Sunday, June 01, 2008

يوميات كلبوز- الحلقة الرابعة


امبارح رحت بيت الدونات اشرب نسكافية و اقزقزلي عشرة خمستاشر دونتاية كده على الماشي تصبيرة لحد العشا، بس لقيتهم منزلين نوع جديد كده مدور ومليان لزاليز ملزوزة بالسكر. 0
من ساعة ما أكلت اللوزّية باللُزلوز و أنا بطني وجعاني و قررت إني متقِّلش في الأكل تاني، و إني اخلي على الأقل ساعة بين كل وجبة و الثانية.
و مش بس كده و كمان حلعب رياضة و اروح الجيم و من النهاردة مش من اول يناير.

لبست التريننج بتاعي و شرخت على النادي و عملت براشوت على ملعب الكورة ، لقيت شوية شباب زي الورد بيلعبوا كورة ، قلتلهم : سلام عليكم ..ممكن العب معاكم؟
بصوا لبعض و الكابتن قالي: طيب اوك.. تعالى اقف جون
انا فرحت جدا لان حارس المرمى ده مهم جدا و عامل زي سوستة البنطلون ،بيستر الفريق و من غيره الفريق يتفضح.

و كمان ده مكان مناسب جدا لإمكانياتي و مهاراتي الطبيعية،
صحيح أنا دخل فيا خمس اجوان بس مش مشكلة دي بس البداية
***

و قررت اني اسافر اسكندرية يومين اغير جو و انزل البحر و ابلبط و اهي كلها رياضة
بس مش عارف ليه كراسي القطار عمالة تكش كل سنة عن اللي قبلها بشكل ملحوظ ،و بالعافية عرفت اتحشر في الكرسي بعد ما رفعت السنادة اللي هي دراع الكرسي و دخلت على الكرسي اللي جنبي بتاع شبرين كده.
و حاولت اعتذر للراجل الجينتل اللي كان قاعد مفعوص جنبي بس هو مسكين باين عليه عيان كان الكلام بيطلع من بقه محشرج كده و كأن في حاجة كابسة على مراوحه، بس مش عارف اية هي!؟0
و قعدت انصحة يشوف له دوا كحة كويس ،بدل ما صدره عمال يزيق طول السفر ،و اول ما وصلنا اسكندرية و قمت من جنبه لقيته اخد شهيق طويل و الصفارة راحت ، اكيد هوا اسكندرية ريحه.0


و بعد ما حطيت شنطي في الفندق ،و دخلت جوه المايوه و يلا على البحر هييييييه حنبلبط
اجرت شمسية و كرسي ، و كنت محرج جدا لما جيت اقعد على الكرسي البلاستيك بتاع الشبشب أبو وردة (دي ماركة بلاستيك جديدة) و لاقيته اتكسر باين عليه نوع مش متين
المهم...نزلت اعووووم في البحر و طبعا انا من نوع الناس اللي مش ممكن تغرق ..لان عندي عوامات طبيعية ،و عوامل رفع ثابتة غير قابلة للخرم و لا الكسر
و بعد ما طلعت من البحر لقيت نفسي جعت قوي و سمعت صوت جميل بحبه جدا
...لا.. لا مش صوت عصافير بطني ده صوت بتاع الفريسكا بيقول بأحلى صوت

الصورة من مدونة الزميل اسكندراني اوي

فريسكااااااااااااااا
ياه رجعني عمشتاشر سنة لورا.. اشتريت منه بتلاتين جنيه فريسكا و جوزية و سمسمية و فولية
و انتم عارفين طبعا

اذا حضرت الحلويات بطلت اليوميات

و نلتقي في الحلقة القادمة من

يوميات كلبوز
كتبتها لكم

35 comments:

mostafarayan said...

بالهنا والشفا عليك

خمسة فضفضة said...

السلام عليكم ورحمة الله وبركاته

دي الحاجات اللي بتبطل اليوميات دي شكلها كده كتير

طيب مافيش رشه فريسكه كده علي الناس اللي بتقرا
ولا احنا نتفرج وبس
:-)

أميمة كامل said...

بصراحة لم أجد خفة دم فى الكتابة مثلك

روعة وخفيفة وكلماتك رشيقة جدا

appy said...

هههههههههههههه لا دا العيب فى الكراسى خالص
بس تعرفى انا زيك بموت فى الدونتس خالص بس الحمد لله انا سمباتيك نص نص ههههههههههههه
كل ماتش وانتى طيبه

واحدة مفروسة said...

ههههههههههههههههه
مش ممكن يا سمباتيك
فزيعة...بالثكر..المكرر
حلو ه جدا

قوس قزح said...

حلوة اوى فكرة الجول سوستة الفريق دى هههههههههههههههههه
انتى فظيعة
و عجبنى فيه انه ولا حاسس انه السبب فى اللى بيحصل حواليه

د/أبويحيى وادم said...

السام عليكم ورحمه الله وبركاته
ربنا يكرمك يارب اسلوبك رائع فى الكتابه
هو فعلا هواء اسكندرية ريحه من التعب اللى كان فيه امابخصوص
اشتريت منه بتلاتين جنيه فريسكا و جوزية و سمسمية و فولية
يبقى كدا اكيد القادم هيكون أجمل لانه هيبقى سمبتيك خالص خالص

FaceMoon said...

جميل كالعادة مبقاش عندى كلام حلو اقولة
استمرى ومش تغيبى علينا

sa'7so'7te said...

انا اول مرة ادخل البلوج
و دخلت على حلقه من اليوميات
فافتكرتك انتى الشخصيه دى
و استغربت الجرأه فى لاكلام عن ال"كلبزة"..بس البلوج لذيذ مووت
و ليا زيارات تانيه بس الواحد يخلص من الامتحانات

seeef said...

