخليكوا لبعض

واضح انك زى حالاتى مش من الناس اللى بتقعد تشتكى من الجواز عمال على بطال زى ماتكون موضه وخلاص


و لله الحمد طالما الواحد ربنا وفقه فى شريك حياته يبقى لازم يقول الحقيقه

مش كده ولا ايه

تحياتى

إنـســانـة said...

ما شاء الله لا قوة الا بالله

ربنا يخليكوا لبعض ويجمع مابينكم دايما

اللهم امين

:)

Sampateek said...

remaliza
sendrlla
hebaz
The Groom
SAKAyAR
سمسم
Shower-Mirror
إنـســانـة
=========
خالص تحياتي و شكري و امتناني لردودكم الرقيقة
اسعدتوني
:)

طهقان said...

أيوة يا عم

هانحدفكو بالطوووووووب

عــلا said...

الله.. الله.. الله..

مالقتش غير اسم الجلالة.. الله.. يعبر عن شعوري.

ربنا يبارك لكوا و يديم عليكوا نعمته اللهم آمين يا رب العالمين.

همسة قلم said...

من ارق التدوينات التي قرأتها

بجد دعيتلك ربنا اوي انه يحفظكم ويسعدكم دايما

يبارك لك فيه ويبارك له فيكِ

Vampire said...

ايه البوست الجميل ده ؟

ياريت تشرفيني بزيارة مداونتي

شيماء الجيزى said...

ياااااااه هتصدقى لو قولتلك بكيت
من شدة الفرحه واللهفه والاحساس بالكلام الجميل
الى فعلا نابع من قلبك

سمبتيك انتى رقيقه جدا
بريئه زى الاطفال
حنينه وبجد احساسك رائع

ربنا يديم عليكم نعمة الحب ويخليكم لبعض
ولا يحرمك لا من زوجك ولا حبيبك ولا صديقك ولا رفيقك
ويبارك ليكم فى ولادكم

تقبل الله منى دعوتى
لمحبتى

تحياتى يا العزيزة

Mohamed A. Ghaffar said...

كل سنة وانت وهو طيبين وهما

sdsd said...

هودة بجد؟؟يعنى هوفى حب كدة فعلا؟يجيب ورد وعصافير ويستنى شرايطك وتستنى مكالمته وانت الانتظار هيموتك
انا خطيبى عمره ماجاب لى ورد ابدا مع اننا مخطوبين من 7 شهور
انا مش بنق
انا بحسد بس

koukawy said...

ربنا يخليكوا لبعض و يبعد عنكوا اي حاجه و حشه
و حتي لما تتخنقوا تصفوا بسرعه
بس انا هلومك علي حاجه
مكنش المفروض تكتبي كل المشاعر و الأحاسيس دي لحسن الحاقودي و الحاسودي
كتيييييييييييييييييييييير
و اللي مهندهومش هو ممكن يحز في نفسيتهم و يخبطوكي عين كده و لا كده
الواحد عايز يفتح قراّن في المدونه
ربنا يخليكي ليه و يخليه ليكي
و يخليكي لينا يا احلي سمباتيك في الدنيا
مع ان كوكو واخد علي خاطره
و العشه عنده مضلمه و انتي عارفه ليه
بوسه كبيييييييييييييييره

امرأة تقول الذي لا يقال said...

الله
الله
الله

ربنا ما يحرمكم من بعض

ام البنات said...

جميله ما كتبتى
والأجمل مالم تكتبى
اصل الحياة جزءنكتبه وجزء لنا

Epitaph said...

Rabna ye7meeekom li ba3d ya Rab :))))

None said...

بوست جميل ياسمباتيك

تحياتي يا قمر وربنا يديم عليكم نعمته ويبارك لكم يارب

ما أنا عايف طبعا !! said...

اللللللللللللللللللللللللله
مع إبتسامة بخجل وتنهيدة عميقة خاجة من تلابيب القلب
ولازم تتخيلى شكل القارئ لكلامك علشان تحسى الكومنت
:)

ربنا يجعل السعد والفرح فى حالة تتبع شبه دائم لك ولزوجك

أنسانة said...

بسم الله تبارك الله بصراحة التدوينة دى غاية في الروعة احساسك فيها عالي جدا والتفاصيل توحى بشدة احساسك ربنا يخليكوا لبعض ويديم عليكوا سترة وعافيته
فكرتينى بالذى مضي

l0ma said...

يا بختوكوا يا بختوكوا يا بختوكوا
ربنا يخليكوا لبعض يا رب وتفضلوا تحبوا بعض لبعد 1000 سنة
ادعيلى ربنا يوفقنى تقدرى تقولى انا حاليا فى مرحلة الفضول
ادعى يمكن تكمل بقى :]

ZaHrAt El3eN said...

رغم ان البوست قديم لكن شدينى جداااااااا انى اكتب تعليقى عليه

اسلوبك جميل جداااااا فى الكتابه

وجميل جدااااا انك تتكلمى على الانسان اللى بتحبه بالاسلوب دة

ربنا يحيمكم ويخليكوا لبعض دايما وتفضلوا عايشين على حب وسلام وقريبين من ربنا سبحانه وتعالى
تحياتى الخاصه

Osaid Rasheed said...

:)

jedaah said...

حركات
http://www.7rkat.net

منتدى حركات
http://www.7rkat.net/vb

مركز تحميل حركات
http://www.7rkat.net/up

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام