Friday, September 29, 2006

عمرة في رمضان-حجة مع الرسول


لبيك اللهم عمرة

من ساعة ما نويت اعمل عمرة و أنا حاسة بسعادة و انشراح و تسامح مع كل اللي حوليا و لما ركبت السيارة في طريقي إلي الحرم المكي حسيت بنعمة ربنا العظيمة عليا و أد اية في ناس في كل العالم أحسن مني و لكن محرومين من نعمة القرب من الحرم و بيعيشوا و يموتوا و هم نفسهم يعملوا عمرة و مش قادرين لكن أنا بفضل الله رايحة اعمل عمرة رغم كل ذنوبي و قلة عملي إلا إن الله بعطفه و كرمه أراد لي الخير.

و في الطريق إلي مكة كان معايا كتيبات فيها صفة العمرة و ما يستحب من أدعية و قعدنا نقرا فيها أنا و أولادي استعدادا لاستقبال أول أنوار منازل مكة و مخبيش عليكم الطريق كان زحام رغم إن الساعة كانت حوالي حداشر ليلة الجمعة لكن السيارات اللي رايحة مكة كانت كتيرة و اللي راجع منها كمان كانت اكتر و رسمت أنوار السيارات احلي لوحة لعقد احمر رايح و عقد ابيض جاي

.و الحمد لله وصلنا و ركنا السيارة في مواقف الرصيفة و دي مواقف مخصصة للمعتمرين القادمين من جدة و غيرها و طبعا المواقف علي وسعها كانت مليانة سيارات و سمعنا صوت بيقول:

حرم حرم حرم

و ده صوت سواقين السيارات الأجرة اللي بيستقلوا المعتمرين إلي الحرمركبنا و احنا بنقول بصوت خافت :

لبيك اللهم لبيك لبيك لا شريك لك لبيك

و مع أول اشراقات أنوار الحرم المكي الشريف تنهال عليك العبرات و تنشرح نفسك و تبقي عايز تطير لحد جوه

اللـــــــــــــــــــــه

اول ما تدخل و تنزل سلالم قليلة تلاقي الكعبة

بيـــــــــت الــــــــلــــــه

ما أجمله و أشرفه و أكرمه قشعريرة حب و إجلال لله تسري في بدنك و تلاقي رجليك بتجري لعنده
و تشوف منظر رائع افواج من الناس لابسين ابيض بيلفوا حولين الكعبة في تنسيق جميل

و مع استلام الحجر الأسود- من بعيد طبعا للزحام الجميل و بقول جميل لان ما فيش احلى من التهافت علي طاعة الله

ابتدت العمرة سبعة أشواط من الدعاء و الاستغفار و التوسل إلي الله -و اقسم بالله إني دعيت للمدونين و المسلمين كلهم بظهر الغيب

أما المعتمرين فيا الله عليهم من كل حدب و نسل أشكال و ألوان مختلفة و لغات و لهجات و بعثات من أقصى بلاد الأرض كلهم لابسين ابيض

و لا انسي مرة من حوالي عشر سنين رأيت رجل عجوز يطوف و حامل فوق ظهره سيدة عجوز جدا في الغالب أمه منظر لا يمكن أن تنساه و لا تراه إلا في الكعبة الطيور تطير في صحن الحرم و تشدوا بصوت فريد و كأنها جنود الله جاءت تلبي مثلنا

لبيك اللهم لبيك

و مع انتهاء الشوط السابع صلينا ركعتين أمام مقام إبراهيم و ركعتين بنية الصلاة في حجر إسماعيل و طبعا في مكان بعيد عنهما لان زي ما قلت لكم الزحام كبير و عظيم و شربنا من زمزم و لا اخفي عليكم ان لماء زمزم طعم فريد يستغربه من لا يألفه و لكنها غير كل المياه لا ترتوي منها ابدا و لو شربت جالون ماء و هي كذلك لما شرب له يعني الدعاء بعد الشرب منها مستجاب باذن الله

و بدا السعي سبعة اشواط بين الصفا و المروة حشود من المسلمين من كافة بلاد الأرض مقدرناش نسعي من الدور الاول و طلعنا الدور الثاني لأنه اقل زحاما و بين النورين الخضر يهرول الرجال و تمشي النساء و يقولوا جميعا

ربي اغفر و ارحم و أعفو و تكرم و تجاوز عما تعلم انك تعلم ما لا نعلم انك أنت الله الأعز الأكرم

واحد يحمل ابنته فوق كتفه إشفاقا عليها من التعب و المشي و امرأة حامل جلست علي كرسي متحرك و رفعت أيديها إلي السماء داعية الله عز و جل و رجل عجوز يلبس الإحرام الأبيض و يهرول و أطفال صغار يجرون فرحا و مرحا بالحدث العظيم.

و أحب أقولكم إني ممتنة جدا لرجال الأمن و النظافة في الحرم و ربنا يجازيهم كل خير بجد بيعملوا بكد و جهد لراحة المعتمرين و زوار الحرم.

و رغم انك بتبقي تعبان جدا مع الشوط السابع و حاسس إن نفسك تقعد علي الأرض و ترفع رجليك إلا انك بتبقي حزين إن العمرة خلصت و بتتمني انك ترجع تبدأ من الأول

تحللنا من الإحرام بقص أطراف من شعر الرأس و جرينا علي المواقف علشان نلحق تنسحر لان الساعة بقيت أربعة الفجر و فاضل اقل من ساعة علي الفجر.

و هكذا عدنا من العمرة التي اسأل الله أن تكون عمرة مقبولة و أن يغفر الله ذنبنا و يرفع أجرنا و لا يحرمنا جميعا زيارة بيته الحرام.

آمين

60 comments:

مجدى سرحان said...

روحك نقيه
يا كلبوزه
فرحان
لفرح
روحك
ربنا يتقبل
وتعاودى
ويدوم فرحك

Adel said...

والله فكرتيني باجمل الذكريات اللهم تقبل منا ومنك

Dananeer said...

حمدالله على سلامتك و عمره مقبوله ان شاء الله
و ربنا يكرمنا جميعا

Anonymous said...

الف الف مبروك
اللهم تقبل عمرتك ودعائك لك وللمسلمين

وصفتى العمره وكتبتى دفاصيل دقيقه و بين الكلام بيحمل مشاعر بس مفيش قلم يقدر يعبر عنها بس صدقينى حسيت بيها

اللهم تقبل

تحياتى

Anonymous said...

أنتم السابقون ونحن الاحقون يا كلبوزه

كلامك شوقني اكتر لزياره بيت الرحمن ومسجد الرسول الكريم

عدي الاسبوع دا علي خير يارب عاوزه اروح من دلوقتي والله

Ensan said...

عمرة مقبولة ان شاء الله
والله كل الى بيروح الحرم بيشتاق يروحله تانى , و تالت
مابيشبعش منه ابدا

We2am said...

rabna ytqabal ya gamil..w yarab tefdale keda 3latol..mabsota..w merta7a nafsyan..wasfek 7elw..welcome back..

أحمــــــــدبــــــــــلال said...

آمين يارب العالمين

ربنا يتقبل منا و منكم



سؤال لو سمحتى
أنا أخويا كان بيعمل عمرة يوم الخميس و كان راجع فى الميعاد اللى أنتى قلتى عليه ماشوفتيهوش
؟

بتكلم جد و الله مش هزار

و حمدالله على السلامة

labido said...

تقبل الله طاعتكم وجعلها في ميزان حسانتكم ..
وبصراحة الواحد اشتاق يروح عمرة مرة تانية ..
انتي عارفة انك هاتاخدي اجر مع كل واحد قرا البوست ده ونوا .. ايوه نوا بس بقلبه وبصدق انه يروع عملرة عمرة ....
مبروك يا اختي الاجور العظيمة ..
ولا يُلَقََََاها الا ذو حظ عظيم

LAMIA MAHMOUD said...

تقبل الله منك وادعيلي انا كمان


مبروووووووووووك

Anonymous said...

تقبل الله يا كلبوزة
و عقبال الحج

Anonymous said...

جميل قوي وصفك لعمرة يا كلبوزة لأانها فعلا نعمة من عند ربنا للموجودين هناك واللي ممكن يعملوها كل أسبوع لو حابين .. لكن بالنسبة لي لا يمكن أنسي أول مرة عيني شافت فيها الكعبةالمشرفة شعور ما اتكررش تاني بنفس الاحساس في المرات اللي بعد كدة وكل مرة ليها طعم ولون وذكري مختلفة تقبل اللهم منا والجميع ما صلح من أعمالنا وبارك لنا

شكرا علي البوست الجميل

sarah la tulipe rose said...

عمرة مقبولة بأذن الله
و انشاء الله يوعدك بي عمرة تانية و تالتة
و يوعدنا كمان بحج الاول و بعدين عمرة
ربنا يتقبل

tota said...

كلبوظة
ربنا يتقبل عمرتك ويضمها الى ميزان حسناتك ويتقبل دعائك الذى ما نسيتينا فيه ويلبى دعوتى لرؤية الكعبة وبلد الحبيب
وربنا ينولها لينا جميعا
تحياتى

سندباد مصري said...

بكل حسد

بقولك يابختك

انا بحسدك عيني عينك كده

ماشي

اهيء

اهيء

سلام

الأميره أوسه said...

تقل الله منك يا صاحبة أجمل قلب
أجمل حاجه حالة الصفاء والتصالح اللى أنت عايشاها
دى نعمه عظيمه
ربنا يوفق خطاكى ويحفظك يا كلبوزه يا بنت عمى
أمين

gwad said...

كلبوزتنا العزيرة
تقبل الله منك ان شاء الله
وافتكرينا بالدعاء لينا مش علينا

ربنا يجعلها عمرة جميلة ومبروكةونظيفة
وشريفة وترجعى وانتى كلك سرور و شهاب فى السما عالى وانتى غالية علينا كتير
ويكون هناك عزمك شديد ودى حسد منى والفقى لما يسعد
تحياتى
انا قلت لازم امسى عليكى ويكونوا معاكى انتى حتسيبهملنا لوحدنا
تحياتى

أُكتب بالرصاص said...

الله عليك
ربنا يتقبل

بصراحة
انا اغبطك

يا بختك!!!

فكرتيني
باول مرة احج فيها ،
كنت مش مصدق إني في الحرم
واني شايف الكعبة لايف

شعور غريب عجيب

ملاحظتك عن رجال الامن في الحرم في محلها
بصراحة الناس مش بتقصر في شيء
وتلاقيهم متعاونون
وودويدين

ربنا يكرمهم
بس بصراحة
انا لاحظت الراجل البنغالي اللي شغال تحت في مياه زمزم
عنده مكتب وبتاع
بصراحة
قعدت ابص له واغبطه
يعني انت كل يوم طالع من بيتك رايح الدوام
...
وفين ..؟
في زمزم
في قلب الحرم
جتنا نيلة في حظنا الهباب
):)

Anonymous said...

اولا: حمدالله على سلامتك و عمره مقبوله ان شاء اللهوربنا ينقيك من زنوبك كما ينقى الثوب البيض من الدنس الهم ما امين
ثانيا:يارب لاتحرم احد من التوبه والمغفرة ورؤيه بيتك العزيز والصلاة فى مسجد نبيك الكريم

كلبوزة لكن سمباتيك said...

احبتي في الله
ربنا يتقبل منا و منكم و يصلح حالنا و حالكم
متنسوش تقرؤوا جزء من القران كل يوم
علشان نختم سوا ان شاء الله اخر رمضان و ندعي و يستجيب الله لنا كما وعدنا
ادعوني استجب لكم

أجدع واحد في الشارع said...

انا عندى 18 سنة يعنى فاهم شويه
ونفسى افهم اوى عشان ارتاح

Dr. Tantawy said...

عمره مقبوله يا حاجه :)) عقبالنا يا رب

دعيتلنا ولا نسيتي كالعاده


ربنا ينولهالنا و كل المسلمين انشاء الله
ونيجي نفطر عندك اخر يوم في العمره انشاء الله :))

تقبل الله

تمر حنه said...

حبيبة عينى كلبوزة
واحشانى جدا و مفتقداكى جدا
يارب أكون هناك قريب لأن الحرم وحشنى و المدينة وحشتنى - من مدة و الدموع مانزلتش .. هناك كانت بتنزل و القلب بيرق أوى
أدعيلى انى أروح هناك .. مشتاقة بجد

ALiaa said...

حمد الله علي السلامة عقبال كل مسلم و مسلمة

مفلس افندى الرايق said...

الله يتقبل من كل المعتمرين

الف حمدالله على السلامه وعقبال الحج وعقبالنا يا رب

ربنا يكرمنا بزيارة بيت الله الحرام وزيارة حبيبى رسول الله

كل سنه وانتى طيبه اوعى تكونى ماجيبتليش الهديه

من القلب said...

عمرة مقبولة ان شاء الله
و عقبالناااا يا رب

Shower-Mirror said...

فكرتينى بأول مره رحت فيها العمره ...وصفك دقيق جدا نفس شعورى بالظبط ...ربنا يتقبل منا و منك .. نسأل الله ان يكتب لنا العوده ..و أن يرزقنا بحج بيته الكريم ..

To a friend said...

ما شاء الله ..ربنا يتقبل يا رب

الحقيقه شوقتيني جدا ربنا ما يحرمناش من الحج و العمرة دائما ما حيينا

اللهم ارزق المشتاقين زيارة بيتك الكريم.

خجل said...

ادعيلي معاكي يا بنتي

Anonymous said...

كلبوووزتى
الف الف مبروك
وتقبل اللة منك وعقبال الحج الاعظم يااا رب
وابقى بقا افتكرى اخنك المسكينة بدعوة كدة على ما قوسم
وحشتينى اوى واللة

متغيبيش كدة تانى

ام العيال said...

عمرة مبروكه
عقبالنا يارب
و عقبال لما تزوري المسجد الاقصى وتصلي تحت قبة الصخره ان شاء الله

توهة said...

الله الله

على الرغم من إى عشيت الحظات دى بس نفسى أعيشها ميت مره

عمره مقبوله إن شاء الله


فانتازياااااااااااااااا
فانتازيااااااااااااااااااااااا

Haitham said...

عمرة مقبولة ان شاء الله .. عقبال كل المدونين




هيا بنا نوقف قطار التوريث

أم أحمد said...

عقبالنا كلنا يارب قولي آمين

Anonymous said...

عمرة مقبولة إن شاء الله
شكرا لك على هذه المدونة ووفقك الله دائما
http://www.maktoobblog.com/bahae66

Anonymous said...

ألف مبروك ، والله ده أجمل وصف قرأته عن رحلة العمرة فعلاً كأنك نقلتيني هناك.
ربنا يتقبل منا ومنك صالح الأعمال

zordeak said...

كـــــــــل سنة وانتى طيبة




رمضان كريييييييييييم





تقبل الله منا ومنك



عقبالنا كده يا رب

أحمــــــــدبــــــــــلال said...

كلبوزة حبيبتى

أنا عازمك على عيد ميلادى على البلوج بتاعى يوم5أكتوبر


أوعى ماتجيش
هاتلاقى جاتوه و تورتة و حلويات كمان

أجدع واحد في الشارع said...

ايه يا اجمل كلبوزة احنا عيزين بوست كده يكسر الدنيا

islamventura said...

ربنا يبرك لك فيها ان شاء الله
و ادعى لنا معاكى بالخير
اللهم تقبل منكى

Anonymous said...

دخل عمر بن عبد العزيز رحمه
الله المصلى يوم عيد فدعا فقال :

اللهم ارحمني
فإنك قلت :
إن رحمت الله قريب من المحسنين
فإن لم أكن من المحسنين فأنا من الصائمين..
وأنت قلت :
والصائمين والصائمات والحافظين فروجهم والحافظات

والذاكرين الله كثيرا والذاكرات أعد الله لهم مغفرة وأجرا عظيما

فإن لم أكن من الصائمين فأنا من المؤمنين
وأنت قلت :
وكان بالمؤمنين رحيما
فإن لم أكن من المؤمنين فأنا شيء
وأنت قلت :
ورحمتي وسعت كل شيء
فإن كنت لم أستوجب الرحمة فأنا مصاب إذ حرمت رحمتك فإنا لله وإنا إليه راجعون
ولكنك قلت :
الذين إذا أصابتهم مصيبة قالوا إنا لله وإنا إليه راجعون * أولئك عليهم صلوات من ربهم ورحمة وأولئك هم المهتدون

islamventura said...

ارجو ان تدعو لنا جميعا من مكانك هذا

Anonymous said...

السلام عليكم ورحمة الله

أختي الكريمة سامباتيك

أرجوا أن تشرفينا بزيارة مجموعتنا التدوينية " شباب عايزة تتجوز "

و تشاركينا في حل هذه المشكلة الإجتماعية المستعصية

و أدعوك إلى الإنضمام مجموعة عملنا التدوينة لدعمنا في قضيتنا العادلة و دفع كفاحنا نحو حياة كريمة عفيفة سعيدة

و تفضلي بقبول فائق الإحترام و التقدير

http://elzawaj.jeeran.com/



كتبه / جندي الفضيلة
مصر - القاهرة

for_elzawaj@yahoo.com

ROMIL said...

تقبل الله ياحاجه وربنا يكتب لينا جميعا حجا مبرورا بأذن الله

GoGa said...

حمدالله علي السلامه يا كلبوزه
ومبروك العمرة ربنا يتقبل منك ان شاء الله
وصفك حقيقي فعلا أنا رحت 3مرات وعملت عمرة عقبال الحج يارب ادعيلي
وفعلا النظر الي الكعبه متعه لا تضاهي أي متعه أخري
وكل مرة اشوفها أحس بنفس الأحساس مش أول مرة بس زي البعض ما بيقول
كل مرة كأنها أول مرة
يارب أوعدني تاني
نفسي أنا وجوزي بقي المرة دي يارب

admelmasry said...

ما اجمل الروحانيات
وما اجمل ان تفتح قلبك لها

Anonymous said...

حمد الله علي السلامة وعمرة مقبولة
عقبلنا يارب
http://www.lost-empire.blogspot.com/
عالم مختلف

SOLITUDE® said...

حمد لله ع السلامة...ربنا يتقبل

بس دعيتي لنا ولا لأ؟؟
:)

مـحـمـد مـفـيـد said...

والله انتي رائعه

saso said...

تقبل الله يا جميلة
وعقبالنا كلنا

moony said...

حمد الله على السلامه وربنا يتقبل منا ويكتبلنا الحج ان شاء الله

Anonymous said...

مبروك على العمرة و تقبل الله منك و عقبالى أنا كمان.

Anonymous said...

مبروك العمرة

Anonymous said...

مبروك العمرة اقصد الحجة
زورينا على الموقع ويسعدنا ممعرفتك
www.ahmedsobhy.blogspot.com

anameen said...

حمد اللة علي السلامة يا كلبوزة

abderrahman said...

ربنا يتقبل منك
وصف جميل لأجواء جميلة
أهم حاجة لفتت نظري دعائك بظهر الغيب
فرحت جدا لما قريت السطر ده
**
تحياتي ليكي
وكل عام وانتي بخير .

كلبوزة لكن سمباتيك said...

اصدقائي الاحباء
السلام عليكم و جزاكم الله جميعا كل خير
اعتذر عن عدم تواجدي في المدونة كثيرا هذه الايام
و لكن الحبيب قد اوشك علي الرحيل و احاول ان افوز منه بعتق من النيران
---
اقرؤوا القران
و ادعوا لي

daktara said...

امين يارب العالمين

أشرف حمدي said...

مبروك العمرة يا كلبوزة وعقبال الحج ان شاء الله .
ماتنسيش دعواتك للبلوجرز الغلابة أمثالنا .
وابقى زوريني في البلوج بتاعي
مع خالص حبي واحترامي

MAKSOFA said...

تقبل الله منك
اجمل عمره في رمضان
أسأليني انا
دي كانت أول عمره اعملها في حياتي