Tuesday, May 29, 2007

هي و ابتسامتها



وقفت تراقب انفاسه وتتطلع الى اجهزة الاعاشة بحرص لتتاكد انه مازال حيا في الوقت الذي حضر فيه ابناؤه ليزوروه فتح عيناه باعياء واضح و استقبلهم بابتسامة ذابلة و قال

هو: اعلم انكم غاضبين مني.. و انكم تعتبروني اب غير جدير بالابوة ..و لكنكم مخطئين فلطالما احببتكم و حرصت على راحتكم ..و على ان تكونوا افضل حالا من غيركم

اعلم ان زواجي منها اغضب امكم و احزنكم و ظننتم اني اجري وراء الشباب و اتبع شهواتي كما المحت لكم امكم و لكن الان ..و الان فقط استطيع ان اطلعكم على الحقيقة

عشت مع امكم عشرين عاما في شجار و نقار و مشاحنات ..كانت دائما تنتقدني امام الناس.. بل و توبخني و تواجهني بعنف و تلومني على اقل التصرفات.. و كنت باستمرار اقوم بدور المدافع المبرر

كانت تحول كل لحظاتي السعيدة الى غم و نكد و خصام ..و عندما استسلمت للامر الواقع ..و حسبت ان قدري المحتوم ان اعيش مهان ملام ..ظهرت هي في حياتي نقطة نور في وسط الليل

احببت فيها بسمتها الدائمة و تقديرها لظروفي و حرصها على تقبل احوالي و تصرفاتي.. احببت فيها احترامها لي و صوتها الرقيق المنخفض في مناقشة اي امر يخصنا.. احببت فيها الانثى التي تشعرني كل لحظة برجولتي

حتى عندما مرضت.. و اصبحت ملازما لفراشي لم تفارقها الابتسامة و كانني اهديها كل يوم باقة ورد ..لا حفنة من الادوية و الملابس المتسخة

هي استطاعت ان تعيد لي كياني ..و فرحتي ..و بهجة حياتي.. وكيف لا و انت لا تستطيع ان تقف امام ابتسامة حانية و انت حزين
تلقى ابناؤه كلامه هذا غير مقتنعين، و لكنهم علموا انه لا وقت للجدال او الاعتراض، و لكونهم متاكدين انها فعلت ما فعلت لتوقع بابيهم في حبالها حتى تضمن ممول مادي لها و لاولادها من زواج سابق، و ما كانت ابتسامتها الا استدراج و ابتزاز للانفاق عليها و على صغارها..هذه هي قناعتهم و لن تغيرها كلمات بالية من رجل على فراش الموت
من وراء زجاج غرفة العناية المركزة، و بعيون دامعة محدقة ،سمعت هي ما دار من حوار وفرحت لحظة عندما علمت انها استطاعت ان تضيئ شمعة في حياته، و لكنها ما لبثت ان حزنت لعلمها ان حياته على وشك الانطفاء

وعندما انصرف الابناء لملمت دموعها و حبستهم و دخلت غرفته الزجاجية راسمة تلك الابتسامة المعهودة و قالت
هي: كيف حالك الان اراك افضل الحمد لله
هو:كيف لا و انت بجواري
هي:شفاك الله و عافاك لترجع لي الزوج الحنون الحبيب
هو:لا تخافي فقد امنت لك و لابنائك الحياة من بعدي
هي:لماذا تقول هكذا؟!و اي حياة هذه بدونك
هو:لم يعد وقت للمجاملات فقد اوشكت على الرحيل و لابد ان تعلمي اني تركت لك وصية عند المحامي تضمن لك عيشة كريمة و...0

هي:قاطعته..ومن قال لك اني اريد اي نقود انا اريدك انت..الزوج الحاني الذي عوضني عن فقد والد ابنائي ،و الاب الطيب الذي غمرني و غمر ابنائي بالعطف و الحنان
امسكت يداه بكلتا يداها ،و ضمتهم في خوف ممزوج بالحب و قبلتهم قبلة دامعة و اغمضت عيناها فلم تسمع غير صوت جهاز الاعاشة
بيب ..بيب ..بيب
و فجأة
سمعت صوت الجهاز لا ينقطع
بيــــــــــــــــــــــب
وقتها علمت ان دينامو بسمتها قد انطفأ و لم تعد لها غير الدموع
سمباتيك

70 comments:

رينـــــــــــا said...

عاااااااااااااااااااااااااااااااااااااا
عااااااااااااااااااااااااااااااااااا
عااااااااااااااااااااااااااااااااااا
لـــــــــيه النكد دا يابنتى الله يسامحك

هى دى قصه والا حقيقه والا ايه

قلبى وجعنى والله

عمتا انا مع اى رجل يتزوج اخرى بدام مش لاقى السعادة فى بيته
وان حنقت عليه الدنيا
الست اللى بتحافظ على جوزها
والست اللى بطفشه
والابناء المفروض يكونوا عندهم عدل
وميظلموش طرف دون الطرف الاخر

تحياتى يا سماتيك يارقيقه انتى

Xee said...

كنت على وشك التعاطف مع الراجل اللي فييص ده، بس بصراحة لقيت إني مسمعتش الطرف التاني - يعني الست النكديه- لأن أكيد أي حد بيعمل زيه بيكون عنده مبررات مقنعة بالنسبة ليه

أما نظرة أولاده للغندوره الجديده فهي برضه مسؤوليته ، لأنه جاي يعرفهم ظروف زواجه التاني و هو على فراش التفييص ، كنت فين يا محترم قبل كده؟

إسلوبك جميل
زي

قنديل said...

يا سمبتيك إنتي لازم تتجهي للتأليف الدرامي

والقصة حلوة أوي فكرتني بنصيحة بليغة جدا لأم بتنصح بنتها يوم فرحها

قالت لها يا بنتي الرجل من دول زي الطير واقف علي رجل واحدة مش عايز يلمس الأرض.. عايز يطير ويهج.. شطارتك بأه تخليه يحب بيته ويركز فيه.. يعني يا بنتي تنضفي عشك وتروقي وشك

النصيحة دي قوية جدا ولخصت كيفية الحفاظ علي الزوج إلا إذا كان البعيد عديم الإحساس

نصيحة لكل زوجة.. نضفي عشك وروقي وشك وإفهمي طبيعة الرجل التي تهوي الإنطلاق والحرية.. أعطيه بعض الحرية وأتركي له الباب موارب ولا تشددي عليه الخناق أحسن يطفش

خالص تحياتي

حــلم said...

جميلة وحساسة جداً يا سمباتيك
بس ليه عايزانا نتعاطف مع الزوجة التانية؟
لأ.. انت اكيد بتوجهى رسالة لكل زوجة أولى

تحياتى يا جميلة

BaTresYa said...
This comment has been removed by the author.
BaTresYa said...

ربنا يرحمة ويهنيها ...الإبتسامه مفتاح الدخول لأي قلب :)

REEMOO said...

ياريت الناس كانت بتفهم يعنى ايه مشاعر حلوه جميله بتجمع بين اتنين
ياريت كانت بتفهم ان مش كل الدنيا فلوس ومصالح
وان الاحساس بالامان والراحه والسعاده لا تعوضه كل كنوز الدنيا
أكيد كلامى مش تعاطف معه الزوجه الثانيه ولا حتى كره للأولى
لكن هو فكر عام كل الناس بتبص لأى علاقه على الجزء المادى فيها
المصلحه المترتبه عليها
قليل جدا من ينظر للجان الحسى فى العلاقات والتى كثيرا ما تبرر علاقات لا معنى لها فى حياتنا
البوست روعه يا سمباتيك بجد
اسلوبك فى كتابه القصص رائع
تحياتى لقلمك المبدع
محبتى وقبلاتى لشخصك الجميل

A.SAMIR said...