حلوة اوي
ده انا جعت اوي

خالتى بمبة said...

بذمتك مش عارف ليه الراجل اللى قاعد جنبك صوته محشرج دا كان تحت الانقاض وربنا انقذه الحمد لله القطر كان لاسكندرية بس مش لاسوان

سومه...مجنونه فى بلد عاقل said...

هههههههه عمشتاشر سنه يااااه ودول يطلعوا كم كيلوا تحديدا
بالهنا والشفا يا ستى
سومه_87

كلام على بلاطة said...

خلى بالك من الجون
الجون امانة
وعايزين اجوان اكتر
زيادة انتاج
تحياتى

عمرو النوبى said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
بجد يوميات تحفة
بس انا زعلان منك فى حاجه
تجيبى بـ 30 جنية فريسكا ومش تعزمى علينا
ينفع كده ده حتى الى ياكل لوحد ... يلا بالف هنااااا

تحياتى

واتمنى زيارتك لمدونتى المتواضعة

HafSSa said...

هاتيلي معاكي شوية فريسكا
بقالي كتير مكلتهاش
و ابقى ابعتيها بالبريد السريع وحياتك
اه
انتي عارفاني مقدرش اقاوم الحلويات

المـــفـــــــقــــــــوعـــــة مــرارتـهــا said...

انا كل مادخل بيت الدوناتس اخد كاباتشينوا وجري علي برة
خايفة ادوق الدوناتس ادمنها وانا مش ناقصة
الا قوليلي هي طعمها حلو يعني تستاهل الواحد يتخن عشانها ؟

مروة جمعة said...

صباااااح الفل
عسولة
أنا باحب الأكل يا سبماتيك بس باخاف اتخن
ميرسي لزيارتك مدونتي واعذريني لعدم الرد لسه طالعة من امتحانات
:)

حلو تشبيه حارس المرمى بالمناسبة

دعوة للحب said...

فكرتنى باسكندربة انا هموت واسافر
انا مسافرة اخر الشهر وبحب المحافظة دى اوى عمرى ما حسيت انى مخنوقة هناك ولو حصل ولو انه مش بيحصل كفاية ريحة البحر بتخلص على اي خنقة . تحياتى لاسلوبك الجميل جدا فى الكتابة انا فطست من كتر الضحك وبالهنا والشفاء بس الزيارة الجاية لاسكندرية مش تنسى الهريسة وانت جاى

حاسوباتيه said...

هههههههه عندك حف والله فعلا انا نفسي اسافر وابلبط انا كمتان في الميه واكل فرسكا احدفلي واحده على بال ما اجي طبعا انت اكلتهم كلهم اصلا يلا بالهنا

t3ban said...

أسكندرية نورت
بس هو في حد يبنزل بحر أسكندرية دلوقتي
هو ممتاز اوي للتأمل

Ghada & Rofayda said...

...بالهنا والشفا
...بس بجد جوعتينا جدااااا
....اسلوبك راااائع في الكتابه

اول مره ادخل بلوجك بس مش الاخيره ان شاااااااااااااااءالله

تحيااااااتي

ketchup said...



انا نفسي فعلا اعرف الفريسكا دي طعمها ازاي

انا اعرفها سمعها كدا انما مكلتهاش ابداً
حتى معرفش هي حلويات ولا بسكويت وا ايه بالظبط


اوعا حد اسكندراني يتتريق عليا
انا بقول اهوه

maha zein said...

very nice
realy you are so so so lovely
and this daily stories very ironic

قهوة بالفانيليا said...

ضحكتيني جداااااااااا
مستنية الحلقة اللي جاية

Zakzoka said...

هاااااااااااااااي سمباتيك
نسيت وكتبتلك عند بمبة وحشتيني
زكزوكة

Miss. Sosa said...

السلام عليكم

انا ماليش في الحلويات خالص .. اعز الفاكهة والخضار .. وده سبب الانقراض اللي انا فيه بس الحمد لله نعمه :)

اسلوبك جميل اوي وخفيف .. عجبني التشبيه بتاع الجون سوسته البنطلون ما كنت تخليه سوسته الجيب ماهى اساسية عندنا برضو ههههههه

وعجبني اوي امانتك فى انك تكتبي ان الصورة من مدونة حد تاني

بجد انتي انسانه محترمة

سلاام

أنا حر said...

بس والله مش باين عليك انت حتى خسيت خالص الفترة الاخيرة
:)
تحياتي

شفقة هانم واحسان بك said...

حلقات هايله يا كلبوز بجد دمك خفيف والبوست رائع

انا مش سلبى said...

خفيفة الدم

ربنا يحرسك

محمد حلمي مخلوف said...

لا بصراحه انتي سيبماتيك قوي كفايه بس انك بتتعشي سلطانية زبادي واحده
سلام
علي فكره المدونه دي عجبتني قوي وهازورها دايما علشان اتابع يومياتك

زرابيح أبو الليل said...

معلش لزوم الرخامة"باب رخامة الشعب المصري"فيه بعض الكلمات مكتوبة بصيغة الرجل وليس الأنثى
مثل ...بس مش عارف ليه كراسي القطار......ومنها ايضا
كنت محرج جدا لما جيت اقعد على الكرسي
طبعا انا مش اقصد الكرسي البلاستيك"لإنه مذكر ...أنا اقصد كلمة محرج

تقبلي تحياتي وتعليقاتي بكل رخامة وغتاتة ووداني مستعدة لإي شتيمة من أي نوع :مؤنث كانت او مذكر"الشتيمة..ها"وكل عام وانتي الى الله اقرب "

will said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

jedaah said...

حركات
http://www.7rkat.net

منتدى حركات
http://www.7rkat.net/vb

مركز تحميل حركات
http://www.7rkat.net/up

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام