Friday, November 17, 2006

يا وحشة كوني نغشة

النهاردة اعزائي البلوجرية حناقش معاكم موضوع الجمال
و ازاي اننا بنختلف في تقيمنا للجمال
فممكن جدا اللي انت تشوفه جميل ميعجبش غيرك
و دي نماذج لجمال(....)و

دي صورة ملكة جمال كفر بطاطا سنة 99













و دي ملكة جمال الشاطئ في مسابقة ابو رواش السنوية

و الغريبة انك تلاقي راجل زي الفل متجوز وحدة وحشة طحن و العكس صحيح


ايه الفكرة في كده؟
و انت ترضى تتجوز وحدة وحشة؟
و انت ترضي تتجوزي واحد وحش؟
هل فعلا الجمال جمال الروح؟
و لا لازم الشكل كمان يبقي حلو؟

زمان







قالوا في المثل
يا وحشة كوني نغشة
الترجمة البوست الجاي

71 comments:

safa said...

أنا مبسوطة أوى أننا لحقت أول تعليق عندك, أصل مدونتك بتفكرنى بالأوتبيس الزحمة. بخصوص الجمال,الاثنين مهمين جمال الوجه و الروح,
بقى شرفينى يا كلبوزة,بقالك زمان معدتيش

7ayran said...

مستني الترجمه
:)
حمدلله علي السلامه زمن كبير من غير تدوين
هوا اه الجمال مش مهم قوي بس مش لدرجة وحشه طحن يعني
الروح مطلوبه بس برضه في زمن هيفاء وهبي لازم يبقي فيه شويه جمال
تحياتي

Abdou Basha said...

لازم تكون على الأقل على مستوى جمالي
:)
بشعة يعني
:))
**
نغشة..؟
مش حتفرق كتير
برضه الشكل عليه عامل
بس تكون مقبولة انما بتاعت كفر البطاطا دي مفيش كيميا بينا الصراحة

Ahmed Shokeir said...

منك لله ياكلبوزة ، كنت باحب السمر من واقع ان السمار نص الجمال

بس مين حاملة لقب كفر بطاطا لعام2006؟

maged stephen said...

المعروف يا كلبوزة ان الرجل يثار اولا بالنظروالمرأة تثار باللمس مش بالهمز فقط
ده علميا
لكن طبعا معقول كلبوزة هتكتب موضوع من غير ما نموت من الضحك ما تبقاش كلبوزة

ام العيال said...

كلبوزتي
ايه الجمال ده
سبحان الله و له في خلقه شئون
اكيد الجمال نسبي ممكن وحده مش ملونه بس تبقى فيها سحر غريب و مريحه
ووحده ملونه بس من كتر جمالها يجذع
تحسي انك عايزه زتونه
بس مفيش زيك ياقمر
كامل الاوصاف مش كده
;-)

i`m just depressed said...

حمد الله على السلامه والله وحشتينى

اما بالنسبه لحكايه الجمال وجمال الروح الكلام ده كان زمااااااااااان
دلوقتى ما فيش راجل مش عايز مراته تبقى جميله صحيح مش هيفاء وهبى عشان لو مشى معاها ما يبقاش ماشى عينه فى وسط راسه لأن الرجاله اكيد هتعاكسها
بس لازم تبقى جميله لأ والأكاده انها لازم كمان تكون نغشه يعنى لو شويه دلع من بتوع نانسى عجرم و روبى تبقى الحياه حلوه بس اجمل حاجه ان حتى لو الست حلوه و بتحاول تكون نغشه دائما صديقى الراجل يقعد قدام التليفزيون يريل على الصنف بتاع مليسا وهيفاء والبنات الحلوين دول
المشكله الحقيقيه هى ان الست اتحولت فى الاعلام لسلعه مطلوب منها تاخد فورم معين فى الشكل واللبس وطريقه الكلام وكده فاخواننا الرجاله من كتر ما اتفرجوا صدقوا نفسهم
بس و هما بيتفرجوا نسيوا وهما بيبصوا على نانسى عجرم يبوصوا على الواد الجان الى زى فلقه القمر الى بيبقى معاها

بس حقيقه بجد الست لما بتحب مش بيفرق معاها شكل الى بتحبه قوى
اما الراجل مهما حب قوى هيبقى عارف من جواه ان مراته فى ستات كتييييييييير احلى منها
يعنى لو ست قدامها حبيبها و رشدى اباظه و قالولها تاخدى مين
هتقول بدون تفكير حبيبى

اما صديقى الراجل لو جابولوا حبيبته و منه شلبى بعد تفكييييييييييييييير طويل هياخد الاثنين

shaimaa said...

بصى يا كلبوزة
اول او تانى مرة اعلق عندك
بس بجد المقولة دى صح جدا جدا جدا

يا وحشة كونى نغشة
فكرتينى بأفلام زمان لما كان الستات مش ولابد يعنى بس يا دوب يرقعوا الضحكة من هنا وتلاقى النغاشة و الشقاوة كلها - شقاوة زمانهم مش دلوقتى - بس برضه الشكل مهم

يعنى انا اللى اشوفه موسى تشوفيه حضرتك فرعون والعكس

يعنى كل بضاعه ليها سوقها

وانا بقولها يا وحشة كونى نغشة
:D

Hafsa said...

اختي في الكلبظة و السمبتكة

المثل بيقول لبس البوصة تبقي عروسة
و مع كل الحلاوة و الجمال اللي انا فيهم بس مش لاقيه اي واحد حتى لو و حش يتدوزني او حتى يحبني من بعيد
كل ده قال ايه عشان كلبوزة بقى ده كلام يرضيكي يا كلبوزة
ايه يعني لما اكون كلبوزة
انا متربية على مقاييس الزمن الغابر
اصلي دقة قديمة
طيب قولي لي اعمل ايه
لو لقيتي لي عريس يا ريت يكون عنده اخ عشان واحدة عاوزة تتجوز بتدور هي كمان

تحياتشي يا اختي و حي البلوجات كلها نور ببوستك الجديد التحفة ده

يلا بقى سلام

أنـــا حـــــــــرة said...

كلبوزتى

ايه الحلاوة دى
كده هروح اقدم فى المسابقى بتاعة الجمال و انا ضميرى مستريح قوى
انا متفقة مع ام العيال فى رأيها جدا
و هو الجمال نسبى جدا جدا جدا يعنى ممكن واحد روحه تخليكى تشوفيه قمر وواحد زى القمر تشوفيه شكله او شكلها بس مع روح جنيقة تقولى تغور
وفعلا بلاحظ كتير ان ولاد وسيمين مع بنات زى الفل زى اللى انتى نقتيهم كده او العكس بس هى رؤى بقى و نحترمها

سيبك انتى كل واحد وواحدة مهما كان فى لفحة من الجمال و فى الاخر يا اوختشى جمال الروح هو اللى بيبقى
لو بقى حتى

مـحـمـد مـفـيـد said...

الست كلبوزه
وبعدين معاكي بقي
انا وجهه نظري ان الحلاوه والجمال جمال الطبع والاخلاق وليس المظهركل شي

HANY said...

ايه يا حجه الكلام ده بس أبو رواش ايه , وكفر بطاطا ايه , انتى كده حيرتينى , البلد مقلوبة وبنفكر ازاى نعمل عصيان مدنى ولا ثورة برتقاليه ولا حتى كمثرى , وانتى بتتكلمى فى يا وحشة كونى نغشة , مش متعود منك كده , وأرجو ان تعليقى ميضايقكيش , وتقبلى تحياتى

حائر في دنيا الله said...

أبقى كداب لو قلت مش فارقة المهم من جوه تبقى بنت حلال
ولكن للحق ما المانع أن يجتمع الهدوء الجميل على الوجه مع الخلق الحسن في القلب
وإن لم تكن "فإظفر بذات الدين تربت يداك"
مع تحياتي

Sampateek said...

safa
انا كمان مبسوطة بيكي و مدونتي زي بيت العيلة بتلم كل الحبايب
اجيلك من عيوني يا جميلة
---
حيران
دايما الراجل عايز كل حاجة بس زي ما هو زمن هيفاء وهبي هو كذلك زمن رامي عياش و لا احنا ملناش غير عبد الفتاح القصري؟
---
عبده باشا
و الله يا عبده يا خويا انا شاكة ان الست دي راجل اصلا
هههه
ربنا يسعدك
----------
حبي و احترامي للجميع

Sampateek said...

احمد شقير
دي اللي بيقولوا عليها تعلم الراجل العفة
تسد النفس يعني
هههههههههه
----
ماجد استيفن
الراجل بعقله و تصرفاته و شكله اخر حاجة
الحمد لله انك مت من الضحك
----
ام العيال
ايوة يا اختشي حمار و حلاوة ههههههههه
----
حبي و احترامي للجميع

Sampateek said...

i`m just depressed
ههههههه صدقتي و الله عنيهم ما يملاها الا التراب
شوفتوا بقي يا بنات الراجل اللي نظره ضعيف نعمة
----
shaimaa
علشان حاجة بتعوض حاجة الدلع يكمل الوحاشة و الحلوة مش محتاجة تعلن عن جمالها
----
Hafsa
كنت فين ايام ما كنت فاتحة خاطبة للبلوجرية و على كل حال نصيبك حيصيبك و يروح مشمش يجي عنب و كل كلبوزة و ليها عصعوص
هههههههههه
--------------
بحبكم

Sampateek said...

أنـــا حـــــــــرة
ايوة حلوة حكاية لفحة دي
زي منقول فلان لفحته الشمس هههههه
كل شئ نصيب يا اختشي
---
مـحـمـد مـفـيـد
صح انت صح
و على راي المثل يا واخدة القرد علي ماله يروح المال و يبقى القرد علي حاله
و الحلوة النهاردة بكرة تبقى وحشة و مريم فخر الدين اكبر دليل
---
HANY
يا هاني كل واحد يفهم البوست بطريقته انا لما بسألك تختار جمال الروح و لا جمال الشكل ترد تقول اختار اي جمال الا جمال مبارك
سياسة دي و لا مش سياسة
يا متعلمين يا بتوع المدارس هههههههه
صدقني يا عزيزي حكومتنا هي اكبر فائزة بجائزة الدمامة علي مستوي العالم السياسي
----
حائر في دنيا الله
ربنا يكملك بعقلك يا ابني فعلا صدقت
---------
تحياتي و احترامي للجميع

كراكيب نـهـى مـحمود said...

كنت برشح لاخويا الصغير عروسة طيبة وبنت ناس ومثقفة ومتوسطة الجمال وبقولها من ضمن محاسنها
روحها حلوة اوي
بص لي من فوق لتحت وقالي هو انا هتجوز عفريت تقولي لي روحها
لا تنكري ان روبي واليسا ونانسي وقبلهم مارلين مونرو و هند رستم وضعوا مقاييس للجمال في ذهن الرجل

محمد أبو زيد said...

الجمال شيء نسبي
ورأيي إن كل واحد بيقيس جمال الآخرين بناء على جماله الداخلي
وعشان كده بتختلف آراءنا ، كمان فيه مشكلة هو الثقافة الشائعة للجمال ، بمعنى أنه يتم في الآونة الأخيرة تصدير نموذج موحد للجمال على اعتبار إنه الجمال المثالي ، فعشان تم التركيز إعلاميا مثلا إن هيفاء وهبي ، الغير جميلة بالمرة في رأيي ، إنها من أجمل 99 امرأة في العالم ، فأصبحت هناك ثقافة شائعة لدى الناس إنها هي النموذج المثالي ، زمان مثلا كانت البنت لازم تاكل وتتخن قبل الجواز عشان تبقى جميلة ، حسب ثقافة ذلك الزمن ، لكن دلوقتي النموذج الذي يتم التسويق له مختلف
وبالتالي ممكن أقول إن كل بيئة، كل مجتمع له جماله الخاص بيه ، فالجمال في الصعيد ، غير في القاهرة ، غير في الفلاحين ، غير في السودان ، غير في الصين
لكن في النهاية أكرر لك أنه بالرغم من كل ذلك ، فجمالنا الداخلي هو الذي يحكمنا في عملية الحكم على جمال الآخرين

المزاجنجي said...

الله الله الله يفتح عليكي ايه الجمال ده تعليقي الوحيد




هما مرتبطين ؟؟؟؟؟؟

Sampateek said...

كراكيب
الاسماء اللي ذكرتيها دي يا نهى مفيهمش جمال قد ما فيهم اغراء و اثارة
و الراجل المسكين بيتلعب بعقله اول ما يشوف تضاريس منفوخة و بينسى ان صابونة بشلن تغسل بيهاواحدة منهم وشها و يتفرج على الحلاوة بعدها
ربنا يرزق اخوكي بواحدة قمر زيي
:)
----
محمد أبو زيد
اتفق معك مئة بالمئة
علشان كده انا بحب كل الناس و بشوف كل الناس حلوين
:)
---
المزاجنجي
مفتكرش بس اكيد متراقبين
----------
حبي و احترامي للجميع

IBN BAHYA said...

موضوع جيد يا كلبوزة .. ويا سامباتيك كمان .. الجمال مش بس في الأشكال والصور .. ياما حلوين ودمهم يسد النفس وقدمهم يقطع الخميرة من البيت .. لي تعليق صغنن على صورة الست الحليوة السمرا دي .. أظنها كولن باول بعد ضرب العراق والعرب سنة 1990

ادم المصري said...

اعقتد ان الجمال ليس كما يدعي البعض جمالا في الروح

الروح خير كلها .. لاتوجد روح جميلة واخري قبيحة

الروح هي نفخة الله في الانسان .. والله جميل
دوما جميل حتي ول اختلف الاطار الذي يغلف نفخة الله عز وجل

نجد الابيض والاسمر والزجي والاصفر وما اكثر السلالات

التي يعجب المرا من كثرتها مع انها لاب واحد


يدافع اخرون ان الجمال في الشكل .. اعتقد ايضا انه لا يكفي ولا يعد اي شكل جميل جذاب

قد يكون الجمال في بعض الاحيان اشبه بالعرائس البلاستيكية لايبدوا في الوجه حيوية


اعتقد ان الجمال اسلوب او طريقة حياه

الانوثه جمال

يقول نزار قباني

حاولت اسال ما الانوثة
ثم عدت عن السؤال
فاهم شيء في الانوثة
انها ليست تقال


واعتقد ان النظافة جمال

والراحه النفسية .. والتصالح مع الذات جمال


تعددت الجمالات والموت واحد

والسلاااااااااااام

ody911 said...

يعنى تكوون مقبولة مش زى ملكة جمال البطاطا دى إللى إنتى عرضاها
وأى حاجة تسد
وعادى بقة
أودى

أُكتب بالرصاص said...

كفر بطاطا مين بس
احنا هنروح لبعيد ليه

من كام يوم في التليفيزون
وبدون مبالغة شوف واحدة بشعة جدا...
بدون مكياج ولا زيوت ولا دهون ولا حتى معليقة سمنة على وشها
بسأل مراتي ...
- يافضحتي قدام الاجانب -
مين دي..
قالت لي ...
دي ملكة جمال مصر..


نعمممممممم؟

نور السمري


والتانية اللي بتطلع على المحور معرفش اسمها ايه

شلباية
تقريبا

دي كانت ملكة جمال مصر برضه

ينهار اسود

بقيت مش عارف اودي وشي فين .!
هزلت


وانت ازيك .. وازي العيال ؟

yasser shams aldien said...

كلبوزه
مردوده ما فيش اى صور

وبعدين مش لاقيه غير الحاج جيمى وتتكلمى عنه
هو صحيح الجنيه غلب الكارنيه بس ده برضه جيمى النووى مش كده

وبالنسبه للجمال الحقيقى مش جمال امير المحروسه
احلى حاجه فى الدنيا انك تلاقى واحد جميل النفس شيق الحديث حلو الروح مفهوم الملامح مش ملخبط يعنى و بسيط التقاطيع

ومن وجه نظر تانيه
انه يكون ذو سحنه مفروده عريض المنكبين مفتول النكعين شلولخ
وهو كائن يعيش برمائى موطنه الاصلى تانزانيا

كلبوزه ما تخديش على كلامى لانى مهيس ومهنج وعايز يتعملى ريفرش لانى تقريبا البور سبلاى ضرب عندى والرامات عايزه تتغير

سلاموزيك يا كلبوزيك

mano said...

كلبوزه العزيزه
الشكل مهم لاشك فهو يعطى الانطباع الأول. و لكنه ليس الأهم و لا يجب ابدا ان نتوقف عنده او يكون محور تقييمنا

أشرف حمدي said...

يا نهار اسود
ايه النسوان دي يا جدعان . حرام عليوا والله كرهتوني في الستات وانا كنت بعزهم جدا .
انا أحلى من دول كلهم :)

Sampateek said...

IBN BAHYA
ههههههه مش بعيد فعلا
تعرف ان رضا الله علي العبد بيبان علي وشه و كمان سخط الله و العياذ بالله بيبان
و الست كوندليزا اكبر دليل على صحة ذلك
---
ادم المصري
و ده بيأكد ان جمال الطبع اهم و ان الي طبعه حلو الناس بتشوف ملامحه جميلة حتي لو مكنتش حلوة فعلا
يا عم انت يا بتاع نزار قباني احنا مش قدك
---
ody911
تسد اية بالضبط؟
دي تقطع الخميرة من البيت
و انت الصادق
---------
حبي و احترامي للجميع

Sampateek said...

أُكتب بالرصاص
تسلم و تعيش منهني كلنا بخير يا طيب
و الله صدقت انا عارفة اختاروهم علي اية؟
دول حتى معصعصين و عرقوب الواحدة منهم يدبح فرخة
انا بفكر ارشح نفسي ملكة جمال البوجرية
و اللي ميرشحنيش اقعد عليه اسفلته ايه رايك؟
ترشحني و لا تتسفلت؟
----
yasser shams aldien
ربنا بيحبك يا ياسر اصلهم ستات حلوة طحن
و انت مش ناقص تهنيج
الباور سبلاي محتاج سلكة و شوية زيت زيتون و يتدفى و حيبقى عال
الف سلامه على بورك
---
mano
صحيح بس انا لا انكر ان في ناس من الوهلة الاولى متقش تكلمهم و متهيئلي ده القبول اللي ربنا بيضعه في وش العبد
و الارواح جنود مجندة
---
أشرف حمدي
ههههههههه
مفيش وجه مقارنة اصلا
اي خدمة يا فندم
---
حبي و احترامي للجميع

labido said...

لولا اختلاف الاذواق لبارت السلع
مين بأه اللي هايتجوز اللي بتقولوا عليهم وحشين
الجمال جمال الروح فعلا
ومراية الحب عميه
والمثل بيقول
كل فوله ولها كيال
ودمتم

dandana said...

بصى يا كلبوزة
الموضوع نسبى ...وعشان مانظلمش الرجالة...اوقات بلاقى ناس بتدور على الروح الاول...

وكمان البنات...اوقات بحس انها محتاجة حد يحويها قبل ما يكون وسيم ولا غيره

وفيه ناس اكيد لسا عندهم مقاييس الجمال ثابتةمن 15 قرن


مدونتك عاجبانى

Sampateek said...

labido
فعلا و تكملة المثل
مراية الحب عامية تخلي الكوسة بامية
ادام الله عليك الصحة
---
dandana
للاسف يا دندنة الشباب المسكين الواقع تحت الظروف المادية القاسية بتعجبه الصورة و بيتمناها و لكن قصر ديله بيجبره انه يتجوز عروسة متواضعة علي قد الحال
يعني باختصار ايه رماك علي المر قال اللي امر منه
نورتي يا جميلة

نمنماية said...

بصراحة هما حلوين بشكل يطير العقل
لكن يعني بغض النظر عن جمالهم الفزززززيع دا
ففي مثل مصري أصيل بيقول كل فولة و ليها كيال
و اللي واحد بيشوفه وحش ربما غيره يشوفه حلو
دا بالنسبة للجمال العادي و الفوق المتوسط لكن اظن الجمال الشديد لا يختلف عليه اتنين .. زي الاختين دول كدا
و منقدرش ننكر عامل الروح لان فيه ناس بنشوفها في الحياة حلوين جدا شكلا لكن تقال جدا دما
حبذا لو اجتمع الاتنين سوا .. زي الاختين دول برده:D

tota said...

كلبوظة
هما الاتنين دول ملكات جمال ؟
اى جمال ده ؟
لو اعرف مكنتش فتحت البوست ده بالليل انا مش بحب الكوابيس

المهم واضح طبعا ان الاخوة والاخوات قالوا كل اللى المفروض يتقال من اول نسبية الجمال الى جمال الروح الى اللانطباع الاول الناتج عن الشكل
لكن فى المجمل الانسان ليس فقط ملامح بالطبع هو كائن جسدى روحى نتفاعل مع كليهما
ونحب كليهما سواء كان رجل او امراة لكن يميل الرجال الى الشكل اكثر بينما تميل النساء الى الروح

تحياتى

hebaz said...

عارفة يا كلبوزه فكرتينى بجملة سمعتها مرة من جدتى الله يرحمها كانت بتقول الوحشة بختها بيبقى تحت مخدتها :) و أن الحلوة بأه هيه و حظها هيهي كنت بضحك أوى و فعلا دارت الأيام و كان فى بنات كنت معتقدة أنهم حيلاقوا صعوبة فى الجواز علشان مش حلوين يعنى لكن سبجان الله على رأى الكبار برضة كل فوله و لها كيال

miro said...

هاي كلبوزة وحشتنا موضوعاتك الجميلة وياريت متتاخريش علينا,موضوع الجمال موضوع نسبي ,ثانيا يعمل ايه الجمال لو الشخصية مش تمام ,يغور الجمال مع حد مثلا ممل او رخم او دمه تقيل ,لكن بصراحة لازم الشكل علي الاقل يكون مقبول ,ده الواحد بيصحي الصبح يشوف اول حاجة وش مراته او تشوف وش جوزها يعني صباحك زي وش مراتك

MAKSOFA said...

بصي بقي ياكلبوزتي الحلوة
ياوحشه كوني نغشه
يعني خليك شقيه وبتلاغي ودمك خفيف
اما بقي ليه واحد بيتجوز واحده وحشه طحن وبيموت فيها
أقول لك اغنيه من التراث التونسي

لاموني اللي غاروا مني وقالوا لي ايش عجبك فيها
قلت لهم خدوا عيني وشوفوا بيها

الست الوحشه دي بتبذل مجهود جبار
علشان تكون مقبوله عند جوزها
والرجل بيحب اللي بتدلعه
وتهننه
وطبطب عليه
وتعمله سي السيد

بصي
مثلا فيه جنسيات عربيه
بناتهم جمالهم يفوق الوصف
بس حطيها مع واحده مصريه موش حلوة
تلاقي المصريه تكسب
خفه دم
سرعه بديهه
حراره ودفء
ودلع ومياصه

بتلاغي يعني



وانا وانتي
سلام ياجدع

we2am said...

mafeesh ay no3 mn anwa3 el ay 7aga fel nas deh..ya nhar eswed la w7asha wla 7lawa :S
eh ya kalboza..enty 3aiza te32dey elrgala mn elstat b3d elle 7asl fe wes6 elbalad? :D

zabady said...

مش عارف لية يا كلابيظوا فكرتيني بنكتة قديمة لكن مناسبة للموضوع


كان فية واحدة راحت للدكتور وتقول له .. كل يوم أقوم الصبح ألاقي نفسي مبلولة
قال لها الدكتور أنت بتنامي إزاي .. قلت عادي جنب جوزي بنتفرج علي التليفزيون في الأوضة وبعدين بننام
قال لها طيب إنتي إعملي نفسك نايمة وشوفي أية اللي بيحصل وقولي لي
راحت عملت نفسها نايمة ولقت جوزها كل يوم بعد ما تنام يفتح التلفزيون علي قنوات الأغاني ويقول .. هم دول النسوان مش اللي جنبي .. إتفوووه


الدرس المستفاد: يظهر إن الواحد إستعجل في الجواز باين كدة

تحياتي

tamer said...

انا من راى ان الجمال مسالة نسبية يعنى زى ما قولتى فية ناس ممكن تفق على شىء جميل ومجموعة تانبية تقول العكس ودة فى حد ذاتة حكمة عشان الناس بقى ما تبور لكن لو فية مقياس واحد للجمال كان فية شباب وبنات كتير جلسوا يغنوا ظلموة

تحياتى

maksofa said...

كلبوزة
دي تاني مره
اقرا البوست بتاعك



بس بصراحه
انت مزودها قوي
يعني صور الستات دي اللهم أحفظنا
ويسامحنا
صعبين اوي
متنفعش معاهم
اي نغشيه
يغوروا بالنغنشه بتاعتهم

Taher said...

هههههههههههههههههههههههههههههههه

لا زى الفل يا معلم

حاول تفتكرنى said...

اهلا كلبوزة
يا ترى هتزعلى ؟ ارجو ان لا تفعلى
تعليقلتك على الصور بها رائحة سخرية
فصور فاتنات كفر بطاطا وابو رواشى لا ينقصهن الجمال بمدلوله الواسع ، فالتقاطيع المسمسمة والمقاسات الجسدية المثالية جزء بسيط جدا من هذا المدلول لا تأثير له بالمرة اذا استمرت الحياة فى التقدم ولو لمدة شهر

فلو كانت تلك الزوجات هن كلوديا كاردينالى أو ريتا هيوراث بجمال التقاطيع ومحيط الوسط الرائع افقدن تأثيرهن على ازواجهن بعد شهر واحد من التعود والمعاشرة الحياتية ومع اختفاء تأثير التقاطيع يظهر الجمال أن كان موجودة فى جمال النفس والروح والطهارة والعفة واللسان الطاهر والحنو والاخلاص والتضحية والإيثار والتسامح عن الغضب والعفو عند الاستطاعة وقبل كلهذا الامومة الصالحة
فالجمال فى كل هذه المفردات وليس فى التقاطيع

فمن يدرينا ربما تكون اصحاب الصور منهم
ألست معى فى تحفظى على التعليقات

تقبلى احترامى تحياتى

draftsman said...

هى الدنيا زحمة أوى ليه كده
ياجماعة أنا عندى مكان فاضى
ممكن استضيف منكم شوية
زورونا تجدوا مايسركم
أو قد لايسركم
بس اهه من يعمل خير يلتقاه

http://tarposhman.blogspot.com/

sarah la tulipe rose said...

انا عارفة المثل دة هههههه
الكلام اياه انه الجمال جمال الروح و تلاقي كل الي يقول كدة مايطبقوش عملي ابدا
اصله موضوع الجمال دة نسبي في الاول و الاخر الي انا اشوفه حلو حد غيري يشوفه وحش و هكذا
و الصراحة لازم تبقي الكفة معدولة لازم تلاقي راجل متجوز واحدة وحشة و العكس عشان الاجيال الصاعدة حرام برضة نظلمهم معانا
و دة غير ان تيتيه الله يرحمها كانت بتقولي مثل " المخدة ماتشيلش اتنين حلويين
و ايه يا جماعة حبة ثقة!! احنا زي نقول للل ..يقون و انا قعد مكانك!

Epitaph said...

looooooooooooooooooooooooooooooooooooooooooooooool

مين دول

هههههههههههه

بطاطا مين يا كلبوزة دي

حرام عليكي باضحك بدموع
ههههههههه

ح استني الترجمة

Epitaph said...

فكرتيني بمحمد صبحي في وجهة نظر
لما كان ملاك بيوصف له سنية- عبلة كامل
رد عليه صبحي و قال

قول شامبنزي واخلص
هههههه

Dina Fahmy said...

الجمال فعلا نسبي جدا..
أتذكر حين قاللي ذات يوم أحد الشباب أن مقياس الجمال لديه هي "حنان ترك" وآخر المقياس لديه "نانسي عجرم" مع بيان الفارق
ولا أقصد بالفارق أنني أرجح جمال واحدة على الأخرى
ولكن هذه إحدى نعم الله علينا..
وصدق المثلال قائل "كل فولة وليها كيال

still breathing said...

ايه ده بقي!!! أنا مستنية الترجمة
:(

Sampateek said...

صباح الورد يا بلوجرية
انا جيت استمتع بكومنتات الصباح مع كوب نسكافيه قبل ما اروح الشغل
و اول ما ارجع ان شاء الله
حرد عليكم بلوجري بلوجري
---
ربنا احسن كل شئ خلقه
و لما نشوف الدمامة
دي حكمة
علشان نحمد ربنا على
حسن خلقتنا
و الله بحبكم
-----
كلبوزة لكن خسة 3 كيلو
;))

Sampateek said...

نمنماية
متهيألي دول مستحيل يلاقوا الكيال
:)
---
tota
يا توتة علشان خاطري افتحي الكومنت عندك بجد بتوحشيني و عايزة ابقي اطمن عليكي
عندك حق
---
hebaz
تصدقي المثل ده فعلا صح
سبحان الله ربنا بيعوض حاجة بحاجة
سلامي و دعائي لجدتك
---
حبي و احترامي للجميع

Sampateek said...

miro
فكرتني بسمير غانم لما بيقول الواحد يصتبح بوش مراته يا تنتن يا تنتن
يا تنتحر يا تتجنن
---
MAKSOFA
ازيك يا اختشي
و الله نظرية برضه
بس بالله عليكي ده شكل ستات تتعاشر
اي دونت ثينك سووووو
اموه
---
we2am
aywa ya we2am asl dool setat le3alem el wa7ed el 3efaa
nawarty
---
حبي و احترامي للجميع

Sampateek said...

zabady
هههههههههههههههههههههههه
قديمة بس زي العسل
كلنا اتسرعنا بفتح السين و تشديد الراء
---
tamer
صح و علشان نحمد ربنا انه احسن خلقتنا
نورت المحكمة
---
maksofa
اهي دي لما جوزها يحب يضحك معاها
يكب عليها جاز و يرمي عود كبريت و يقول
هههههههههييييه
بس متهيئلي متولع فيها قبل كده
هههههه
---
ذا سييييم

Sampateek said...

Taher
اي خدمة يا ريس اتفضل
---
حاول تفتكرنى
اختلف معك في الراي و الاختلاف لا يفسد للود قضية و مفيش مانع تتفضل تشرب عندنا واحد شاي البوست الجاي
---
draftsman
بتلم زباين من عندي
ماشي يا دكترة
اتخنلك 30 كيلو و ابقي تعالي انضم لحزب الكلابيز
كل مدونة و ليها وزنهههههها
---
حبي و احترامي للجميع

Sampateek said...

sarah la tulipe rose
الف رحمة و نور علي تيتة صدقت و الله عندها حق
و فعلا لازم يكون في تحسين للنسل
نورتي
---
Epitaph
ههههههههههههههه
يا رب دايما سعيدة و منورة بوستاتي
---
Dina Fahmy
مفتكرش ان للجمال مقاييس
و ان كان فيه فتبقي مقاييس فردية
شرفتينا
---
still breathing
حاضر و الله البوست الجاي
---
قبلاتي للبلوجريات
و احترماتي للبلوجرية

حــلم said...

كلبوزة .. لولا تعدد الاذواق لبارت السلع
لما باروح اشترى تايير واسيب واحد مقرف الاقى واحدة جنبى مبهورة بيه
فما بالك بزواج ووش هيبقى فى وش الواحد طول العمر

الرجال لا يتزوجون الجميلات
دة مثل مش شعبى وعنوان فيلم عربى الزوج طلق مراته لما عملت عملية تجميل وبقت حلوة، مش ناقص روشة يعنى

الموضوع متعدد الابعاد والاركان والزوايا
:)
يعنى لو بيحبوا بعض كل واحد هيشوف التانى قمر
ولو جواز عادى هيبقى كله عادى وزبيدة زى ام الخير

aymen.farouk said...

الجمال مش مقياس للجمال
واعنى بالجمال
جمال الاخلاق
جمال الروح
جمال الطبع
وطبعا مش جمال مبارك
واقرب مثال
انا حبيت واحده مش حلوة خالص بكل ما تحمله الكلمه من معانى بس حبيتها جدا
والناس كانت بتستغرب لانى شكلى كان غير مناسب معها بالمره لكن مسمعتش للناس وقلتلهم الجمال مش كل حاجه
وبعد كده اكتشفت انها كانت مخبيه عنى حاجات جوهريه جدا زى عنيها مكنتش خضره بل كانت سودا وهندها حول فى العين اليمنى وكانت بتداريه بالعدسات اللاصقه
وكانت عندها عيب خلقى فى دراعها اليمين
وكانت بتعانى من ترهل شديد فى منطقه معينه بجسمها وكانت بتداريه بملابس معينه مخصصه لهذه المنطقه
ورغم ده كله وقفت معاها ىوحاولت ادورلها على علاج
بس المصيبه انها بعد كل ده طلعت مش جميله فعلا فى روحها وفى طبعها واهلها كانو زيها
وقررت انسحب بهدوء وان اصلى لله ركعتين شكر

Sampateek said...

حــــــلــم
صحيح و التعود على شئ بيخليه عادي سواء كان حلو او وحش
نورتي يا جميلة
--
aymen.farouk
يعني رضينا بالهم و الهم مطلعش كويس
معلش خيرها في غيرها
----
حبي و احترامي للجميع

متغيرة شوية said...

الجمال نسبي ايوة، لكن أهم من الجمال الراحة للشكل
بمعنى، في شخص أعرفه ، كل الناس بتقول انه جميل جدا ، وأنا بصراحة شايفاه جميل برضه، لكن وشه مش مريح بالمرة..يعني من غير ما يضايقني في أي موقف مش قادرة اتقبله وحاسة بخبث فظيع بيطل من عينيه


موضوع الجواز بقى، لازم أجوز واحد شكله مريح بالنسبة ليا علشان ده من دواعي القبول..مش لازم يكون حلو لكن مريح.وده أكيد بيكون للروح تأثير فيه

saso said...

طيب في الاول وحشتيني بقالك كتيير في السيلف ديفنس اللي كنتي كاتبه عنة

ثانيا..الموضوع يتوقف علي انتي فين
يعني اجمل الجميلات في قري في احراش افريقيا سيادتك هيا اللي شحمة اذنها واصلة لكتفها من تقل الحلق الخشب
وفي قبائل تانية البنت بتتغطي بروث البهايم علشان تبقي حلوة
ايش عرفنا احنا بالجمال احنا ده الجمال ولا بلاش

سيبك الحكاية اننا اخدنا نموذج معين من غيرنا وبنطبقة يعني الجمال المصري بتاع زمان..كان سمرا وعنيها واسعين وشعرها ليل دلوقتي هاتيلي ملكة جمال ولا ممثلة حلوة سمرا وعنيها واسعين ولا مش ضاربة شعرها برتقاني
وبعدين الوحشة بتعمل مجهود علشان تبقي حلوة في عينين اللي بتحبة وتصحي تظبط شكلها سبعة الصبح تنزل الشارع متوضبة ومبتسمة لكن الحلوة بتعتمد علي ده وتصحي من النوم تتقلب علي الشغل ومكشرة ومش طايقة النور وعنيها مقفلة تشوفيها تتخضي
يبقي انهي الاحلي
:)

love4u said...

حقول راى بصراحه
الانسان بيدور على جمال الخلق الاول
بس برده لازم يكون هناك توازن
عشان نقدر نعيش
و برده مرايه الحب عاميه

raspoutine said...

كلبوزة
كل اللى انا عارفه ومتأكد منه تأكد العين من قرص الشمس
ان الحب وحى من الاله
يعنى احب حلوة احب وحشه مش هى دى المشكله المشكله فى حلاوة الروح
فالروح لو كانت حلوة يبقى كل شىء هيبقى حلو سواء كانت الانسانه حلوة او مش حلوة

rere333 said...

انا بالنسبالى الجمال جزء بسيط من الانسان مجرد غلاف جميل او وحش ده كلله بتاع ربنا بس مش هو الاساس وانا اللى بيعجبنى اول حاجه فى الراجل مثلا رجولته وانسانيته والشكل مش مهم يكون وسيم يعنى .. وباحييك عل ىطرح الموضوع

sendrlla said...

بصراحه الجمال هو جمال الروح وجمال الشكل والاجمل جمال الاخلاق

بس فى حاجه بالنسبه للبنت الشكل بيكون مهم جدا وبصى مافيش حد وحش بالعكس ربنا خلق لكل واحد حاجه حلوه فيه تشد الناس مش مهم يكون الواحد جميل جمال القمر مثلا بس الواحد دايما بيهتم انه يكون فى احسن صورة

بصى فى فكره عندى مش عارفه اوصلهالك بالكلام
بس صدقينى الشكل مهما كان مهم جدا لذلك دايما البنت بالذات بتحب تكون جميل وتظهر بمظهر جذاب تلجا للميكاب والسكات والحاجات دى

تمر حنه said...

كلبوزة
ربنا يكرمك بترفعى من روحنا المعدنية و بنحس اننا لسه لينا مكان تحت قرص الشمس فى عالم الجمال
أنا متأكده ان دى صور " العرايس" بتاعت خاطبة البلوجارية - و انا بقول قفلتى مكتب الخاطبه بدرى بدرى كده ليه

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

seo said...


شركه تسليك مجاري بالدمام


شركه تنظيف بالدمام

سما كلين said...

شركة عزل اسطح بالرياض


شركة عزل اسطح بالدمام

شركة عزل اسطح بالاحساء

شركة عزل اسطح بالقصيم

شركة عزل اسطح بالقطيف

شركة عزل اسطح بالخبر

شركة عزل اسطح بالجبيل

شركة عزل اسطح براس تنوره براس تنورة

Albert Smith said...

I was doing an online research on How to Write a Critical Literature Review before I landed on this page and I have found it to have an interesting article and an active discussion around the content of the article. I have learned a lot from the article and the comments published by other users. Thanks for sharing this article.