Thursday, September 14, 2006

استعداد

طول ما هو موجود أنا حاسة باطمئنان و سكينة و هدوء
و لما يمر أحس انه مقعدش كتير و ملحقتش اشبع منه
و كل مرة أقول لما يجي تاني حستغل كل لحظة معاه و مضيعش أي وقت

صحيح هو شهر كريم الناس كلها بتبقي كرام فيه و في تسامح بينهم
و الصلاة فيه لها طعم تاني و قراءة القران و حلاوة ختمه مرة أو مرتين
أما بقي عن الدعاء فالله عليه قبل الفطار و الواحد مفيص و صوته مش طالع و بيحس إن روحه صافية و مش عايز حاجة من الدنيا غير رضا ربنا ثم كباية مية تروي عطشه

أنا بحب رمضان و عايزة استعد له
حبيبي قرب يجي و لازم استعد نفسيا و انظم وقتي
علشان استغل كل لحظة فيه
فاغتنام حسنات و رفع درجة
حتستعدوا معايا؟

يا عالم حيمر علينا تاني و لا لأ
يا رب بلغنا شهر رمضان أعوام عديدة

38 comments:

NoOR said...

رمضان اقبل مرحبا رمضان

الشهر ده فعلا بحس اني لسه عيل صغير ببقي فرحان فيه علي غير عادتي في بقيت الشهور

ربنا يجازينا فيه خير ويكرمنا اننا نعمل فيه خير كتير

Lasto-adri *Blue* said...

اللهم بلغنا رمضان، وكرمنا بحسن الثواب

tota said...

ربنا يتقبل منك يا كلبوظة

ويبلغك رمضان عام بعد عام وكلك رضى وايمان وكلنا والمسلمين اجمعين
تحياتى

مفلس افندى الرايق said...

طيب يا جماعه عاوزين بقى نستعد نفسيا بجد للشهر الكريم ان شاء الله
عاوزين ننسى المعاصى ونركز بجد وياريت كل واحد يختم القران مره على الاقل احنا مقصرين بجد يا جماعه وبعدنا قوى عن حقوق ربنا


ربى هبى لى العزيمه

ان اهزم الشيطان

الا اعود يوما للحظة العصيان

وان ارضيك ربى

وافوز ببركات شهر رمضان

يا رب

MAKSOFA said...

كل سنه وانت طيبه
وخلي بالك بلاش كنافه وقطايف كتير علشان تفضلي كلبوزة لكن سمباتيك
يأحلي كلبوزة

sara... said...

كل سنه وانتى طيبه يا كلبوزة
بجد انا فرحانه جدا
ربنا يكتبلنا فيه جميعا الجنه يا رب
وكل سنه وانتى بخير

الأميره أوسه said...

كا سنه وأنت طيبه
أنا فى رمضان ببقا طيبه خالص
والسنه دى هاصوم لغاية العصر
عشان أنا صومت لحد الضهر السنه اللى فاتت
مش أنا كبيره يا أبله كلبوزه
وأنزل العب مع العيال بالفانوس
وأسرق هدومهم وفلوسهم وأطلع أجرى
على شهروزه
هيييه أنا شاطره وقطه

abderrahman said...

كل رمضان بيبقى حالي مختلف تماما عن اللي قبله.. بحس ان رمضان هو مقياس حالتي.
**
كل سنة وانتي طيبة
:)

BackBone said...

انشاء الله ياكلبوزه ربنا يبلغنا شهر رمضان و نعرف نستغله بجد, كل سنة قبل الشهر الواحد بيقول انه هيعمل و هيسوي, و بعدين يخص الشهر و هوه معملش اي حاجه, يارب الواحد يعرف يعمل يعتكف كده و اللا حاجه ياااااااااارب

safa said...

كل سنة و أنت و كل المسلمين طيبين. رمضان أجمل شهور العام و ننتظره دائماً بفروغ الصبر, بالنسبة لى: يا ليت شهور العام كلها مثل رمضان, متنسيش تشرفينى تانى يا كلبوزة

سلام

safa said...

نسيت أقول حاجة كمان, شتان بين البوست ده و اللى قبله, بس أنا اكتشفت حاجة أن أى بوست مضمونه يكون تهريج أو أى حاجة من القبيل ده تلقى له شعبية جامدة جداً, هم كده المصريين يحبوا التهريج على طول الخط

أحمــــــــدبــــــــــلال said...

ربنا أبلغنا رمضان

يارب يعدى علينا و على المسلمين جميعاً بالخير و الطاعة و البعد عن المعاصى


كل رمضان و انتوا طيبين و مطيعين للرحمن

soosa el-mafroosa said...

نبوس الواوا البوست اللي فات
ونصوم رمضان في البوست ده

بوست و بوست يبقوا بوستين

حبيبتشي يا كلبوزة
أمممممواه

أم أحمد said...

رمضان كريم ياكلبوزة وكل سنة وانتي طيبة واللهم بلغنا رمضان
عاوزة اسالك سؤال فين القطة اللي بتعمل باي باي عمورة بيحبها ويقعد يعملها باي باي ويقولها ناو

كلبوزة لكن سمباتيك said...

و أنتم طيبين و بصحة و سلامة يا احلي بلوجرية


رمضان كريم
الله أكرم

Nouran said...

اهلا رمضان رمضان جااانا هيه هيه هيه
رمضان جااي بس المشكلة الفوانيس بقت وحشة اوي
رمضان ده بجد شهر بركه وخير من كل الاشكال بجد ده اكتر شهر بحبه ف السنة وبحس فيه وكل الناس فيه بيبقوا حلوين اوي بجد ربنا يبلغنا رمضان يا رب

كراكيب نـهـى مـحمود said...

مجبتيش سيرة قائمة الأكل بتاعت رمضان
وفين الياميش والفانوس
وكل الحاجات اللي نص الناس بتفكر فيها الاول
عامه منتظرين حلقات فوازير رمضان هما عملوا كل حاجة لحد ما خلو شهريار يحكي هوه لشهر زاد تفتكري المجلس القومي للمراه هيجهز ايه السنة دي على اقلناة الاولى
كراكيب كركوبة

admelmasry said...

اه والله عندك حق

Anonymous said...

كل سنة وانتى بالف خير كلبوزتى
ومبروك البوتوجاز والفرن الجديد
رمضان كريم على الكل

arabic man said...

رمضان كريم وكل سنة وإنت بخير
وسعيد جدا بتعرفي على هذه المدونة الحلوة

Dr. Tantawy said...

رمضان كريم
ربنا يجعله خير و توبه لينا انشاءالله

سيادتك مردتيش على التعليق بتاعي في بوست الللي قبل ده

عموما مستني االفرج :))) ماشي يا ريسه
عساكم من عواااااااااااده

مفلس افندى الرايق said...

نزلت بموضوع جديد تعالى

بعدك على بالى said...

اللهم أمين يارب العالمين

بلغنا رمضان وارحمنا يارب العالمين..

واجمعنا على الخير دائما

بهديك اجمل فانوس كما وعدتك وعقبال ما ابعت لك كل سنه فانوس جميل ينور ايامنا و بصيرتنا..

كل سنه وانتى طيبة .. واحنا مع بعض.. وكل المدونين بخير وصحة وسلام واحييك على هذا البوست الذى سجلتى فيه وبدقة كل ما يدور بداخلى واعتقد بداخل غيرنا...
متميزة انت دائما ياكلبوزة..

اه .. انا مش ناسية صينية الكنافة "الدايت" بس على الفطار بقى

تحياتى

Anonymous said...

يارب ياكلبز يبلغنا رمضان ونكون فيه ملتزمين اكتر من السنين الى فاتت............ياة بصراحه احلى ايام وخصوصا لو فى بلد مسلم نفسى اقضى رمان فى مصر على العموم ان شاء الله حنزل مصر اخر اسبوع منه وكل سنه وانت طيبه

سندباد مصري said...

تدوينه التقوي والورع

الي الشيخه كلبوظه

في الأخر بترجعي لربنا

بس برضه الزمار يموت ايده بتلعب

ايه حكايه الدرافت الي انت خافياه

كلنا نستعد الي رمضا كلبوظه

رغم ان هذا يدل علي مقدار ما نفعله بقيه العام

مقدار ما نصنعه من استعدادا لرمضان

يدلني علي مدي ما نعيش به

من فساد

لو ان تلك الروح التي تتكلمين عنها بقيه العام

سادت

ولكن ها هنا لكل شيء موسم

حتي التقوي والورع

موسمهم رمضان

تحياتي لك

والسلام

ody911 said...

رمضااااااااااااااااااان كاريم

مفلس افندى الرايق said...

كــــــــــــــل

سنــــــــــــــــــــه

وانتـــــــــــــــــــــوا

جميعـــــــــــــــــــــا

طيبيـــــــــــــــــــن

ولربكـــــــــــــــــــــم

طائعيـــــــــــــــــــن

LAMIA MAHMOUD said...

يارب ..

wanna b a bride said...

كل سنة وانت طيبة و سفرتك عمرانه

بركات الفرن الجديد

Gid-Do - جدو said...

كلبوزة

كل سنة وانت واسرتك طيبين وكل رمضان وانتم بخير وصحة وسلامة وسعادة باذن الله

karakib said...

رمضان كريم ...
انتوك

Anonymous said...

اللهم لك الحمد كله أنت أوجدتني ورزقتني وجعلتني مسلما،

اللهم سبحانك قد عصيتك بنعمتك، سبحانك خالفتك مع عظمتك

اللهم إن لم تغفر لي فمن يغفر لي؟ وإن لم ترحمني فمن يرحمني

اللهم لا رب لي سواك فأدعوك وأرجوك

اللهم أني عائد إليك تائبا فبرحمتك ومغفرتك ولطفك لا تردني، واقبلني يا من يقبل التوبة عن عباده ويعفو عن السيئات.

اللهم مهما عظمت ذنوبي فرحمتك أعظم، ومهما كثرت خطاياي فأنت تغفر الذنوب جميعا.

اللهم إني ظلمت نفسي ظلما كثيرا وإنه لايغفر الذنوب الا انت فاغفر لي مغفرة من عندك وارحمني إنك أنت الغفور الرحيم.

اللهم ردنا إليك ردا جميلا .... برحمتك يا أرحم الراحمين.))


امين

HANY said...

ازيك يا كلبوزه اخبارك ايه ربنا يكرمك يا شيخه واهم شىء فى رمضان التدبر والتفكر خصوصا بالليل

وعلى فكره انا غيرت التمبليت عشان تعرفى تقرى موضوع التخفى والتأمين ابقى شوفيه كده

وربنا يجعلنا جميعا من العتقاء

نصيحه اخيره يا ريت بلاش تليفزيون خالص ولا اى حاجه والانقطاع التام فى رمضان وتقبلى تحياتى

مفلس افندى الرايق said...

كيف اخبراك كلبوزه هانم
شلونك؟ منيحه

أجدع واحد في الشارع said...

اللهم بلغنا رمضان، وكرمنا بحسن الثواب
وكل سنه وانتى طيبة

أُكتب بالرصاص said...

مش عايز حاجة من الدنيا غير رضا ربنا ثم كباية مية تروي عطشه

بس ؟

رمضان جاي هجم ،

الكام سنة اللي فاتوا كنت فأجة ..فجأة ..باسمع التلفيزيون بليل.. يقولوا رمضان بكرة ,
يعني بلا استعداد ولا عدة ..

السنة دي .. يمكن الواحد مستعد شوية ...بس برضه كل يوم اسمع التلفيزيون وانا منتظر يقولوا
رمضان بكرة


كل عام وانت بخير

كلبوزة لكن سمباتيك said...

و انتم كلكم طيبين و بصحة و سعادة



اللهم اكتبني وسط الغافلين من الذاكرين
و اكتبني وسط الذاكرين من المستغفرين
امين

أحمــــــــدبــــــــــلال said...

محمد فهمى
Back Bone
صاحب بلوج
الواحـــــــــة

خطب يا رجالة
روحوا باركولوا فى البلوج

و عقبال عندكم