ايه دة
المدونة دي قلبت حزايني قوي كدة ليه؟
دة الواحد كان بييجي هنا علشان يبتسم وساعات كان بيضحك فعلا
مانكرش ان البوست اكتر من تحفة ومؤثر فعلا فعلا
تحياتي ليكي واحتراماتي

غمض عينيك said...

بوست جميل ياسمباتيك
بس حزين
مش دايما الزوجة التانية بتبقى وحشة ومش دايما بتبقي الزوحة الاولى ملاك

تحياتي ليكي
محمد سمير

Mohamed A. Ghaffar said...
This comment has been removed by the author.
Mohamed A. Ghaffar said...

فيما ندر ، وليتهم يكن كذلك

اسكندراني في الغربة said...

انا تعليقي اتمسح
للدرجادي خطي وحش

امام الجيل said...

اهلين وسهلين لحضرتك تااااااج عندى يسعدنى استلامه

fad-fadat nour said...

دايما الناس كلها (مش بس الاولاد) بيشككوا في نوايا الزوجة التانية .. ان ابتسمت تبقي بتداهن عشان تاخد فلوس الزوج و ان بكت فهي حتما تمثل عليه و علي من حوله .. و ان الرجل تزوج زوجة تانيه فهي حتما من غواه و غرر به .. علي اساس ان الزوج / الرجل هو كائن حي بلا عقل او ارادة

قصة جميلة .. فيها فكرة و مشاعر حلوة .. اهنيكي

TheRiddle said...

تسلم ايدك يا كلابوزا هانم الى الامام دائما

Sampateek said...

رينا&Xee& قنديل
هو مشهد ليس مع او ضد احد و لكنها لقطة من حياة احدهم ليس دفعا للتعاطف مع او ضد احد و لكن رغبتي هي تسليط الضوء على صورة
اسعدني تشريفكم
و حياكم الله

Sampateek said...

حــلم& BaTresYa& REEMOO
اسعدني حضوركن الرقيق
انا عموما لا اشجع الزوج على الزواج من اخرى الا تحت اضيق الظروف و لكن في هذا المشهد التمس له العذر
و اعرض وجهة نظر ابناؤه و لا اغفل احساسها

تحياتي العامرة بالحب

Sampateek said...

A.SAMIR& غمض عينيك& Mohamed A. Ghaffar
اهلا وسهلا بكم
مدونتي ليست ذات طابع ثابت او شكل محدد و لكنها حالة نفسية متغيره
الحزن جزء من ايامنا و الموت حقيقة قد تغيب و لكنها حتما تأتي
اتمنى لكم اوقات ممتعة
تحياتي

Sampateek said...

اسكندراني في الغربة
مفش تعليق اصلا
-
امام الجيل
اعتذر عن تلقي التاج
-
fad-fadat nour
اسعدني حضورك
و اشكر رقتك
---
تحياتي و تقديري للجميع

Sampateek said...

TheRiddle
اشكرك

smraa alnil said...

وجعتيني يا كلبوزة

بجد رائعه
رغم قصرها لكن بجد فيها احاسيس كتيرة اوووووووووووي

مبدعه
سلاماتي يا متألقة

عدى النهار said...

لقطة خاطفة عبرتى عنها بأسلوب جميل. لكن بتترك سؤال: ياترى عشرين سنة غم ونكد و.. ممكن تسيب فى حد (راجل أو ست) شىء يكمل بيه حياته؟ مش عارف

Mala2e6 said...

Sampateek

اول مرة ازور مدونتك و اخدت وقت و قريت قصة زنوبة الاروبة و القصة حلوة اوي و خصوصا الوصف و عجبني وصف الحمام اللي بتاخده و السنفرة

اما هي و ابتسامتها مع انها حزينة بس معبرة من نواحي كتيرة

المشكلة اللي بشوفها الايام دي انه الرجالة يفضلوا صابرين على قرف النساوين وبعد 20 ولا حتى 40 سنه تلاقية حب وحدة تانية قال يعني فاض بيه

ما عملهاش ليه لما كان شاب

دي يا سمباتيك مراهقة الستين

بس همة بيدوها اسم تاني عشان البرستيج ما يتبعترش

صباحك سكر

TheRiddle said...

لأ شكر على واجب :P
لأ بجد فعلا البلوج بسم الله ما شاء الله
انتى موهوبة يا بنتي
وياريت تنمي موهبتك كمان وكمان
اتمني انك تزوري البلوج بتاعي
http://midolessey.blogspot.com/
ويارب يعجبك

يا مراكبي said...

حلو قوي التعبير ده يا سمباتيك: وقتها علمت ان دينامو بسمتها قد انطفأ و لم تعد لها غير الدموع

بيوجع القلب جدا

أُكتب بالرصاص said...

طيب وليه اللون الحزايني دا يا حاجة؟
هي ناقصة

الله يخليكي..

الواحد ماعدتش مستحمل نكد

بس

هو لسه في كدا؟
لا هو
ولا هي

خلاص...بح..من زماان
والا يمكن فيه؟
الله اعلم

Carol said...

تدفق من المشاعر في كل كلمة
مشاعر حب ،تضحية ،فرح ،دفء ،حنان احترام ،تقدير
و مقبلهامشاعر
قاسية
منحازة
صلبة
========================
دائما تمتعيني

.:.-=- ELGaZaLy-=-.:. said...

السلام عليكم ورحمة الله وبركاته


صعب اوى ان الناس تفهم يعنى

اية مشاعر صادقة ف الفترة دة

سعات بحس اننا اغبياء اوى لاننا مش
عارفين نلاقى السعادة مع ان سرها سهل جدااا فى الرضاء وراحة البال

انا كلامى مش تعاطف مع الزوجة الثانية ولا كرة للاولى ولا تعاطف مع الزوج
بس بجد القصة روعة بجد

وبحب اسلوبك فى القصص القصيرة اوى

بحس فيها جزء واقعى كدة

انا بكتب قصص بس كبيرة شوية واجزاء وكدة

تحياتى

bos bos said...

كلامك هايل وقصة مؤثرة جدا جدا بس جميلة
تحياتى

Soona57 said...
This comment has been removed by a blog administrator.
The Groom said...


لا حول ولا قوة الا بالله

أصل أنا ناقص

تحياتي لك من ماناساس البلد

:))

خمسة فضفضة said...

السلام عليكم ورحمة الله وبركاته

جميل جدا جدا

حسيت انك بتبعتي بين السطور رساله لكل زوجه علي وشك ان زوجها يضيع منها بسبب تصرفاتها معاه بتقوليلها خدي بالك ، مش دايما الحاجه اللي فاكرين اننا امتلكناها للابد وحسينا ان ما حدش يقدر ياخدها مننا هاتفضل معانا ....لأ اصحي ممكن تضيع من اديكي في اي لحظه لو ماحفظتيش عليها

تحياتشي

koukawy said...

يا ساتر ليه كده
بس رغه انها حزينه انما معبره اوي و فيها حس نفسي فني عالي
اوي
ميرسي علي المتعه

Sampateek said...

smraa alnil
سلامة قلبك
الله يسلمك



عدى النهار
ممكن لان الاحساس مبيمتش




Mala2e6
سعيدة انك مبسوطة من المدونة و ربنا يسعدك دايما
صباحك ورد



TheRiddle
انا زرتك فعلا و ان شاء الله اول ما افضى حاجي اسيب تعليقي



يا مراكبي
انا عارفة انا بجيب الكلام ده منين!هههههه




أُكتب بالرصاص
هو الموت حزن و نكد؟؟
ده نهاية الاحزان يا صديقي




Carol said...
اشكرك لمجاملتك الرقيقة
اسعدتيني


.:.-=- ELGaZaLy-=-.:.
و عليكم السلام و رحمة الله و بركاته
الصدق هو مفتاح الوصول للقلوب
اتمنى اني اكون عند حسن ظنك دايما



bos bos
انت اجمل و ارق




Comment deleted
انت غير مرحب بيك هنا
اتمنى ان تحرمني من طلعتك البهيه


The Groom said...

لا حول ولا قوة الا بالله
خير ما قيل و ما سيقال





خمسة فضفضة said...
و عليكم السلام ورحمة الله وبركاته
يا ريت اللي في طبع يقدر يغيره
او يتعلم من خبرة قصصية
نورتي


koukawy said...
انا اللي مرسي على تشريفك
----
اعزائي اتابع تعليقاتكم بشغف رغم عدم سرعتي في الرد لانشغالي بامتحانات اولادي
اتمنى ان اكون عند حسن ظنكم دائما و ان اسعدكم كما تسعدوني
حبي و احترامي و تحياتي العامرة
سمباتيك

فبركة said...

مش عارف ليه القصة دى بتفكرنى بالفيلم بتاع صلاح ذو الفقار وشادية اللى هو مات فيه فى الأخر
بس دى طبعا فيها تعديلات وتوسع وتوزيع جديد
والمهم إن فيها نكد أكتر
تسلم أيدك على القصة يا سمباتيك ومستنيين منك حاجة فرايـحى كده بطعم الشطة والليمون
نياهاهاهاها

YHYيــوســف الـمصـرى said...

مشهد لذيذ وفيه حياة مع انه اخره موووت !!!
عجبنى نظرتك العكسية دى للزوجة التانية !!!فعلا صوبعنا مش زى بعضها !!!
الله ينور
تحياتى

Ma-3lina said...

عليكى حبة قصص تقطع القلب

والله ما عارفة ابقى مع مين مع ولاده و لا مع مراته الجديدة

يالا ربنا يرحمه

None said...

سمباتيك الجميله

عشت التجربه دي اكتر من مرة وكنت فيها كل مرة طرف مختلف

معاكي جدا في عرض وجهة نظر الزوجه التانيه والابناء والزوج..بس كان نفسي بردو اعرف وجهة نظر الزوجه الاولي ..اكيد يعني علي قد ما كان في جانب جاني ..كان في بردو جانب مجني عليه ..وعشان الصورة تكتمل لازم نشوف الجانبين

وصفك البسيط نقلني للأحداث..وكأني عيشاها بالضبط ..برافو عليكي بجد

تحياتي يا قمر

momken said...

جميل اوى يا سمباتيك بس مش ديما زواج الرجل من التانيه بيكون نتيجه قرفه وخنقته من الاولى
ممكن يكون يكون بيحب الاولى اوى لكن التانيه فيها حاجه مش موجوده فى الاولى
مثلا الاولى سكر زى التفتحه لكن التانيه مززة زى الخوخه
دى مش معناه انه هوائى لاء لاء ابسلوتلى
بس ال انتى متعرفيش الحريم اسالينى انا

bastokka طهقانة said...

انا ضد الزوجة التانية حتى لو بلسم و ترميسيين
واحدة تيجي تتجوز جوزيي
يا دهوتي ده انا كنت خنقته و اوستريحت
اوروفوار

كراكيب عادل said...

احساس بشع اننا نراقب انسان عزيز في لحظاتة الاخير واحنا عاجزين

بس اية الدراما دي كلها

جميلة ومعبرة وفيها حزن وامتداد للحزن
كمان

بس موضوع الزوجة التانية دة شائك

عايزة واحد قلبة كبير ورزين
والزوجات الاتنين يكونوا عاقلين

:)

المرة دي قهوة سادة بئي علشان المتوفي دة

Doba said...

كما ذكرتى بمبررات الرجل للزواج بأخرى هو عدم الراحة

كل زوجة تبقى منكدة على جوزها لازم تتقبل زواجه بأخرى فيه ستات كتير بتعتبر الزوج شىء مفروغ منه بقى حاجة من ضمن البيت

الرجل مبيتجوزشى غير علشان يكون مستريح وده على كل المقاييس وربنا خالق المرأة سكن ومودة للرجل

فلو مقامتش بدورها صح يبقى يصح عليها العقاب

تحياتى بوست رائع جدا جدا
عيطييييييييينى يا شريرة

سلام

إنـســانـة said...

ااااااااااااه

موجعة بجد

:'(

فضلت مبتسمة طول البوست وفى الاخر دينامو الإبتسامة خلص

الجواز فى الاول وفى الاخر نصيب .. زوجة تانية تالتة رابعة .. نصيب بردو وقدر سبحان الله

بس حبهم ده شئ سامى اوى والبوست مكتوب بحرفية وروح حلوة اوىىى

سلمت يداكى بجد يا سمباتيك

تحياتى ومبروك الشكل الجديد للمدونة

صحيييييييح .. انا مش عارفة اشترك فى جروب الكلابيز بقا .. ابقى ابعتيلى دعوة ولا حاجة هههههههههههههههه

سلام يا قمر

شريف said...

ياترى مين هية
بس دى لو حقيقة تبقا روعة
لو خيال تنفع تبقى فيلم من اللى انت عملتيهم قبل كدة
نحياتى لكى

saken_asly said...

بجد جامد جدااااا.ينفع مشهد مؤثر فى فيلم عالمى من تأليفك انتى.بجد جميل اوى اوى و الى الامام :D

micheal said...

مؤثره جدا جدا يا كلبوزه بس بجد تحفه
أحييكي عليها

صفصف لادي said...

ازيك ؟ وحشتيني
ازيك؟ بعدك كان على عيني

ايه يا ستي الابداعات الكتابية دي
صبرك عليا استريح من وعثاء السفر و استمزج بكلامك يا جميل
تحياتشي

عقد الياسمين said...

الصراحه اكتر من رائع و المودنة جميلة فعلا
تحياتي و تقديري
و لي عودة للمتابعة

وينكى said...

مفتاح القلوب
البسمه
الحب دون اى غرض اخر
بقالى كتير ما زرتكيش ولا اجى انصدم كده؟؟؟؟
وانا اللى قلت هافرفش عندك شويه من هم الامتحانات؟؟؟
يا وجع قلبى

واحشانى كتييييييييييير

قاسم أفندي said...

حلوة يا سمباتيك
وبصدق وصراحة شايف نقلة مش قليلة في كتابتك
أستمري
بس الولية البطلة دي وشها نحس باين
:)
تحياتشي

محمد العدوي said...

ايه الأبيض والاسود دا ..


مالها زنوبة يعني .


جميل ومؤلم

SAKAyAR said...

بقالي كتير ما دخلتش لكن فاتني ابداعات جامدة جدااااا
القصة مؤثرة وجميلة ... فكرة الزواج على الزوجة مشروعة زي ما انتي عارفة ... لكن أنا مش بقول إنها في أضيق الحدود زي ما انتي بتقولي وسامحيني ... لأ هيه عايزة تطبيق صح ... لكن للأسف كل النماذج اللي ف خلفياتنا سواء أفلام ومسلسلات أو على الطبيعة بتكرهنا في الزواج على الزوجة .. لكن بتفق برضه مع الناس الحلوين اللي قبلي ف إن البسمة هيه مفتاح القلب وإن المرأة هيه اللي تقدر تخلي زوجها معاها سعيد أو يطلع يدور على حل شعره ههههه ... وحشتني مداونتك بجد
تحياتي

امام الجيل said...

والله راجل بيفهم حد يطيق واحده تهزقه قدام الناس رايح جاى وكمان كام سنة كده ده اقل حاجة يتجوز عليها وكمان كفاية انه شاف منها اللى افتقده من زوجته الاولى ده بجد عذر كفيل ليه جدا انه يتجوز عشان بس الستات يعرفوا انهم بيكونوا فى كثير من الاوقات سبب فى زواج ازواجهم عليهم يعنى مش بيكونوا ضحايا
شكرا على القصة الرائعة

darsh said...

غريبة قوي .. مافيش بوسة في اخر الفيلم واللا ايه ؟؟

هي كل الأفلام العربي كده لازم تخلص ببوسة .. انتي ليه مش عامله بوسه


هههههههه


وبعدين فين الجملة المشهورة اللي ببقولها المليجي واللا أي حد من دول لما يدخل على مراته يلاقيها نايمه مع البواب بتاع العماره ويقول لها ..

قفشتك معاه يا خاينه .. ومع مييين ؟؟ عشيقك

امال يعني هايكون مع مين .. ماهو أكيد عشيقها

**

ايه اللي انا بقوله ده .. انا عارف ان كلامي مالوش أي علاقة بالكلام اللي انتي كاتباه .. بس القصة أصلا فكرتني بالأفلام العربي

سمسم said...

دايماً دموع ..دموع..دموع

مع تحيات

حمادة هلال

وتحياتي

ويجعلوإهئ إهئ عااااااااااااامر

М€ŝЋМΣŞĦ said...

بجد رائعه تسلم ايدك

i`m just depressed said...

مش هقول المره دى زى كل مره ان القصه حلوه ولا حاجه
بس بجد بجد انت موهوبه جدا فى كتابه القصص و الموضوع ده ظهر فى قصه زوبه الى اتعملت مسلسل
والقصه القصيره بتاعت المره دى
بجد بجد تحفه

أحمد مختار عاشور said...

قصة جميلة و ان لم تخل من تحيز الانثى التى هى بالصدفة كاتبة تلك السطور نحو جنسها
......
بالمناسبة
لم استسغ كلمة دينامو
.......
تحياتى

Rosa said...

ليس لدي تعليق
سو ى رائعه بكل ماتحمله الكلمة من معنى

الريس said...

عااااااااااااا

MAKSOFA said...

ايه ده ياكلبوزتي داانت فنانه جامده قوي

حقى اهرتل said...

دى كتابه اعلى بكتير قوى من اللى فاتت
الله عليكى

حقى اهرتل said...

سرب الغربان
جى النهارده
لاجل ما يملم بذورالموت
من على الشط الاخير
لالجل ما يعلمك
ازاى توارى سوءة هابيل
اللى اتقتل بادين سكاتك

mohand said...

السلام عليكم
تحياتي اليكي
ولقلمك الرائع
بس هل الزوجه الاولي فعلا كده
طيب مش ممكن يكون في سبب انها تكون نكديه وخنيقه
ممكن يكون هوه السبب
في رجاله كتير سلبيين وبيعملو حاجات تحرق الدم وبمنتهي الهدوء
والست سلاحها صوتها العالي والنكد
عموما انا مش معاها ولا معاه
انا مش معاهم انا معاكي
هههههههههههههههه
-------------------
انا اعرف انك اهلاويه
القي نظره علي المدونة دي
http://el-ahly-club.blogspot.com/

hapasa said...

آسف على التحليق خارج السرب
ولكن إيماننا بدفاعكم عنمبدال الحرية
ندعوكم للتضامن مع عمر الشرقواى المعتقل فى قسم طلخا

إثر قيامه بتغطية انتخابات مجلس الشورى
وجزاكم الله خيرا

محمد النقيب said...

في قصص بتوجع ..
وجعتيني

اسكندراني اوي said...

ماااااااااااااااشي
اعتقد ان في كتييييييييييير منا محتاج هي في حياته

jedaah said...

حركات
http://www.7rkat.net

منتدى حركات
http://www.7rkat.net/vb

مركز تحميل حركات
http://www.7rkat.net/up

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام