حاجة تخنق مفيش حاجة تمشي في البلد من غير ما ترش أو بمعني تاني تهرش أو تقب
و الواحد من دول يبقي زي الحيطة و يقولك: عرقي يا بيه
او حسنتي يا هانم
و بقت الرشوة لها الف اسم
سبوبة
الابيج
حاجة سقعة
تفتيح مخ
كل سنة و انت طيب
المهم انك لو تربست و قلت مش دافع يبقي نهارك مش فايت
حاجتك تتعطل و يمكن تتوقف خالص
و الموضوع ده في كل حاجة بداية من التقديم للمدارس مرورا بالتقديم في النوادي و حتي حجز مصيف أو حتي شمسية علي البحر
لازم ترش
و المشكلة إن الواحد اتهري هرش و رش وتفتيح مخ
مش عارفين نلاقيها من غلو الاسعار و لا من الرشوة المتفشية في كل قطاعات البلد
و مش بعيد تدخل اي مصلحة حكومية تلاقي يافطة مكتوب عليها
أبجـــــــــــــــــني تجـــــــــــــــــدني
و طبعا متعلقة جنب صورة اسمه ايه ده
يلا حصل خير
كباية شاي لكل بلوجراوي يشرفنا
ضع تعليقا او نص رغيفا او أهرش
هههههههههههههههههههههههه
16 comments:
looool ...wlahy na2es lma tegy tslmy 3la 7ad ye2olek (bekam??) ... 3adet entshar elharsh ketret 2wy fel bld ... ya3ni dlwa2ty fel 2ahwa el3zema elly baro7-ha ( elsallam International cafe) beya5do elteps egbary .. inshallah rob3 geneh ... bas lazem le kol elstuff bta3ha ...loool ... aw min. le kol elnas elly 3mletlak 7aga ... w lw m3mltesh keda ..elmarah elly gayah bytl3o 3eeny 3shan yegeboly 7aga ...... yeb2a aeh el 7al?? aseeb el2ahwa ??? wla aseeb elbld??
انتي لو استنيتي علشان حاجه تخلص من غير ماتدفعي يبقي ان شاء الله مفيش اي حاجه هتخلص
الشعار اليومين دول ادفع اكتر تخلص بسرعه
revolution is the answer, since there is injustice and corruption, there is no need for internal fix, cuz it is no use.
There is much money in the country, but sick distribution.
الكلام ده سمعته كتير وقريته كتير ومش جديد
بس فعلا الحتة المبدعة اللي مالهاش حل اليافطة اللي هاتتعلق جنب صورة اسمه ايه ده
جبتي المفيد
----------------
أنا حطيت تعليق ومستنية كباية الشاي
معلقة سكر واحدة لو سمحتي
كلمة
بلاش تروح القهوة دي و كل ما تعوز تشرب شاي ابقي تعالي عندنا
-----------------------
محمد مفيد
عندك حق فعلا
-----------------------
IRC President
صحيح فعلا البلد مليانة فلوس بس منهوبة
-----------------------
شغف
أنا عارفة اننا حنصيف كلنا في امن الدولة السنة دي
من عنيا يا ستي ملعقة سكر واحدة و حته جاتوه كمان
______________________
شرفتونا يا جماعة يا رب يكون الشاي عجبكم
أهرشوا بقي:)
كلابيظو انت مش عاجبك الدغع بالرشوة او السشبوبة او خلاغة اهي ارحم لك من انك تطبقى المثل الفائل ( يا مستنية السمنة من ورك النملة عمرك يا حزينة لا انت طابخة ولا انت عاملة ) لذا وجب الدفع ولك تحياتي وفيني كباية الشيح وتكون شلي حغيغي سكر زيادة
واحد شيح لعمنا من زمااااااان و صلحه
بس اشمعنا شيح؟ هاهاها
يا مستنية السمنة من بطن النملة عمرك ما حتقللي
لأ و أنت الصادق
إيش يأخد الريح من البلاط
و احنا حنلاحق علي الرشاوي منين قال أتلم تنتون علي تنتن الاولاني نتن و التاني انتن
شرفتنا يا فندم
يا رب الشيح يكون عجبك
;)
اغرب موقف تعرضت له بعد أن سددت مخالفة فورية في استسلام ووداعة بسبب استعمال الموبيل أثناء القيادة ، فوجئت بالأمين يريد أن يضع المبلغ في جيبه ولا يعطيني إيصال ، ولكنني رفضت وقمت بمساومته على مبلغ الرشوة
تخيلي ، أنا نفس مش مصدق
على فكرة أنا باشرب الشاي بالنعناع
film69
خد من ده كتير يا فندم أنا اللي صعبان عليا أولاد الناس المرتشية دي مساكين بيأكلوا من حرام
أعلان الوظيفة مفروض يكون
مرتب 100 جنية و رشاوي 500
و انت و تفتيح مخك
احلي كباية شاي بنعناع أخضر
و محدش يضرب نار العروسة حامل
تحياتي
سكري خفيف
ماشربش الشاي
اشرب قهوةسادة
بلوج خفيف
كلام مظبوط
دم
مافيش
مافييش
احين من كده
ولنا عودة
كرسييي ياد يا ليفة
قصدي مافيش احسن من كده
يمكن حظي بقي بس انا لسة مخلصة ورق حكومة الحياة مش كئيبة قوي كدة واحد بس كان عاوز رشوة وبمنتهي البرود تعاملت معاة لحد مازهق وماخدش مني حاجة معاكي ان كل واحد بيحاول يطلّع اللي يقدر علية بس لما بتربس بيرجعوا ف كلامهم ومش بياخدوا حاجة
كل سنة و انتى طيبة
معلش مافيش مياه ساخنة اجيب لك حاجة ساقعة او عصير و تدفعى الفرق
my blog is islamventura.blogspot.com
والله كلامك صح
انا مش عايشه في مصر
واختي جت هنا علشان الجامعه المهم في اي مكان واي حته الاقيها تقول لي اديله كذا اقول لها ليه تقولي هو كدا احنا في مصر
وويبقى انت اكيد اكيد في مصر
وميرسي ياريت حاجه ساقعه
فى احدى كليات القاع (عكس كليات القمة )المعيد فى الدرس الخصوصى لا يبدا الحصة الا بعد ان يبدا بهذه الجملة الماثورة ( ابجنى تجدنى ) مع الايهام بان من يابجه اولا باول سوف يحصل على العديد من اسئلة الامتحان و سوف يختصهم بحصة فى الاخر ليعطيهم البهاريز و كثيرون من كانوا يابجونه بزيادة عشان ينوبهم من الحب جانب و طبعا بعد ما يدخلوا الامتحان و يطلعوا يلاقوا نفسهم زيهم زى اللى ماخدش درس من اصله
Post a Comment