Sunday, August 13, 2006

تاج البلوجرية..... السلطنية

يبدو ان جلده الحنفية عندي مسربة و مغرقة كل البلوجرات المجاورة
لذلك انا مرشحة
من قبل اعزائي(ام مريلة كحلي)و(زبادي)لعمل استقصاء
بداية انا مش عارفة اية لازمة الاستسقاء ده
بس اهو تفاريح
لكن لما قرأت مدونة العزيزة اوسا و العزيزة ابيتاف عجبتني الفكرة
لذلك
اقر و اعترف انا كلبوزة لكن سمباتيك ان كل اجاباتي ستكون صادقة
و الله علي ما اقول شهيد
فتحت الجلسة
س هل أنت منشكح من مدونتك شكلاً وموضوعاً؟
ج:لأ كنت اتمني ان تكون في قالب ادبي اكثر تعمق و رومانسية و لكني اخترت القالب الفكاهي لصياغة الوجع المتمركز في ايامي
حلوة متمركز دي
س هل تعلم أسرتك الصغيرة بأمر مدونتك؟
يعلمون انني اكتب علي النت مدونات لكني لم اعطي اللينك لاحد و لن اعطيه لاحد
لاني افضل ان اكون صريحة في كتاباتي و لا اخضع لقيود ازاي و ميصحش و اية ده و الحاجات دي
س هل تجد حرجآً فى أن تخبر صديقاً عن مدونتك؟
اصدقاء معينين ممكن يفهموا و اصدقاء تانين لا
لذلك لن اخبر احد بامرها
الا ان صديقتي تمر حنة هي التي عرفتني علي عالم التدوين و انا منشكحة لذلك كل الانشكاح
س هل تعتبرها أمرا خاصا بك؟
اسم الله عليك بالظبط
س هل تسببت المدونات بتغيير إيجابى لأفكارك؟
مش بالظبط بس حسيت بارتياح لما خرجت افكاري السجينة في اعماقي و شافت النور لاسيما اني اعترف فيها بعقدة الكلبزة التي طالما حاولت الفرار منها
خلعت الكورسية و عيشت علي راحتي ليسي
اه انا كلبوزة و اللي عاجبة اهلا وسهلا و اللي مش عاجبة يسمعني ترقعة شبشبه علي السلالم
هل تكتفي بفتح صفحات من يعقبون بردودهم فى مدونتك أم تسعى لاكتشاف المزيد؟
افتح مدونات اللي بيعقب عندي و منها بعرف ناس تانيين انا بتشدني الفكرة و الناس عندي مواقف
حد تحترمه من اول مدونة و حد تبعتله سونج بودعك
س ماذا يعنى لك عداد الزوار.. هل تهتم بوضعه فى مدونتك؟
بفرح لما حبايبي يجوا يقروا مدونتي و يا ريت اعرف احط عداد للزوار
و يا ريت اقدر اقدم كباية شاي و سميطة لكل زائر
س هل حاولت تخيل سحنة اصدقائك المدونين؟
ههههههههه
ليه بس الطيب احسن
هل ترى فائدة حقيقية للتدوين؟
ايوة مفيد للهضم و مفيهوش بذر
س هل تشعر أن مجتمع المدونين مجتمع منفصل عن العالم المحيط بك أم متفاعل مع احداثه؟
ربنا ميجبش انفصال
لا طبعا همومنا واحدة و افكارنا متقاربة و حتي لو اختلفنا في تناغم
انا مبسوطة قوي اني بدأت ادون
هل يزعجك وجود نقد في مدونتك؟
لا ابدا كل واحد حر يكتب اللي عايزة مادام في حدود الادب
و عموما انا محبش حد يهاجمني
س هل تخاف من بعض المدونات التى تفتح تابوهات السياسه و الجنس و الدين وتتحاشاها؟
ممكن اقرأ لكن في حدود لكل شئ
اعلق علي اللائق فقط
س هل صدمك اعتقال بعض المدونين؟
يا نهار مش فايت هو في مدونين اعتقلوا؟ مكنتش اعرف
طيب يا اخوانا لازم نلم و نوديلهم عيش و حلاوة
دي اصول ولاد البلجرة الاصلة
س هل فكرت فى مصير مدونتك حال وفاتك؟
لو غبت عنكم اكتر من شهر اعرفوا اني مت
و قولوا الله يرحمك يا كلبوزة متي و نفسك في الممبار
اما عن المدونة
فاكيد وزارة الاوقاف حتخدها من بعدي و يكتبوا هنا كانت تدون كلبوزة
آخر سؤال : تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك الخاص بها فى مدونتك؟
ممكن فات الميعاد لثومة
اوتخونوه لعبد الحليم
اوحاجة من روائع شعبولا
اكتب اسماء خمسة مدونين ليقوموا بهذا الاستقصاء بعدك خمسة بس؟؟؟
----------------------------------
تمت
تعلن كلبوزة عن بدء حملة رجيم
و ترجوا من الاخوة الزوار عدم احضار اي نوع من انواع الحلوي او المقبلات معهم الي المدونة
و يكتفي بالجزر
منجيلكوش في حاجة وحشة

