Sunday, July 23, 2006

ســكـــوت

سكوت
------
بسجل اعتراضي سكوت
قنابل و خلق عمبتموت
يوم بعد يوم بيفوت
معنديش غير سكاتي اقدمه لبيروت
---
الزعمة بيشجبوا و يمصمصوا الشفايف
و العالم عامل عبيط و لا سامع و لا شايف
و الحق لازم يعيش
و يموت اللي خايف
---
فينك يا ماما امريكا و فين جيوش السلام
و فين حمامة المحبة و لا اتدفنت في البرام
يا ماما أمريكا عيب أتكسفي علي دمك حرام
---
ميت غارة يهود علي لبنان
و من شارون لاولمرت يا قلبي لا تحزان
ملكيش غير ربنا يا صور و يا بعلبك كمان
ميت الف شهيد علشان رهينتان!!!!
---
يا شيراك حتنزع سلاح حزب الله و تسيب اسرائيل
يا راجل مقدرتش علي الحمار حتمسك في العليل
و حتي فلادمير الروسي بيطبل لليهود
يا أخي خدكم عزرائيل
-------
خواطر عاجزة لا ترتقي للزجل و لكنها نوع من الوجع

14 comments:

soosa el-mafroosa said...

أوجزتي ي أختي و الله و قلتي المفيد...بس ممكن تعمليلنا أغنية تنفع لشعبان عبد اللاحيم أصل الناس ماعادتش بتسمع كلام حد غيرة ...يمكن يتحركم

تعالي زوري مدونتي عشان تعرفي السبب في حالة التباته اللي عند الناس من ناحية لبنان...مستنياكي

Sampateek said...

sossaa
نورتي يا جميلة
بس اليومين دول شعبولة انطفي بقي زمن سعد الصغير
النهاردة خيبتي يا جدعان بيروت انضربت و الدور عليناكمان
سعدت بمدونتك عن مرسي مطروح و كاني كنت معك
خالص تحياتي

layal said...

أتمني ان نتبنى جميعا كمدونين كلمه واحده بتاريخ واحد نحدد فيه رأينا للعالم اجمع
اتمني ان ندون مدونه واحد بتاريخ 27/07/2006
كلنا كمدونين نكرر عباره واحده
كلنا مع لبنان وفلسطين ضد اسرائيل والمحتلين
بالعربي بالانجليزي المهم نسمع صوتنا للعالم
وان لم نستطيع حمل السلاح فالنحمل الكلمه
وبأي لغة نستطيع نشرها
بالإنجليزية
We are with Lebanon and Palestine against Israel and occupiers
والفرنسية
Nous sommes avec tous le Liban et la Palestine contre l’Israel et les occupants
والألمانية
Wir sind zusammen mit dem Libanon und Palästina gegen Israel und Besatzer
والإسبانية
Somos todos con Líbano y Palestina contra Israel e inquilinos
والصينية
我们都是同黎巴嫩和巴勒斯坦对以色列占领者
واليابانية
私達はイスラエル共和国および占有者に対してレバノンおよ
びパレスチナとのすべてである
تحياتي للجميع

Dody said...

خواطر نابعه عن احساس حقيقى احييكى

soosa el-mafroosa said...

نورتي مدونتي يا عسل
هو شعبان انطفى صحيح بس يعد الصغير ماقدرش يحل محله في الأغاني الوطنيه

شعبولا ...الا شعبولا ..ده الواحد قلبه بيهفهف كده و بيتحمس و بيبقى نفسه يقوم يفجر نفسه في أي حد

المزاجنجي said...

كلابيظو السمباتيك انت خلاص بقيت ثورجية وسيبتي الحلة والتقلية واهتمتي بالقضية العربية بجد كلام عسول قوي بس تفتكري حد هايعبرك من اللي فبالك كلهم يا ماما ماشين في فلك واحدوهو فلك اونكل سام الله يسم بدنهم بس الله ينور عليكي ولك ارق تحياتي

Epitaph said...

برده فكرتوني بعادل امام في السفارة في العمارة هوة و اصحابه بيغنوا مع شعبولا
ولا لما كان في اجتماع الحزب
واحتاس مش عارف يقول ايه

قال الانشودة الوطنية الشهيرة

انا باكره اسرائيل
وبحب عمرو موسي
وايييييييييييه

وايه..ممكن يحصل تاني
عمرو موسي خيبته بالويبة وهو مش عارف يقول لا لا لا هو كمان

هو فيه هنا اكتر من كدة

Sampateek said...

layal
أنا معاكم يا رجالة
رجاله يعني كل راجل و ست و حتي طفل عنده وعي المقاومة و لو بسلاح الكلام

Sampateek said...

Dody
أشكرك
خالص تحياتي

Sampateek said...

soosa el-mafroosa
هاهاهاها عندك حق يا سوسة و من المنتظر في الايام القادمة نزول اغنية للذكي شعبولة
انا بكره المرت و بقولها لو اموت
علشان اللي بيعمله في فلسطين و بيروت
ايييييييييييييييه
اييييييييييييه
نورينا دايما يا جميلة

Sampateek said...

من زماااان باشا
اولا مبروك علي الصورة الجديدة حقيقي باشا
ثانيا انا مسبتش التقلية ام سمنة بلدي ابدا
ده انا حتي لسة بعمل المغات علي النار و ريحة السمنة البلدي مفحفحة
بس من حقي اغلي السمنة و ارميها علي اللي ساكتين و بالذل راضيين
انا عارفة ان مفيش حد فيهم حيحس و لا يعبرني بس كفاية ان في ناس فايقين زيكم يسمعوني
احلي كباية مغات بالسمنة البلدي للباشا
و بلاش شيح النهارده
خالص تحياتي

Sampateek said...

Epitaph
ممكن نعمل كتير لو بطلنا نخاف
لو عملنا حملة لجمع التفافة من كل مواطن مصري ممكن نغرق اسرائيل
و الله فكرة كويسة
التفافة هي السلاح المناسب لعدو حقير
و انا من هذا المزنق ادعو كل بلجراوي للمساهمة في حرب اسرائيل
تعاطفك لوحده مش كفاية
خالص تحياتي

أبو أمل said...

ايه الجمال ده
حاجة حلوة خالص
والله اتطورت
على فكرة
لو حدنا بنصيحتك
ريقنا هينشف

كنوز said...

hei i wish to be a friend just i liked ur post