Monday, November 12, 2007

ما بحبش



مبحبش حد يشوف أي دموع في عنيا

علشان لا اصعب عليه و لا يزعل عليا

و اضحك و كأن الضحكة بجد

مش محتاجة طبطبة من حد

ما أنا لو بنكسر من جوايا

مش عايزة في نظر الناس أتهد

مبحبش حد يشوف أي دموع في عنيا

علشان لا اصعب عليه و لا يزعل عليا



مبحبش أبان مغلوبة ضعيفة

و صورتي في نظر الناس تتهز

و لا حد يشوفني يقول مسكينة

يا عيني عليها و ملهاش حظ




و اضحك و كأن الضحكة بجد

مش محتاجة طبطبة من حد

ما أنا لو بنكسر من جوايا

مش عايزة في نظر الناس اتهد




مبحبش حد يشوف أي دموع في عنيا

علشان لا اصعب عليه و لا يزعل عليا



-----------------------------------------------------------


هي كلمات أغنية للمطربة أنغام سمعتها و لا اعرف اسم كاتبها

و تعجبت كيف يقول احد غيري هذا الكلام

حاولت ان اكتب اكثر من هذا و فشلت

احيانا لا تكفي الكلمات

51 comments:

كراكيب عادل said...

اية دة مفيش حد عدي هنا ولا اية

سلم علييييي لما قابلني وسلم عليييييي

انا بدندن في مدونتك بما اني اول واحد

فعلا الكلمات الي اختارتيها وسمعتيها دي جميلة بس

ستاتي الكلمات شوية متنفعش للرجالة

اما اروح اشوفلي اغنية انا كمان

عصفور المدينة said...

نعم هكذا الأقوياء
بل وأيضا يكفكفون جراح غيرهم

... said...

وجعتيني يازميلة الكفاح.. آه فعلا حاسة اني انا اللي باقول.. وسع انت وهو وهي..انا جامدة جدا.. جبل.. بس بايظة من جوة.. ياللا..ميرسي يا سمباتيك وياريت تحطي اللينك بتاعها

خمسة فضفضة said...

السلام عليكم ورحمة الله وبركاته


وكأنك بتتكلمي عليا

كلنا هذا الرجل ....قصدي ...هذه الفتاه


مش محتاجين حد يطبطب علينا ولا ياخد بخاطرنا ولا يشفقوا علينا احنا قادرين نلملم جراحنا ونداويها من غير مساعدة حد

تحياتي ومبروك علي النيو لوك

Nouran said...

حلوة الكلمات ديه كلها عزة وكبرياء
يا كلبوزة

اضحك و كأن الضحكة بجد
بس ليه يعني تعذب نفسها كدا ما تضحك بجد :)

حلو اوي اللوك الجديد ده

بنت القمر said...

الفصام الانساني
والانقسام بين الكبر الخارجي
والضعف الداخلي
عذاااااب
كلمات معبره
تحياتي

الـسـيـدة نـون said...

انا احب اوى الناس اللى تاخد بالها من كلمات اغنية جميلة زى اغنية انغام كدة
على فكرة انا اول مرة اسيب تعليق عندك بس قريت اول بوست ليكى فطستينى على نفسى من الضحك
حلوة اوى مدونتك كلها
سلام من بت خيخة وأى كلام

islam yusuf said...

كلنا ما بنحبش

ammola said...

واللى وجوههم بتفضحهم
يعملوا أيه
بتبقى المشكلة مشكلتين

يا مراكبي said...

مبروك النيولوك يا سمباتيك .. أكيد النقاش خد شيء وشويات

الألبوم ده تحديدا مليان إحسساس عالي جدا جدا .. الكلمات فيه منتقاه بعناية وفيه أكتر من أغنية بتعبر عن شعور جوانا .. وطبعا كله حسب المتلقي وحالته

lonlysmily said...

بجد بجد انا كمان بحب الاغنيه دى جدا
ان دمعتك تتخفى ورا ابتسامه علشان محدش يدخل حتى فى دموعى اللى هى عزيزة اوى على الانسان

مدونتك ما شاء الله جميله جدا
وحبيت توفى اوى:)

ftafeet said...

تصدقى بايه انى انا سمعت الاغنيه دى وانا راكبه تاكسى وعجبتنى جدااااا اوى خالص وسئلت الراجل ميم اللى بتغنى دى قالى معرفش انا لاطش الشريط
قلتله ماشى ولسه عارفه دلوقتى منك ميرسى ربنا يخليكى اه نسيت اقولك البلوج بتاعك لذيذ اوى على فكره ربنا يوفقك تقبلى مرورى

اختك فتافيت كما هو مذكور بالاعلى

حسن ارابيسك said...

ده دايماً إحساس الناس العزيزة عليها أنفُسها
شوقتيني لسماع الأغنية

ZaHrAt El3eN said...

تعرفى انا بقالى فترة ما بسمعش اغانى

وانا وانا بالصدفه بقلب فى الكمبيوتر لايقت الاغنيه دى وسمعتها

وكل ما كانت بتخلص كنت بعدها تانى واسمعها

حسيتها اوى الاغنيه دى

الدبور said...

اول مرة اسمع الاغنه دي لانغام
فعلا زي ماقالت

مبحبش حد يشوف أي دموع في عنيا

علشان لا اصعب عليه و لا يزعل عليا

http://kasperb4.blogspot.com/ said...

جميلة اوي وعبرة جداا وبتوصف حال كتير

الكلمات على بساطتها بس عميقة اوي

allfollowsome said...

ما يعملش كده غير حد ظاهريا شخصيته قوية بس مخوخ من جوه

Tamer Nabil Moussa said...

السلام عليكم

اختيار موفق

اغلبية الناس مش بتحب حد يشوف فى عنيها دموع

او نكسار

ربنا يوفقك


تحياتى

سها السباعي said...

كان نفسي
لكن الدموع بتتدلق لوحدها
كان عيني حنفية منغير جلدة
وساعات كانها ماسورة مية مكسورة

None said...

انا قلت ادحرج التماسى

واقول مبروك على النيولوك
وكل عام وانتم بخير
وسلااااااااااااااام

الـسـيـدة نـون said...

مكتبتيش بوست جديد ليه
متكسليش يا سمبتيكة
واكتبى كل اللى جواكى

Eric Matt said...


السلام عليكم ورحمة الله وبركاته

ازيك يا سمبتيك

حبيت اسلم بس

تحياتي من ماناساس البلد

عصفور اسكندرية said...

السلام عليكم سمباتيك
كيف الحال
العقول تتلاقي والنفوس تتقابل
مكن اللي كتب الكلمات دي كان نفس اللي عنده عندك

تحياتي

MAKSOFA said...

ايوة بس أحيانا كثيره ضعفنا بيهزمنا والا أيه ياكلبوظتي ؟؟؟؟

sakayar said...

بجد الكلمات جامدة جامدة .. ولولا إني مش بسمع أغاني كنت بحثت عنها وسمعتها خصوصا إنها بصوت أنغام
ههههههه
بس بجد احساس جوانا كتيييير بتحمله الكلمات دي ... لكن أنا مش بس بحاول الضحكة تكون باينة بجد ... أنا بتعب أوي علشان في الآخر أخليها ضحكة صافية في وسط كل الألم
هههه
تحياتي على الاختيار وآسف بقالي كتير مازرتش المدونة بس مسافر وربنا ومشغول
تحياااااتي

Lemonada said...

عارفة انا كنت كدة
بس بعد مرور الزمن اكتشف ان الناس بتحسد وتفتكر انك مبسوطة والحياةعندك عسل وسكر وكل حاجة تمام
وبقيت ولا يهمني
اعيط ازعق مش فارقة

صانعة الحرية said...

السلام عليكم
جميله الكلمات
جزاكى الله خيرا

Shower-Mirror said...

الله عليكى ...

البوم انغام الجديد كله تحفه و لكن بجد الاغنيه دى هى اللى علمت معايا لما سمعت الالبوم .

وهى من كلمات: ايمن بهجت قمر
الحان: خالد عز


و عموما قاعده عامه فى الاغانى اليومين دول ...اى اغنيه تحسى انها بتتكلم عنك و تحسى انك انتى الشخص ده تبقى من تأليف ايمن بهجت قمر ...


تحياتى لذوقك الراقى

Shower-Mirror said...

اه صحيح ...


طبعا كمان ماتنسيش اغنية اشكى لمين ..اللى غنتها انغام فى الالبوم و هى من اغانى الذكريات للرائع محمد منير

و هى كلمات: ابن النيل و عبدالرحيم منصور
الحان العبقرى بليغ حمدي

Unknown said...

اختيارك جميل فعلا فيه اغانى او قصائد لما بنسمعها تحسى من كتر جممالها انك مش حتقولى اكتر من الى قالته

يقول أنى امرأة said...

اظن انها مست كل واحد فينا و لو كانت حتى من ذاوية محتلفة

اعشق فى الليل ضوء القمر said...

تغيير موفق
وأغنيه جميله كمان
اختيار موفق للإثنين
لكن كله متوقف على حالت المستمع

Hannoda said...

فعلا الأغنية ده رائعة.. سمعتهالي أختي الصغيرة .. لكن ماحستهاش منّي قوي

لإنها قسوة شديده جدا على النفس انها تعيش حزنها لوحدها.. وليه أقسى على نفسنا طالما ربنا أنعم علينا بقلوب حولينا بتحس بينا وتتمنالنا الخير

زي ما الفرح بيكون أعمق بالمشاركة

الحزن كمان بيكون أهون بالمشاركة

يارب يحميك من الدموع

ولو انها نعمة بنغسل بيها أي تراكمات مؤذية

:)
تحياتي

Mustafa Rizq said...

كل ما هو انساني.. هو مشترك

نحمد الله ان هناك من يستطيع القول .. ربما يقول عن الجميع


و يارب دايما تضحكي بجد جدا جدا

BackBone said...

ياخاآآآآآآآآآآآآآلتشــــــــي

ازيك عامله ايه في البرد ده

انه ئولت اغي اسلم عليكي يمكن ده يفرفيشك حبتيشن

ياله بقه لحشين البت بتعيظ و عايز اطفي النار عالبوبروووووووونه

تحياتشي

محمد said...

عندما تتشابه الظروف وتتشابه أيضا القلوب .. ربما يكون تعبيرها واحد


ربما تعبر عن حال بعضنا

yasmina said...

يمكن
بس احيانا الدموع بتريح
حتى لو قدام حد

تحياتي

SomeOne said...

كلمات ايمن بهجت قمر وألحان خالد عز وتوزيع عصام الشرايطي

Ahmed Al-Sabbagh said...

كلمات جميلة جدا

وأختيار موفق

تحياتى

sara said...

ايه الاغنيه دي وجبتيها منين ..ومين العبقري اللي كتبها ..انا اول مرة اسمعها..واللينك اللي انتي حطاه مش شغال ... ماليش دعوة انا عيزاهاااااااااا :(.

الا ايه اخبار الدايت

البرديــــــة المصرية said...

مبروك لون المدونة الجديد
وحلوة الغنوة

لكن المدونة فى امس الحاجة لمواضيع تحييها

وللا ايه ؟؟

لو بطلنا نحلم نموت said...

انا افتكرت الكلام كلامك
بس بجد الاغنيه روعه
هيه انغام كده
كلامها تقيل

زووورني في مدونتي

رفقة عمر said...

عجبتنى الكلمات جدا
مش باحب اظهر ضعيفه غير لاقرب الناس ليا
علشان اخاف حد يشوف دموعى وفى الاخر يتمسكن او يشمت فا الاحسن اكون مع الله وهو بس اللى يشوف دموعى

دينا فهمي said...

ماسمعتهاش قبل كده
بس واضح انها أغنية جميلة

هسمعها إن شاء الله بس لما أروّح

زبادي في الخلاط said...

لحظات الضعف الإنساني خاصة جدا ولا تحتمل المشاركة .. فقط صاحب هذة المشاعر هو الذي يعرف كم هي غالية علية هذة الدموع ولا يحب أن يراة أحد وهو في هذة الحالة من الضعف والهشاشة ومن يحترم صدق دموعة يعرف كم هي غالية لحظات الإبتسام وراحة القلوب
أسعد الله أوقاتك وأفرح قلبك

Polka Dotted said...

el domo3 sa3at bteb2a da3f...w sa3at bteb2a kowa...
bas mesh ay 7ad yestahel yeshof domo3ek :)

صحفية روشة said...

الاغنية دى بتعبر عنى انا كمان
بصرة يا كلبوزة
اتمنى زيارتك لبلوجى
بما اننا احنا الاتنين بقينا ولاد كار واحد
http://namema2.blogspot.com/
سلام

فضفضة said...

حلوووووووووة قوي الاغنية كلماتها روووووعة

والله
انها بتحكى حال ناس كتير

قرات عدة بوستات

مدونتك جميلة جدا بالتوفيق

hamssah said...

اغنيه جميله لمطربه جميله واختيار جميل من مدونه جميله
همسه

Islam Attia said...

سيب اللي يكره يكره وانت احلم ببكره مع انه لسه مجاش , مهما تحاصرك همومك و يلومك مين يلومك لا متعشهاش بلاش

mostafa rayan said...

الكلمات حلوة قوي وكلنا كدة مابنحبش حد يشوف ضعفنا
ايم بهجت قمر دة شاعر جامد قوي وخالد ع كمان ملحن جامد وانغام دي اختلف معاها في لبسها طريقة تفكيرها في اي حاجة لكن صوتها لا يختلف عليه اتنين طبعا