Saturday, August 26, 2006

لقطة...و تساؤل

شعر بوحدة بالغة و هو ينظر حوله فلا يجد غير الكثبان الرملية و الصحراء المترامية الملتحمة مع السماء و كأنها علبة احكم غطاؤها عليه, و هو يلعب دور فأر المعمل الحبيس في انتظار تجربة جديدة.

أين الغرفة المكيفة من هذا الحر العميق الذي يكاد دمه يغلي منه و أين الكرسي الوثير من هذا الإسفلت الساخن القاسي الذي تصل إليه حرارته رغم حذاؤه و أين كوب الماء المثلج في هذا العطش الخانق الذي الصق لسانه في اعلي حنكه فظن انه لن يستطيع الكلام بعد الآن.

هل من الممكن أن تزول النعم واحده تلو الأخرى في لمح البصر؟!

و يجد الإنسان نفسه تراجع قرون من التقدم و عاد إلي العصر الحجري لا كهرباء و لا ماء نقي و لا ريموت كونترول يحرك الأشياء و يقرب البعيد و يبعد القريب؟

إلي أي حد نحن ننعم بأشياء لا نقدرها إلا عندما تتسرب من بين أيدينا

أو ربما تواجد النعم الدائم يكسبنا شعور بعادية وجودها, فمن منا يحمد الله علي انفه الملتصق بوجهه طوال ثلاثين سنة و أكثر!

و لم يتوقف عن لوم نفسه, كيف انسي أن أملئ خزان الوقود قبل رحلة كهذه و كيف استحوذ عليّ التفكير لدرجة أنستني ملاحظة كل محطات الوقود التي مررت عليها ,ربما هو التسويف عدو الإنسان الأول.... لا هو النسيان..... أم انه سوء التقدير .... لا في الأصل هو الإهمال .

في الحقيقة هو لا يعرف بالتحديد علي أي شماعة يعلق غلطه, و لكنه قد وجد نفسه في مواجهة حقيقية مع ضعفه و قلة حيلته و هو الذي كان يظن انه فارس مغوار طوال الوقت.

لم يعد متأكد من شيء قدر تأكده أنه يستحق أن يكون الفائز بالجائزة الأولي في اللامبالاة.

23 comments:

Sampateek said...

مش عارفة يا جماعة انا كل ما اعمل اب لود لصورة علي البلوج مش بتظهر لية؟ هو الموقع مش مستنضفني و لا اية؟
----
رغيف حواوشي للزائر رقم 650

أُكتب بالرصاص said...

صباح الخيرررر

بالنسبة للصور على البلوج ، أعتقد في مشكلة عامة في سيرفير البلوجات ،
مش بيقبل تحميل الصور
فبنلجأ لطريقة بديلة ، زي المحلل كده ،
ترفي الصور عن طريق سايت أخر وبعدين تعملي لها وصلة للبلوج


الحمد لله على السلامة



ينفع رغيف محشي كرنب ؟

الغـــــــــــــريب said...

عزيزتى
عارفه أحيانآ النسيان والامبالاه نعمه كبيره وبتريح الأنسان حتى لو وقعته فى مشاكل من وقت للتانى
أنا مثلآ عندى ذاكرة فوتغرافيه ممكن أفتكر حاجات قديمه مثلآ مواقف حصلت وأنا عندى ثلاث سنوات
ودايمآ أفتكر المواقف الصعبه اللى مرت عليا وده غصب عنى خصوصآ قبل مانام لدرجة أن اللى يعرفنى بيقوللى ياريت تفقد الزاكره
المهم مشكلة عمل أب لوود لصورة بتعتمد أكتر على سرعة النت
يعنى عندك مثلآ أنا وأوسه شغالين على وصله دى أس أل واحده بس لأنها قريبه أكتر من الروتر اللى هو المصدر سهل تعمل أى حاجه وعندى بيكون صعب شويه
المهم متستعجليش لازم تسيبيه شويه
لحد ميظهر الكلمه اللى جايه
DONE
وأختارى صورة تكون صغيره ودى بتعرفيهامن
Properties
يعنى الكيلو بايت مش كبير بتاعها
وعندك ثلاث أختيارات
صغيره
متوسطه
كبيره
جربى تختارى صغيره
وخلى الصوره فى الوسط
وبعدين دوسى أب لوود
وأنشالله الصوره تظهر وتطلع حلوه
ربنا يكرمك وتكونى دايمآ سعيده

Ensan said...

بالنسبة لرفع الصور ممكن ترفعيها على الموقع ده
http://imageshack.us/
وبعد كده تبقى تضيفى الرابط بتاعها

NoOR said...

ايه ده .....ده لسه بدري انا الزائر 605 دلوقتي يعني فاضل 45 واحد وانا جعان لسه هاستني 45 واحد ..حراااام


تقريبا السايت مش مشتنضفنا كلنا المشكله دي معايا انا كمان


القصه لذيذه جدا علي فكره

Aoossa said...

كلبز
مين ده اللى بينسى
ماهو لازم ينسى يحط بنزين
وينسى أسمه كمان
هو أحنا شويه
ده الأستاذ ياسر جوز فاتن صحبتشى
ربنا كرمه واتجنن رسمى
وطول النهار واقف بلبوص فى البلكونه
أيوه راجل طول بعرض ويشرف كده
بيحب مراته فأتجنن
دى الرجاله اللى بتقدر
معندكيش حاجه حرشه

حائر في دنيا الله said...

أهلا كلبوزة
دي لا مبالاة احتمال... دي أكيد إهمال ممكن يودي الناس في مصيبة بعد كده
نفس اللي حاصل للمواطن المصري حالياً لدرجة ان ممكن قطر يقع او عبارة تغرق ويخبط ايده على دماغه ويقول
أخ مختش بالي اصلح الماكينة
!!
تحياتي مغموسة بطبق عسل

Gid-Do - جدو said...

كلبوزة
اولا حمد الله على السلامة
ثانيا احتمال ان الصورة اللى بتحمليها كبيرة وتقدرى تقللى حجمها كالاتى
Start
programs
Accessories
paint
file
open
اختارى الصورة
image
stretch/skew
Horizotal change from 100 to 50%
Vertical change from 100 to 50%
file save as
اعطى الصورة اسم جديد
وبعدين حتلاقى الصورة سهل تحميلها
اذا لسة فيها مشكل صغريها تانى وحظ سعيد ولك تحياتى

gwad said...

حمدلله على السلامة اولا
ثانيا دة اسمة تسيب وانحلال وفساد وكلام كتير انتى السبب فى حادث العبارةوانتى السبب فى اغراء كلا من القطارين بتقبيل الاخر
وانتى السبب فى خيابة الحكومة النظيفة
حمد لله على السلامة مرة تانية

Epitaph said...

الزائر رقم 640
متعديها يا كلبوزة و تديني الحواوشي
هههههههه

:)
مافتيش يا ستي في موضوع الصور ده
بس اهو ماشاء الله الخبراء قالوا رأيهم في الموضوع

اما هذا الانسان المصاب بالزهايمر
فسيبيه في خيبته و خيبتنا ولا مبالاته
من مصايبه
:))
يمكن يفوق

أُكتب بالرصاص said...

الظريف كلنا علقنا على موضوع الصور

وسايبن الموضوع


..يا جماعة

سيبوكم من البردعة



والحقوا البتاع ..
قبل ما يهرب



كلبوزة

منورة جدة

الغـــــــــــــريب said...

كلبوزه
فعلآ طريقة جدو للتصغير مهمه فى حالة الصور الكبيره
ياريت تجربيها قبل عمل أب لوود
شكرآ جدو

Sampateek said...

واضح ان الزائر رقم 650 عدا و مخدش باله من رغيف الحواوشي و لذلك انا اكلته كله
:))
كريم كراميل للزائر رقم 700
و يا رب ميخدش باله علشان احبس
هههههههههههههههه

Sampateek said...

أُكتب بالرصاص
اللهي متحرم منك يا هندسة
علم و ينفس
بقولك اية سندوتش محشي الكرنب ده مش سانتيمنتال خالص
ممكن سندوتش هوت دوج بالمايونيز

بقي يلحقوا الحمار و يسيبوا البردعة
ههههههههههههه
طيب

ده نور النافورة يا مقلمة
(ملحوظة مقلمة هو تفخيم قلم رصاص)
------
الغـــــــــــــريب
تعرف انا كمان ذاكرتي فوتغرافية و مش بنسي
البت اوسة ضحكت عليك و قاعدة جنب الروتر :)
الله يسعد ايامك يا غالي
بتنورني
مين بقي حيدفع فاتورة الكهربا الزايدة دي
;)
------
Ensan
مرسي يا انسان علي الموقع بس مش بيفتح هنا في المملكة علشان في بروكسي
مقلتليش اية رايك في اللقطة؟
------
NoOR
هههههههه يعني يا نور ملفتش انتباهك في المدونة غير رغيف الحواوشي الناس تقول اية؟ بلم زباين بريحة الفرن
مشكرين :)
------
Aoossa
هو اتجنن علشان انتي جارتهم يا اوسة و بعدين هو واقف بلبوص توفير للهدوم و صابون الغسيل و الكهربا راجل موفر
عندي برنجان مخلل بالشطة ينفع؟
سايبالك نص رغيف الحواوشي اللي ضربته تحت الكومنت
متنسيش ازازة صبغة اليود اللي حنهضم بيها بالنص
--------
حائر في دنيا الله
ازيك يا حائر
و الله عندك حق دي مشكلة عامة مش خاصة
دايما منورني
--------
جدووووووووووو
انا سعيدة جدا بتشريفك و اتمني انك تنور مدونتي دايما
ازي صحتك؟ يا رب دايما باحسن حال
نصيحتك علي العين و الراس و جاري التنفيذ
خالص تحياتي
-------
gwad
سلامة ؟؟!!! سلامة اية يا جواد :))
انا السبب في كل بلاوي البلد
الله يسمحك يا جواد حتروح فين من ربنا
منور :)
--------
Epitaph
انت مش مقامك رغيف حواوشي انت لازم لك عزومة في تكا علي حاجة سمباتيك كدا
دي ازمة شعب مش ازمة فرد
اموه اموه
--------
الي كل الغاليين اللي نصحوني متحرمش العمر كله من عطفكم عليا ياللي بلوجاتكم من السما اجمل هدية

NoOR said...

علي فكره انا قريت البلوج كله وبتابعه من فتره بس كنت كبكتبش كومنتات كسل بعيد عنك .......بس البلوج كله تحفه

Sampateek said...

noooooor
متشكرة جدا علي كلامك الجميل و اتمني تشرفيني دايما
خالص تحياتي

NoOR said...

كده انا هازعل ........اسمعها تشرفني مش تشرفيني

Sampateek said...

:)
شرفتنا يا فندم
معلش العتب علي النظر
:):)

المزاجنجي said...

كلابيظو ااااااااااااه لو اعرف جوزك هاجيبه يتفرج على الجرسة اللي عملتيها للراجل والله حرام عليكي تشردي له كده يا اخونا بالفكاكة انا فهمت ان القصة اللي في البوست دي حصلت لما كلابيظو والافندي بتاعها كانوا راجعين بري والبنزين خلص منهم وشوفوا الجبروت الراجل حايس على نقطة بنزيم ودي طلعت اللحمة المتحمرة والكبدة والبطاطس وهاتك يا اكل ولا على بالها قال وعاملة ترمسين شاي كبار وقعدت تضرب في شاي وحبست بعد الاكل ولا فبالها لولا ستر ربنا وعدى واحد كان معاه شوية بنزيم ووجب معاهم ربنا بس سترها معاكم علشان العيال روحي ياشيخة ربنا يستر اصلك وبعدين بلاش شغل الحواوشي وناس غليل ده ممكن اكل كردون بلو لو فية والحلو بلاك فورست واقعدي بالعافية الناس نسيت الموضوع وكله ركزوا مع ام رغيف الحواوشي حرام عليكي

BackBone said...

معلش يا نور,

ايه ياكلبوزه كل التضاريس ديه و بتقوللي عطيه.


الا مين البوب الظريف ده اللي نسي يحط بنزين, ده جامد قوي, طب يعني حد لحقه في الاخر والا اتشوي من شمس السعوديه الاحسه.ـ ياله ربنا معاه بس اوعي يكون الاخ ده كان جوزك ياسمعيل بيه.ـ
;)

Sampateek said...

مزاجنجي
انبي يا بيه انا مسافرة بالطيارة فرست كلاس و عمري ما سافرت بر
و بعدين الموقف ده بيحصل مع كل الناس بس بجد مش موقف شخصي
اما بالنسبة لجوزي فده راجل ليه الجنة علشان انا مجنناه و روشااه كل يوم علي لون و وريته النجوم في عز الظهر
اسكتي ا خويا اكل الطيارة عدم
جيبين قال اية رزاية و شعرة لحمة و نقطة عصير و حاجة كده بتلوظ قال اية مهلبية
مسح زور بعيد عنك
الحواوشي احلي من المدونة طبعا ناس بتفهم
-----------------
BackBone
عليا الطلاق ما هو جوزي و بعدين مش حتبطل تشتغل بابور و تسخن يا فقري؟
اصل نور اسم علم يحتمل التانيث و التذكير و مش طالع عندي اي تضاريس و لامؤخذة محسستش علشان اعرف
قطيعة
ابقي سلملي علي جوزك يا اسماعيل بيه

film69 said...

والله عمل خير .. عموما الشمس مفيدة علشان لين العظام ، والتكييف دايما بيجيب برد ، والبنزين غلي ، والريموت بطارياته بتخلص بسرعة .. مشاكل
أنا مش مصدق موضوع اللامبالاة .. هو عاملها عن قصد علشان يخلص بس مش عاوز يقول

حريه said...

كلبوزه سمباتيك
احييك

رجاءً
تغيير البنط
أريد قراءة
النص