24 comments:

tota said...

العزيزة كلبوظة
ليكى وجهة نظر يعتد بها .احيانا تكون الكوميديا اوقع فى توصيل المعلومة من الدراما المفرطة وسهولة عباراتك وضحكتك المرسومة فوق كلامك ابلغ من كلمات كتيرة
عندك بشوف البساطة العادية من غير مبالغة ورسالتك بتوصل من غير كلاكيع
مبسوطة انى عرفت مدونتك
وطول ما انت بتحبى كلابيظو تأكدى هتعرفى تطلعى منها كتير
مش هطلعى كلابيظ صغيرين ولا حاجة
ومعلش يعنى هو الدايت اجبارى عندك ؟ اصلى مليش مزاج
تحياتى

BackBone said...

"واو" كلبوزه انا ارحب بالشلنج ده و ان شاء الله حارد علي الأسئلة....ـ

بس ممكن اعرف حيتنشر فين التحقيق ده اصل انا منشورلي تحقيقات كتير قوي في إئسام مصر الجديده و وسط البلد و راس البر... فاياريت ده يكون تبع قسم جديد يعني.ـ
;)

memo said...

مدونتك جميلة جدا وحقيقى انا معجب اوى باسلوبك
يا ترى ممكن احط لينك لمدونتك عندى
وكمان ارجو اعتبارى صديق للمدونة

Anonymous said...

أول مرة أكتشف مدونتك، ويمكن أخر مرة أجى مش عارف إذا كنت هأفتكر الـعنوان بتاعك تانى بس حبيت قبل ما أمشى أقولك إن إسلوبك جميل فى الكتابة، مش جميل أوى لكن تحفة :) بصراحة عجبنى ودفعنى إن أكتب التعليق ده اللى يمكن ملوش لازمة...

Adel said...

كلابيظو من غير زعل لو فكرتي تعملي رجيم ( دايت ) تبقي بتهرجي يعني تدفعي دم قلبك علشان تكلبظي وبعدين تروحي لدكتور يجوعك ويا خد منك فلوسك وتغرمي تاني علشان تنزلي الكام جرام الزيادة لا ده اسمه اسراف بجد وعلى فكرة انا جاني التاج ده من اخونا زبادي وربنا يسهل وتقريه قريبا وانا رديت عليكي عندي ابقى تعالي وما تنسيش انا عندي ممبار قبل ما السر الالهي يطلع هههههههههههههههه

الأميره أوسه said...

كلبوزه هانم
كده تعدى على المدونه بتاعتى ومتدخليش
تاخدى واحد كابتشينو الناس تقول أيه
معندناش تلاجه بتعمل كابتشينو
شوفتى صورة من زماااان الجديده
حاطط أيده على دماغه ومولع سوجاره
وسرحان وبيفكر يتغدى أيه
شوفتى الغريب بيقول علاقه حديثه
أربع شهور دى علاقه حديثه
ده عمر تانى
عمرى كله
بس بقا يا كلبوزه متكسفنيش
وشى بقا ريد احمر يعنى
أصل العربى بتاعى مكسر
يالا مومبار عليكو

أُكتب بالرصاص said...

كلبوزة ، مش عارف اودي وشك مني فين ، قصدي وشي منك فين ، اوضعتم تخاجلنا ، يوووه
اخجلتم تواضعنا

بصراحة ، ماقدرش ارد الدعوة ، وخصوصا لو كانت معاها ساندويش سي فوود

واوعدك اني هأجاوب على الاستقساء ده

وبالنوسبة للعداد ،
صعبتي عليا ،

ودي هدية من عندي ، عداد موديل 2006 على الزيرو
خدي البوقين اللي تحت دول وحطيهم في التمبيليت بتاعك
واي استفسار ، هتلاقيني زي كل يوم ، على القهوة


ملحوظة
حاولت الزق البوقين هنا ، لكن البتاع ده لم يقبلهم
هأبعتهم لك على الميل

Anonymous said...

hi calbouza
first ahaniki 3ala elkhtwa elgari2a beta3et el diet di, saba2tek :)
i am a new visitor and i liked it so far
probably will visit again soon
hope to see you on mine
cheers

قلم جاف said...

من الأشياء التي أحترمها في سكان الكوكب الكلابيزي هي خفة الدم والروح المرحة .. الأمر الذي يجعلني أستنتج أن كثيراً من المدونين والمدونات أصحاب الروح الساخرة الحقيقية من سكان هذا الكوكب اللذيذ..

محسوبك قلم جاف .. من كوكب فلافيو (المقتربين من الأرض) تاني مجرة لا اللي بعدها على اليمين .. وكنت جايب شيكولاتة بس نسيتها في البيت!

أم أحمد said...

انا اول مرة ازورك بس بجد دمك خفيف بس انا معايا حتة جاتوه تاخد حتة

Nouran said...

كلبوزة هانم ريستي ف العمل انا هكتب بوست حلو بكرة لما اكتبه هاجي عندك ع وزارة الدفاع

وهتعزمينا ع كوباية شاي وسميطة وانت عاملة رجيم ده ايه الكرم ده :)

أُكتب بالرصاص said...

كلبوزة

بعت لك عداد هدية
يا ترى وصل والا لأ
طمنيني

كما اني استجبت لدعوتك

الظاهرة انك ست مبروكة ودعوتك مستجابة

:)

Unknown said...

كلابيظو
ردودك دمها خفيف عكس وزنك أكيد على فكرة عايزة تخسى تعالى عندنا فى الصعيد الجوانى وعيشى معانا اسبوع واحد
هتبقى آخر سلوعة
تحياتى

Dr. Tantawy said...

هيه فين ساعة أمن الدوله ؟؟ ههههههه

هوه التاج ده معدي اوي كده ليه .. سبحان الله مفيش حاجه بتستخبى عللى البلوجرات .. حاجه تفرح واللله .. على كده اي حاجه الواحد هيعملها هتبقى فضيحه بجلاجل و اتفجري ياللي منتش غرمانه

تعليقاتك على الاسئلة .. شربات .. كالعاده

ملاحظة : شربات بفتح الشر و البات .. يعني مشروب الافراح .. و ليش شربات .. بفتح الشر و البات .. يعني ما يلبس في الرجل و يخنق تحت الجزمه

و أخيرا .. عايزين نشوف مشاريعك في الدولة .. عايزين خطه خمسيه و سداسيه و زي ما تحبي يعني .. لازم تحطي للوزرا الخطه اللي هيمشوا عليها متعمليش زي رؤسا تانيين .. و إلا هنجبلك الكرسي التيفال اياه .. و يبقى كأنك يا زيد من لعبت في كرسي عبيد

و تحياتي لجميع الكلابيظ على وجه الارض

كلبوزة لكن سمباتيك said...

الي كل الاصدقاء الاحباء
اعتذر عن غيابي
و عدم افرادي الرد لكل مدون علي حدة
و لكن لظروف خاصة
اشكركم جزيل الشكر علي مدحكم الرقيق
و صدقوني الانسان الجميل يري الجمال من حولة
و كلكم اجمل من بعض
متحرمش العمر كله من حبكم
خالص تحياتي

Anonymous said...

مسابقة جمال الدولى الأدبية
إلى كل المدونين والمدونات
اعلن مسابقتى الأدبية الأولى فى شعر العامية
فى حب مصر
مطلعها
ولا أي واحد فى النيا حبك يا مصر قدى
الشروط
ان تكون مصرياً او تحب مصر
الكتابة بلغة صادقة كاشفة للزيف الذى يسيطر على البعض
الا تنتظر جائزة مادية

والمطلوب مشرف على المسا بقة يكون نشيطاً بلوجرياً
يتلقى الأعمال ويتولى التحكيم بمعرفته
وتستمر المسابقة حتى أول اكتوبر

جمال الدولى

Polka Dotted said...

nice funny answers ta3kes el tamarkoz :D
good luck in ur diet.. 3o2baly.. 3la fekra matkataresh gazar 3shan beyta7'an :(

admelmasry said...

كلبوزة كلابيزو اهلاااااا

بجد والله ليكي واحشة

بس ايه يا اروبة طلعتي بنت نكتة بصحيح

اللي كاتباه ده ما يطلعشي من واحد طبيعي ..ههههههه لازم يكون ضاربها صارمة ... وانت شكلك ضارباها ميت صارمة


تحياتي
ادم المصري
اول دكتور احه

صاحب البوابــة said...

كلبوزة تحياتي الكاملة

اعجبني جدا خفة دمك وواقعيتك في الاجابة

اعتقد انك خفيفة الدم فعلا في معظم مواقف الحياة

انتظرك في مدونتي

تحياتي

Ayyam said...

كلبوزه كلامك دحكنى أوى وعلشان كده ليكى عندى هديه حتكون عباره عن مدونه ح أكتب فيها عن كيفيه نقص الوزن بصوره صحيه وسهله يعنى لا فيها رجيم وحش ولا حاجات صعبه وعلى حسب ألتزامك بالبرنامج ممكن تخسى 12
كيلو فى 3 شهور
وصحتك بالدنيا

ياأظرف كلبوزه

بعدك على بالى said...

قريت لك تعليقات فى مدونات كتيرة لكن ماتخيلتش ان دمك خفيف كده
انا سعيدة بالزيارة دى جدااااااااا وكان لازم اقوم بها من زمان ، لكن معلش عندى حق العرب ده..
بالحق. لما تعملى رجيم حتبقى ازاى زعيمة الكلابيز؟

تحياتى ياقمر يا ام دم خفيف

Anonymous said...

في هذه الأيام الخنيقة ومع هؤلاء الناس الذين يدعون الجدية فإن الأمور تحتاج قليل من الهواء الرطب
ووجدته والله هنا, وهو ليس تقليل على الإطلاق فنحن أحيانا نوصل بالنكتة ما لا توصله مقالة ساخنة
كلبوزة أنت رائعة هكذا وإنت كنت ستفقدين جرامات من وزنك مع جرامات أخرى من خفة الروح
فياريت
بلاش
!

شريف ضياء said...

كلبوظة حظ سعيد في ريجيمك بس إوعي تخسي من منطقة خفة الدم

خللي بالك من الجزر لإن فيه كلام متضارب
الخس و الجرجير و الخيار ممتازين و يا سلام على الكرفس الأجنبي ده حريقة

شيمـــــاء said...

بجد يا كلبوزة
انت مالكيش حل
دمك خفيف جدا
و ان شاء الله اواظب على مدونتك

من زميلتك فى الكلبظ .. الصراحة خنقة
شيماء
زبون جديد