Sunday, September 03, 2006

إنفلوانزا الحياة

ماذا تفعل عندما تشعر بإنفلوانزا الحياة؟
احساس بتكسير في الإرادة فأنت لا تريد أن تصنع شئ و لست متحمس لشئ
و سخونة في المخ و كأن قطار بالفحم من النوع القديم
بيسخن للقيام بأول رحلة الي القمر
مع برودة في الأطراف
و كأنك دخلت تلاجة بالغلط
مع رشح من العيون بلا سبب أو داعي
و تشعر أن الوضع الوحيد المريح
هو
النـــــــــــــــــــــــــوم العميـــــــــــق
الذي تتمني الا تصحو منه علي الاقل حتي الخطة الخمسية القادمة
ماذا تفعل؟
لو كنت مكاني

59 comments:

توهة said...

باااااين عليها أنفلونزا مزمنه
يااااااخوفى لتقلب بورم فى الدماغ من كتر التفكير
وتهدل فى اللسان من كتر الكلام


فانتازياااااااااااا ولست كراون عشان بس متفهاميش غلط وتفتكرى أن اللى قرأت لدستوفسكى أنا بحب
لافكرافت

قصوصة said...

ربنا يشفينا من كتر الانفلونزا دي حاجة صعبة
البوست اللي فات حلو اوي لقيته ماشاء الله تعليقات كتير قلت اعلق عليه هنابس لما اكبر شوية هقول المواصفات انا بعتلك تاج اعمليه يا كلبوزتي

BaTaBeeT said...

ana 3aiza anam ya kalbooza :(
mesh 3arfa anam .... 3aiza anaaaaaaaam
I have life Flu as u call it... cant even get off bed... cant sleep tho

أُكتب بالرصاص said...

الاستسلام التام
للنوم
لهذا الشعور

لا تقاومي

هي الدماغ العالية بتتعمل ببلاش..

اهي جات لحد عندك

مين يطول !!!

راحة إجبارية !

بس اهم شيء ان الاعراض ما تستمرش !

وإلا تبقى موت ... مش مرض

هي مطب من مطبات الحياة ، نعديه ، وهنلاقي الدنيا .... أحلى !!!




كبري دماغك!

tona said...

اول ما تبتدي تحسي باعراض الانفنوانز العجيبه دي اللي هيا ساسا اعراض اكتئاب اوعي تستسلميلها اساسا
اعملي اي حاجه غيري بيها موودك واخرجي وغيري عاداتك

اي حاجه الا الاستسلام

sara said...

اقولك الحق انا بدخل انام
بس متعمليش كده علشان ده اشد قرف

sahar said...

والنبي وحشتيني ياختي النت عندي بايظ وداخلة من السايبر
مين سمعك انا كمان بحب النوم مووووووووووووت ببقي عاوزة اخلص اليوم وبس

الغـــــــــــــريب said...

المشكله فى حالة الثبات العميق
خاصة لما الأنسان يشعر أن عمره أتسرق منه من غير مايحس ولا يستفيد ولا يفيد
الحياه مش شغل وجواز وخلفه
أعتقد الأنسان دوره أكبر من كده
ومن حقه يعيش ويستمتع بحياته ده لو عرف
فى النهايه بنعيش يوم بيوم ونفضل خايفين من بكره
أحبك يا كلبوزه وأنتى مكتئبه
عشان بتعبرى عن اللى جوايا

المزاجنجي said...

كان نفسي اعلق لكن انا خايف لا اتعدي منك هههههههههههه ووراي مشاوير مهمة قال يعني ارجعلك بالليلل اعلق براحتي

Shower-Mirror said...

عندى فكره ...و مجربها بنفسى و أعتقد انها فلحت ... اتعلمى حاجه جديده ..اى حاجه اعملى ليكى هوايه جديده عليكى تاخذ جزء من وقتك ... بدون هزار _ الموضوع ده بجد بيفرق جامد موت ... واوعى تقولى مفيش و قت لان انا متأكد ان اكيد فى على الاقل 4 ساعات فى الاسبوع عشان تعملى فيهم حاجه جديده ...

NoOR said...

وصفه مجربه مني بقالها سنين وهي الاستسلام التام للنوم مع احساس مزمن بغيبوبه وفقد الاتصال مع العالم الخارجي


جربيها وادعيلي بس ليها اعراض جانبيه وه احساس مزمن بالتخلف العقلي

Aoossa said...

كلبوزه
يالهووووووى
أنتى مالك
تعبانه ولا عشطانه
أبعتلك شريط ترامادول
ولا أبتريل
أعمل أيه
تعرفى أنى أحيانآ بنام يومين ورا بعض عشان الأيام تجرى
قطعت قلبك مش كده
نياهاهاها

Nouran said...

كلبوزة ع فكرة انا قصوصة اللي فوق بس دخلت بالبلوج القديم اللي كنت عاملاه معرفش ايه الهبل ده مش مشكلة انا بعتلك التاج يا رب تعمليه
اه كده التعليقات احلى من البوب اب دي

KazaBaza said...

مينفعش تستسلمي قاومي
و بعدين النوم خمس سنين ورا بعض
مش هيفيد ليه؟
لانك هتصحي تلاقي كل حاجه زي مهي مع فروق بسيطه
مثلا هتلاقي الاهلي اخد الدوري 4 مرات في 5 سنين
و هتلاقي موضوع فلسطين هو هواه
و العراق و ممكن حرب في السكه كده علي سوريه المره دي بدل لبنان
هتلاقيهم خرمو الجنيه الفضه بعد معملوه فضه تمهيدا للخطوه دي

ومش هتلاقي ولا حد مننا هنا طبعا
يلا يلا دوري علي حاجه حلوة تتاكل
و انتي هتفوقي علي طول
انا بعمل رز بلبن يجنن
لدرجه ان الي معايا في السكن مش بيقدرو يكلو منه
ابعتلك كام طبق؟

bosbos said...

مهو لو كان النوم يفيد كنا نمنا كلنا
بس للاسف هتصحي تلاقي كل شيئ كما سيبتيه و مش هينوبك ساعتها الا خمس سنين انضافو لعمرك و انت نايمه
اصل العمر مش بيقف

أحمــــــــدبــــــــــلال said...

كلمة واحدة أكتبها

نـــــــــــــــــــــامــــــــــى

براحتك و أقفلى عليكى الأوضة و نامى و قليلهم ماحدش يصحيكى

هتلاقى نفسك كل ماتقومى من النوم تنامى تانى
تخيلى الشعور بعدم وجود مسئولية غير النوم وراكى

شعور رائع من التفرغ و الفراغ



نـــــــــــــــــــــامــــــــــى

Epitaph said...

هو انا اسيب عنبر الكحة اللي عند اوسة
اجي الاقي الانفلونزا هنا
طب حتي راعوا مشاعري انا صاحبة عيا
:))))

انا عندي نفس الاعراض يا دكتور
وقررت النوووووووووووووووووم

عشان الانفلونزا تخف
الحقيقية و المعدنية قصدي المعنوية

شدي اللحاف

ادم المصري said...

مش عارف بصراحه

انا حاسس ان كل الاعراض اللي انتي قولتيها دي عادية جدا وبتحصلي كل يوم ده اتلعادي ياعني

انا عايز حاجة جديدة ياعني

هههههههه

tota said...

كلبوظة
طبعا الوصف المستحدث للاكتئاب سمة العصر هو انفونزا الحياه بس سؤال هو معدى زى الانفلونزا ولا عادى نعلق من غير خوف
الهروب من المشكلة بالنوم لا يحلها اطلاقا بمنتهى البساطة ابحثى عن المشكلة وطبعا مش هتعرفى تحليها علشان كدههى مشكلة بس على الاقل عرفتى السبب
لو المشكلة شخصية تأكدى ان بعد ايام هتبقى ذكرى زى اى حاجة بتعدى
لو عامة طمنى نفسك انها برده هتفضل مشكلة ومش هتعرفى تحليها وممكن تعدى وممكن ما تعديش
انت معايا ولا نيمتى

اصل بدأت احس انى انام
تحياتى من وادى الاحلام

بعدك على بالى said...

سلامتك ياقمر ده فيما يبدو اتحسدتى من البوست اللى فات..

انا شخصيا كل ما اصاب بنفس اعراضك كنت بدخل عندك .. فاقتنص مايعيد الإبتسامة لروحى...

ولو مكانك حانسى كل الالم وحافتكر بس ان اللى بكتبه بيخفف عن "البعض" واعتقد انهم كتير جداااااااا، قدرتى تزرعى على وشوشهم البسمة والفرحة، كفاية لمتنا حوالين مدونتك ،مشاركة وتوحد وتواصل فشلت فيه كل الانظمة الثورية.

مودتى ومحبتى

tota said...
This comment has been removed by a blog administrator.
شــهــروزة said...

كلبوظة
لو بجد الكلام دة الف سلامة عليكى
واعصرى على نفسك لمونة
ووراها شريطين انتيبيوتيك
ونامى تحت تلات بطاطين
وبالشفا
وحشتينى بجد

Sampateek said...

الكروان يغنى فانتازيا
منجيلكيش في حاجة وحشة
----------
قصوصة&نوران
حاضر يا حبيبتي بس يكون التاج واسع علي مقاسي
----------
BaTaBeeT
bosy ya 7abebty fe dawa esmoh calmpam zaref we motawafer edraby 7abaya we tesba7y 3ala 7'eer
--------
أُكتب بالرصاص
مستسلمة و ربنا يفرجها
مشكرين يا معلم
--------
tona
مفيش نفس للتغيير يا اختاه
متحرمش منك
--------
sara
مفيش بديل و لا في جهد لغير النوم
نورتي المحكمة
--------
sahar
متشوفيش وحش يا اختي المهم اني قد ما بنام بصحي الاقي لسة اليوم مخلصش
-------
الغـــــــــــــريب
مش عارفة اخرج من الاحساس ده باين عليه ضيق و انا محشورة حد يشد
--------
المزاجنجي
اتشووووووو انا حاجي اعطس في مدونتك علشان تتعدي غصب عنك
-------
Shower-Mirror
من ناحية الوقت في وقت بس مافيش نفس لا جهد بقولك تكسير في الارادة
بس بفكر اتعلم الرقص و اجي اهدلكم المدونة من الدبدبة
--------
NoOR
قفلت الموبيل و شلت فيشة التليفون و نمت و مفيش فايدة بفكر ماكلش بيض و سمك يمكن افوق او اتحت اي حاجة غير الملل ده
--------
Aoossa
لو تبعتي سم فران بنكهة الفراولة يكون احسن النووووم مش حل بس هو الشئ الوحيد اللي قادرة اعمله
------
KazaBaza
لا مش بحب الرز بلبن ممكن بيتزا؟
اللهي يخليك
-------
bosbos
عندك حق
ربنا يخليكي
--------
أحمدبلال
نمت و صحيت و صحيت و نمت و مفيش فايدة
ادعيلي
--------
Epitaph
معلش يا اختي علي الحلوة و المرة مش احنا متعاهدين
اموه
------
admelmasry
حاضر يا سيدي اتشل علشان خاطرك
امسحي دموعك يا امال
------
tota
تصوري انه معدي فعلا بس من غير عطس بالفكر
و بعدين في مشاكل ملهاش حل غير الوقت علشان كده عايزة السنين تمر
قبلاتشي
------
بعدك على بالى
ربنا يخليكي ليا يا غالية
ربنا يفرجها علينا كلنا
-------
shahrzad
متشوفيش وحش يا حبيبتشي اموه
----------------------------------------------------------------------
الي كل الاحبة
عندما لا يكون بيدك اختيار و يفرض عليك وضع ترفضه تجد نفسك تصاب بالشلل الفكري و تتحول الي كرسي لا ارادة له
الانفجار حل
و لكنه قد يكون النهاية
و انا افضل تاجيل الفصل الاخير الي ابعد وقت ممكن
ادعو لي
تحياتي و شكري لكم جميعا

wa3d el3yoon said...

سورى أتأخرت فى الرد
انا فعلا عندى برد قاسى مخلى الحنجره والبلعوم مش قادر أتكلم وألام فى الجنبين أه يا برد من الامراض التقيله واللى بتيجى كل فتره

Gid-Do - جدو said...

كلبوزة
سلامتك ـ اعتقد ان السبب فى كدة هو العودة للحياة الروتينية بعد الاجازة الطويلة نسبيا ـ القصيرة مهما طالت ـ ليكى فى مصر واكيد كنتى بتتحركى كتير ما بين فسح وزيارات وانشطة مختلفة وبعد كدة عادت الحياة الى الروتين الممل ـ النهاردة زى امبارح وامبارح زى بكرة ـ والنوم مش هو الحل الحل هو التغيير فى حدود المتاح ـ بكل اسف كلنا كدة طالما مفيش جديد فية ملل وزهق لكن ادينا كلنا على البلوجز بنوس بعض وربنا عندة العفو ـ تصبحى على خير

Sampateek said...

wa3d el3yoon
ازيك يا عروسة
مقراتيش البلوج يا بيضة اتقفشتي
دي مش انفلوانزا عادية
يلا عسل خير
----
جدووووووووو
ربنا يخليك يا جدو عندك حق الغربة مرة
انا النهاردة نزلت الدولاب كلة و اعدت ترتيبة من باب التغيير
-----
متحرمش العمر كله من عطفك عليا

الغـــــــــــــريب said...

عزيزتى
أذ لم تستطيعى الأختيار
فقط تعايشى مع الوضع الراهن
فقد تحين لحظة التغيير
وقد تتقبليه
قال لى صديق عزيز من سنين عندما كان عائد لدوله عربيه بعد أجازته السنويه فى مصر
أن السفر قطعه من العذاب
ولم أستطع فهمه الا بعد أن سافرت بدورى
وربما كما قال جدو ربما هذا شعورك بعد
أجازه جميله فى ربوع الوطن
الذى تعشقيه كما هو واضح من كتاباتك
وغيرتك عليه
وقد يكون الأمر أبعد من ذلك
فهونى على نفسك
و نحن معك دائمآ قلبآ وقالبآ أيتها الأخت العزيزه

tona said...

ايه هو اللي مفيش نفس للتغير
انتي عايزه الموضوع يطوول ولا ايه
بصي قومي اعملي اي حاجه
اخرجي وروحي اي مكان جديد لو ينفع
افتكسي حاجه جديده في البيت
انتي مش بتحبي تطبخي ؟ اعملي اكله جديده خدي الويب دا يمكن ينفعك
http://acookweb.hawaaworld.com/

أبو أمل said...

الف سلامة علىك من إى انفلونزا مادية
ومعنوية
وفكرية
وعاطفية

ayhm jzzan said...

أنا حاسس بالشعور داه من فترة لما حد يلاقي الحل يصحيني

KazaBaza said...

و الله لسه موصلتش لمرحلة البيتزا
بس فكرة الافتكاس في الطبيخ بتاعة
tona
حلوة جربيها
و انا اول متطوع ممكن ياكل
صحيح انا هضحي بوجبة البخاري و مسلم
بس يلا مش مشكله

علي فكره كلنا بنعدي بالمود ده اول
اسبوعين بعد الاجازة بعد كده الوضع بيتحسن

اقولك الحقي روحي الحرم او اعملي عمره
علشان فيه كلام كده انهم هيمنعو الستات
من الصلاه في صحن الكعبه

سندباد مصري said...

والله عجبتني ابو السنابيد ديه

اما عن موضوع الأنحراف

فأنت عارفه انا منفعش

انا معنديش غير شويه كرامه بواقي الأحتلال حاجه كده علي ما قوسم

اضيعها واعيش عريان

مينفعش ( يجيني برد واموت )

اما عن الأنفلونزه النفسيه

فالموضوع بسيط وجالي كتير قبل كده

كل الدكاتره بيقولوا لازم تغير مناظر

يعني بلاش مرايه الحمام علي الصبح

حتي مش حاجه كويسه علي الريق

جربتها ونفعت صدقيني

سيبك من الناس الي هتبصلك بأستغراب صدقيني شكلك مش هيتغير بين يوم وليله

تاني حاجه سيبك من الناس الي تعرفيها واتعرفي علي ناس جداد

يعني من الأخر بلاش موضوع البلوج ده خالص

اه وبلاش نيله سياسه ولا تفكري في اي حاجه طلعي مخك برا راسك وعرضيه للشمس شويه

ولو متجوزه اقتلي الراجل علي سبيل الترفيه

ومتنسيش اللمون

اعصري اللمون علي الجثه بعد متقطعيه عشان الريحه

بعدين المرض يقلب بنزله معويه حاده ويعلقوك من رقبتك عشان يريحوك

اما عن المضادات الحيويه والكلام الفارغ

ربنا يخليلنا عمنا وعم بلدنا يوسف والي باشا

مظبط الخضار

طمطمايه علي الريق

وخيريايه علي الغدا

علي العشا هتبقي كويسه خالص

ومتنسيش قبل النوم تدعي عليه

تاني يوم هتبقي كويسه خالص

ومعنكيش اي حاجه

واخده بالك

معندكيش اي حاااااااااجه

وبالشفا انشاء الله

والسلام

gwad said...

نصيحة الى كل من يشعر بمثل هذا الدور
ان يترك البلد على طول وعلى عرض
عشان جو البلد بقى غير امن
انا قلت الى عندى وليكوا التنفيذ
ان اردتواالنجاة

BackBone said...

بناء علي ميثاق الكلابيز, باب كلابيز المستقبل ينص علي انه في حالت وجود اي من هذه الاعراض فالكلبوز المصاب عليه اتباع التعليمات الاتيه بمنتهي الدقه:

دخل بطنك جوه طلع بطنك بره نط تلات نطاط

و الف سلامه ياست الكلابيز كلهم. انشالله اوسه
:P

karakib said...

fel 7ala di banam ktir awy
antouk

مفلس افندى الرايق said...

هاعمل ايه يعنى

هاخد مسكن يريحنى

وان الصداع زاد عن حده

هاسيب دموعى تنزل

يمكن دموعى تريحنى

اه من انفلونزا الحكومه المزمنه

اه من قانون الطوارئ والحمالات والاكمنه

اه يا بلدنا وصلتى لانفلونزا مش ممكنه


حد معاه كلينكس امسح بيه دوع التماسيح

انت قصدك مين بالتماسيح يا قبيح

لاء لاء ماتفهمنيش غلط

انا قصدى حكومتنا اللى بتنور زى المصابيح

واللى من كتر نورها وحرارته

الشعب قرب يتحرق ويسيح


ازيك يا كلبوزه عاملين غدى ايه النهارده اصلى ناوى ابلغ عن اى حد عنده لحمه

Aoossa said...

أيه ده
النيوو لوك ده
لو عاوزه موقع نيولوك كويس
قوليللى
وأبعتلك
بس اللوك ده هيبوظ المواضيع القديمه
عمله أيه
أنا قلقانه لسه عليكى
طمنينى
أأأأأأأأأأأأأأأموه

ادم المصري said...

ايه النيو لوك الجامد ده

اوسه ابوس ايدك قوليلي الموقع بتاع النيو لوكات


هههههههه

هات هات هات وفي ديلة سبع لفات

Dr. Tantawy said...

مبروك النيولووووك
شكله احلى و مرتب اكتر
يا ريسه

لو عندك انفلونزا الحياه .. فكي الكيس و طلعي القرشنات و روحي استشيري طبيبك الخاص اللي هوه انا .. بطلو بخل بقه و وقف حال لنا ههههه

islamventura said...

اطلع على البحر و اختار افضل مكان لى على البحر او امشى على البحر

أحمــــــــدبــــــــــلال said...

داعتلك من قلبى
و الله

بس باين عليكى خفيتى و كمان عاملة نيولووك
أيوة ملعوبة تقولى تعبانة و مريضة علشان الحسدعلى النيولووك بتاعك

على العموم مبروك عليه

و بالنسبة للصورة اللى مش باينة عندك من البلوج بتاعى
هى عبارة عن دبلة جواز شييييك أوى جداً خالص و موضوع عليها علامة
X
بالأحمر
أنا كده وصفتلك زى مانتى عايزة
و شكراً على تشريفنا بالزيارة


و أبقى أستخدمى أجهزة كمبيوتر أو وسائل أتصال بالأنترنت جامدة شوية علشان تقرا الصور أنا ملاحظ أن أغلب الصور مابتشوفيهاش عندك



مبروك مرة تانية

saso said...

لا لا لا اوعي تنامي
انا باعمل كددة اوقات بنزل زي اي ولد ايديا في جيبي وهدوم بتريحني - غالبا بيبقي الفجر - اتفرج علي الناس وهما ماشيين بسرعة،، استرخم نفسي وانا مش لاقية حاجة تشغلني كدة.. ارجع الحق اللي باقي من اليوم
يابنتي خسارة اليوم يعدي شوفي فاتك كام ضحكة

ody911 said...

أناااااااااااااام
النوم هوة نوع من أنواع الهروب من الواقع
وبالتأكيد كلنا لازم ننام علشان الواقع أليم جدا

Sampateek said...

الغـــــــــــــريب
ربما يكون للعودة من الاجازة و ترك الاحباب و طابع الغربة الرتيب عامل
عاش لي قلبكم الطيب و بارك الله لي في قالبكم
:)
-----
tona
طيب يا تونة يا جميلة متزقيش:)
عملت النهاردة سلطة بطاطس بالتونة من باب التغيير
تسلمي من كل سوء يا حبوبة
-----
أبو أمل
متحرمش منك يا غالي
-----
ayhm jzzan
مفيش غير رحمة ربنا انا صليت امبارح ركعتين قضاء حاجة و دعيت ربنا يفرجها و اليوم احسن الحمد لله
-----
KazaBaza
حروح بكرة او بعده ان شاء الله
حلوة قوي وجبة البخاري و مسلم
ضحكتني
ابقي عدي عليا في طبق ملوخية قرديحي في التلاجة الحقة قبل ما يحمض
:):)
-----
سندباد مصري
كده برضة يا ابو السناديب؟
انا مبصش في المراية و اكل خضار مسرطن عايز تخلص مني ده انا صاحبة الشركة والسبوبة كلها في ايدي ما انا لما اموت انت حتتيتم اقصد حتتعطل
بتحرضني اقتل الراجل؟ امال مين افرس فيه بعد كده؟
عاملي دكتور و بتعالجني علي المشنقة
طيب ماشي ليك مدونة يترد عليك فيها
و اعتبر نفسك مرفوض يا ولدي مرفوض
كبة كده
:)
-----
gwad
ما انا برة البلد يا جواد ابعتلي الفين دولار اسافر اندونسيا اغير جو اسبوع و انا ادعيلك
--------------------
بحبكم كلكم
متحرمش منكم

Sampateek said...

BackBone
انبي انت سكر يا فقري و انا قررت امنحك لقب ابن اختشي و طبعا ابقي انا خالتشك
اسكت نطيط تلات نطاط الدفاع المدني جه جري و قالو البيت قايل للسقوط
مش عارفة قال لمين و امتي
:)
-----
karakib
انا كمان بس بسهر كتير قوي كمان
-----
مفلس افندى الرايق
تسلم دموعك و اهاتك
و لا اتحرمشي من رقة كلامك
--
طبخت مية و عيش لزوم البط
بلا طبيخ بلا شيل ولا حط
:)
-----
Aoossa
اموه اموه
بحبك يا بت موت موت موت
انبي كان نفسي تبقي ضرتي
انا بخير يا حبيبتشي متحرمش من شحتفتك عليا
-----
admelmasry
اتفضل يا ادوووم
من بعض ما عندكم
-----
ZanGooLaaa
استشير و مالة و ادفع من نص رغيف لحد بيضتين و رغيف بس فين
اوعي تتوقف عن النشر تاني
استمر كلنا معك
-----
بحبكم ربنا يخليكم ليا

Sampateek said...

islamventura
البحر هنا حر و رطوبةو الكرنيش لا يطاق انت فاكر كل الدنيا زي الحبيبة اسكندرية
-----
أحمدبلال
يبارك فيك ربنا انبي و لا بغزي العين و لا حاجة انا بس كنت عايزة لوك يبين البوستات القديمة
العيب مش من النت العيب في البروكسي اللي فارضينة في السعودية بيحظر ظهور الصور
عمار يا مصر
-----
saso
مصر جميلة يا ساسو الشوارع فيها امان عن هنا و تقدري تنزلي اي وقت تتمشي هنا خنقة
ميرسي علي زوقك يا سكر
-----
ody911
نمت و صحيت و فقت و الحمد لله
---------------------------
الحمد لله انا احسن
بحبكم و دعمكم و تخفيفكم عني
ربنا يخليكم ليا
قبلاتشي

مفلس افندى الرايق said...

يوم ما قالوا اختار للحب رفيق

قولت الصدق ف الغرام هو ده اجمل صديق

يوم ما قالوا اختار للعمر عروسه

قولت يا جماعه مافيش غيرها عروستى كلبوزه

هههههههههههههههههههههه ممنوع العنف ده غزل من واحد مفلس يعنى شحات وكل اللى معاه قلب رقيق وشوية شلينات

اخبارك ايه يا زعيمة حركة قلبى التحرريه وشكلى هاخد على نفوخى منك حلة ملوخيه

تعليق هدفه الصداقه والمرح

Gid-Do - جدو said...

سمبتيك
جاى اسال عن احوالك فوجدت النيو لوك للبلوج خطوة ايجابية ان شاء الله الامور ترجع عال الولاد والمدرسة والمذاكرة ورمضان ـ كل سنة وانت طيبة ـ لك تحياتى

Sampateek said...

مفلس افندى الرايق

ليك في القلب معزة شايلهم
و طبقين في الحوض تعالي اغسلهم
و لم الغسل من علي الحبل
و المكوي اكويها من منازلهم
و لما تخلص مسح الارض
ابقي تعالي نحب يا زنهم


هههههههههههههههه
نجح المدعو مفلس افندي من اخراجي من عنق زجاجة النكد بعد ان كسرت القلة علي دماغه
و كل قلة و انت طيب يا زنهم

Sampateek said...

Gid-Do - جدو
و انت طيب يا جدو يا عسل
الحمد لله انا بخير و سعيدة بلمتكم حوليا
انتم احلي اصدقاء في الدنيا
ربنا يديلك الصحة و العافية دايما يا جدو
متحرمش منك يا غالي

gwad said...

خلاص دور البرد دة جاليك
عشان انتى مش واخدة على الهوا النظيف
لما ترجعى حيروح البرد

أحمــــــــدبــــــــــلال said...

فى طريقة مشهورة للهروب من البروكسى لو عوزاها قوليلى أبعتهالك
أو أقلك عليها هنا

M-i-D-o said...

بسم الله الرحمن الرحيم
السلام عليكم و رحمة الله و بركاته
فى الاول احب ان اوجه اعجابى الشديد بالكلام الرائع اللى انا بشوفه على مدونة الاخت كلبوزة سواء من المشاركات او الموضوعات او اتعليقات الجميلة شئ رائع جدا لو يكمل فى الحقيقة و فعلا نفسنا لو الكلام اصبح حقيقة بس ها نعمل ايه احنا فى مصر لاسبيل الا للملل او انك تشوف سكة تضيع وقتك فيها و انا من منطلق الموضوع اللى بيتناقش فيه الساده الكرام انا باقترح على الموجودين و اولهم الاخت كلبوزة ان يتم باذن الله مناقشة على شات الياهوو على الكونفرنس و الدعوة مفتوحة للجميع بحيث ان احنا نعرض كلامنا قدام الكل والحلول الجيدة من منطلق الاستفادة العقلية الى ها تعود علينا بالنفع بعد كده احب اسمع ردودكم على مدونتى واحد من الناس
http://m-i-d-o.blogspot.com
و انا فى انتظار الردود و التعليقات اخوكم محمد عبد المنعم
مع الشكر الجزيل للاخت كلبوزة

سندباد مصري said...

يادي اليوم الي مش فايت

انا اترفدت

والله دي حاجه جميله خالص

اشتغل يومين واترفد عشر تيام

واكل اعيال منين

سيبك من العيال لو ماتوا من الجوع شويه مجهود واجيب غيرهم

انما امهم اجيب تاني زيها اذاي دا انا دافع فيها دم قلبي

معلش اخر مره

ثم انت مش قولتيلي ان انت عيانه

وتعبانه

قلت اريحك من الدنيا وبلاويها

واخلصك منها

علي فكره انت الي غاويه تعب قلب وحرقه دم

وهيا ديه دنيا يتعاش فيها

يا شيخه

بلا نيله

ما انت لازم تعيي ويجيلك استبحس والعياز بالله بعد الشر عني وعن السامعين

وعنك لو انك غاويه قرف زينا

اضحك عليك يعني واقولك الحياه حلوه

ولازم تعيشي كل لحظه فيها

طيب ماشي

الحياه حلوه خالص

والدنيا جميله جدا

متبصيش للناس الوحشه بصي للناس الحلوه

متبصيش لموقعنا بين الأمم بصي لموقعنا بين الأبب

متسمعيش التلفزيون بتاع الفقي اسمعي دريم واتفرجي علي هيفا

الأ البت هيفا ديه حلوه قوي يا كليوظه

تعرفيش هيا متجوزه عرفي ولا شرعي

اه ما احنا لازم نجيب في سيره الناس الحلوه

انما المواطن والخضار والعيش والعيشه والي عيشينها ديه حاجات في كوكب تاني في عالم اخر

اسمه بلدنا احلوه الجميله مصر

ومصر هيا امي

وانت عارفه الأمهات لازم يتعبوا ويتبهدلوا عشان نبقي احنا كويسين

هه

المهم هترجعيني الشغل ولا لا

والنبي

والوالي

والواد الصغير الي انا معرفوش

والسلام

sherif gharib said...

الانفلونزا الحياتيه لا يهرب منها احد هذه الايام فهى الوباء الجديد الذى يسيطر علينا من كل اتجاه و يؤدى بنا الى الانفجار الدماغى الحاد و الحل هو تكبير الدماغ
او النوم فى سبات عميق حتى لا تؤدى بنا الى الجنون
تحياتى

قلم جاف said...

تشعر أن الوضع الوحيد المريح هوالنـــــــــــــــــــــــــوم العميـــــــــــقالذي تتمني الا تصحو منه علي الاقل حتي الخطة الخمسية القادمة

إحمدي ربنا إنك بتعرفي تنامي.. غيرك لو جاتله نوبة الأنفلونزا يطلع ع السرير ويفضل قلقان لحد الضهر!

Sampateek said...

gwad
أممكن؟
-----
أحمدبلال
مشكرة جدا بس انا البروكسي بيخدمني علشان الاولاد ميشوفوش حاجة كده و لا كده
مشكرة
-----
M-i-D-o
نشكر سيادة العضو المحترم علي التوضيح
و لا ارانا الله فيك مكروها ابدا
-----
سندباد مصري
طيب ماشي اصل انا قلبي حونين و رجعتك الشغل بس المرة دي حتشتغل علي عربية الكشري مع اوسة و اهو برضه راجل معانا نتحاما فيك
و اي زبون يجيلة احتباس في المزلقان تودعة في صمت
و اخر النهار تلم العدة و تبيت العربية في المخزن
و المرتب 5 كومنت في اليوم
استبينا؟
محلوظة بالنسبة لهيفا فاعتقد انها 5 راكب

-----
sherif gharib
الحمد لله انا خفيت شوية و بحاول اقاوم الانتكاسات
تشرفنا
-----
قلم جاف
ماهو طول ما القر شغال مش حشوف النوم
ههههه
نورت المحكمة
--------------------------
علي كل البلوجرية التوجه السريع الي عربية الكشري قبل ما يحمض

ادم المصري said...
This comment has been removed by a blog administrator.
shaimaa said...

بصى يا كلبوزة
بالدوا هتنامى اسبوع
و من غيره هتنامى 7 ايام

قومى كده و بطلى كسل و اديها شوية مشى اد ساعة كده
و روحى نامى يومين

و هتبقى فله ان شاء الله :D