Wednesday, November 29, 2006

أنا و الضرير




كان بيسالني عن كل حاجة حواليه عن شكل الالوان و شكل الشجرو كان بيقولي اوصفيلي السما و اية الفرق
بينها و بين الارض! كان بيسالني اية الفرق بين الليل و النهار! و ازاي بعرف ان واحد فيهم غاب او التاني
جه!و ازاي بتيجي الشمس و ازاي تغيب
بإختصار
كان بيشوف الدنيا بعنيا

كتير كنت بقدر اجاوب و ساعات مكنتش بقدر اجاوب و الغريبة اني لما كنت بعجز عن الاجابة كان بيجاوبني هو

و كانه من البداية مكنش بيسال علشان يعرف لا كان بيشوفني عارفة و لا لأ

كان معتمد عليا في حاجات كتير و انا طبيعي فاهمة ليه

لانه مش بيشوف بعنيه و محتاج حد يدله الطريق ازاي

و يقوله شكل الحياة اية
و اتصدمت
لما عرفت انه
بعد السنين دي كلها
مكنش اعمى و لا حاجة

بل مفتح... و بيشوف!!! بس ادمن يشوف الدنيا في عنيا و اتعلق بوصفي للحياة
و ان عماه الحقيقي كان جوه قلبه اللي مقدرش يفرق بين الصداقة و الامتلاك

و لما حاولت ابعد.... ثار و هاج و ماج و شفت منه الوش الغريب

شفت امتلاكه لعقلي في عنيه و انا مش ملك الا للي خلقني

بعدت و قلت اكفي خيري شري

لكن دايما كان يدور على الحياه اللي ذاقها من اديا و يعدي بحور و جبال و الاقيه قدامي بيلعن في يوم ما شافني

طيب ليه؟

لما انا مبقتش الزم و الحياة مرة معايا

ليه بتبحث عن شقائك و لا متهني بشقايا
ليه لسة فاكر كل كلمةو كل فكرة او حكاية
ليه بتسال عني و تعيد الرواية
ليه عاملني متهم و انت قاضي القضايا
ليه

ليه بتدور عليا
!

33 comments:

&HEBA& said...

العمى مش عمى العين لكن عمى القلب والعقل... وهي اللي انتي قلتيها
حب التملك اللي بتبقى عنده الصفة دي بيبقى طول ما الشيء او الانسان معاه خلاص لكن ساعة ما يحس انه هيضيع منه ممكن يعمل اي حاجة علشان يرجعله تاني ... انانية وتملك

يا مراكبي said...

مفاجأ’ .. حقيقي مفاجأة .. أول مرة تعدي عليا الفكرة دي .. أحييك

ياما بيكون في حياتنا ناس بيستغلونا .. بيستغلوا طيبتنا ونبلنا وبيستدروا عطفنا .. ولما بنكشفهم ونزعل على نفسنا إننا إنضحك علينا طول الوقت ده .. كمان بيتقلبوا ضدنا

Aoossa said...

بيقولك القط بيحب خناقه
ههههههههههههه
الأمتلاك بيخللى الأنسان يزهق ويمل
وأحيانآ بيكون نوع من الأعتماد
يعنى بيعتمد عليكى
معلش أستحمليه أصله بيحبك أوووووى
وحاولى تفهميه أنه يسيب شوية فواصل وحدود عشان النفس
أنت عامله أيه فى البرد ده
وأخبار السحلب أيه
وحشانى يا كلبوزه
أموااااااااااااااااااااااااااااااااااااااه

sara said...

كلبوزة
وحشتنى مدوناتك جدا
سيبيه وطيري يا كلابيزو..
بس من جهه اخرى الموضوع رومانسي....
الا يا اوختشى مش معاكى حته شوكولاته لحسن شكلى هيغمن عليا
باي باي
ابقي تعالى اشربي الشاى

ذكريات said...

begad 7ekayatek 7elwa we 7azek we7esh mara ma3a el2erd we mara ma3a eldareer bas sbek meno we sha3'alelo song fayza a7mad yala betdawar 3aleya malakshy da3wa beya

سندباد مصري said...

ليه بتدور عليا

؟؟؟؟؟؟؟؟؟

هوا ده سؤال

aymen.farouk said...

هوا اكيد حبك عشان شاف الدنيا بعنيكى انتى ولما بعدتى بقى اعمى فعلا وبيلعن اليوم اللى شافك فيه عشان انتى ورتيلو الدنيا الحقيقيه
ومن غيرك رجع اعمى تانى وعمره مهيفتح


كل مره بتاخدينا من حاله الى حاله

بجد بحييكى

nadine said...

كان أحلى تشبيه عن الأنانية و حب الإمتلاك اللى انت كتبتيه ده يا كلبوزة

فعلا
محب الإمتلاك ده بيكون أعمى بكل ما تحمله كلمة العمى من معانى
بل يكون أكثر عميانا من الضرير ذاته
على الأقل الضرير بيكون محروم من حاسة البصر إنما اللى بيمثل العمى ده بيعمى قلبه و فكره بإيده

فى نقطة كمان
انه أحيانا فى ناس بتمثل العجز لمجرد إدرار العطف من الغير
و دى من أسوا الأشياء

أفكارك دايما حلوة يا كلبوزة
سلاام يا قمرة

شــهــروزة said...

مش عارفة اقولك اية؟
الاول اقصوصة جميلة
ثانيا المغزى
محدش لاقى دلوقتى حد يملكه
انا كنت اتمنى انه يشوف الدنيا بعينى
مفيش أجمل من كدة


وجهات نظر

Dananeer said...

حلوه يا كلبوزه
اوحش احساس ان حد عايز يملكك
يملك عقله و طريقه تفكيرك و شكل الدنيا جوه عنيك

BackBone said...

الحب اعمي, و سعات العمي بيكون للشخص نفسه. بيعميه ان الحب مش امتلاك الحب انك تحب العصفور و هوه علي الشجرة انك تحب السمكة و هيه في البحر, انما في ناس مبتعرفش تحب صح بس ده مش معناه انها بتكره اللي بتحبه انما هيه بتحب بطريقة غلط طريقة ممكن تئذي
من الحب ما قتل

كرانيش said...

فى نوع من انواع الحب بيبقى الشرط الاساسى للمحب هو الامتلاك ومش عارفه انا شايفه انه مش عيب للدرجه القاتله دى
بس الراجل معزور يا كلبوزه

che husam said...

معادله صعبه فعلاً بيحبك ومبيشوفش الدنيا إلا من خلالك لكن فى الوقت نفسه عايز يمتلكك
تعرفى يا أستاذه كلبوزه
كلنا كده
رجاله وستات
بس تعرفى المعادله الأصعب إيه
إن يكون الأخر عايزك تشوفى الدنيا من خلاله يعنى تكونى إنتى العميانه وكمان يمتلكك وأكيد هيمتلكك
بس اليومين دول إنتى شغاله على التحليل النفسى بس شئ كويس محاولة فهم الإنسان

tota said...

كلبوظة الجميلة

الدخول الى نفسك والخروج بهذه الكلمات نقلة جديدة اظهرت جانب لم يكن معروفا فيك
فخلف السخرية تكمن انسانة تحلل وتستوعب وتقرر ولكن غالبا تضع قناع السخرية لتخفى الحقيقة الانسانية

من الحب انواع كثيرة منها هذا النوع من الامتزاج وتعايش الحياه بفكر ورؤية من يحب
هو محموم بحب من نوع قاسى قد يبدو مرضى طالما تخطى الفكر المتعارف عليه للحب

وبعد تحررك منه يمكنك رؤية الصورة الحقيقة
لكن بعد انخلاعه عنك ما زال عاجزا عن الرؤية ولهذا يظل يحاول ويظل نادم لكن يبقى مريضا يبحث عن جسد اخر يمتلكه يماثلك او يشبهك او ما يعوض عنك ولا ينسى غضبه عليك لوحدته وخوائه

جميلة الفكرة والاجمل التعبير السهل
تحياتى

كراكيب نـهـى مـحمود said...

حد زي اللي بتتكلمي عنه في البةست ده لو سالتيه اسئلتك دي هيجاوب عليكي ويقولك ليه بتسالي اسئلة انتي عارفه اجابتها كويس
او يقولك هوه انا لازم اجاوب على كل سؤال تساليه
تحياتي للبوست الناعم الجميل ده وليكي

صفصف لادي said...

هو بيدور عليكي عشان اللي يعرفك ميقدرش يفارقك يا جميل

معلش فيه ناس كده تتمسكن لغاية ما تتمكن و بعد كده تخنق

لكن ايه العبقرية دي
ايه البلاغة دي

مش عارفى اقلك ايه
الفكرة
الاسلوب
السرد
كله رائع

تحياتي

Taher said...

فكرتها ممتازة

وواقعية لانه بعد ما شاف الدنيا بعنيها صعب انه كان يشوفها بعين حد تانى

بالضافة انه فكر عطفها عليه رضوخ وحب فده اللى دفعه للاعتقاد بانه يمتلكها ودى انا نية منه

المهم انها فى الاخر سابته وجريت

karakib said...

لأنه حبك ... اكيد حبك و حبك بجد .. صعب حد يشوف النور .. و ما يعشقوش ... الامتلاك جزء من الحب .. لا تفزعي منه فقد عين نفسه قاضيا لأنه كالوحش المجروح لا يعرف ماذا يفعل بدونك كثيرون هم بصيرون لكن عميان لا تقلقي فلم تتركيه فالظلام فقد اصبح له عيون و لكنها تتألم بسبب سنين الاظلام التي اعتاد عليها .. الضوء يحرق العيون قليلا في اوله

hebaz said...

كلبوزة أنا مكنتش عارفة أنك كاتبة شاطرة كدة! أنا كانت بتعجبنى سخريتك و كدة لكن بقالك مرتين بتكتبى و تلعبى على أوتار القلوب و بجد الكلام بيمس القلب جداً حكاية فلان القـــــــــرد و دلوقتى الضرير!
كلها جاية من تفاصيل بتحصل فى حياتنا اليومية لكن للأسف ما بناخدش بالنا منها إلا لو حصلت صدمة أو مصيبة !
بالنسبة للضرير حقولك إنما لا تعمى الأبصار و لكن تعمى القلوب التى فى الصدور , ربنا يحفظنا.
بس عارفة حكايتك وضحت أوى فكرة حب الأمتلاك عارفة و كمان فكرتنى بتعبير أنجليزى كدة "taking someone for granted " كأن الأودامك أشتراكى و لا فى دماغة أنك ملك لنفسك و ملك للخلقك!!! بجد دى أوحش حاجه و عارفة المصيبة أن ألى بييعمل كده مبيبقاش فاهم أن الى بيحبس عصفور فى قفص بيقتل فيه طبيعتة اله هيه الطيران و كمان بينسيه الإعتماد على نفسة و السعى لطلب الرزق و كمان بيجبله أكتئاب يعنىمش حيغرد لما يعوز زى الأول و هوه حر طليق! يعنى من الأخر بيقتله ببطء و بيجرده من كل حاجه حلوة خلتنا نحبة و نوصفة بيها يعنى مبقاش عصفور......مش عارفة أنا كلامى مفهوم و لا لأ بس من الأخر الحب الحقيقى اذا حبينا حد نحبة زى ما هوه لأن ده هوه الى مديله كيانه مش كل تفكيرنا يبقى منصب على أمتلاكه و العمل على تغيره!!!
معلش طولت!

مُزمُز said...

جميل جدا

الفكرة جديدة كل الجدة

وبديع هو تعبيرك عن ما قصدت بأنه كان يدعي العمى ثم اكتشفت العكس

افتكاسة جيدة جدا

وأسلوبك كان رائع وسلس يجذبك بسهولة للحدث

تحياتي

maged stephen said...

يا كلبوزة
لو عاوزة تعرفى بجد هو ليه بيدور عليك يا جميل؟ هأقولك أنا سبق وقلت فى أكثر من مؤتمر صحفى فى بلاد السند والهند لأ مش هند رستم ركزى معايا وبلاد تركب الكتاكيت ولا تخاف من العفاريت جايلك فى الكلام أقولى تعالى

قلت
الحب هو قمة المقدرة على الضعف تجاه الاخر


ويسلام لو حب من طرف واحد يفضل يغنيلك
ياللى أديت لحياتى فى حبك طعم وريحة
مش هأتنازل عنك دأنا تلقيحة

tota said...

الاعزاء جميعا

هذه رسالة منقولة عن العزيزة كلبوظة حرفيا


عندي مشكلة في البلوجر سين ان مش عارفة اسيب كومنت في مدونتي ولا في اي مدونة
ارجوكي تدخلي بدالي البوست بتاعي و تقولي للناس اللي معلقين عندي اني بعتذر لهم لعدم تمكني من دخول البوست و الرد على تعليقاتهم


رسالة كلبوظة ان دلت على شىء تدل على كم هى محبة للتدوبن وكم هى حريصة على علاقة جميلة ودودة مع المدونين

تحياتى

عبدالله مفتاح said...

فكرتيني مرة واحد كفيف في الكليه قالي وصلني للقبه
وصلته للقبه فحكالي ان لما قبض مرتبه اداله عشرة جنيه شبه الميه وطلعها ليا
كانت عشرة جنيه جديده افتكرتها لاول وهله 100 جنيه وقلتله دي ميه
ضحك وقالي لا دي 10
منهم لله
اتاثرت اوي
ومش هنسى شكله وهو متاثر بانه معرفش انها 10 مش 100 الا لما روح
يا ترى مين اللي ضحك عليه اللي قبضه ولا اللي في البيت
ولا حد تالت؟؟؟
يا ترى مين الظالم

love4u said...

مممممممممممم

كتييير بتخددع فى الناس
كتيير بيجرحنا اقرب ناس
و نرجع و ننسى
و نهرب من الحقيقه
و نبتدى من تانى نفس القصه

اسهل حاجه انك تلغى شخص من حياتك
بس اكيد اثر فى حياتك

و ملاحظه رغم ان احنا بنقرا مواقف و بنتاثر من الى بنقره
لكن ممكن نقع فى نفس المواقف ديه و مش بنحس
و دا يورينا اد ايه النفس البشريه معقده

كراكيب نـهـى مـحمود said...

انتبااااااااااااااااااه
الاخت كلبوزة بتشكر كل الناس اللي علقت عندها
وبتعتذر لعدم قدرتها على الرد لمشكله في البلوج هتتعالج قريبا جدا تحياتها ليكم
كراكيب

sherif gharib said...

يااااه
ايه العقده النفسيه اللى عنده ديه
ازاى ممكن يوصل انسان فى حبه للامتلاك للدرجه ديه
نصيحتى
من يحب الامتلاك الى هذه الدرجه المرعبه لا يستطيع احد ان يرضى ما بداخله من نشوه هذا الحساس و لاطلما سيظل يبحث عنها
و انتى ايه اللى يجبرك على كده
تحياتى على هذا الموضوع الغريب

elgharep said...

قصوصة جميلة ومبتكرة
ياترى فى حد عاطفى للدرجة دى فى وقتنا هذا
الغريب

nor said...

تعرفي فعلا انا عاوز أفهم بعض اللي حوالي انه في فرق بين الصداقة فعلا والامتلاك لأن الأخير شعور سيء لأبعد الحدود
هو للأسف تعبير عن أنانية مقنعه في إطار الحب
هو شخص بيهتم بنفسه وخايف عليها اكتر من اللي بيحبه

وأفضل حل ليهم انك تجيبيها تدريجي
لأن الناس دي نتأمنيش أبداً ردة فعلها..
بيكونوا وحشين قوي لما يزعلوا لما تصديهم و تحاولي تبيني اني ليكي شخصية مستقله
احذري منهم بيكونوا أخطر من أعدائك

tamer said...

عارفة دة نوع من انواع الاستغلال المجودة كتير اليومين دول

المهم ان الواحد يكشف المستغل ولايعيش فى وهم على طول

تحياتى

elkamhawi said...

جميل قوى البوست ده ..بس صعب قوى تلاقى حد زى ده اليومين دول

متغيرة شوية said...

الكفيف الحقيقي الدنيا علمته يبطل يسأل..
عرف طريقه خلاص، مبقتش تهمه الألوان أو الأسئلة الوجودية، لأن معندوش الترف ده
لكن الأعمى اللي بتكلمي عنه هو أعمى أكتر من أي واحد مبيشوفش..بيسأل عن الحياة بدال ما يعيشها..

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر