Wednesday, June 13, 2007

دائرة...الوهم



داخل دائرة الضوء لا نرى شيئا و لا نبدي اي رغبة في ارتداء نظارات شمسية لاننا- و ببساطة- لا نريد ان نرى و لكن نكتفي بالدفئ الذي تمنحه لنا تلك الهالة الضوئية

هي حالة من العمى المحبوب، نعيشها باستمتاع ،و كاننا نشل حركة عقلنا في تبصر الامور، و نترك لخيالنا اللجام ليرتع في مساحات خضراء من الوهم و التخيل؛ كما الاطفال.

غيبوبة ،ندخلها بكامل وعينا ، لا نحاول الخروج منها و لا المعالجة من اثارها و انما نغيب انفسنا يوما بعد يوم لنظل قابعين تحت خيمة دائرة الضوء.

نسمع اصوات من بعيد تحذرنا و نكذبها.و نحس بايدي تشدنا و نركلها. و نقطع كل حبال الحقيقة الممدودة، فلا حاجة لها و نحن نسبح مع التيار لا ندري الى اين يوصلنا؛ الى شلال هادر كاسر؛ ام الى روض من الزهور!لا ندري و لكننا مشدودين الى بريق التجربة و لذة المجهول المنتظر

و عندما نتجاوز هذه الهالة الضوئية و نخرج الى الظل نلتفت لنراها على حقيقتها، فنتعجب كيف صدقنا الوهم و تلفحنا به! و أين كان عقلنا و وعينا! و هل هناك صلة بين دائرة الضوء و بين الجنون؟!

تساؤلات تطرح نفسها بعد رحلة مع الغيبوبة، وصلت بعدها لأرض الواقع بسلام.

76 comments:

Doba said...

دائرة.........الوهم - الضوء - الغيبوبة

كلها أسماء للحالة التى أهرب من واقعى إليها لإلقاء آلام الواقع والتملص من التفكير فى المستقبل والاستمتاع باللحظات المنفردة والقليلة المتاحة

تحياتى على المجهود الرائع
يا كلبوزة - تاخدى ساندوتش
هبة

الشنكوتي الكبير said...

ومين فينا مش عايز يعيش في الحاله دي يا كلبوز ساعات الواقع بيبقى صعب قوي وقفول في وشنا يبقى لازم نعيش في الخيال شويه
مثلا انا عندي حلم جوايا عايز اعيشه لأنه في الواقع استحاله يحصل مهما انا تعبت عشانه لأنه اصلا حلم مش شريف قوي يعني وبالتالي مش من حقي حتى اني احاول اعمله يبقى في الحاله دي الحلم احسن من الحقيقه على الأقل كده مش باذي حد
تحياتي على الموضوع الجميل ايه الرقه دي يا بنتي خلتينا نتكلم بصراحه الله يسامحك
سلاااااااااااااااااااااااام

مـحـمـد مـفـيـد said...

العمى المحبوب،

تعبير قمه في الابداع

تحياتي لسطورك البديعه

Sampateek said...

doba
الاستمتاع بالغيبوبة
!!!
ربما من كتر الارهاق و التعب بنروح فيها نريح و نرجع او منرجعش المهم ناخد نفسنا
مرسي لذوقك
ممكن كرواسون
:)






الشنكوتي الكبير
حلم اليقظة هو عجز الواقع
بس بنختار التعبير الاول علشان شيك
الله يسلمك





محمد مفيد
اشكرك لذوقك العالي



----
تسعدوني دائما
خالص تحياتي للجميع

Gid-Do - جدو said...

سمبتك

ليكى وحشة ـ كونى مبكتبش عندك تعليق مش معناه اى مقطعك انا لسة متابعك كعادتى من يوم ما فتحتى المدونة ـ دلوقت جاى اقولك بعد تجربتى ان حفظ اسماء المدونين على

Google Reader

ليها نفس مميزات الحفظ على

My Favorites

ويزيد عليها سهولة المتابعة وانك تشوفى مين كتب موضوع جديد ومميزات كتيرة عمال اكتشفها كل شوية جربى ومش حتندمى

الصيف وصل ياترى نازلة مصر مع الولاد
واذا رحتى باذن الله سلمى على اوسا لما تشفيها خاصة انها ليها كتير بعيدة عن النت

تحياتى

سكينة said...

نقطع حبال الحقيقة الممتدة لأن حلم الجعان عيش يا سمباتيك والواقع طعمه وحش وبدون أي محسنات غذائية
:)

alshared said...

لكن نكتفي بالدفئ الذي تمنحه لنا تلك الهالة الضوئية

الاكتفاء
هذا الشعور البشري الذي يتحكم بنا

سطورك رائعه

واسلوبك جميل

خالص تحياتي

يا مراكبي said...

الله عليكي يا سمباتيك .. جيتي على جرحي جامد

أنا من الناس اللي عايش كده بالظبط .. وعارف إني جوة هالة الضوء الوهمية دي .. وعارف إنها وهم .. لكن مش قادر أطلع وأشوفها على حقيقتها .. أو مش عايز أطلع

والأغرب إني عارف كده كويس جدا لأني عشت مع والدي نفس الموقف ده لما إتنقل من هالة الضوء للظل وإكتشف ساعتها الهالة دي على حقيقتها .. والمفروض إني أتعلم منه .. لكن مافيش فايدة

نورهان مفيد said...

كلنا بنهرب من الواقع الصعب
للوهم ده وبنبقي عايزين نكمل فيها
مع أننا عارفين أنه وهم ولو فرحنا هتبقي فرحة مؤقتة

بس بنبقي عايزين نصدق ده
أهون بكتير من الواقع ومشاكله اللي بقت فوق الاحتمال

بوست رائع بجد

خمسة فضفضة said...

السلام عليكم ورحمة الله وبركاته

ساعات كتير اوي بنحب نعيش الحاله دي جو هالة الضوء و نستلذها ، بنبقي عاملين زي الفراشات لما بتتجمع حوالين النار وهي مش عارفه انها في الاخر ممكن تتحرق ، ما بتصحاش من الغيبوبه الا لما جناحاتها تتحرق

تحياتي

شـــــهــــروزة said...

الهالة جميلة وبراقة

أدع نفسى للاستمتاع بها
ولا أفقد متعة الاستمتاع فى كل مرة

لو كانت الحياة كلها حقائق و ثوابت
لكنا مجرد آلات تمشى على قدمين

الوهم جميل
ومنعش للعقل
والغيبوبة رحمة من الواقع المر
والضوء جميل لو فى آخر النفق المظلم

تحياتى يا جميلة

قاسم أفندي said...

أيه ده؟
فلسفة كمان
لالالالا داحنا عدينا
:-)
عجبني البوست أوي
فين حلة المحشي؟؟

تمر حنه said...

نسمع اصوات من بعيد تحذرنا و نكذبها.و نحس بايدي تشدنا و نركلها. و نقطع كل حبال الحقيقة الممدودة،

أنها الأقدار.. الأقدااااار - فلا تظن نفسك يابن آدم قادر على الرؤيةو التنفيذ متى تريد - و لكنها قدرة الله
أحب هذا الدعاء :
اللهم أرنى الحق حقا و ارزقنى اتباعه و أرنى الباطل باطلا و أرزقنى اجتنابه

عدى النهار said...

بقدر ما بيكون فى أحلام اليقظة من راحة ومتعة مؤقتة إلا إنها فعلاً ممكن تذهب بعقل من يعتاد عليها

أُكتب بالرصاص said...

ايوة يا سمباتيك

بس انا اختلف معاك

انا اعرف ان الألم بيجي من عصب الضرس لما الواحد ياكل حاجة ساقعة؟

مش كدا ...؟ يا متعلمة يا بتاعة المدارس.




هوا في ايه ؟

The Groom said...


الف سلامة عليكي

تحياتي لك من ماناساس البلد

Shower-Mirror said...

عودا احمد الى ارض الظلال مره اخرى

و سلامتك من الغيبوبه .....


غرور الانسان ساعات بيصور له انه دايما على حق ..و ان هو واقف فى النور مع ان كل من حوله يكادوا لا يروه من كثرة الظلام من حوله ...

و عندما يعود الى صوابه او يعود صوابه اليه ... يرى بوضوح ماكان يراه الاخريين ....

و يتعجب


تحياتى

Mishari said...

اولا احب اقدم اعجابى بمدونتج الجميلة
ثانيا
وللعذر وليس اكثر

كلمة نظارات بالظاد وليس الضاد :)

وقد تكون لى وجهة نظر مغايرة وهي ان العيش بعيدا عن الواقع يولد صدمة للانسان فمقاربة الواقع ومجاراة مفاهيمه ولكن ليس بالانصياع ولكن بتطبيق ما اريد رغما عن الواقع
هو النجاح بنظرى

:) تحياتى

Shreif fahmy said...

http://sfahmy78.blogspot.com/2007/06/blog-post.html
منتظر تعقيبك على البوست الجديد

sendrlla said...

.

نسمع اصوات من بعيد تحذرنا و نكذبها.و نحس بايدي تشدنا و نركلها. و نقطع كل حبال الحقيقة الممدودة، فلا حاجة لها و نحن نسبح مع التيار لا ندري الى اين يوصلنا؛ الى شلال هادر كاسر؛ ام الى روض من الزهور!لا ندري و لكننا مشدودين الى بريق التجربة و لذة المجهول المنتظر


كله هروب من الواقع مش عارفه لما كلنا بنهرب من الواقع مين فينا هيعيشه ولا احنا فعلا عايشينه بش كلمه بنهرب بنقولها علشان لازم نقولها

daktara said...

مبروك علي النيولوك
بصراحة جامد جدا
انظر حولك
د. خالد عزب

Sampateek said...

Gid-Do - جدو
هلا اهلا جدو انا عملت بنصيحتك و اضفت المدونات اللي عندي على جوجل ريدر و اخدوا وقت كبير لانهم اكتر من 200 مدونة
و اتمنى يطلع سهل فعلا و لسة حجربه و ادعيلك
مصر وحشتنا كلنا
الله يسلمك
تحياتي

Sampateek said...

سكينة
صحيح طعمه وحش بس حقيقي
لكن الوهم طعمه اوحش

تسعدني زيارتك




alshared
نحن نفضل الحصول على شئ بدلا من عدم الحصول على اي شئ

اشكرك على ذوقك





يا مراكبي
يعن اعرف من كده ان الوهم ادمان؟
و لا احنا بنفضل نهرب للوهم علشان نرطب حر الحقيقة؟
زي ما كنا بنرش مية زمان قدام البيت في عز الحر



تحياتي العامرة للجميع

Sampateek said...

نورهان مفيد
تفتكري احسن نهرب للخيال و لا نحاول نجمل الواقع؟!
انت اجمل





خمسة فضفضة
و عليكم السلام و رحمة الله و بركاته
صح جدا كلامك
مبنصحاش الا بجرح
او لسع
او كوي
المهم بيسيب علامة تفكرنا اد اية كنا مغفلين
نورتي




شـــــهــــروزة
من كتر وصفك الجميل للغيبوبة حسيت اني في دريم بارك او في الحديقة الدولية
تيجي نعمل رحلة سوا في الغيبوبة
و ناخد معانا سندوتشات و عصير
هههههههه
نورتي




قاسم أفندي
بقى احنا بنتكلم عن الغيبوبة و يتمدد بالحرارة و يتبربر بالبرودة و انت بتقول حلة محشي
خرجتنا من المود
المحشي البوست الجاي
:)


تحياتي و تقديري للجميع

Sampateek said...

تمر حنة


حد يقرصني يا جماعة
الست تمرمر بجلالة قدرها تعطفت و جت زارتني
بس لما اشوفك يا ام اللول
ايوة يا اختشي اقدار احنا كدا نعك الدنيا و نقول نصيب حنعمل اية
بيني و بينك احنا تتفات لنا بلاد
مفتريين
هههههههههه
وحشتيني يا مضروبة
تحياتشي و قبلاتشي

Sampateek said...

عدى النهار
يعني متفقين معايا ان الوهم مرتبط بالجنون و ان القميص الابيض ابو اكمام طويلة و مصير كل من يدخل دائرة الوهم
شكرا نورتم المحكمة




أُكتب بالرصاص
مفيش يا ابو بيسو بس كان عندي حموضة تعباني قمت كتبت البوست ده تنفيس
و اخدت بعده راس خساية و بقييت تمام الحمد لله
بتفضحونا قدام السياح
ههههههه




The Groom
الله يسلمك يا سي عريس يا خويا منجيلكش في حاجة وحشة



تحياتي الدافئة للجميع

Sampateek said...

Shower-Mirror
الله يسلمك و يعافيك
متفقة معاك
بس تعرف الصديق الحقيقي اللي ميسبش صاحبه يغيب في الوهم و يحاول بكل الطرق انه يفوقه
امال لازمة الاصدقاء اية؟




Mishari
اهلا وسهلا بيك و اشكرك على الاطراء و التصحيح
:)
و بصراحة مفهمتش وجهة نظرك
((وقد تكون لى وجهة نظر مغايرة وهي ان العيش بعيدا عن الواقع يولد صدمة للانسان فمقاربة الواقع ومجاراة مفاهيمه ولكن ليس بالانصياع ولكن بتطبيق ما اريد رغما عن الواقع
))
بس ان شاء الله خير
اهلا بيك مرة تانية و عايزة اشوفك دايما



تحياتي و تقديري للجميع

Sampateek said...

Shreif fahmy
طيب مش كنت تعقب انت على بوستي الاول




sendrlla
انا مش بهرب انا بغرق و في فرق بين انك تهربي و تدبري الهرب و انك هوب تقعي فيه




daktara
انظر حولك!!!!!!
هههههههه
حسنين و محمدين
انت اشتغلت في الوحدة الصحية و لا اية يا دكترة

:))



تحياتي للجميع

أبو ضحى said...

كلنا محتاجين لوقت ننسى فيه واقعنا و نهرب للخيا ..نعمل فيه كل اللى احنا مش قادرين نعمله فى الواقع
اهم حاجة مننساش نفسنا ، لكن الظاهر انك نسيتى نفسك

الحمد لله انك رجعتى من تانى

أهلا بيكى فى دنيا الواقع

Sharm said...

اصبحت مشوشا من كم الاسماء العجيبة التى قرأتها اليوم خصوصا بعد رواية حكومة الظل

Sampateek said...

أبو ضحى
اهلا بيك



شارم

مش فاهمة حاجة


تحياتي

كراكيب عادل said...

انا كل ما ابعد عن الهالة دي والوهم يوحشني

بروح للعمي المحبب برجلي

الظاهر مفيش فايدة

ادمان يا اختي يا سمباتيك

REEMOO said...

فى شئ غريب دايما بيشدنا للهاله دى
بنبقى عارفين انها فى النهايه هتتطلع وهم
ومتأكدين اننا هنتصدم من وجودنا داخلها لفتره كبيره
لكن مع كل ده
برده بنتجه ليها بكامل ارادتنا
وبنستمتع بكل ما فيها
حتى وان كان وهم
وبنتمنى الوقت يطول علشان نقدر نستمتع اكتر واكتر
كأنها مسكن بنلجأ ليه
علشان نعيش عالم الأحلام فى واقع الحياه

كتابتك حلوه اوى يا سمباتيك
محبتى

MAKSOFA said...

أكبر مصيبهأننعيشونتعايش مع الوهم رغم أدراكنا المؤكد أنه وهم


كلبوزة تعالي زوريني عامله بوست

لو سألتك أنت مصري ؟؟؟؟؟؟؟؟؟؟؟؟

الحلم العربي said...

لأننا نحب ان نعيش الوهم حتى و نحن نعلم جبيدا أن نهايته ربما تكون سرابا

تحياتي لقلمك المبدع و مدونتك الرائعة

Sampateek said...

كراكيب عادل
ادمان جايز
و جايز تكون طاحونة الحياة المرهقة هي اللي بتزقنا للهالة دي
و الهالة بتشفطنا
احتمال
ممكن نشد الفيشة و نخلص
:)




ريموووو
انت احلى يا جميلة عجبتني مجموعة المحجبات بتاعتك و فرجتها لبنتي
تسلمي






MAKSOFA
الوهم مش دايما بيكون مصيبة احيانا الحقيقة هي اللي بتبقى كارثة
انا جاية طيارة





الحلم العربي
الله يحييك
اهلا و سهلا




تحياتي و تقديري للجميع

Mala2e6 said...

داخل هالة الضوء الاصدقاء ما اكثرهم و الاحباء بالكوم و الناصحين و المتشعلقين ..بيستمتعوا بالهالة و بيلمّعوا الضوء

و برة الهالة و بعد ان يزول البريق و تعود الاعين الى وضعها الطبيعي و تنكمش حدقات البؤبؤ

ترى هالة اخرى لاخرين و نفس الاصدقاء المهللين ..لم يتغيرو..لا زالوا يهللون.ولكن ليس لك

يا ريت نتعلم بس

كلامك حلو اوي و كله حكم

YHYيــوســف الـمصـرى said...

السلام عليكم
وعليكم السلام
:):):):)

whyme said...

حاله
و كلنا ساعات بنعيشهل لما بنصدق نفسنا و نكدب كل صوت للحقيقه
حاله
بنمر بيها لما بنبص لنفسنا و بس و نقعد ندخل فى دواير دواير و كان دواير الضوء هى الحياه

الحياه الحقيقه هى فوق الجبل و عمرها ماكانت جوه دايره الضوء


جميل البوست بجد يا صديقتى العزيزه بل اكتر من جميل كمان و بجد عجبنى

لانه عبر عن الحاله تعبير صح اوى و صادق اوى


تحياتى

نقطة مية said...

ساعات الحالة دي بتبقى هروب من واقع مليت منه..كاننا عايزين نحس بشعور جديد
بوست عميق
تحياتي

.:.-=- ELGaZaLy-=-.:. said...

عندما نتجاوز هذه الهالة الضوئية و نخرج الى الظل نلتفت لنراها على حقيقتها، فنتعجب كيف صدقنا الوهم و تلفحنا به! و أين كان عقلنا و وعينا! و هل هناك صلة بين دائرة الضوء و بين الجنون؟!

تساؤلات تطرح نفسها بعد رحلة مع الغيبوبة، وصلت بعدها لأرض الواقع بسلام

-------------------------------


تعرفى يا كلبوزة حسيت اوى بالجزء دة فكرنى بحالات اتعاملت معها تعرفى

ان فى ناس بتدمن الغيبوبة

ايون بالضبط بتدمنها

تحياتى اليكى

Sampateek said...

Mala2e6
اذا كنتي تقصدي بهالة الضوء الشهرة
فكلامك سليم
اهلا بيكي دايما تسعدني زيارتك






YHYيــوســف الـمصـرى
و انت طيب
:):):)





whyme
فوق الجبل؟!!!بالنسبة لي تعني الغربة
ليه مانعش في السهل
على الاقل منتعبش في الطلوع و النزول
اهلا وسهلا





نقطة مية
ايوة صح
بوست عميق و انت غواص ماهر




.:.-=- ELGaZaLy-=-.:.
اصل الغيبوبة لذيذة
بس
صعبة الهضم
:)




تحياتي و تقديري للجميع

محمد عبدالجليل said...

انها المرة الاولي لي في هذه المدونة ولكن بكلماتك شيئ يجذبني لا اعلم ماهو يمكن يكون زي البقعه الضوئيةههههههههه بس جميله والله المدونة وان شاء الله حاجي كتير

malak said...

بجد بوست رائع لان ساعات كتير الواحد بهرب من الواقع وبيعيش بخياله
بجد انت اسلوبك حلو اوى واستخدمتى كلمات حقيقى معبرة جدا


تحياتى

shlapia said...

للاسف عمرى ما حسيت بالهالة دى لانى بصراحة جبانة وخوافة فى انى اعيش حالة وهم ممكن اندم بعدها فبخاف من مجرد المخاطرة

سطورك جميلة ورائعة

وياريت نكون اصدقاء

سلام

david santos said...

Very nice work, Sampateek!
Have a good weekend

max.adams said...

حسنا فعلت بدخولك الدائرة ولكني أظن أن العوده للواقع كانت من الايلام بحيث أثارت الحنين للدائره فهي تخلق عالما بعيدا عن الحقيقة و المثالية على حد سواء و أنا أقول أن المجهول ليس دوما للخوف ولكنه أيضا للأمل
الموضوع رائع وأكثر... بثقه

SAKAyAR said...

ربما يكون الدفىء جميل داخل هذه الهالة لكن مش بينفع لما تخرج من هذه الهالة ... بتلاقي نفسك في أشد الحاجة لدفىء حقيقي
أما عن الوهم ...فأحيانًا يكون هو لذة الحياة

نسرين - أمة الله said...

السلام عليكم
انا اول مره عندك ومش حتكون الاخيره ان شاء الله كلامك فعلا عاجبنى
انتى عارفه كل واحد فينا عنده حاجه معينه بيريح بيها نفسه وعقله لما بتكتر عليه الضغوط انا مثلا ممكن انام او افرض على نفسى النوم عشان مفكرش فى ناس بتحب تكتب وهكذا ماهو لازم يكون فى حاجه تبعدنا شويه عن الواقع عشان نعرف نواصل

Sampateek said...

محمد عبدالجليل
اهلا وسهلا بيك
فرصة سعيدة




malak
اشكرك و اتمنى ان اكون دائما عند حسن ظنكم





shlapia
صداقتك شئ يسعدنى نورتي و اتمنى اسمع عنك المزيد



تحياتي و تقديري للجميع

Sampateek said...

david santos
تصور
قلبي اكلني عليك قلت اروح اشوفه ماله مش بيبان ليه لقيت الكومنتات معدية الربعمية عيني عليك باردة
و كنت حسيب كومنت بس خفت لحسن تفتكرني و تيجي تهبدني كومنت من بتوع
((الثورة مرة و الصيف هاجم و البوست جيد و الاسبوع فاحم))
حاكم انت عليك كلام يا ابو سامح
يلا حصل خير
تحياتشي
ترجم بقى

Sampateek said...

max.adams
لا اشتاق و لا احن لها
هذا ما اقوله لنفسي
و ربما
اكذب
اهلا و سهلا بيك




SAKAyAR
الدفئ الحقيقي
...........
اين و ماذا و كيف نجد وتعني و نصدق
هذه الكلمة




نسرين - أمة الله
اسمك على اسم صديقة طفولتي و تصورت للحظات انك ممكن تكوني هي و لكن وجدت فرق السن يمحو هذه الفكرة
ادعو الله لها و لكي التوفيق والسعادة


تحياتي العميقة
للجميع

micheal said...

الواحد في الظلام ممكن يدرك ما لا يستطيع ادراكه في النور

يا مراكبي said...

في الأول بيبقى هروب من الحقيقة

وبعد كده بيتحول لإدمان

وبمناسبة الإدمان .. إبقي خدي بالك من الصنف اليومين دول .. أصله مضروب في السوق

Sampateek said...

micheal
صحيح
خصوصا مع ارتفاع فواتير الكهربا



يا مراكبي
متقلقش الراجل اللي بشتري منه الشاي بلبن مضمووووون



تحياتي و تقديري

غمض عينيك said...

اوقات كتير بنحب ندخل الحالة دي
ببقى عايش لكني لا بستقبل ولا برسل اي اشارات جديده حواليه ممكن اكون عايز ارتاح شوية..ممكن اكون بمر بموقف وبخاول اهرب منه..ووقتها الواحد لما بيفوق اكيد بيرتاح شوية ويبدأ يفكر من جديد

تحياتي ليكي ياسمباتيك
محمد سمير

BackBone said...

صحيح الكلام ده ياخالتشي لاكن المشكله ان الوحد بيبقي عامل زي الي كان نايم و بيحلم حلم جميل قوي و لما حتي حد بيصحيه بيبقي مش عايز حتي يصحي و نفسي يكمل الحلم

انا مع رأي المركبي, هوه كده بالظبط ادمااااااااان

علي راي عمرو دياب برده:

بين حبى ليكى وكرهى ليكى خيط .. رفيع
لا القرب مرتاح له . ولا البعاد اقدر عليه

bastokka طهقانة said...

ايون انا لسة كنت في الدايرة دي البوست اللي فات
بس مش انا اللي بدفع فاتورة النور
ده طوطو هو اللي بيكع

اوروفوار

Té la mà Maria said...

please visit, thank

تخاريف said...

مممم

هو بصراحه الواقع المر ممكن يجبر الانسان انه يدخل جوا الهاله دى..عشان يهرب...
بس المهم انه يبقى واخد باله امتى يخرج منها..
هو ده الاهم..

makhlouf said...

:))

يا مراكبي said...

Please send to me an e-mail in order to get your mail address (which I have lost). I need to ask you about something

Thanks

BackBone said...

و علي رآي الست أليسا:
حكياتنا لو ياحبيبي حلم فاياريت تسبني عيشه فيه

None said...

وصف رائع لحالة الغيبوبه والغياب العقلي الاختياري

حمد الله علي سلامتك

أحمد سلامة said...

هكذا يمون الانسان
يرى وا يحب ان يراه اولا
ثم يرى بعد ذلك مالا يحب ان يراه
ودائما ما يكون الحقيقة المؤلمة
------------------------
عرضك ممتع
تحياتي لكي

Yosif said...

نغيب أنفسنا يوما بعد يوم لنظل قابعين تحت خيمة دائرة الضوء
ليست المسالة لحظات عابرة اذن كما يحدث احيانا .. و لكن حالة ممتدة من التحليق و الخدر اللذيذ نستمتع معها بالعمي (أو التعامي) و الجنون في تجربة مجهولة النتائج .. حالة من استعادة الطفولة الجامحة المنطلقة التي تتجاهل التحذيرات .. و استعادة الطفولة معها كثير من النشوة و السعادة الغامرة .. و لو غلفها الجنون ..و التي نفتقدها تماما لدي عودتنا لارض الواقع و ارتداء الاقنعة الواقية
ما دام الواقع أقسي من أن يهبنا شيئا من السعادة او يحقق الاحلام .. لو أصر دائما علي اظهار الوجه القبيح مهما حاولنا علاجه .. لو وجدنا متعة حقيقية و نشوة جميلة في هذه الحالة ... فهل يصح أن نصفها .. وهما؟

تحياتي لك و للمدونة الكبيرة
و السلام

bastokka طهقانة said...
This comment has been removed by the author.
Sampateek said...

غمض عينيك
اذن فهي حالة عامة و ليست خاصة و لكن تختلف في الرصد و التحليل




BackBone
حل المثل بتاع عمر دياب و في مثل تاني
لا احبك و لا اقدر على بعدك




bastokka طهقانة
جربي تدخليها على ضوء الشموع ترشيدا للطاقة


تحياتي للجميع

Sampateek said...

Té la mà Maria
اهلا بريحة الحبايب
مش الاخر ديفيد صندوق برضه اللي بعتك
نهاية جيد اسبوع



تخاريف
هو اصلا مبيعرفش انه دخلها
علشان ينتبه امتى يخرج منها
بس
اللي حوليه يقدروا



makhlouf
:))

تحياتي للجميع

Sampateek said...

يا مراكبي
علم و سينفذ
انا عارفة اتاخرت في دفع اقساط الجمعية
:)



باك بون
بتجيب الاغاني دي منين؟
ساكن في حي السيدة




نوني
الله يسلمك يا جميلة
ميرسي
نورتي


تحياتي للجميع

Sampateek said...

أحمد سلامة
اشكر رقتك
و اتمنى ان اكون عند حسن ظنكم دئما




يوسف
نعم يصح ان نسميها وهما
لانها سعادة زائفة كسحابة الصيف
تحميك من وهج الشمس حتى اذا اطمئننت لها
انقشعت


خالص تحياتي للجميع

Dr. Manosy said...

سمبتيك ...حبيت اقولك اني اقول ما عرفت انك صاحبة تمر حنة طرت من الفرحة ...
تمر حنة من الناس الشديدة جدا
تستاهل النشر .. يعني يتنشر لها
ليها توجه وايدلوجية _حلوة دي_
كل كام وانتم بخير ودمتم لعالم التدوين
د.منوسي

will said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

jedaah said...

حركات
http://www.7rkat.net

منتدى حركات
http://www.7rkat.net/vb

مركز تحميل حركات
http://www.7rkat.net/up

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام