مش عارفة ليه كل ما نتعرف على وسيلة تكنولوجيا جديدة نسيئ استخدامها بطريقة مبهرة
لدرجة اننا بنتفوق على نفسنا في سوء استغلال التطور المعلوماتي في العالم كله
و من التقنيات دي :البلوتوث
و هو عبارة عن خاصية في الهواتف النقالة(الموبيلات)-الجيل الثالث-يمكن المستخدم انه ينقل اي صورة او ملف صوت اوفيديو أو كتابة من موبيله الى موبيل تاني من غير ما يتكلف تمن رسالة او مكالمة
و الواقع ان الشباب بيستخدم الخاصية دي في المعاكسات و ارسال صور خليعة مرفقة برقم تليفون المرسل علشان المتلقي يتصل بيه و تنشأ علاقة غير بريئة بين الطرفين .
ده غير ان في الف موقع على الانترنت يرعى البلوتوث و يجمع مواد تصلح لممارسته بل و مدارس لتعليم اتقانه للمبتدئين
و لو ذهبت الى اي مجمع(مول)في العالم العربي و شغلت خاصية البلوتوث في موبيلك او كمبيوترك النقال (اللابتوب)و عملت بحث عن اسماء الموبيلات اللي مشغلة نفس الخاصية
حتلاقي اسماء تفطس من الضحك و تغيظ في نفس الوقت
شارب ببسي ومدلع نفسي
بلتثني تجدني
شارب كولا ومتزوج حولا
دايخ في عالم بايخ
ده طبعا غير الاسماء الابيحة اللي تغيظ و تفرس و تخلي الواحد يستغرب من الناس اللي ربنا رزقها بنعمة و هي بتستخدمها في معصية ربها
و في الوقت نفسه تلاقي ناس مسمية نفسها
راجي عفو ربه
سبحان الله
توبوا الى الله
رسولي محمد صلى الله عليه و سلم
و غيرها من الاسماء الجميلة اللي فيها تذكرة بالله و طبعا اصحابها بيبعتوا صور دعوية فيها كلمات مباركة من الكتاب و السنة أو ملفات صوت لدعاء الشيخ السديس أو دعوة للتوقف عن التدخين و ايذاء النفس و الغير
و لكن للاسف هم قلة
الفكرة اللي عايزة اوصلها
ان التكنولوجيا الحديثة ممكن تساعدنا في نشر افكار و مفاهيم ايجابية و من اهمها الدعوة في سبيل الله و يليها تطوير النفس و شحن القوة و السيطرة على الغضب و غيرها الف فكرة ايجابية
و تجنيب الافكار السلبية اللي بتتمثل في البحث عن الشهوات و الوقوع في المحرمات و لو من باب الفضول و الهزار
انا رايي ان الفراغ هو العدو الاول للشباب في العالم العربي و هو اللي بيدفعهم لتجريب كل جديد من باب المغامرة
و في الختام
اذكركم و نفسي بقوله تعالى:( إن السمع و البصر و الفؤاد كل أولئك كان عنه مسؤلاً) الإسراء :36
104 comments:
السلام عليكم
اوافقك الرأي ان الشباب العربي ومش الشباب بس اي حد حتي الكبار بيستخدمو التكنولوجيا استخدام سئ جدا
وفي ناس قليله بتستخدمه صح
علشان كده هنفضل طوال عمرنا مستخدمين تكنولوجيا مش مصنعينها
تحياتي ليكي
مهند المصري
الباحث عن الحقيقة
سمباتيك يا قمر
ازيك يا جميل
يا حبيبتى هى دى طبيعه شباب العرب
الا من رحم ربى
التكنولوجيا على اديهم
بتتحول الى تكنولبيا
على فكرة انا ناثنج تو لوز=توت توت
نتيجه حتميه للفراغ اللى جوانا
انت شايفه الاس ام اس بيستخدم ازاى و النت و اى حاجه تانيه
اشمعنى البلوتوث يعنى
فعلا دي ظاهرة بشعة واكتر بقي في الجامعة
علي كل شكل ولون زي مابيقولوا
وانتي جبتي المفيد كله
الفراغ والامبالاة وضياع الهدف الحقيقي اللي يشغلوا وقتهم بيه عشان يحققوه
التكنولوجيا طول عمرها سلاح ذو حدين
للخير والشر وده حسب الاستخدام
بقي وكل واحد وعقليته
بس بجدموضوع مستفز
بجد حاجة مستفزة جدا
ولا في الجامعة بقي وهناك بقي ايه علي كل شكل ولون زي مابيقوله
بس انتي قولتيها ده الفراغ اللي مسيطر علي الشباب واللامبالاة
وانا مع صاحب التعليق الاول جدا في رايه وهيفضل ده الحال طول ماحنا مستخدمنيها مش مصنعينها
والتكنولوجيا كده طول الوقت سلاح ذو حدين
وبيتوقف ع اللي بيستخدمها بقي يا في الخير او الشر تحياتي
ربنا يكرمك عشان فهمك العميق ده ودعوتك لاستغلال الأمور فى ما يرضى ربنا سبحانه وتعالى ..
تحياتى مرة تانية
تعليقي خاص بالتعليق الثاني بتاع لاشئ للخسارة:
الشباب العربي مالوش طبيعة إنما زيه زي أي حد عنده أدوات وإمكانيات ووقت بيستخدمهم صح أو غلط بحسب ما اتعلم واتربي في البيت والمدرسة والشارع ومن وسائل الاعلام.
مفيش جينات معينة في العربي تخليه مغفل ولا جينات في مخ الصيني تخليه حمار شغل
ولا جينات في مخ الأمريكي تخليه مستهلك محض
الحكاية حكاية مخ بيتلقي بيانات ومعلومات وبيشوف الواقع ويتصرف غالبا بشكل مشابه إلا من اختار حارة جديدة يسير فيها بعيدا عن الباقيين.
والله عندك حق
البلو توث دة بيستخدموه للتعارف تعليق البنات
انا شخصيا كنت قاعدة مرة انا وصديقاتى فى كافيه مرة وكانت واحدة منهم بتبعتلى رنات على البلوتوث وفجأة لقيت سل من الرسايل فيها ارقام تليفونات وقبلات وكلام من اللى انتى فاهماه
وحرمت من ساعتها افتحه فى مكان عام
وعجبى
اغلب الناس بتقول اللي بيحصل ده عشان الفراغ و انعدام الاهداف
بس هل الفراغ فعلا بيسبب انحلال و خلل في الاخلاق ؟
شكرا
بصى يا سامباتوكا الأمر ده جزء من كل يعنى كل شىء فى العالم العربى مختل المعايير بمعنى ان السلاح العربى الموجود فى ايد الحكومات بدل ما يتوجه للعدو الحقيقى يتوجه على العكس الى الشعوب والأموال العربية بدل ما تتوجه لمصلحة الشعوب نجدها تكرس لمصلحة الحكومات و العقول العربية بدل رعايتها وتنميتها نجد بدلا منها الإهتمام بالعجول الغير عربية والعربية وبدلا من الإهتمام بالباحثين والعلماء يتم الإهتمام بلاعبى الكرة والتفهاء وارجو تفكروا معى لو عالم ذرة طلب مننا 20 ألف دولار فى الشهر علشان يدرب لنا مجموعة من الباحثين هل هنوافق ؟؟؟ وفى نفس الوقت مدرب كورة زى جوزيه أو ميشيل أو غيره بندفع لهم المبلغ واحنا راضيين ولو جه دكتور فى الجامعة وطلب مليون جنيه فى السنه هنقول عليه مجنون لكن لاعب كرة ممكن ياخدوهم وهو قاعد مع الاحتياطى وهكذا ..لكن انا متأكد ان الشباب لو وجدوا بيئة جادة تفعل فيها المعايير الحقيقة لاختلف الوضع تماما وإلا ما هو التفسير لانتشار اغنية الحلم العربى فى الوساط الشبابية وما هو تفسير التفاعل الكبير مع الإنتفاضة الاولى و دمتم طيبين
السلام عليكم ورحمة الله وبركاته
البعد عن الدين وعدم تحديد الهدف وضياع المبادئ والفراغ والرفاهية الزايدة عن الحد والدلع والإهمال وعدم التفكير والضياع والكسل والمعايير اللي اتقلبت وفقد الهوية...كلها آفات بتنخور في مجتمعنا
ربنا يرحمنا برحمته الواسة..ربنا يهيديني ويهدي الجميع إن شاء الله
بوست جميل بجد
شكراً جزيلاً
نوني
يعني ... الموضوع مش محصور في حكاية البلوتوث ... احنا عادة بنتعامل مع اي جديد على اننا (محدثي نعمة) ... فنستغلها بأكثر الطرق بدائية ...
الموبايل في اول ظهوره مثلا جعل اذهاننا تتفق عن حيل الميسد كول ثم البحث المضني عن النغمة الروشة واللوجو الخطير , ثم تظهر الالوان والكاميرات ... وتنفتح شهيتنا اكثر للاستخدام السطحي الساذج لكل تلك التحديثات
لكن عندك حق في حكاية الفراغ طبعا ... سبب اساسي لأي تكالب على توافه الاشياء (لانها بسيطة لاتستدعي الكلكعة وتفتيح الدماغ والعمل الدؤوب أو اي مجهود مقرف اخر)
___________
عارف اني ندل ولم امر لفترة طويلة ... اعذريني , كنت في خلاط الامتحانات المزري
وحشتني شقاوة بوستاتك السمباتيك
تحياتي ... وسأفكر جديا في نصيحة الترزي
:)
على فكرة .. ده مش البلوتوث بس
الناس برة بلادنا العربية مندهشة للغاية من طريقة إستخدامنا للتقنيات دي وكثافة وشدة وتفاهة إستخداماتنا دي
نفس الموضوع تلاقيه في الشريط اللي بيكون تحت الشاشة في كل القنوات الغنائية والغير غنائية .. ده غير عدد القنوات الغنائية والهزلية المهول .. غير موضوع اللوجوهات والرنات للتليفونات المحمولة
بإختصار .. إحنا شعوب يغلب على أفرادها التفاهة وإستيراد التكنولوجيا للإستخدامات الهزلية بعكس الغرب
جزاك الله خيرا
تحياتي لك من ماناساس البلد
عزيزتي
ليست المرة الاولي التي يستخدم فيها بني البشر عامة اي وسيلة استخدام سيء
فكل شي في الكون اي شيء هو سلاح ذو حدين.
لي تعقيب علي نقطة الجماعة اللي بيستخدمو البلو توث في ارسال رسائل و ان كانت دعوية فهي ايضا اعتداء علي خصوصية المستقبل لا يشفع لها انها دعوية
فالمبداء هو اقتحام حريتك وهو ما تم في كلتا الحالتين
علي اي حال ليست اول مرة او اخر مرة
كلما تطورت التكنولوجيا كلما تطور المرضي النفسيين في مجتمعنا
وهايجي يوم نشوف افلام البورنو علي القناة الاولي و الفضائية المصرية
المهم الواحد يكون فية نفس يتفرج :)
مش الفراغ بس
الكبت والهطل
ما احنا بقينا في زمن البتاع
العدل إتظلم والحق ضاع
والأسرة إتفككت والشباب صاع
والضمير فسد ولإبليس منصاع
يارب قدرنا نعمل المستطاع
دي الدنيا خربت والشر شاع
أأه يا قلبي
سمباتيك الرقيقة
ما يهمنيش ان تعليقى دة يتنشر ..دة كلام من قلبى لقلبك
على فكرة انا قريت تعليقك عند شريف الصيفى وتقريبا كل واحد له رايه فى موضوع الدين والملة وطرق الزواج أو الإرتباط
بس بجد بقى
بينى وبينك كدة
بغض النظر عن آرائنا
مش برضه حاجة صعبة شوية ان حد يقولك ان ابنه مات وتقوليله احمد لله انه مات
مهما كان الأب أو الأم
اصعب حاجة فى الدنيا هى فقدان طفل
والقسوة لا ولم ولن تغير نفوس الناس ولا اتجاهاتهم لكن الحاجة الوحيدة اللى كلنا بنتقبلها هى الحسنى
وجادلوهم بالتى هى أحسن
تفتكرى لو كان محمد نبينا نفسه مكانك وعرف الموضوع
تفتكرى كان هيرد يقول دة ابن زنا ومن غير دين والحمد لله انه مات
ربنا هو الأعلم بالغيب
هأحكيلك حاجة
أعرف واحد برضه كان فى النمسا وعرف واحدة نمساوية وحملت منه وعرف بعد مدة انها خلفت وكتبت الطفل على اسم عيلتها وكتبت الديانة مسيحى
طبعا لم يقبل وهاج وماج وفى المحكمة هناك أمروا برفض دعواه
رجع مصر مدة وبعدين رجع هناك وقابلها واتفق معاها يفضل الطفل مسيحى بس يبقى جوزها ويتكتب بإسمه
وافقت وبعد مدة من العشرة الطيبة جم عاشوا فى مصر
وهى اسلمت والولد بقى مسلم واخدت الجنسية وبقالها 30 سنة عايشة فى مصر وبتصلى وبتصوم وعندهم بنتين غير الولد
يعنى المستقبل لا يعلمه الا الله
الكلمة الطيبة كالشجرة الطيبة يا عزيزتى الرقيقة سمباتيك
اصلها ثابت وفرعها فى السماء .. دة كلام ربنا عز وجل
أوعى تزعلى منى انتى عارفة معزتك عندى
ولو عاوزة تردى علية عندى أو عندك انا تحت أمرك
فكرتينى بالدش أول ما بدأ يظهر فى مصر أول حاجة الناس قالتها ده بيجيب قنوات أباحية
و لما التليفون ظهر فى مصر ماعداش كام سنة ألا و كانت المعاكسات التليفونية بدأت و طبعاً مع ظهور الموبايل بدأت مرحلة جديدة من الانحلال الجميع ينقلون الافلام و الصور الجنسية بنات بينقلوها من صبيان و العكس و بينهم و بين بعض
قوليلى راجل فى الاربيعينات بيدور على الافلام دى على موبايلات الشباب ليه؟
مافيش سبب غير أنه بيعيش مراهقة متأخرة للغاية
و زى ما قال فى التعليق الاول
مهند المصرى الباحث عن الحقيقة
هانفضل طول عمرنا مستخدمين و مستهلكين للتكنولوجيا و غير مصنعين أو مبتكرين
مهند المصري
احنا بالكتير نجمع رديوهات ترانزستور
ربنا يصلح حالنا
---
Nothing To Lose
اهلا اهلا يا جميلة
ايوة فعلا للاسف ربنا يهدي
---
Mohamed A. Ghaffar
متهيألي ده دورنا كمثقفين اننا نعمل حاجة
--------
تحياتي
Esmeralda
انا بتفرس و بتصدم من الراسائل دي
الحياء خلاص راح
---
نورهان مفيد
طيب اية العمل لازم نعمل حاجة
---
أخف دم
الله يحييك
---
تحياتي للجميع
Winston Smith
و من هنا بيجي دورنا كناشرين و مثقفين في نشر الوعي و توجيه الناس
---
ياسمين
انا شايفة ان رد رسالة زي دي برسالة دعوية مناسبة ممكن يكون لها وقع السحر على صاحبها
رب مبلغ اوعي من ناقل
---
fad-fadat nour
الفراغ الغير موجه بيدفع صاحبه انه يتسلى بكل ما هو متاح بدوع تمييز بين الصح و الغلط
لازم يكون في توجية و نشر وعي بين طبقات الشباب
-------
تحياتي للجميع
essam
كلامك صحيح و متزن
من تحرى الخير وجده
و ده دورنا في نشر الخير
---
Noony
و عليكم السلام و رحمة الله و بركاته
كلامك مظبوط لكن لحد امتى حنسكت لحد السوس ما يوصل لبيوتنا!اكيد لازم نعمل حاجة
---
451 فهرنهايت
ربنا يوفقك يا دكتور و يصلح حالنا و حال العرب
---
تحياتي للجميع
يا مراكبي
ايوة للاسف العيل الصغير من دول تلاقي معاه موبيل اللي في اوروبا مش بيشيله غير الدكاترة الاونكول
عندنا مرض البزخ الغير مدروس
هطل يعني
---
The Groom
جزانا و اياكم
---
ana ga3an
طالما انا فتحت البلوتوث عندي فانا مستعدة لاستقبال اي مادة خارجية
و ارسال رسائل دعوية لا ينطبق عليها كلامك من انتهاك للخصوصية
التذكير بالله مش محتاج اذن و لا طلب
ربنا يديلك الصحة و تشوف برنامج طبق اليوم
:)
---
تحياتي للجميع
قاسم أفندي
صوح
---
قنديل في قلبي
فكرتني بحسونة الفطاطري لما قال
و تلاقيني مبوز
علشان عايز اتجوز
:)
جميلة
---
ياسمين
عادة انا لا اراجع احد في تعليق كتبه الا اذا كان الكلام موجه لي و لكني سوف ارد عليكي في مقال منفصل
نورتي يا جميلة
------
تحياتي للجميع
أحمــــــــدبــــــــــلال
هو في الواقع يعيش مراهقة لم تكن متوفرة ايام ما كان مراهق
البحث عن طرق لتسلية الفراغ و رسم معالم لحياة باردة
هي الازمة الحقيقية
تحياتي
ياسمين الرقيقة
تعجبت كثيرا من رسالتك لي و التي جاءت على شكل تعليق على ما نشرته ردا على مدونة اخرى
لا افهم لماذا كتبتي في هذة المدونة
----:
على فكرة انا هالنى تعليق سمباتيك
أعتقد انها لم تقصد أو لم تفكر قبل كتابته
رجاء اعطائها فرصة للتكفير عن ذنبها
....
اعتقد انها أكيد عاوزة تعتذر الكلام دة من عندى بس
-----
فأنا لم اعتاد ان يتكلم احد على لساني او ان يجامل احدا غيره على حسابي
و لم اعتاد على قلب الاوضاع حيث يصبح انكار الزنا ذنب - على حد قولك- و فعله يستحق الشفقة و الثناء
اما لو ناقشنا الموضوع بعيدا عن ما حدث و بموضوعية
فانا اعتقد اننا نكتب لا لكي يصفق لنا الاخرون سواء اصبنا او اخطأنا و لكننا نكتب و نعبر عن انفسنا و للاخرين حق ابداء الرأي و علينا تقبل رايهم طالما اننا سمحنا لمحتوى صدورنا ان يخرج
انا لا اجامل و اصف الزنا بغير اسمه لاظهر مشفقة حانية رقيقة
و لا اعتبر ان قول الحق قسوة او كلمة خبيثة كما استشهدتي في تعليقك عندي
الحق احق ان يتبع يا عزيزتي
في الختام
الاختلاف في الرأي لا يفسد للود قضية و ان كنت لا اخاف في الحق لومة لائم
كما انني لا افضل ان يتكلم اصدقائي على لساني
و عن ديني ادافع بلساني و بيدي ان استطعت حتى يقضي الله امرا كان مفعولا
:)
نحن من نستخدم التكنولوجيا فيما هو مفيد او ضار
المهم الاستخدام
احيكي علي طرح الموضوع القيم
السلام عليكم
ازيك يا سمباتيك
عارفة دا طبع محدث النعمة
ناس معاها فلوس لكن معندهومش عقل
اتعودوا انهم يستخدموا و يهتموا بالتوافه ... و المظهرية الفارغة بقت في دمهم
و اهم حاجة انهم يواكبوا احدث شئ بغض النظر عن استفادتهم الحقيقية منه ام لا
بس عارفة
زي اي لعبة جديدة بتديها لعيل صغير
في الاول بيكون ليها بريق لحد ما تطلع لعبه جديدة و اللعبة القديمة تكون راحت عليها
عامة
انا هثق اننا نقدر تنغير بصحيح لما فئة الشباب اللي زي دي متبقاش الاكثرية ... يكونوا موجودين اه و لكن الشباب الواعي المفكر الذي يجيد استخدام عقلة موجود و اكثر منه كمان
و علي را الزميل القائل
الهبل الاكتر هتلاقيه في المسدجات اللي بتتبعت علي قنواوات الاغاني
خير
عمار يا مصر :)
لازم الاول المفاهيم والدماغ تتغير وبعدين نغير استخدامات الشباب
اصل مش معقوله شابا كل دماغه فى الكيف والاباحيه والتوافه
ونيجى نقوله والله استخدم البلوتوث او اى تكنولوجيا استخدام صحيح
فاقد الشئ لا يعطيه يا سمباتيك
لازم الاول يغيرو نفسهم وعقولهم
لازم ينضفو من جوه
وبعد كده يستخدمو الاتكنولوجيا استخدامها الصحيح
تحياتى
مش عارفه اقولك ايه غير ربنا يرحمنا برحمته
المشكله ان كل ما التكنولوجيا بتتقدم
مفاهيم كتير بتتراجع
عندنا بس كعرب
بوست حلوفعلا
تحياتي ياجميل
سمباتيك
نحن فى زمن ضاعت منه تقوى الله فى نفوس كثيرة من شباب اليوم
فالرغبه تملئه .. والضياع يحيط بهــم فلا يستطيعون أن يستفيدو بتكنولوجيا العصر
على أسس سليمة .... ندعو الله لهم الهدايه
لكى تقديرى وتحياتى على هذه المقالات الجميله الهادفة
ما هو لو الشباب بيتعلم حاجة
وعنده
هواية
وهدف
وشايل مسؤلية
مش مخه فاضي
كان في حجات كتير قوي ح تتغير
انا معاكى 100 %
بس بلاش نظلم العرب
فى كل بلاد الدنيا فيه اللى بيستخدم التكنولوجيا فى الشر وفى اللى بيستخدمها فى الخير
بالعكس انا شايف ان بعص العرب والمسلمين استغلوا التكنولوجيا فى حاجات مفيدة جدا جدا
زى البلوج بتاعك ده
ولا ايه ؟؟؟؟
كلبوزتي انوستي كوانوستي
اول حاجة انتي في السعودية اذن فلا عجب
ثانياالحكاية مش حكاية قلة ادب و بس لان مثلا الموبايل العادي بنستخدمه في ارسال المسجات بشكل زايد عن حده نكت و فوازير و الخ الخ
انا اول ما و صلت هنا اندهشت من استعمالهم للمسجات و هما كمان استغربوا لمل حكيت احنا بنستخدمها في ايه هما عندهم المسج للشديد الاوي و لتبليغ خبر
شفتي بقى الفرق؟؟؟
موضوع جامد جدا جدا
فعلا مشكله البلوتوث دي كبيره اوي
واحد صاحبي لقيته فتح البلوتوث
بقوله فاتحة ليه
قالي علشان القط اي حاجه في الجو
بجد احنا بقينا بنتفنن في كيفية السير ورا غرائزنا بإستخدام التكنولوجيا سواء موبايلات او كمبيوتر او او او
ربنا يرحمنا برحمته
اه على فكره
معنديش بلوتوث
محدش يتبرعلي بجهاز فيه بلوتوث
:)
جزاك الله خيراً
لولا الأمر بالمعروف والنهي عن المنكر
لهلك اكثرنا
قال الله عز وجل
"واتقوا فتنة لا تصيبن الذين ظلموا منكم خاصة"
تحياتي
ويجعلوعاااااااااااااااااااامر
للاسف هو ده حال العرب والمسلمين دلوقتى بياخدوا من اى جديد اقبح ما فيه بس الحمد لله الخير موجود برضه ومنتشر وللاسف لان كتير من الشباب معندهاش طموحات وامال وفقدان للامل فى المستقبل فبيشغلو نفسهم باى شئ ممكن نتصوره اى شئ المهم يملوا وقت فراغهم باى حاجة مش بيفكروا ساعتها اذا كانت تغضب ربنا ولا لا
موضوع مهم جدا طرحتيه يا كلبوزه و هو سوء استخدامنا للتكنولوجيا في كل شيء مثلا:عندك 81% من مستخدمي الانترنت في الوطن العربي يستخدمونها من أجل البحث عن كل ما يتصل بكلمه
sex
الموبايلات كلها لازم تبقي بكاميرا و كلها علي أحدث الاغاني بصوت مجسم و بعد كده نلطم من تدهور المعيشه و احوالها...الخ
كفايه كده عشان الموضوع محتاج بوستات
تحياتي لكي
انا كنت جاي أقول هاي
بس مع الوضع
وحساسيه الموضوع
متضطر أقول
السلام عليكم
.....
...
السلام عليكم
....
تحياتي
للعملة الواحدة وجهان دائما
السلام عليكم
شدني الموضوع اللي بتتكلمي فيه و متفق معاكي جدا
بس هي المسألة مش مسألة ناب أزرق ولا عين حمرا، موضوع اساءة استخدام التكنولوجيا مش زي اساءة استخدام الحواس اللي ربنا اداهالنا
لان في رأيي ان اساءة استخدام البلو توث زيها زي اساءة استخدام الانترنت....لا تتعارض و الحرية الشخصية
لأن الاثنين مافيهومش فرض رأي على حد
يعني لما اروح المول هفتح اساسا البلو توث ليه و ادور على خلق ربنا اللي حواليا لموؤاخذة؟
زي بالظبط ان كلنا عندنا حرية اختيار المواقع اللي عايزين ندخلها
مانروحش بأه لراس القرد
تحياتي ليكي
مواضيعك بجد امتعتني
زيييي
مـحـمـد مـفـيـد
الله يحييك
---
شــــمـس الديـن
الحمد لله بخير كلامك في محله فرصة سعيدة
---
REEMOO
فعلا بس للاسف في ناس فاهمة الصح غلط
و بتدافع عنه
ربنا يصلح حالنا و حالهم
---
تحياتي للجميع
محض روح
الله يحييك يا جميلة
---
gamal
ربنا يرزقنا التقوى جميعا
---
شادي فايد
ده دورنا احنا ننشر الوعي و ربنا المستعان
------
تحياتي للجميع
omar مشروع بطل
هي سلاح ذو حدين
اشكرك
---
أم حزنبل
صحيح لان الكبت هنا اكتر من اي مكان تاني للاسف
---
زحل الفلكي
الملل و الوحدة و الفراغ النفسي هو اللي بيدفع البعض للبحث عن محرك لركود بركة الحياة
ممنوع ليك البلوتوث بيجيب حموضة
---
تحياتي للجميع
سمسم
فعلا فتن كقطع الليل المظلم
---
امام الجيل
اللي بينسى الله بينسى نفسه و بيفقد كل شئ
---
micheal
ربنا يهدينا و يهديهم
---
تحياتي للجميع
سندباد مصري
الله سلمك
و عليكم السلام و رحمة الله
نبيــذ
و احيانا ثلاث وجوه
:)
---
زي
موضوع الحرية الشخصية ده مش مفهوم صح عندنا في العالم العربي و نحتاج لاعادة نظر فيه
لان اغلب الناس يقولوا على اللي على هواهم حرية شخصية
و ما يعاكس ميولهم تطرف و شذوذ
اعتقد سيكون موضوع البوست القادم
-----
تحياتي للجميع
يسلم كي بوردك يا سمبتيك
في انتظار بوستك القادم
برضك تحياتي
زي
أعتذر عن الحديث بلسانك ظننت انى أعرفك حق المعرفة
وعلى فكرة انا لا أجامل أحدا ودى أول مرة أدخل على مدونة شريف الصيفى بجد
اشكرك
اه والله عندك حق حاجه تحزن
اما تشوفى قد ايه بقينا بنجرى ورى حاجات ونستخدمها بطريقه غريبه
فراغ فعلا
ربنا يهدينا جميعا
تحيياتى لكلامك الواقعى
لغاية دلوقتى بسمع عنه كتير بس معرفش يعنى ايه بلوتوث
والله محتاجين نجدد في اسلوبنا في دعوة الغير بالشكل دا
شكرا علي الفكرة
اما ان الفراغ السبب ابصم بالعشرين
ولسه هنشوف
بس مين السبب في الفراغ دا احنا الشباب ولا الناس التانيين
للانسان مطلق الحرية ان يفعل مايشاء فى دنيتة حتى اذا حلت منيتة لاقى حدفتة
هذه ضريبة التكنولوجيا الحديثة
من الممكن ان تكون مفيدة وان تكون ضارة وهالكة
فكل شىء ممكن ان نستخدمه فى الخير والشر
المهم كيف نستخدمه ولماذا نستخدمه !!
تحياتى لك
الموضوع ده بقي فيه كلام كتير يا سمباتيك
أولا اقعدي في لوبي أي فندق
و لو صادف أنه البلوتوث عندك مفتوح هتلاقي ناس قاعدة فاتحة البلوتوث
و دي شغلانه علي فكرة
دول بيبقوا مستنيين زباين عرب علشان قلة أدب
أدخلي أي محل من اللي فالمهندسين
بدون ذكر أسماء كافيتريات
لكن هتلاقي بلوتوث مفتوح و أسماء زي
ساحرة البادية
أو انثي جميلة
و برضه بيبعتوا نمر تليفونات و صور و غيرة و دي بوابة لقلة أدب برضه
كنت كاتب بوست عن احصائيات فالانترنت شبيهه يا ريتك تبقي تشوفيه
ممكن نستخدم التكنولوجيا الحديثة
باشكال كتير دائما ما نختار منها الاسوء
http://bikya.blogspot.com/2007/03/blog-post_15.html#links
بصراحة دة سبب اساسي لتركي النوكيا نهائي كل ما اروح مكان القي الجهاز بيفضل يومض يومض وممكن البطارية تخلص
حاليا الجهاز الي معاي اي حد يكون عايز يبعت حتي لو انا فاتح البلوتوث يحط رقم سري انا اقولة لة يعني خلاص
ارتحت دول عالم فاضية بس كل شئ جديد بيكون زي هدوم العيد للعيال الصغيرة وبعدين يتعودوا
Xee
الله سلمك متشكرة
---
ياسمين
اعتذارك مقبول
لا شكر على واجب
---
R.R
حياكي الله امين يا رب
------
تحياتي للجميع
moodysalihamidzic
ما انا قلت يعني اية في البوست
----
الخيط الرفيع
السبب في الفراغ ضياع الهدف و الحكومة كمان ليها دور كبير كبير
---
Sokomonoce
و ليه ميتوجهش لعمل صالح ينجيه من الهاوية؟
------
تحياتي للجميع
YHYيــوســف الـمصـرى
و ده دور الاعلام في توجيه الشباب
و افتكر احنا لينا دور كمان
---
karakib
صحيح ده اللي انا شايفاه برضه
الاحصائية مكن تكون اقل من الواقع كمان
للاسف
----
تحياتي
كراكيب عادل
انا شخصيا بحب النوكيا و لا اتصور غيره
بس ممكن نحدد استخدامه
---
شريف
اشكرك
----
تحياتي للجميع
سيبي العيال تتبسط يا زينب
بس تعرفي انه في ناس تستخدمه ف ذكاء
في محلات في المولات تفتح البوتوث و تروح باعته دعايه
اي حاجه الساعه دي في نص الثمن
و شوفي الناس الي في المول لما يستلمو الرساله دي حيروحو
فين
العقل البشر زي ما قولتي حنتحاسب على استخدامه
المهم في ايه
كل حاجه ليها جانب كويس و جانب وحش
الصيف جاي و الالوان الفاتحف بتكلبز
نعمل ايه
واعععععععععععععععع
صيف مريح
جزاكى الله خيرا
السلام عليكم
ف الاول احب اهنيكي ع المدونة الجميلة بتاعتك و كمان احب اهنيكى ع الموضوع انا رايي ان احنا الشعوب المتخلفة شعوب بتستهلك التكنولوجيا و لا تنتجها لو كنا احنا اللى عملناها كان هيبقى في كلام تانى لان الحاجة ام الاختراع و الحاجة اللى هاتدفعناللاختراع دة لو حصل و اخترعنا هتكون اكيد حاجة ملحة لخدمة البشرية مش هلس و قلة ادب لو كنا احنا اللى تعبنا ف اختراع الاجهزة دى و سهرنا ف صنعها ما كانش دة بقى حالنا بالعكس كنا هانحسن استخدام الحاجة اللى صنعناها عشان نفتخر بيها امام البلاد التانية
و كمان السبب التانى هوة التربية التربية اليومين دول كل سنة و انتى طيبة خارج نطاق الخدمة و ربنا يهدينا
اسفة لو طولت
و السلام عليكم
ده شبع من بعد جوع يا اوختشي
عالمة محدثة
تحياتشي وقبولاتشى
السلام عليكم ورحمة الله وبركاته
الهيافه و الفراغ بيعملوا اكتر من كده
و كل حاجه في الدنيا ما هي الا سلاح ذو حدين ،المهم نستخدمها ازاي
تحاتي
ah bgd fe3lan ana bashof 7agat ghareeba
ama sa3at bafta7 el bluetooth 3ashan ab3at 7aga le7ad mn as7aby bala2y asamy ghareeba w sa3at fel da2aye2 dee bygely 7agat bcncelha kteer awy :S
w msh el bluetooth bas walahy 7agat kteer!!
خلاص يبقي مادام رضينا بجعل هواتفنا علي المشاع
نقبل بوجود السيء والشاذ
كما قبلنا وجود الدعوي و الجاد
بس برضة انا مقتنع ان مهما كان محتوي الرسالة فهوي اختراق لاي خصوصية
تحياتي
للاسف كلامك صحيح
والموضوع زايد عن حده
عشان هيك انا مريح راسي ومعي موبايل قديم
والمفروض يصنعوا موبايلات من غير هييك تكنولوجيا خصيصا للعرب
شكرا على الموضوع الواقعي
يوووووووووه
هاتلاقى من ده كتير
امال احنا ايه اللى جايبنا ورا تفتكرى
انا عامله عندى حفله على مونتى
ياريت تعدى وتاخدى حته من التورته
السلام عليكم
والله عندك حق
بس انا الحمد لله
ولا بستخدمه الا في الضرورات
والحاجة اللي تغيظ
تلاقي مواقع كتير اوى
وعليها اعلانات وصور ..استغفر الله
بتعلن عادى كده
بس ماتقلقيش
حاجة حتاخد وقتها وتعدى
سلاماتي:)
الشباب العربى :D
موضوع هام للمناقشة
للأسف الطلبة و الشباب مجرد ضحايا
نتيجة الفراغ كما كتبتي
و لكن هناك سؤال هل يجب ان نبعث برسائل اى كانت دينية أو غيرها لأحد لا نعرفه!؟
يعنى جت عالبلوتوث اللى هنحرق دمنا بسببه
وعلى رأى المثل ابو بلاش اللى ملاوش لازمة كتر منه
انما بمناسبه ايه نستفيد من التكنولوجيا فحاجه عليها القيمة؟؟
داحتى مانبقاش عرب لو مخنا نضف وقررنا نشغله
لو بس فكروا فمتو ثانيه ان رصيد سيئاتهم بيتضاعف بالمنظر دا.. يمكن حالهم يتصلح
ربنا ينور بصيرتهم ويهدينا جميعا للى يرضيه
very bad to get the worst case, worst thing in any system or any technology
للأسف كل حاجه حديثه بتظهر بنستخدمها في كل حاجه غلط
فاكره الفديو لما طلع جديد
ولا الدش
ولا النت
ليه دايما بنجري ورا مساويء اي ثوره تكنولوجيا
http://1minelnas.blogspot.com
موضوعك مهم ومحزن
وللاسف الشديد انا جيت متأخر
وكل الكلام اللى كنت عاوز أقوله سبقنى اخوانى وقالوه
لكن انا متفق جدا مع كلام انا جعان
على العموم احنا طول عمرنا متميزين فى الاستخدام السيء لأي تكنولوجيا
والموضوع مش موضوع فراغ بس
عوامل كتير جدا وكلنا مسؤولين عنها
العرب قدامهم كتير قوي عشان يعدلوا من اسلوب تفكيرهم ومن مفردات تعاملاتهم ومن السلبيات الكتير قوي اللى فى حياتهم
اشكرك على اثارتك مثل هذا الموضوع
خالص تحياتى
ودمتى بألف خير
عندك حق ده كمان في الالعن من كده بكتير وربنا يحفظنا و يحفظ شباب المسلمين
لأن هذا هو المجتمع الذي نشأنا فيه
يقدمون لنا إعلاماً حقيراً
ونماذج سافلة
وقدوات فاشلة
فماذا تتوقعين
ياعزيزتي
انها نتيجة متوقعة
تحياتي لمقالك الجميل
العرب ؟
و منذ متى و العرب لا يخربون كل شئ جيد ؟
الحل إن إحنا نعيش بقدر حالنا و نستخدم التكنولوجيا الي نقدر ننتجها. ساعتها هاتلاقى حركة وحياة مختلفة وحاجات كتير معوجة بتتعدل
هي دي التكنولوجيا عند العرب... الدش يبقي القمر الأوروبي وقنواته .. التليفون يبقي للمعاكسات ... الرسايل للقباحه ... البلوتوث للقذاره... أي تكنولوجيا سلاح ذو حدين ... دائما أو غالبا ما يستخدمها العرب للتخريب ... هوايه عندهم بعيد عنك
سلاماااااااااااااااات
تقدري تقولي اننا لازم نسيب بصمتنا....مش مهم بصمة حلوة ولا وحشه لكن المهم لما اي حد في العالم يفكر يتكلم عن حاجة جديدة ييجي اسمنا فيها........يمكن بمبدأ "خاف تعرف".......انا يمكن اتعرضت لمواقف بايخة زي دي كتير بس والله اعلم تليفوني كان له سوفت إستقلالي فولع من 4 شهور
وفر عليا كتييييييير
هههههههههه
البوست عجبني والله اوي عشان بيناقش حاجه جد ومهمة بطريقم مسترسلة وقريبه وواقعي اوي
تحياتي
أتاري كل ما واحدة صاحبتي تمسك موبايلي وتلاقي البلوتوث مفتوح تبص لي بتبريقه وتقول لي انتي هبله يا بنتي اقفلي البلوتوث :(
مخنا النضيف بنستعمله في حاجات مش نضيفه يللا لنا الله
صحيح يا اولاد
الفقر ستره
اوروفوار
الشعب مش بيفكر غير فى الحاجات دى
هنعمل اية بقي
لازم يفكر فى حاجة تانية
اعزائي
السلام عليكم و رحمة الله و بركاته
اعتذر عن تاخري في الرد على تعليقاتكم الكريمة
تحياتي و سلامي للجميع
----------------------
ام العيال
الالوان فاتحة؟!سهلة نقفلها و بعدين انا عاملة دايت اجباري حكسر حاجز الصوت اقصد الستين
:)
********
FrEe.PhArAoH
جزانا و اياكم
********
may
عندك حق فعلا
شرفتي
********
أميرة البلطجية
ايوة مكنش ليهم تطور كان كفاية عليهم التليفون ابو زمبلك
امووه
********
خمسة فضفضة
صحيح العقل يوزن الاشياء و التفكر في الاخرة يحدد التصرف
********
~ Bato0ot ~
حتى على الايميل بيجي حاجات غريبة بتعجب من الناس دي مش بس فرغ لا هيافة كمان
********
ana ga3an
مش اختراق لاني بقبل او ارفض استقبالها محدش بيرمي العسلية في حجرك زي الاوتوبيسات
انا جعانةةةةة
********
Rozza!
.......فاقد الذاكرة
كنا زمان بنجيب علب الزبادي البلاستيك الفاضية و نركب بنها حبل و نتكلم
مش كان احسن
********
وينكى
سوري يا وينكي مقدرتش اجي الحفلة كان عندي ظروف
اموه
********
mesh2dra
الله يسلمك
شرفتي
********
رينـــــــــــا
ايوة؟؟؟ مالة؟
********
Carol
و فيها اية مادام فيها دعوة بالحسنى احنا مامورين بده
********
SoRsaRaa
امين يا رب
نورتي
********
islamventura
انا بقول كده برضه
********
واحد من الناس
لاسباب كتير قوي
ربنا يهدينا و يهدي بينا
********
كلام لوجيك
الله يكرمك شرفت
********
دوللي
امين يا رب
نورتي
********
صاحب البوابــة
الله يحييك
********
Sharm
اه فعلا
********
عدى النهار
يا رب اشوف اليوم ده
********
reri
بئس الهواية
الله يسلمك
********
قصاقيص
ايه حكاية الموبيلات اللي بتولع دي
يا ريت تحكيلي ولع ازاي
الحمد لله انك بخير
********
BaTresYa
انا بشوف عجب
ربنا يهدي
********
bastokka
طهقانة
ايوة الفقير لما يتغني
بيبقى محدث
بون سوار
********
بنى أدم مع وقف التنفيذ
لازم و ده دورنا كمثقفين
----------
تحياتي و سلامي للجميع
عندك حق
الشباب فعلا بقه عنده فراغ غير طبيعي
وده مش من البطالة..يعني مش فراغ في الوقت
انما فراغ معنوي
مفيش هدف..مفيش فكرة..مفيش معني للحياة حتي لو كان بيشتغل ميت شغلانة
تحياتي
2i7im..
y3ni yimkin ta3leeqi mish jawhari o mosh mortabi6 bi jawhar il maw`9oo3 y3ni, bas 7abbet awa`9a7 y3ni 2annaho i fe 2i3tiqadi il motawadi3, ma feesh 3ilaqa ben il hawatif il jeel il thalith o il bluetooth, il bluetooth nizim bil mobilat min...5 sneen ta2reeban, o il geel il thalith of il G3 hiya technology bitkhalli il mobile yistilim internet bsor3a kbeera jiddan, o hiya tochonology jdeeja nisbiyan y3ni:) o allaho 2a3lam y3ni, o shokran 3ala ra7abat 9adrik :D
على فكرة عجباني طريقة تفكيرك أوي
بجد هيه دي الايجابية
حبيبه قلبي
وحشتني قوي
طبعا ياريت نستخدم التكنولوجيا فيما ينفع
لكن حاتبصي للموضوع بطريقه منطقيه شويه حتلاقي ان حياتنا فيها الجد والعبث
بس المهم النسبه تكون كام لكام
كلبوزتي أحيك علي كتاباتك التي تتناول أشياء تمس حياتنا اليوميه بشكل مباشر
كل شىء له ميزات وعيوب
نحن من نقرر ..العبث.. او الجد
حبيت اعلق هنا
رغم تأخرى الشديد جدااااا
فعلا احنا العرب عندنا مشكلة انا بناخد السيئات قبل الحسنات من اللي بنشوفه في الغرب
يعني التكنلوجيا نستغلها للحاجات الهبل ومش لفائدة وتقدم مجتمعاتنا
طبعا الاعلام والكبت والتخلف لا يساعدونا
تحياتي لبوست رائع
yamen
فراغ معنوي
خواء يعني
الشاب من دول فاضي من جوه
الا من رحم ربي
عندك حق
---
khalid jarrar
اهلا اهلا شرفت و نورت ازيك كده؟
طيب و كده؟
عندنا في البلد اللي عايشين فيها موبيلات الجيل الثالث اول موبيلات تنزل اوبشن البلوتوث
صحيح اللي انت قلته عن دعمها لتصفح الانترنت بس كمان هي بتدعم البلو توث
شرفنا دايما
---
sakayar&romio
الله يخليك اتفضل
---
تحياتي للجميع
MAKSOFA
يااااه ليكي وحشة كبيرة انت فين يا اختشي مختفية بقالك فترة و كعوبي حفيت وراكي
الحمد لله انك بخير و متحرميناش من زيارتك و لا من كتاباتك
ايوة السلبيات و الايجابيات دي وقعت من معجم الجيل الجديد و جه مكانها
الروشنة و الكحرتة
حنعمل اية بس
اموووه
حــلم
حبيبة قلبي انت تعليقك ينور و يشرف في اي وقت
متحرمش منك يا سكر
قبلاتشي
yasmina
الله يحييك يا جميلة
كلامك في محله
تحياتي العامرة
عندك حق في كل كلمه
تحياتي
فيه احصائية بتقول ان 80 في المائة من مستخدمي الانترنت في مصر بالتحديد بيستخدموه لمشاهدة المواقع الاباحية
:)
واكثرهم من فئة الشباب 20 - 40
جزء من المشكلة اننا مستهلكين لاي تكنولوجيا ومش منتجين ليها
وبالتالي انتهي الفصل ده من مسرحية التقدم التكنولوجي
مش حننافس حد تكنولوجيا سبقنا بالف سنة تقريبا
لكن جزء من الحل هو ان يكون فيه امل في الحياة اصلا
يعني الناس عايشة ليه؟
بيحلم ليه
بيحقق ايه باي حاجة بيعملها؟
يعيش ليه اصلا ويبني ليه ان كان مافيش امل اساسا؟
حتلاقي الشاب العربي اللي بيخرج برة
ويشتغل في دولة بتقدر الانسان ويبدا يحس
بان
ما يزرعه يحصده
تجدي ان الجنس ينزل لدرجة اقل
يعني حجمه الطبيعي
بدل ما كان رقم 1 و 2 و3
حتي وهو بيقرا قران ويغض البصر كمان
لازم يبقي فيه حاجة بتحصل وشئ بيتبني واحلام بتحقق عشان يبقي فيه معني لاي حياة
وده مربط الفرس
وساعتها تتحول التكنولوجيا من مجرد وسيلة لنقل الصور العارية
الي وسيلة للتواصل ونقل المعلومات كما ارادها مخترعها
وبعدين متنسيش ان فيه بزنس ف مصر مبني كله علي الطباع الاستهلاكية بتاعة الناس وخاصة الشباب اللي بيستخدم التكنولوجيا في الهباب ده
يعني فكرك بتوع فودا فون وموبيتيل واتصالات مش عارفين ان الشاب المصري الشحات اللي بيستلف عشان يشتري موبيل بالفين جنيه ويقسطه وكانه بيشتري عفش لشقة بيعمل كل ده عشان ايه؟
حيفتح عكة ؟
:)
الشركات دي زباينها هما الناس دول
ودول بقة كثيييير قوي
واي قعدة علي قهوة بلدي او افرنجي زي سيلانترو
وتدي ودنك شوية لكلام الشباب
وستعلمين الحقيقة المرة
بجد
موضوع هام ولسة كنت بتكلم فيه مع صاحب لي امبارح بس
موافقاكي في الرأي جدا
و كان رأي كده طول عمري ان استعمال الشخص للشئ هو اللي بيحدد ده حرام و لا حلال
المشكلة الحقيقية ضعف الوازع الدينى
:( إن السمع و البصر و الفؤاد كل أولئك كان عنه مسؤلاً) الإسراء :36
وفى مقولة مشهوره : لا تجعل الله أهون الناظريين اليك
:(
بس مش العرب انا متأكد ان كل شعب فى الناس اللى بتجرى ورا الكلام الفاضى ده مش العرب بس يعنى
الحمد لله الموبايل بتاعى اقدم نوع مش عايش البلوتوث ولا الجيل التالت ولا الرابع
كفايه انه شغال وخلاص
دمتى بكل خير
سلام
حسن محمود
ايوه موضوع الاستخدام السىء للتكنولوجيا ده موجود بس مشس فى الوطن العربى بس فى العالم كله هو صحيح موجود عندنا بوفره وده طبعا اسبابه كتيره اولها الفراغ و ده بيأدى لحاجات كتير اوى غير الاستخدام السىء للتكنولوجيا و تقريبا ده اقل مشكله بيوجدها الفراغ
حركات
http://www.7rkat.net
منتدى حركات
http://www.7rkat.net/vb
مركز تحميل حركات
http://www.7rkat.net/up
Post a Comment