Tuesday, January 16, 2007

أيظن؟!!!


سيد يا سيد
من أجمل الأغنيات الهابطة التي ترفع المود الواقع
نعم
أعترف لقد سقط مودي من البلاكونة و تكسر
و كان من الصعب تجميعه و تلزيقه في الأيام الماضية
و لكن هناك أسباب
من أهمها احساسي بعدم وجود هدف للتدوين أو على الأصح لمدونتي
ثانيا تشابه التعليقات و تركيزها على المجاملة و المحافظة على روابط المودة
و هي في حد ذاتها شئ جميل و لكن عندما تتكرر تشعر انك تعينت في جريدة في باب الوفيات و انك مكلف بان تكتب كل دقيقة كلمة
سعيكم مشكور
بحثت عن تحدي فلم اجد
بحثت عن جديد مفيش
بحثت عن هدف ملقتش
و مع ذلك عدت
مش عارفة ليه بس حسيت انكم وحشتوني فحبيت ارجع أغلس عليكم شوية

41 comments:

شيمـــــاء said...

انا كمان بحب الاغنية دى لانها بتفرفش

وبالنسبة لهدف التدوين
اعتقد لو على اقل القليل اننا اعتبرنا التدوين طبيبنا النفسى
هتبقى شئ هايل جدا

تحياتى و عود أحمد
لا لا
عود سمبتيك

محمد عبد الغفار said...

شرفتى بطلتى تيجى تصلحيلى فى المودنة بتاعتى ليه

بجد اسخف حاجه فى التدوين التعليقات اللى من النوعيه اللى انت قلتى عليها دى

نفسى فى نقد يناء ونادراً ما يصل الى تعليق بهذا الشكل

admelmasry said...

حمد لله علي سلامتك يا جميل

والله ليكي وحشه

مش عارف ايه اللي كان قافل بلوجك كام يوم ويوم ما ترجعي ياختي يا كلبوزة تقولي ايه فايدة التدوين

لا طبعا .. ليه فايدة كبيرة وكبيرة كمان

تخيلي نفسك لوماكنيش طلعتي كل اللي جواكي الفترة اللي فاتت دي كنت هتكلمي مين ظ
الحيطان ؟

انتي دلوقتي بتدلعي علي التدوين لانك عرفتيه وبقي تحت ايدك ممكن تسيبه وممكن ترجعي له في اي وقت

ولو كان ع التحدي يا ستي فاتلحدي مموجود .. ايه رايك انا وانتي نعمل سباق
هههههههههههه
ايه رايك بجد سباق المدونين ... فكري في الفكرة وقولي رايك اوكش


تحياتي

مـحـمـد مـفـيـد said...

مبدئيا
الاغاني ده بتنرفز مش بتفرفش
انما حكايه التدوين من عدمه دي
اعتقد انه عالم لابد من الاستمرار به وليس الابتعاد عنه

ليه كل البوستات دي مره واحده

كلبوزة لكن سمباتيك said...

شيماء
فكرة الشرينك مش بطالة بس فين الدوا و فين الروشتة و البلابيع؟
و بعدين الناس اللي بتطبطب جابولي ارتكريا
انا عايزة ضرب
هو كله شتيمة
:)
----
محمد
ايوة انا بقول كده برضه عايزين نقد بقى
انا جاية
----
ادم الايجبشن
الله يسلمك
سباق جري؟
و لا سباق اكل
و لا تيجي كل واحد يستخبى في مدونة و التاني يدور عليه؟
بس اوعى تروح مدونة ضلمة
----
مفيد
الاغنية دي حلوة و بالذات الكليب بتاعها :)
بوستات اية اللي مرة واحدة مش فاهمة.؟
---
شرفتونا و انستونا
تحياتي

sara... said...

كلبوزة
وحشتيني
حمدالله على السلامه تيرا يا جاى من السفر..تيرااا
وحشاانى الابتساامه..تيرا
وشك ولا القمر..تنتن
حمداللله على السلامه
حمدالله على السلالالالامه...تن

^ H@fSS@^ said...

كلبوزتي
معلش كلنا مرنا بالحالة دي
معلش طنشي و متشيليش في بالك
و بعدين يصح برضو بعد ما كنتي فاتحة بيتك لينا و نيجي عندك تقومي تخلي بينا كده؟؟
قلقتينا عليكي يا شيخة
و بسبب قلقي عليكي بلوجي من حزنه طار
شفتي بقى؟؟؟

الكلام اللي بتسمعيه ده من عشمنا فيكي يا جميلة البلوجات برفيعينها و مكلبظينها
هههههه

وحشتيني مووووووووووت

سلامي يا عسل

لو مش جاي لك مزاج تكتبي مش مشكلة بس متخضيناش عليكي

سيلامو عليكوا

واحد من الناس said...

حمدا لله على عودتك
بانسبه للردود هي ساعات بتبقى فعلا ممله
بس برضه بتحسس الواحد ان في حد بيعبره
وبتدي نوع من الألفه والحياه الأجتماعيه

وبخصوص فايدة التدويين هو ساحه لكي يخرج الأنسان ما بداخله من مشاعر و افكار ويناقشها مع الآخرين بمنتهى الشفافيه والمنطقيه
بمعني هي نافذه من العقل الى العقل و من القلب الى القلب
وشيماء لخصت الفكره دي في كلمة طبيب نفساني
هو كده بالظبط

اما اغنيه الأخ بعرور ايظن
ليه ملحوظه ان الأنسان ساعات بيحتاج يبقى هايف شويه لأنه لو بقى جد علطول مخه يلسع
بس المشكله لما تكون كل الأغاني كده و التفاهه هي الي سايده يبقى عليه العوض في العقول كلها
وتحياتي

tota said...

كلبوظتى
عارفة وحاسة كل كلماتك ويمكن لفترة طويلة كان ده خوفى من التدوين انى اسمع نفس الكلام
بس انتى قلتى مرة التدوين زى الرمال المتحركة بتسحبك كل ما تحاولى تخرجى ما تقدريش

هو فعلا كده حتى لو حسيتى ان مفيش هدف انك تكتبى وتعبرى عن ما بداخلك كصرخة ده هدف ذاتى لكن هدف

انت فى بحر الرمال يا عزيزتى

تحياتى

يا مراكبي said...

أولا حمد الله على السلامة

وبعدين هو يعني مش بتعدي عليكي أيام بتزوري فيها الناس ومابيكونش فيه أحداث تنقال لكن لازم تسألي وتسلمي؟

مافيهاش حاجة لو حد دخل وعلق ولو بكلمة واحدة بس المهم يبقى فيه صلة بين الناس

أفشوا السلام بينكم

بين الأمل و اليأس said...

اولا بجد فرحتيني لما رجعتي للتدوين ومش مجامله زي مانتي متعوده
انا كنت بدخل يوميا عندك والله حتى اخر مره كانت اول البارح تقريبا وتوقعت انك خلاص استغنيتي عن العالم بتاعنا ده
ثانيا موضوع ايه فايدة المدونات
فهي اكيد فتره انتي اخدتي فيها على سيستم معين انك زي مانتي قلتي
عندما تتكرر تشعر انك تعينت في جريدة في باب الوفيات و انك مكلف بان تكتب كل دقيقة كلمة
سعيكم مشكور
بس في النهاية انتي رجعتي عارفه ليه لان المدونة بالنسبلنا هي الانسان المستمع لصرخة جوانا هي الانسان اللي بيشاركنا غضبنا وفرحتنا بدون تزييف او اي هدف مفيش حاجه تجبرني اننا اجي واعلق هنا او هناك او اي حته
ويمكن اسلوب التعليق اه بقه روتيني وكلامه محفوظ
لكن حتى لو كانوا هايكتبوا روتيني فيكفي انهم استحملوا وضيعوا وقتهم انهم جلسوا وقروا بوست طويل عريض ممكن يكون طوله طول جريده كامله
بس يكفي انهم حسوا ولو بواحد في الميه من كلامنا المكتوب
ولو عايزه جديد اكتبي عن خنقتك عن حاجات مش ممكن تكلمي فيا حد تعرفيه او وجها لوجه
على فكره انا معرفش اي حد من المدونين الى الان غير شخص واحد وهو نفس الشي ميعرفش غيري
فاكتبي واصرخي على الاقل اللي هيحسوا بيكي ملهمش مصلحه او مش مجبرين
انا طولت عليكي اوي بس هو انا تعودت على كدا يمكن مابعرفش اوصل الفكره بس سامحيني ولو مكنتش حاسس بكلامك مكنتش رديت عليكي
اه على الفكره الاغنيه انا مش بحبها بس من كتر ماسمعتها وبقه الكل بيردتها قدامي حسيت اننا عندي قبول ليها ودي حالة انا بستغربها الى الان
وربنا سترها

همس الليل said...

تعرفى انت اجدع واجرىء واحده
عارفه ليه ؟؟؟
عشان موضوع التعليقات والمجاملات الزايده دى فعلا فعلا خلت الواحد يحس بروتين
بس مش كل التعليقات كدا سعات بيكون فى تعليقات من القلب فعلا

بس فى مدونين كتير بتزعل من النقد او من اى هجوم
وطبعا انا قصدى على النقد بأدب
بس بجد معاكى حق
بس التدوين حتى لو محدش علق او حتى لو اتحول لروتين التدوين ليه طعم سعات بيكون حلو
حمدله على سلامتك

basma saghir said...

والله والله ليكي وحشة كبيرة جدا
اما موضوع هدف التدوين ممكن تعتبري التدوين لوحده هدف

وممكن تعتبري الناس الي وحشوكي وانتي وحشتيهم احلى هدف..الاوهو...العلاقات الانسانية وان كانت في قالب كلمات بتقريها من هنا وهناك بس في الاخر لازم تعترفي ان في رابط حصل بينك وبين الي بيقرولك

وانا عن نفسي شايفة ان دي حاجة حلوة جدا وظاهرة صحية على الاخر
التواصل يا اخت كلبوزة التواصل حتى ان كان على اغنية سيد ياسيد
الا صحيح انا اول مرة اعرف ان في اغنية بالاسم ده
مين بيقولها؟؟؟؟؟

أبو محمد said...

أنت شكلك كده خارجه من خناقه وعايزه تكمليها فى المدونه بتاعتك يعنى ايه حضرتك -ولا بلاش الكلمه المؤدبه دى- يعنى ايه انتى زعلانه من المجاملات والمدح يعنى مش كفايه التلطيش وقلة الأدب فى الشوارع وعند قضاء المصالح الحكوميه وكفايه مشاكل وخناقات الشغل الخ الخ ولا انت من النوع اللى بيمشى بالسك بدل المنافله ارضى بالناس الذوق المؤدبه والا ... ولا بلاش
عموما عودا حميدا وماتخديش على كلامى انا كنت بهزر

SomeOne said...

بجد بجد وحشتينا

هو الواحد لما يدخل يحط كومنت
من اجل الحفاظ على المودة
يزعلك

بالعكس ده يفرحك

اصله بيثبت لصاحب المدونة قد ايه
هو
شخصيته
مهمة لدى
قرائه
ولذلك
هم حرصين على مجاملته

اما الذين
يكمنتون فقط
عشان نردلهم الكومنتات
اكيد
يا هما ها يملوا ويبطلوا
يا اما تكون بوستاتهم تستاهل
ونتجاوب معاهم
يا اما ننفضلهم لو بوستاتهم لا تستاهل


وكمان قد ايه شيء جميل بالنسبة للقراء ان المدون يشاركهم لحظات السعادة والفرح التي تخصة

وقد ايه جميل بالنسبة للمدون ان يجد قراؤه يشاركوه لحظات الحزن و الملل واليأس

كم هو جميل عالم التدوين
كم هو جميل ان تجد من يحبوك ويهتمو بك دون سابق معرفة
الا عن طريق هذه الحروف التي نتبادلها
في البوستات و الكومنتات

قد ايه انا زعلت منك انك اختفيتي فجأة
كده
وكل لما اخش مدونتك لا اجد اي بوست

انا حديث في عالم التدوين
ولكني
استفدت من خبرات الاخرين

فعندما اشعر ان الكومنت روتيني لا ارد عليه غير بكلمة او كلمتين

يعني اللي يقولي بوست هايل
اقوله شكراً

وهكذا
وانا عن نفسي لا الجأ للمجاملة بالكومنتات الا اذا عرفت ان صاحب المدونة بيزعل لو مسبتلوش كومنت
وخصوصا لو كان غالي عندي

فبروح احتله تلات اربع سطور مجاملة

اما اذا كان موضوع البوست
ملفت لنظري ومحتاج اقول فيه رأيي
بجد نفسي كتبت كلام اكتر من البوست نفسه

وكمان في ناس بتنزل بوست وخلاص
بس عشان يبقى اسمها موجودة

الواحد منا بيدون لنفسه
وعشان ياخد اراء الاخرين

يبقى لازم الواحد ميحطش بوسط عمال على بطال

انا مثلا
اخر بوسط ليا من
5-1

ليه؟؟

اصلي بحضر بوست حيكسر الدنيا

كان ممكن الفتره اللي فاتت انزل كام بوست سد مكان

لكن ليه؟؟
هو انا بدون عشان المدونات ناقصة مدونة
ومدونتي هي اللي حتكملهم؟؟؟
ولا الناس مش لاقيه اللي تقراه؟؟

اهم حاجة ان الواحد يكون له هدف في التدوينة

يا يشارك الناس فرحه وحزنه
يا يطرح قضية للمناقشة
يا يقدم خدمة او معلومة جديدة
او ياخد راي الناس في شىء محيره
او يعرض وجهة نظره في موضوع ما
وهكذاااااااااا



ال لالالالالالالالالالالالالا

انا اتكلمت كل ده
اسف للاطالة
بس بجد انتي وحشتينا
وكمان بجد انت
اثرتي موضوع يستحق المناقشة

Om Luji said...

Hey Kalbooza,

This is my first time here on your blog. I agree that the majority of blog visitors aren't good at writing comments. But that should not be a reason for you to feel that what you write is useless. In fact, I was happy to find an over-weight buddy on the net. I also wanna lose weight and had my new year's resolutions revolove around it. Hope to read more from you soon.

admelmasry said...

هههههههههه
مش عارف بس انا ممكن افكرلك

Amany said...

بصى من غير اى مجاملة يكفى جدا ان التدوين خلكى تتعرفى على ناس كتيرة مختلفة وليها افكار جديده بتعتبريهم اصحابك برغم انك مشفتيش حد فيهم لكن ما تنكريش انك بتهتمى تقرى ليهم علشان من خلال كتبتهم بتعرفى اخبارهم وحياتهم وساعات المود بتاعهم

moodysalihamidzic said...

وحشانا يا كلبوظة

zordeak said...

كنتى فين يا بنتى


قلقنا عليكى والله

يللا بقى ارجعى نورى مدونتك

أحمــــــــدبــــــــــلال said...

يعنى هو لازم الواحد يدخل يسب و يلعن علشان يبقى تحدى و هدف مناسب للتدوين
ماينفعش الواحد يقول رأيه بكل هدوء و أحترام و بساطة
مش لازم أضايق الاخرين علشان أوصل هدفى من الكلام

على فكرة أنا بحب أغنية أيظن لأنها لا تعنى أى شئ و لا تحمل أى هدف مما يجعلها سهلة السماع و لا تحتاج الى العقل لفهمها مما يجعلك فى النهاية تهتمين بشئ أخر

Unknown said...

الرائعة دائما كلبوزة
سوف ارد عليكى بشئ واحد عن حكاية التدوين:
اولا انا ليس عندى مدونة لاسباب خاصة و لكنى متابع لأكثر من مدونة
و الذى اراه انه عالم سحرى فى انه تقولى كل ما بداخلك
كل ما تشعرين به
و صدقينى دى حاجة جميلة اوى لا يعرفها الا من حرم منها.
اما مسألة الردود الكيرة اللى اكثرها مجاملات
ليه مبتبصيش عليها من جانب اخر
اولا جانب العدد
لان كل ما العدد يكتر يبقى ناس كثيرة شافوا كلامك يعنى بالبلدى كده ليكى شعبية
و كمان كل ما العدد يكتر اكيد افكارك ممكن تغير اشياء فى بعض من يقرأها بصورة اكبر.
و بعدين ياستى ابقى ردى لما يحلو لك
يا ريت اكون وصلت وجهة نظرى

raspoutine said...

وساساساساساساسيد يا سيد
اهلا بيكى من جديد وانا كمان رجعت لسه حالا من جديدالمدونه بتاعتى مش شغاله وكنت عامل ديه استبن استحراص برضه الامر ما يسلمش من كده او كده ولا ايه ابقى زورينى




ايمن فاروق

Unknown said...

اولاً مفيش حد عارف حد علشان يقعد يجامله
ثانياً انا معاكى فى موضوع تشابه التعليقات بس ده برضه بيرجع لان التعليقات برضه ليها فن زى التدوين و يمكن كتير مبيعرفوش يعبروا عنه كويس فى تعليقهم
ثالثاً فى التدوين يوجد الكثيرين من المثقفين ........... المبتدئين .......... الجهله ........ المغييبن .......... المهرجين .... و اكيد مش كلهم هتبقى تعليقاتهم موضوعيه

خامساً انا معجب جداً باسم المدونه و بالتعليق المكنوب عليها لانه دمه خفيف و كمان معجب بصراحتك جداً

تحياتى
مدون مبسوط اوى بالتدوين

smraa alnil said...

يااااااااااااه
بصي انا مش هقول غير حاجة واحدة بس وبجد
هييييييييييه
كلبوظة رجعت
وانشالله دايما تنوري بلوجك يارب

Yasmine Adel Fouad said...

نعيش و نوحشك و تعيشى لينا دايما و مودك عالى

Anonymous said...

عااااااااااااا
انا مش باطيق الأغنيه دى ابدا
بس اخويا بيحبها جدا
بيشغلها مخصوص عشان يغيظنى ويقعد يرقص عليها
انتى شايفه ان وجود اللى بيحبوكى جنبك نوع من المجامله؟؟
اكيد لو كتبتى حاجه تستاهل النقد وتمليص الودان هاتلاقى ألف ايد اتمدت لودنينك
بس عشان انتى كويسه وحبوبه مش هاتلاقى كتير اللى بيعملوا كده
بطلى نكد على المسا
هو انتى اتعديتى منى ولا ايه؟
عندك امتحانات انتى كمان؟؟

karakib said...

أنت أصلا كنتي بدأتي توحشينا
حمدالله عالسلامه
أنا كويس الحمدلله بس الأمتحانات طحناني

Amr Ahmed said...

كلبوزة الكلابيز

حمدلله بس

عود احمد

وحشتينا والله
انتي كنتي بتتقلي علينا علشان تختبري شعبيتك

بس يا باشا زي الفل ما شاء الله
وبعدين كفاية حب الناس ليكي
اظن ده كفاية لاي حد

سيد يا سيد

ابقي تعالي بالليل
...........
حذف البقاي للرقابة
تحياتي
واوعي تعمليها تاني

الكلام نوعان :كلام فارغ وكلام مليان كلام فارغ said...

ممكن نقول ان هدف المدونات دي هوه اننا بنتكلم وبنفضفض باللى جوانا بدل مانطق ونموت من الخنقه ....زي الصرخه بالظبط بس احنا بنصرخ كتابتا عشان الازعاج
وععلى فكره احلى حاجه في الاغنيه دي رقص مي عز الدين هاتجننىىىىىى
ويارب اشوفك عندي وتتابعيني واتابعك

كلبوزة لكن سمباتيك said...

ربنا يخليكم ليا
:)

Malk Almasria said...

مع انى اول مرة ازور مدونتك لكنى متأكدة انك كنتى هتوحشينى جدا

مرسى على الزيارة ويارب متكونش اخر مرة

ملك المصرية

Lion king said...

الاغنيه فعلا منتهى الاستفزاز
ومفهاش اي حاجة مفيدة

وبالنسبه للتدوين
هو نوع من التواصل الجميل بين الناس

والتعبير عن الراي بمنتهى الحريه

Nadine Alfred said...

كلبوزة
تسمحيلى اقول حاجة

اولا:
حكاية اقتصار التعليقات على المجامىت و ان ده بيكون نوعا ما محبط لأنك بيبقى نفسك ان الناس تتناقش فى اللى كتبتيه

بس عايزة اوضح نقطة
احيانا فى ناس بتبقى معجبة قوى بالكلام المكتوب لدرجة انها بتبقى حاسة إن أى كلام او تعليق هيبان مش قد مقام البوست
و اعترف انى من هؤلاء
و اصلا كون ان حد يعدى و يرمى السلام معناها فى حد ذاتها انه اهتم و قرأ البوست و كتب كلمتين فى نفسه


اما بقى ثانيا:بالنسبة لعدم وجود هدف لمدونتك
فأحب افكرك ان ده البلوج بتاعك
يعنى بيتك
ملكك
تكتبى اللى انت عايزاه
انشالله تحطى الكومودينو وسط الصالة
و مجرد انك حققتى اللى انت عايزاه اللى هو كتابة ما تشعرى به
فده شىء رائع

كلبوزة
كلمة اخيرة
لو مكانش البوست بتاعك ده يستاهل
مكانش حد عدى ولا ساب كومنت
حتى لو كان الكومنت ده مجرد كلمة صباح الخير

بين قوسين بقى:
انا الفترة اللى فاتت دى طلع عينى عشان اعتر فى البلوج بتاعك بعد الدربكة اللى كانت حصلت
المهم لقيتك
و مبسوطة انى عترت فيكى

ليكى وحشة

معلش عالرغى بتاعى :) بس حبيت اوصل وجهة نظرى
سلام

el2ahwagi said...

ya sampateek....


ana wakhed taxi wgeet a2olik 7amdella 3alsalama tani f beetik...
wegayib ma3aya seneyet basboosa kamaan...!


el modawena di korrastik... tetkalemi feeha... teshakhbati feeha... teza3a2i .. aw tehmesi... da makan betetnafesi feeh...
bas elmakan da kollo shababik... momken elnaas tobos menno ... w akeed hat3ala2....

bas 3ala2et.. ma3alla2etsh... gamletik aw talla3et lesanha (ba3d elshar ya3ni :) ).. fa bardo hatefdal korastik...
aw odtik elkhososeya bas be7taan shababik ...

ya3ni matekhtefeesh tani 3ashan lamma nobos mel shebaak ne3raf neshoofik... :)


7amdella 3alsalama ... !!!

الكلام نوعان :كلام فارغ وكلام مليان كلام فارغ said...

the song is perfect and i like may's dancing,,,it drive me crazy
but you blog is perfect and i hope to see u in my blog

أُكتب بالرصاص said...

كلامك كله صح

انا جاي اجامل ومروح

سلام

Haitham Abu Akrab said...

اعتقد انك لما توصلي
مرحله النجوميه
تبقي كل حاجاتك
احلي من بعض
هيخلي موضوع
الكومنتات ناري علشان
الحسد بقي

سعيد فعلا اني زورتك بعد الرجوع

أشرف حمدي said...

يمكنك تعليقي مايكونش ليه لازمة
بس أنا أموت وأعرف مي عز الدين بتقول ايه في الأغنية
مش عارف ايه مولّعني
حد يقوللي ايه اللي مولعها يا جدعان قبل ما اتجنن
وبلاش قلة أدب أرجوكم

سابرينا said...

وأنا كمان بحبها
هي وكل أغانيه السابقة
حمدلله علي السلأمة

Music Gates said...

انا بقي مش بحب الاغنية دي خالص يا سمباتيك للاسف الغني انتهي من ايام فيروز و الشاب ميمي :) و انا شايف الناس بتقوليك حمد الله علي السلامه اظاهر انيك كنتي غايبه طيب يبقي المفروض اقول ( حمد الله علي السلامه )
ومتحرمناش منيك المهم انا بكمل الباقي البوستات و اعلق براحتي ماشي
براحتي :P ياعني هجامليك زي مانا عايز ماشي يلا بقي خليني الحق اخلص الي اقدر عليه